لو عجبك شاب تروحى تتقدميله؟ طب انت ممكن توافق على كده؟؟

السلام عليكم ورحمة الله وبركاته
سيداتى انساتى سادتى
هنتكلم كلام مهم
تابعوا معايا الاول الموقف ده



مشهد في بيت مصري
محسن عائد إلى منزله بعد يوم عامل شاق، يصعد الدرج قفزاً؛ ممنياً نفسه بوجبة ساخنة لذيذة من يد والدته اللي بتهري ودانه دعوات بأن ربنا يرزقه ببنت الحلال.


يدق باب الشقة فتفتح أخته الصغرى الباب، وعلى شفتيها ابتسامة عيالي.. ينظر فيجد غادة زميلته في العمل جالسة في الصالون، وأمامها علبة جاتوه على الترابيزة؛ فيسحبه والده من يده فور دخوله قائلاً بحدة:


- إنت شرّفت يا محسن بيه.. تعالى شوف البلاوي اللي بتتحدف علينا..



محسن:
- خير.. إيه اللي حصل بس يا بابا؟ وإيه اللي جابك هنا يا غادة إنت كمااان؟؟!!


الوالد:
- خلاااااص دي القيامة قامت يا ولاد.. بنات آخر زمن.. بنات وشها مكشوف. شوف يا أستاذ.. الهانم المحترمة بنت الأصول قال إيه جاية تطلب إيدك مني!!!


يقلب محسن نظره بين غادة ووالده وعلبة الجاتوه ويظل واقفاً دون حراك!!







تخيّل إن إنت محسن، قبل ما نقول لك مبروك يا أبو المحاسن عايزين نعرف رأيك.. فرحت عشان غادة اختارتك إنت من بين كل الشباب اللي تعرفهم، ولّا انفعلت عليها زي بابا ما عمل؟



وتخيّلي إن إنتي غادة، قبل ما نقول لك يا زين ما اختارتي, عايزين نعرف رأيك.. فكرتي كويس قبل ما تتقدّمي لمحسن؟ ويا ترى ناوية تجيبي بابا وماما إمتى؟!


الموضوع مش منصبّ بالأساس على فكرة إن البنت تتقدّم للولد فعلا؛ لأن دي مرحلة بعيدة عن عاداتنا وتقاليد مجتمعنا وان كان المثل بيقول اخطب لبنتك ولا تخطبش لابنك وفيه حالات موجودة بالفعل على ده بس الاهل اللى بيخطبوا مش البنت نفسها ، لكن فكرة إن البنت هي اللي تبادر بالتعبير عن مشاعرها تجاه الولد اللي هي شايفاه مناسب.. ايه رايكم فيها ؟؟؟


مستنية اسمع ارائكم

منقول

لا يصح الا الصحيح

من كلامك كده قصدك برضه ان بعد الجواز محسن يحمل ويولد ويراضع ؟؟؟!!!!!

وام محسن هتجهز محسن بنجف وصالون وقمصان نوم ؟؟؟!!!!!!!

لو محسن وافق ع كده برضه جري ع المركز القومي النموذجي (بدل تالف) ويغير نوعه ف البطاقه وياخد بطاقة جوزه ويغير نوعها

شكرا ع الموضوع يا حافظة القرآن

والله لو هى بنت محترمه وانا عارفها كويسها انا اتبسط منها جدا لانها فكرت فى الصح وعلشان حبها يبقى فى النور انا اعرف واحده راحت لواحد وعرفته بنفسها لانها كانت منتقبه وقالته انها عايزه يتجوزها وفعلا حصل والله اكبر عليهم دلوقتى وربنا يخليهم لبعض

لا انا مش مع البنت الي تعمل كدا

انا احترم وجهة نظرك طبعا يا دكتور بس لازم تلاحظ ان الزمن دلوقتى اتغير ولازم زى ما الرجل يدور على الانسانه الصالحه الست كمان محقها ده واكيد انت عارف شباب اليومين دول وازمت الجواز فى البلد

شكرا ليكم جميعا

شكرا عمر وسكوربيون على الرد

طب واحدة محترمة و كل حاجه و كمان مش بتكلم ولاد
لفت نظرها شاب محترم كمان و مش بيكلم بنات الا فى حدود طبعا
و شايفاه فتى احلامها اللى بتستناه
مش عشان امور و طعم
و لكن عشان ظروفه الاجتماعية و المادية و الفكرية
ايه المشكله لما تروح تقوله انا شايفة ان ظروفى متوافقة مع ظروفك و حابة نتقرب من بعض
و بدل ما تديله رقمها و لا هو يحدفلها ورقة برقمه
تديله رقم باباها
و بعديها يتم المراد و يعيشوا فى سلام

الزمن اتغير زيى ما بتقولوا
و فى ازمة فى الزواج (دلوقتى العرسان بتشترط ان العروسة تكون بتشتغل فى وظيفة ثابته يعنى الدنيا اتشقلب حالها و عليه العوض فى الـــــــــ )
و شعار انتهاز الفرص مرفوع فى كل حاجة دلوقتى

سورى للاطاله

والله الموضوع ده جامد وقضيه جيدة تسلمى يا حافظه
وياريت تكون فى أفكار تانيه
ومحدش بيتعلم بالساهل

طبعا لا
ممكن تصارحه بحبها لكن تتقدم ليه
ليه الرجاله خلصت
شكرا على الموضوع