فيه أيه يوم 25؟

حد يقولي دوري هيبقى أيه يوم 25 غير عيد الشرطة لأني مش فاهم حاجـــة !

والله انا زيى زيك يا عمر بس سامع كده ان فى تربيطات جامده من الاحزاب والاخوان المسلمين
ايه بقى اللى هيحصل...الله اعلم!

فيه أيه . أنا كمان مش عارفة
الله أعلم

تحضير لعصيان مدنى ومظاهرات عامه

احتمال؟؟

جأتكم من سبأ بنبأ يقين :

https://www.facebook.com/event.php?eid=115372325200575&index=1

يوم 25 يناير ده أقوى حاجة فيه إن السبب في نشره والتحضير ليه والإعلان عنه هو كل واحد فينا مش حد مين ومش جماعة أو حركة أو حزب .. كلنا هننزل كمصريين بغض النظر عن أي اختلافات دينية أو تعليمية أو اجتماعية بيننا لأن كلنا عندنا مشاكل ونفسنا بلدنا تتصلح.

دلوقتي أنا نفسي الناس تكون إيجابية وفيه رسائل بتوصلني من ناس بتقول: نعمل إيه يا أدمن نساعد إزاي .. فقررت أطرح بعض الأفكار إزاي الناس تساعد في نشر فكرة يوم 25 من النهاردة ويا ريت كلنا نقرا الأفكار دي ونعمل اللي نقدر عليه منها ونعمل كلنا بلا أي استثناء لايك وشير للنوت دي:

[1]

نشر الدعوة الخاصة بالإيفنت على الفيس بوك

عنوان الإيفنت: http://bit.ly/Thawra

طريقة نشر الدعوة متوضحة في الصورة دي: http://on.fb.me/gwd0eN

[2]

نشر صفحة كلنا خالد سعيد بين المصريين كلهم عشان نقدر نتابع مع بعض اللي بيحصل

عنوان الصفحة: https://facebook.com/elshaheeed

طريقة نشر الدعوة متوضحة في الصورة دي: http://on.fb.me/hRbtRj

[3]

المشاركة في حملة مليون رسالة قصيرة عن طريق الموبايل

تفاصيل الحملة والرسائل المقترحة هنا: http://on.fb.me/hcs25J

[4]

تغيير صورة البروفايل بتاعتك لصورة أنا نازل يوم 25 يناير

مكان الصورة على الفيس بوك: http://on.fb.me/dVmvIh

[5]

طباعة الورقة اللي بتدعو المصريين كلهم للمشاركة وتعليقها في الجوامع والمدارس والجامعات والبيوت

الصورة بجودة عالية: http://bit.ly/Mataleb

[6]

عمل شير ولايك لأي فيديوهات أو صور بتنزل على الصفحة لتحميس الناس لأن ده بيخلي شريحة الناس اللي بتشوف الفيديوهات والصور دي أكتر بكتير حتى اللي مش مشتركين في الصفحة وده معناه إن صوتنا يكون أعلى.

[7]

الاتصال بخمسة من الأصدقاء على الأقل وتحميسهم للمشاركة وللنزول والإيجابية

[8]

التواصل مع وسائل الإعلام أو الشخصيات المعروفة لمساندة فكرة اليوم ونشره بين الناس

ممكن يوم 25 ده بداية لمصر وتحويلها من مقهورة لمنصورة ورايتها مرفوعة
او
كما عودتنا حكومة بلدنا تسيبنا نخرج كل طاقتنا ونعمل اللى عايزينه
ثم يعود الوضع كما كان وكأن لم يكن شىء
فيه أيه يوم 25؟ 632484