23 يوليو كان انقلاباً عسكرياً..25 يناير ثورة الشعب

لم أكن أصدق أنها ستحدث ..بهذه الكثافة ..بهذه المشاعر ..بهذه الشجاعة , ومن كل الناس
ترددت كثيراً وأخذت أراقب عن بعد حتى جاء يوم الخامس والعشرين (فيه واحد ابن كلب صوته جايف قاعد يغني دلوقت بلادي بلادي ولامم عيال حواليه بيأيدوا مبارك) ..المهم حتى جاء يوم الخامس والعشرين جمعة الغضب . احترت بين مسجدين الجامع الجديد وجامع الرحمن إلى أيهما سأذهب , ذهبت إلى الرحمن وعلمت بعدها أن الجامع الجديد كان كل من يخرجوا يتم تفريقهم بالقوة وإبعادهم عن المسجد ..أما المشهد في جامع الرحمن فقد وقفنا جميعاً بعد صلاة الجمعة ننظر إلى بعضنا البعض حوالي عشرة دقائق في استغراب ...ماذا بعد , حتى بدأت الأيدي ترتفع وتشاور وتصيح "يلا يلا- من هنا" وبدأت الشرارة الأولى وبدأت المسيرة وبدأت الهتافات لأول مرة بهذه القوة في دمياط التي زاد افتخاري بها " الشعب يريد اسقاط النظام" "يسقط يسقط حسني مبارك" "تغيير حرية عدالة اجتماعية" "يا مبارك قول لأبوك الدمايطة بيكرهوك" " يا جمال قول لأبنك لما تشوف حلمة ودنك" ..استمرت الهتافات والمسيرات ونحن نسير في الميدان ويتجمع الناس وينضموا إلينا على صيحات "يا أهالينا يا أهلينا ضموا علينا ضموا علينا" ذهبنا بعدها إلى المحافظة عن طريق كورنيش النيل ومنه إلى المحافظة كل هذا والأمن تقريباً في حالة ذهول وتشتت لا يعرف من أين بدأت وكيف أتت كل هذه الحشود بعدها توجهنا جميعاً إلى مبنى الحزب الوثني الديموقراطي والذي تم تدميره بالحجارة وبأيدي من صعدوا إليه وكأنه يوم رمي الجمرات على رمز من رموز الشيطان ..وهنا تدخل الأمن غازات مسيلة للدموع كانت المرة الأولى التي اشتم فيها هذه الغازات القذرة , والتي علمت يومها أن أحد الأشياء الفعالة لتجنبها غسيل الوجه بمياه غازية أو خل أو اشتمام بصل ..لكن كل هذا لم يكن متوافر وقتها لم يكن متوافر سوى ماء النيل ليمنع عني تأثير هذه القنابل . وللمفارقة ظهرت شخصية جديدة لم أعهدها في المصري ولا الدمياطي ..ثبات أمام قوات الأمن المركزي والشرطة والغازات المسيلة للدموع ..استمر المشهد والكر والفر لساعات حتى بعدما نزلت في ميدان سرور الساعة العاشرة مساءً كان هناك أعمال شغب لم تطل المحلات الخاصة ولكن حاول أن تنال من كل ما هو عام (خطـــأ ..لكنه تعبير عن الغليان) وانهالت الغازات مرات ومرات ومرات ويبدو أن تأثيرها خف . حتى انني استطعت الاحتفاظ بأحدى عبواتها . أما الجديد في مساء هذا اليوم فهو استخدام الرصاص المطاطي ..وتستمر المظاهرات التي بدأها شباب 6 أبريل الذين حطموا أحمق كلمة يقولها كل جيل للجيل الذي يسبقه "أنتوا رجالة انتوا دا أحنا أيامنا كنا وكنا إنما شباب اليومين دول" أثبت شباب هذا الجيل من بدأ ومن شارك ومن أكمل أننا فوق أي جيل وبكل فخر ..أننا رجال بالفعل نعرف ما يحدث وكيف نتصرف وكيف نقاتل للحصول على حقوقنا ..استمرت المسيرات من كل مكان والضغط على رجال الشرطة من كل مكان حتى جائت الأوامر بانسحاب الشرطة ودخول الجيش ..وانتقم الناس في كل انحاء الجمهورية من رمز التعذيب والفساد والغرور أقسام الشرطة في كل مكان تم حرقها بل وذبح بعض عناصرها من المخبريين السريين والظباط الفاسدين في عدة محافظات ..جاء الجيش واكد التحامه مع الشعب , لم يطلق ظابط واحد رصاصة في صدر أخيه كما فعل جهاز الشرطة الفاسد حتى النخاع وقتل أكثر من 300 شهيد وجرح ألافاً مؤلفة . استمرت المظاهرات واستمرت وجاء البيان تلو البيان وإن لم تكن جميع المطالب قد تحققت فيكفي أن هذا الشعب أركع هذا النظام , بأيدينا نحن بأيدي شبابه ..وننتظر كلنا الجمعة القادمة , جمعة الغضب القادمة .

بجد انتوا يا شباب عملتوا عمل كل العالم بيحييكم عليه ورفعتوا راس مصر بجد وانتوا فخر بلدنا ومفيش كلام يقدر يوصف اللي انتوا عملتوه انتوا فعلا ابطال
والشرطة اللي عملته ده مينفعش طبعا وحسبي الله ونعم الوكيل فيهم وربنا هو اللي هينتقملنا منهم
بس خلاص معظم مطالبنا اتحققت وكل اللي عايزينه حصل انا عارفه اننا عايزين نسقط النظام كله بس خلاص احنا قربنا نحقق كده
وبعدين احنا استحملنا مبارك 30 سنة مش قادين نصبر عليه كام شهر علشان ميسبش مصر كده زي م بيقولوا ف فراغ سياسي ويخلينا زي تونس واي حد متسلط زي البرادعي بتاع امريكا ييجي ويستغل الفرصة ولا غيره ويخلي اعدائنا بره ينتهزوا الفرصة دي كده هتبقي مصر خربت
وبعدين مبارك اثبت انه راجل بيحب مصر بجد واحد غيره كان هيهرب زي ما عمل بتاع تونس ويسيب مصر تغرق والله هو كان من حقه يمشي ويسبها بعد الاهانات اللي متصحش في حقه ادام العالم انها تحصلله بس هو قدم مصلحة الوطن علي كرامته اللي اتهانت وصمم انه يوصلها لبر الامان يبقي المفروض اننا نفهم كده ونوقف الاحتجاجات دي لحد ما نشوف هيعمل ايه ف الكام شهر دول وبعدها لو متحققش اللي عايزينه نبقي نثور تاني والله الميادين موجودة يعني مش هتهتب لان مصر كده بجد نظامها ميطمنش والقلق والرعب سايد كل البلاد يبقي لازم نحكم عقلنا شوية ونبطل عناد ونوقف الثورة دي ومنهنش الراجل اللي اثبت انه بجد يستحق كل الشكر والتقدير
والله انا ما كنت بحب الراجل ده وعلطول كنت بتريق عليه وعايزاه يمشي بقي بس صدقوني هنندم وهنقول يا ريتك ترجع تاني يا مبارك دا حمي مصر من الحروب طول عمره صحيح الفساد كان منتشر ف البلد كلها بس دا بسبب فساد اللي حواليه مش فساده هو هو فعلا بطلوراجل علي حق وخلاص هو حقق اللي عايزينه واسقط النظام يبقي نهدي شوية علشان منديش لحد فرصة يشمت فينا ولا يستغل الفرصة

بصي يا سام الموضوع مينفعش فيه خالص العاطفة دلوقت ..ومينفعش نهائي ننسى إن الأكتر من 300 واحد اللي ماتوا والألاف اللي اصيبوا دول كانوا بتعليمات منه وتحت مراقبته لحظة بلحظة حصل دا , أقل حاجة ..أقل حااااجة كان يحاكم حبيب العادلي لو مكانتش دي تعليماته لكن دا محصلش ..أنا مع خروج كريم ليه ممكن لكن دا مش هيحصل , والطكلاب والمأجورين والأمن المركزي والبلطجية اللي خرجهم يطيحوا في الناس يبين أن حسن النية مش متوفر . تمر البلد بمحنة أنا متضرر منها زي غيري مفيش مشكلة المهم نكمل المشوار للأخر ..دا حتى المادة 88 الخاصة بالأشراف القضائي متكلمش عليها ...يعني الأنتخابات الجاية هتتزور للي عايزينه ..دا فجور سياسي .

اسفه يا عمر من كتر حرقه الدم مقدرتش اقرا اكتر من سطرين كده عشان اعرف ابعاد الموضوع المكتوب ولو اني عارفه انه عن الغباء السياسي والاجتماعي والمهازل اللي حصلت.. الواحد معدش عارف يقول ايه ولا يدعي عليهم بايه اكتر من كده ...مخطط ميتقالش عنه غير انه مخطط ميطلعش غير من دماغ صهيونيه فعلا .... فرق تسد.. وللحوار بقيه بس لما الواحد يتمالك اعصابه شويه

اكون كداب لو قلت اني كنت فاهم حاجه , واكون اكثر كدب لو قلت اني لساني مش فاهم

انا كنت شغال في مدينة نصر ويوم الجمعه كنت تعبان فمخرجتش الشغل وكنت نايم لما اتفاجات بواحد داخل يجري ويقوللي انه خارج المظاهره ومن وراه واحد تاني وانا لسه مش فاهم

وكنت انا من وراهم خارج جري من غير ماعرف حاجه لحد لما اتصدمت باللي شوفته

سيارات الامن المركزي وقسم شرطة الزهراء وسيارات ضباط القسم كله والع والدنيا مقلوبه راسا علي عقب

بدات اتساءل في دهشه ... ايه اللي حصل وايه اللي بيحصل ... وكاني كنت عايش في بلد تانيه
اصلي كنت زيي زي شباب تانيه في مصر وف غير مصر منهوك في الشغل ويرجع ينام خاصة اني مش في بلدي
بس اد ايه حسيت بالفخر والاعتزاز بشباب مصر واللي طلعوا بجد رجاله
واحمد ربنا اني لحقت حته من تورته الغضب دي واني شاركت

وف طريق رجوعي المنصوره شوفت منظر تاني في رمسيس وهو كم الدبابات والمدرعات اللي موجودين وكم رجال الجيش , وخطر ع بالي الناس في فلسطين
طيب احنا مصريين ودول الجيش المصري ... لكن دول الفلسطينيين في وسط الجيش الاسرائيلي

مقام في غير المقال ... ام ان المقال هو المقال ؟؟؟!!!...

يا سام هو بيضحك علينا
هو لو بيحب الشعب هل هيبعت البلطجية لضرب مصريين فى ميدان التحرير؟؟؟؟؟؟؟؟؟؟؟؟؟

يسقط الارهابي مبارك كتب:: يا سام هو بيضحك علينا
هو لو بيحب الشعب هل هيبعت البلطجية لضرب مصريين فى ميدان التحرير؟؟؟؟؟؟؟؟؟؟؟؟؟

على فكره اليلطجيه دول اللى انتى بتتكلمى عليهم دول الشعب اللى كان واقف يحمى جاره وبيته واهله مش كل اللى خرج ف المظاهره كان

لابس بدله لا كان ف ناس كتير اوى من عامه الشعب البسيطه وبردوا كان فيهم البلطجى اللى انتى بتقولى عليه دا بس للتوضيح

وبعيد عن العاطفه خالص الاسم اللى انتى كتباه ده مينفعش مش علشان دا رئيس او اى حاجه لا لو بصفه عامه دا ف مقام ابوكى او جدك

وبتهيالى الدين الاسلامى مفهوش كده ؟ انك تهينى رجل كبير حتى لو اختلفتى معاه .هو دا اللى اعرفه عن ديننا الحنيف ورسولنا الكريم

او ممكن اقولهالك بصور تانيه انتى هتفهميها اينيه رئيس جماعتك اللى مش ممكن تكسريله هيبه ولا شخصيه او تهنيه

ماشس هحاول اصدق انه بيضحك علينا طيب بيعمل كده ليه يعني ممكن تفسريلي
خايف يعني من الشعب ليعزله ويولي غيره هو كده كده كان هيتغير ف الانتخابات الجاية
خايف لتطردوه بره مصر وفيها ايه معاه فلوس تعيشه ملك ف اي بلد اجنبي بعيد عن وجع الدماغ بتاع الحكم والشعب
بيهدينا يعني ما احنا لو لقيناه بيكدب اكيد كنا هنثور تاني ثورة اشد اكيد هو كان حاطط في الحسبان كده
غير كده عهو كان ممكن يمشي ويسبنا نخبط دماغنا ف بعض ونتصرف بقي بمعرفتنا وده اكدي كان هيسبب مشاكل زي اللي حصلت ف تونس واكتر لان دي مصر مصر حاجة تانية

ومين قال انه بعت البلطجية بقي البرادعي ولا الاخوان ولا مين بالظبط
اشمعنا صدقتوا اللي قال كده ودي اشاعات طبعا ومصدقتوش الراجل اللي العالم كله بيعمله الف حساب
احنا دايما كده مبنحاولش نفكر شوية ف جوانب الموضوع بنسمع بس لقناة الجزيرة مش صح
مش دي بردوا قناة التخريب اللي بتشعلل الموضوع وعايزة البلد تخرب
بالعكس مبارك ملوش ذنب ف البلطجية دول
ومسيره هيبان هما تبع مين
مبارك مش هيصلح ويفضل ف البلد ويوجع دماغه بمشاكلها الا اذا كان بيحبها بجد وخايف عليها وعلي اولادها

وفعلا اسم حضرتك دا في اهانة كبيرة لشخص ميستاهلش الا كل تقدير واحترام

لم يكن يفعل القرارات القليلة الا بضغط الشعب
اما جيم فاقول له رايك فيما يفعله بلطجية الوطنى فى ضرب متظاهرين يتظاهروا سلميا؟

يسقط الارهابي مبارك كتب:: لم يكن يفعل القرارات القليلة الا بضغط الشعب
اما جيم فاقول له رايك فيما يفعله بلطجية الوطنى فى ضرب متظاهرين يتظاهروا سلميا؟

هو انا بقولك محصلش او مفيش فساد !!!! بيتهيالى انا بتكلم كلام واضح انا ف الفتره الحاليه دلوقتى بعد 25يناير مش قبل لان كل حاجه

اتغيرت بعد كده . المهم دلوقتى الوقت الحالى اللى احنا عاوزين استقرار وانتقال السلطه بطريقه سلميه وبس وكل اللى انتى بتقوليه دا انا مختلفتش عليه بس انا بتكلم ف شعب ممكن يتاخر لمده لا يعلمها الا الله ذى العراق كده هو دا المهم

وكل حد فاسد هيتحاسب بس دا مش وقت حساب دا وقت لم شمل وبعدين الحساب ياااااااااااارب تكونى فهمتى قصدى

لا يكون اسئتقرار الا برحيله ورحيل كل حاشيته

خبر طازة : قيادات أمنية راحت للشباب في ميدان التحرير وقالتلهم اطمنوا لما تخرجوا مش هنتعرضلكوا بعد كدا ومش هنعملكوا ملفات ...نصدق ؟

ههههههههههههههههههههههههههههههههههههههه النظام ليس لهم عهد
انا اقولك حاجة فى انتخابات الرئاسية كان نعمان جمعة رئيس الوفد سابقا وكان مرشح نفسه حصل له ضغوطات انه ينسحب لقينا بعد كده مرمى فى السجون
ايضا ايمن نور واللى حصل
ليس لهم عهد ولا دين يا عمر

» في ذكرى ثورة يوليو , ماذا لو لم تقم الثورة ؟
» كيف ترى مستقبل ثورة 25 يناير ؟
» حملة : معا لتنظيف مصر بعد نجاح ثورة 25 يناير
» الشيخ الشعراوي يتحدث عن ثورة 25 يناير
» ثورة الشعب التونسي