جمعة الخلاص 4 فبراير

انا مقصدش الشباب اللي خرجوا ف الاول طبعا يا نرمين دول خيرة شباب مصر وكلنا بنفتخر بيهم انا اقصد الناس اللي مصممة انها هتتظاهر يعني هتتظاهر ومش هاممهم اللي هيحصل من كده بس

عمر كتب:

اقتباس :

بص يا بومبو .. أنا مبغلطش في اللي اتظاهرو لما قلت عليهم عيال .. لانهم فعلاً عياااااااااال .. يعني ايه واحد عنده 20 سنه و دي الأغلبيه من الناس اللي اتظاهرت لسه متخرجش حتي و بياخد مصروفه من أبوه و أمه و لسه ما مرش بأي حاجه عشان يتشكي و يعيط و يتظاهر .. يعني ايه لما بعض من شويه العيال دي قليله الأدب يمسكو يفط بيشتمو الريس مهما كان فيه .. تحب احط الصوره اللي انتا بعتهالي ؟؟؟!! .. الراجل ده مهوش طاغيه عشان نعمل معاه كده ,, مهوش صدام ,, مهوش بوش ,, مهوش ,, و مهوووووووش ..

نمسك الكلام دا من أول الصورة اللي بعتهالك اللي هي المفروض الاستشهاد الوحيد على ان اللي طلعوا الثورة دي (أيوة الحاجة اللي بالملايين على مستوى جميع المحافظات اسمها ثورة) قلالات الأدب , أي حاجة في الدنيا ليها شذوذ وأي حد ممكن يطلع في النص بطريقة مش مؤدبة لما نتكلم نتكلم على الشكل العام , الشكل العام اللي شفناه كلنا في ميدان التحرير ناس محترمة الشكل العام اللي حضرته امبارح واوله ويوم الجمعة ناس محترمة ورافعة لافتات فيها كلام محترم , الشكل العام أن مش "العيال" بس اللي اتظاهروا رجالة وستات وأطفال وشيوخ خرجوا ودول كانوا اكتر من الشباب لو كنت نزلت امبارح كنت هتشوف دا , لو حولت على اللي بيتلق عليهم مولوتوف وغازات مسيلة للدموع مش عارف جابوها منين دلوقت هتعرف , الشكل العام أن الناس زهقت طهقت وحركهم "العيال" دول ..المعيلة يا سيد مسعد مش بالسن المعيلة بالتصرفات , وإن كانت بإنهم بياخدوا أو مبياخدوش مصروفهم فسيدتك معملتش جرد وشفت مين فيهم بيشتغل ومين لأ ..ولو حصل وكان أغلبهم مبيشتغلش فدا يبقى في حجر بابا مبارك مش يبقى لوم عليهم ..ويبقى ساعتها حقهم يتظاهروا ...هو فعلاً مش صدام ومش بوش ومش شارون بس برضو مهوش آله ومهوش "بابا" ومهوش كبير العيلة ...ومصر مش عزبة علشان يبقى دا كبيرها واللي يعمل كدا في شعبه ويسيب كلابه الشرطة أول مرة والبلطجية والمأجورين تاني مرة عليهم (اللي داقت بيهم الدنيا كلها علشان يروحوا يتظاهروا في التحرير بالمناسبة) يستحق أنه يمشي غير مأسوف عليه .

اقتباس :

يعني ايه معظم اللي قاعدين لو محتاجين زي ما بتقولو .. لسه بياكلو لحد دلوقتي ازاااااااااااااااي من غير شغل بقالهم 8 ايام .. مين الممول .. الناس دي لمؤاخذه بتخش الحمام فين !!!!!!!!! .. دول يا راجل جايبين خيم و بيعملو شاي و كإنهم طالعين رحله ... أنا بقول معظمهم مش كلهم .. في ناس فعلاً محتاجه و طالع تربنتيكهم .. بس مستغلين ..

فيه جوامع بتهيألي ممكن يخشوا فيها الحمام ..فيه بيوتهم يروحوا ويرجعوا منها ..فيه أهالي ميقلش دورهم عنهم كانوا بيجيبوا ليهم أكل وبطاطين لأن القضية واحدة ..فيه ناس كانت طالعة ومعاها أكلها جاهز ..فيه بعبع أسمه الأخوان كان بيشارك ودول مش سهلين ويا رب متمسكليش في حتة أن الأخوان اللي هتعتبرهملي أرهابيين و رجس من عمل الشيطان هما اللي ورا الموضوع دا لأنهم منزلوش إلا في اليوم التالت تقريباً ...كان شباب مصر أتحر ورجالتها ...حتة أنهم طالعين رحلة الواحد المفروض أنه لما ينزل مظاهرة يصوم 7 أيام ومينامش علشان يعجبك ...المفروض يفضل واقف زي البجم ..المفروض أن المحتاج بس هو اللي يتظاهر , هل الناس اللي بيتظاهروا علشان حقي وحقك وإن حتة مخبر ممعهوش إعداداية يشدك من قفاك علشان قانون طواريء حطه بابا حسني دول بيتكلموا في رفاهيات ..أكيد لأ .

اقتباس :

الفراغ السياسي يا معلم هيخليك زي تونس و يمكن لبنان كمان .. في تصارع ع السطله و تقتيل و دبح و عما تختار لك رئيس بقه و تجرب و تثور و الدنيا تتنيل .. طب هتاكل منين .. هنعمل ايه لما المصالح كلها تقف .. ؟؟؟ أنا بشتري كرات الشحن النهارده بـ 15 جنيه .. السجاير الكيلوباترا اللي محشيه شاي دي بقت بـ 7 جنيه .... دي عينه بسيطه للي هيحصل لو مشي دلوقتي.

أظن دا كلام ووصف مش في محله ..لأن شوية العيال هما هما اللي أثبتوا في وقت المحنة ووقت ما النظام أطلق المجرمين من السجون وأطلق كلابه يسرقوا وينهبوا في البلد , أثبتوا قد أيه أحنا شعب متحضر ونقدر نحمي ونحافظ ونخاف على بعض ونساعد بعض ..بينوا إن الحرب الأهلية مبدأتش تحصل غير دلوقت لما بدأ يسرب المرتزقة بتوعه عليهم ..الحرب الأهلية اللي بتتكلم عليها دي عمرها ما هتحصل لو نفذ طلباتنا من غير استخفاف بعقل الناس وعمل حكومة آتلافية انتقالية لكن اللي عنده شهوة السلطة عمره ما هيفكر كدا ..أما كروت الشحن فوصلت ل18 كمان مش 15 , بس دي حاجة مؤقتة ..المطالب كبيرة ومش هتيجي على معلقة دهب هتيجي بشد الحزام شوية , لكن الثورة دايماً يصنعها العظماء وينعم بها ......

اقتباس :

و قلت و هفضل أقول ان العصر ده هو اكتر عصر فيه حريه .. و لو مكنش عندك حريه مكانش زمانك دلوقتي بتعبر عن رأيك و تكتب زي ما تحب .. لولا الحريه اللي الشباب دول فيها مكانوش جمعو بعضهم لميدان التحرير بكل الكم ده .. و تيجو تقولولي مفيش حريه !!!!!!!!!

الحرية اللي بتتكلم عليها دي هي حرية أنك تتكلم وبس أنما تعمل هتتشد من قفاك ...ميدان التحرير اللي بتتكلم عليه دا أنا كنت فيه يوم 26 بعد الثورة بيوم ..كان ميدان أشباح , كل اللي فيه أمن مركزي وشرطة ومخبرين , دي الحرية اللي بتتكلم عنها ..كان مئات معتقلين ..حرية أيه اللي قفلت الدستور ومنعت عمرو أديب وهددت كل برامج التوك شو وطردت فهمي هويدي من الأهرام , وأخيراً قفلت الجزيرة ..الحرية دي ديكور يضحك بيه على الناس برا ويخدر الناس اللي عايزة تصوت جوا , لكن لما انقلب الكلام فعل طلع الوش الحقيقي ...وتحيا الحرية .

بجد اكتر واحد اساء لشكل النظام فمصرهو احمد عز وغلطتة انه تغاضى عنه لفترة طويلة لا فترة تقيلة على قلب كل مصرى


اما للموضوع راى سكوربون وزملكاوى وذا جيم وبارون

انا بنضم ليهم مفيش كلام ازود عليهم

ومحترمة جدا الاراء الاخرى بس كل الى بتمناه مننا كلنا شويه هدوء وتفكير بلاش عصبيتنا دلوقتى تجرفنا لاشياء هنندم عليها

اقتباس :

مبارك يقتل تلتمية .. مينزلش عليهم دمعة...

ويعيطو بالدموع عشان خطاب اتكتب بطريقة حلوة وألقاه الرئيس بطريقة مؤثرة بعد مونتاج وكلاكيت سادس وسابع مرة مهو خطاب مسجل بقى .. طب معلش ياريس اضغط على حروف الكلمة دى وانت بتقولها عشان تأثر فى الناس

طب نعمل محاولة تانية ياريس عشان بس الناس تتعاطف معاك

..طب نعدل الجملة دى يمكن نضحك على الناس ونخليها تعيط

وضحكو عليكو فعلا ....

صابرين طلعت تعيط وتقول عيب اللي بيحصل وقالت ده ابونا بقولها اسفة الرئيس مارك مش ابويا هو كان في غفلة زي اللي بني مدرسة وبقي مديرها وعين اساتذة وسابهم وقعد في مكتبة لا قام يشوف طالب ولا مدرس ولا ناظر لحد ما حصل انقلابفالمدرسة والاهالي جت تشتكي المدير قال ليه كل كده علشان المدرسين بيبهدلوا الطلبة ومش بيفهموهم هو عمل كده بالظبط محاولش يشوف الناس عايززة ايه وللمرة التانية احنا ناس رخيصة وكرامتنا قليلة عند الرئيس لانه اتاخر علينا في قراراته في المرتين ليه كل ده لو كان طلع من اول يوم كان المولد اتفض انما ازاي!! لازم يتذلوا حبة وبعدين الشعب زعل وعيط لما الرئيس حفيده توفي انما هو معيطش ولا صرف تعويضات لضحايا العبارة حتي المسؤل اتحكم عليه 7 سنوات وهرب ولا حاكمة ولا نيلة والشعب مات منه 300 واتجرح 1000 واكتر ده غير الناس اللي اتسرقت واتنهبت بسبب الاهمال واتفتحتلهم السجون وهو برده متحركش ليه دايما الشعب اللي غلط ونكار للجميل ليه كل ده يحصل وفي الاخر اللي واقف في المظاهرة ده همجي وكلب وحقير دلوقتي بقينا كده ؟؟ الله يرحم كل واحد فينا زمان ياسلام لو نعمل مظاهرة والرئيس يمشي ولو كذا ولو كذا بجد حسبي الله ونعم الوكيل في كل واحد بيحاول يخرب او مش يجيب حقه الساكت عن الحق شيطان اخرس

خلاص يارجاله الراجل خارجه منها بعد 7 شهور
دا ربنا بيقبل التوبه
الراجل قال هيصلح على الأقل ننتظر هيعمل إيه ولو معملش سيلقى في مزابل التاريخ

Scorpion كتب:

محمدسميرهجام كتب:

واضح

ان الناس معندهاش فكرة

لما بن اليعازر ردا على عدم ترشح مبارك لفترة رئاسية قادمية يقول بالحرف

- دولة اسرائيل ستفتقد الصديق الاكبر لتل ابيب

تصريح زي ده لما يطلع تفتكر من وراه ايه لو حسني مبارك صديق و عميل لإسرائيل؟!!! مهو لو عميل هيدارو عليه لحد الآخر .. انما احنا نسمع التصريح من هنا إييييييييييييه هوووووووووب ازااااي لااااااا الدنيا تقوم و متقعدش و منفكرش ...


وتلاقى ناس متعلمة تعليم عالى بتقول ان قطر عاملة علينا مؤامرة وحماس والناس ليهم أجندات اجنبية

تفسر بإيه ان الجزيره شعارها الرأي و الرأي الآخر و كانت بتنقل الآراء المضاده بس و بتهول في الأرقام و تقولك ثوره مليونيه و كل اللي عاملينها ميجوش 600 ألف ع بعض .. ده يا راجل لما جه خبر ع الجزيره و قال 70 ألف متجمعين عند ميدان الساعه قلت لازم انزل اتفرج .. روحت جري بالعربيه و كل اللي لقيته 70 واحد بيعملو ايه؟؟ بيتصورو مع الجنود ع الدبابات .. المظاهرات كانت في الشهابيه و كانت أقل من ألف بكتير


يعنى الراجل بتاع اسرائيل بيقول علنى ان مبارك اكبر عميل فى المنطقة لاسرائيل

ودول يقولولك ان هو رمز الامن والسلام والاستقرار والعدالة وهو اللى حامينا من التدخل الاجنبى

هو فعلا حامينا من التدخل الاجنبى .. وفاتحها ع البحرى للتدخل الاسرائيلى


أدله حضرتك فين غير قضيه الغاز اللي أنا ضدها يا فندم؟؟؟!

؟؟؟؟

واضح ان القنوات الحكومية عملت شغل عالى اوى اوى

آه عملت شغل جامد جداً طبعاً .. بس ع الجانب الآخر الجزيره و العربيه و الـ CNN عملو شغل أجمد و أجمد ...


نفس التجييش بتاع ماتش الجزاير بيتكرر ومحدش بيتعلم ابدا

ماتش!!! دي ثوره يا معلم .. مش ماتش .. مفيش مقارنه ع ما أظن يعني ..


اتكلم مع مين اصلا

اتكلم مع اللي يقولك آه صح و بس طبعاً و بلاش رأي تاني حط في بالك انك عايش في البلد دي لوحدك و طظ في الباقي اللي بيقول لأ


ولا اقول ايه

مبارك يقتل تلتمية .. مينزلش عليهم دمعة...

الداخليه هي اللي تتحمل المسؤوليه أولاً و أخيراً و أكيد هيتحاسبوا و إحنا لازم نضمن كده ..


ويعيطو بالدموع عشان خطاب اتكتب بطريقة حلوة وألقاه الرئيس بطريقة مؤثرة بعد مونتاج وكلاكيت سادس وسابع مرة مهو خطاب مسجل بقى .. طب معلش ياريس اضغط على حروف الكلمة دى وانت بتقولها عشان تأثر فى الناس

أها .. أصله هو المسلسل العربي .. ده خطاب رئيس و كلام سياسي بحت مستوي فهمه فوق مستوي تفكيرك و تفكيري ..


طب نعمل محاولة تانية ياريس عشان بس الناس تتعاطف معاك


..طب نعدل الجملة دى يمكن نضحك على الناس ونخليها تعيط

وضحكو عليكو فعلا ....


واحد عنده 80 سنه و بيضحك علينا .. مممم عايز ايه عايز ايه مممممم ممكن يكون عايز تربه ببلاش ولا ترقيه مثلاً .. هيضحك عليك ليه ؟؟ كده أو كده هو ماشي ..


التلتميت شهيد اللى دمهم اتصفى مستشهدوش ودفعوا عمرهم وشبابهم
عشان نحط صور حسنى مبارك بروفايل بيكشر ع الفيس ونعمل جروبات باسم .. اسفين ياريس

والله دي آراء حضرتك و كله يعبر عن رأيه زي ما يحب بس بأسلوب كويس و إحترام


يا خسارة دم الشهدا

الله يرحمهم يااااااااااااااااااااااااارب .. و إن شاء الله هنجيب حقهم بس نوحد صفوفنا


متستاهلوش

انتو متستاهلوش احسن من حسنى

دي مش حريه لما تتكلم كده عن رئيس دوله ديكتاتور زي ما بتقول !!!!!


ومتستاهلوش ظروف احسن تعيشو فيها

العقل بيقول ان مفيش ظروف احسن .. لإنك مش دوله عظمي .. انتا بتجيب اكلك و شربك من بره و معظمه شحاااااته يعني معونااااات .. فين الشباب اللي بيقول هنعمر الصحرا عشان ناكل و نشتغل .. كلهم بوق و بسسسسسس


فجأة كده بين ليلة وضحاها

فى خلال ست ساعات تتغير مفاهيم مية وتمانين درجة

أنا ع رأيي ده من بدايه يوم 28 لما بدئت الإحتجاجات ضد الريس .. أنا كنت ضد الحكومه و المطالب الأولي مش أكتر من كده ..


قناة الجزيرة تبقى بطلة امبارح .. النهاردة بقت عميلة .. المتظاهرون اللى كانوا شهدا امبارح النهاردة خونا .. حسنى اللى كان لازم يرحل .. ده ابونا ولازم يقعد ... الشعب اللى كان بيتحد وخايف على بعضه وعامل لجان شعبية امبارح .. النهاردة بقى بينهب ويكسر ومش حاسين بأى امن بسببه .. ثورة خمسة وعشرين .. عملاء خمسة وعشرين .. هتاف يسقط الرئيس امبارح .. بقى النهاردة ..معاك لحد اما تموت ياريس


قناه بنت ××××××× .. ولا أقولك .. شيلااااااااااه يا جزيره ياللي هتخلصينا من اللي احنا فيه ....


الريس فجأة بقى بطل حرب وسلام .. امال مين اللى خلى نص شعبه تحت خط الفقر

40% .. لما تذكر حاجه سياسيه يا تتقال بدقه يا متتقالش .. و دي نسبه كبيره و المطالب الأولانيه يوم 25 كانت بتنادي بإصلاحات اقتصاديه عشان نحل الأزمه دي ..


وزير الداخلية هو السبب ؟؟ ..طيب .. ومين جاب وزير الداخلية وسابه فى منصبه عشرات السنين

مبارك ..


لو كان مبارك يعلم مصايب العادلى فدى مصيبة ولو كان لا يعلم فدى كارثة

أكيد كان عارف هو يعني بيلعب ؟؟ بس حصل تغطيات ع اللي الداخليه بتعمله ..


مين صدر الغاز لاسرائيل

مصر


مين حاصر غزة وجوعها

اسرائيل

مين خلانا نتعلم عشرين سنة ونترمى فى الشارع من غير شغل او مأوى

إحنا اتعملنا بس اترمينا في الشوارع بمزاجنا .. محدش بيدور ع شغل .. و لسه متخرج لسه مداسش في الدنيا ولا داق حاجه عشان يتشكي ..


مين خلى كرامتنا متهانة بره وجوه ..

إنتا .. لما قررت تثور دلوقتي و مكنتش بتطلع صوتك و تطلب زمان .. كان فين الكلام ده زمان !!


مين خلانا ارخص حاجة ماشية ع الارض ؟؟

مبالغه كبيره جداً ..


الريس صادق .. بأمارة ايه .. ما قال انه هيمسك فترة واحدة بس .. ومسك خمسة
قال امبارح بس انه هيتعهد بحفظ الامن ومن ساعتها وحمام الدم فى التحرير مش بيقف
ولا هو عايز يفض مظاهرة التحرير بأى طريقة حتى لو هيحرقهم بقنابل مولوتوف ؟.

حمام الدم سببه إختلاف الرأي .. مش هو .. إنتا أساساً في 10 سنين من فترته مكنتش عايشهم و منهم 10 طفل يعني كل اللي عشته معاه 10 سنين بس .. ع أي أساس بتحكم

الريس قال انه هيمشى وعين نائب ؟؟ .. ومين اللى دفعه لكده مش التلتمية اللى استشهدوا اللى بتقولوا عليهم عيال سيس ..

طبعاً ...


عايز يعمل حوار وطنى .. منت بقالك تلاتين سنة بتسمع صوت نفسك .. مين اللى دفعه لكده .. مش التلتمية اللى استشهدو ؟

كلام غريب بصراحه .. إنتا عندك 21 سنه بس


الريس مش عايز يهرب وصامد وخايف على مصر وبيستأسد عشان يحمى البلد ..

والله هو لو تنحى دلوقتى .. هيتقدم لمحاكمة عسكرية ده اولا
ثانيا هو لو عايز يحمى البلد زى ما قال امبارح .. ليه خلى البلطجية بالاسلحة النهاردة يعملوا عملية ابادة منظمة وقتل منهجى للمتظاهرين العزل

محاكمه عسكريه !!! و مين هيسمحلك أصلاً .. !! يوم ما تيجي تطلب الطلب ده الجيش هيتصدر لك .. عشان راجل عسكري و خدم الجيش ..


المتظاهرين البواسل اللى بقالهم اسبوع مفيش منهم شكوى معاكسة بنت حتى

الله ع شباب مصر والله .. دي من ايجابيات الثوره فعلاً ..

ليه وزير داخليته الجديد بيستغل جشع وفقر الناس وبيديهم فلوس عشان يتظاهرو تأييدا للريس وبيجبر البلطجية على طحن اى واحد بيرفض مبارك

و مين اللي بيدي الناس في ميدان التحرير فلوس و أكل عشان يفضلو مرابطين ..!!


هو ده وزير الداخلية الجديد ؟؟ بلطجى جديد ؟؟ هو ده مبارك اللى خايف على امن مصر

آه هم دول ..


جايبلنا رئيس مصلحة السجون اللى كان بيعذب الناس بدون اى وجه حق ولا اى سند قانونى

دليلك .... !!


هو ده الاب ؟؟

لو هو ده ابوكو .. ف أنا بقولها بوضوح .. يلعن أبوكو


حضرتك قليل الأدب


وبعدين فين الاب اللى شاف دم الف من ولاده اللى غرقوا فى العبارة .. وساب المسئل عن ده يهرب لندن ...وبعدها اتريق عليهم لما قال فى لقاء تليفزيونى بلهجة تهكم .. عبارة من اللى بيغرقوا دول هى هى ..
ونعم الاب فعلا


لازم كل حته يبقي فيها فساد انما انتا شايف انك دوله عظمي لازم كله يبقي كويس .. كله يبقي تمام ميبقاش وحش .. حلم مش بتحلمه لوحدك .. بحلمه معاك .. بس الفرق بيني و بينك اني واقعي


فين الاب اللى ساب الفساد يجرى فى الناس من اصغر موظف لاكبر مسئول

توبه بعد معصيه ولا معصيه من بعد توبه .!


الفساد اللى ظهر فى اروع صورة النهاردة لما امين الشرطة يدى ميت جنيه لبلطجى عشان يتظاهر تأييدا لمبارك

مش كل المؤيدين عملاء يا استاذ



الاب الكذاب اللى فى كل مناسبة يقولك .. انا هحكم مصر لاخر دقيقة فى عمرى

أبوك شخصياً لو وعدك بحاجه ممكن تحصل و ميقدرش يحققها .. و هتزعل ... بس مش هتهينه


وامبارح يقولك فى الخطاب انا اصلا لم اكن انتوى الترشح لفترة رئاسة جديدة ..

أصدقه ازاى لما يقول انه مش هيترشح تانى .. وهو بيكذب دايما ؟؟

واحد عنده 80 سنه رجله و القبر هيترشح تاني!!!! ليه يا تري ؟؟


وبعدين مصر هيحصلها ايه لو مشى .. افرضو انه مات مثلا ..

هيحصل فوضي و خراب و ربنا عالم ايه تاني ممكن يحصل ..


خلاص متنا احنا كمان ؟؟؟

لأ إنتا صاحي .. و أثبت كده بالثوره .. و هتفضل تتظاهر و تثور لحد ما حقك يرجعلك .. بس بالعقل ..


هو فيه ايه

في فتنه ..


ايه النطاعة بتاعتكو دى ؟؟

وايه البجاحة والصفاقة دى ؟؟

لما الحريه توصل بيك للإهانه و التجريح في قول رأي .. تبقي دي فوضي و قله أدب .. و هي دي البدايه بس


يا خسارة دم الشهدا

ياخسارة دم الشهدا

ياخسارة دم الشهدا


والله دمهم خسارة فينا

ولكل راجل صامد فى التحرير

مصر مش مستاهلةة كل التعب ده

انت حقك تعيش فى بلد ارقى واحسن مع شعب بيفهم


كل ثوره و ليها ضحايا .. ربنا يرحم شهداءنا ياااااااااااااااااااااااااااارب و إن شاء الله ربنا هياخد حقهم ..


مفيش فايدة

مفيش فايدة

يقول جيفارا .. الثورة يصنعها العظام وينعم بها الاوغاد ..

يا عظيم .. أنا وغد و عميل .. مش ده اللي عايز تسمعه مني و من اللي زيي .. أنا مش نازل يوم الجمعه .. و هتفرج و بسسسس .. و اللي ربنا رايده هو اللي هيكون .. سواء مشي أو ما مشيش .. بس هتندمو لما تلاقو نفسكو خرجتو بره اللعبه و الأحزاب هي اللي اتحكمت ..


صدقت يا جيفارا

ده رأيي .. و رأيك بحترمه جداً رغم إني مختلف معاك فيه ..

Scorpion كتب:

the red baron كتب:

منك لله يا مبارك

الشعب اللى طول عمره واحد قسمته اتنين

الاحداث اللى بنشوفها الوقت دى حرب

عمرها ما حصلت ابدا

انا معاك يا مسعد ان لازم يكون فى حوار

ولازم نحترم الراجل

بس خلى بالك ما هو برضه مش ملاك بجناحات

مقولتش انه ملاك .. انا بقول نرجع مستقرين تاني عشان نمنع القوي السياسيه من استغلال موقف الفراغ السياسي من حكومه و ريس و تبدأ البلد تخرب .. بس كده .. أنا بطلب تبقي كل حاجه بنظاااااااااام مش فوضي ..


هو مسؤول زيه زى غيره

طبعاً


طب تفسر بايه منظر الناس اللى راكبه على احصنه وحمير ومعاها خشب وبتجرى ورا الناس

عملاء .. زي ما في عملاء ضدك في عملاء معاك..


وزجاجات ملتوف بتترمى ولا كانها بمب العيد باحتراف

الله أعلم مين .. !! بس أنا بقول ان الحزب الوطني أكيد ليه دور زيه زي كل حزب .. يا جماعه ده مصغر للي هيحصل وربنا لما الأحزاب تتصارع .. هنبقي احنا اللي في الوسط ..


ممكن اصدقك انها هوايه بيتدربوا عليها فى وقت فراغهم

هناك مؤامره مش الرئيس اللى عاملها

بس اللى تحته

اللى مستفيدين منه وما اكترهم

واحده واحده هتاخد اللي عايزه مش كله هبره واحده و بفوضي



وانا والله عاوز اشتم زى الهجام ما عمل

بس اللى بيمنعنى مش انه رئيس انه راجل كبير

ده ما ينعش انى دمى محروق منه

لما يفضل غايب عن الناس طول الفتره اللى قبل

المظاهرات

كتير نصحوه بان الخطوه اللى عملها كان لازم تتعمل من زمان

و عملها ..


ده احمد نظيف - الله يجحمه - شوف تصريحاته قبل الاعداد للمظاهره

بيقولك شويه عيال فاضيه بتوع الفيس بوك

فعلاً شويه عيال .. لما يطلع حصيله اللي عشته معاه 9 سنين و انتا واعي تبقي دي معيله .. لما تبقي لسه مشوفتش حاجه ولا دوست و الدنيا جت عليك و لا اتظلمت لسه زي ناس كتير ليها حق في المظاهرات دي .. إنما معظم اللي سير المظاهرات دي سنهم بين 20 لـ 28 سنه .. يعني لسه بيبتدو يخشو دنيا ..

أصلي المفروض لمؤاخذه اترخج ألاقي عربيه آخر موديل مستنياني و وظيفه بمرتب كبير و و و و و أنا لسه مخضعتش لإختبارات .. إنتا عندك مليون شاب بيتخرجو سنويا .. قوللي يقدر يعمل ايه .. لا هو قدر يعمل حاجه ولا اللي بعده هيقدر .. و احوالك الاتصاديه هتفضل زي ما هي غصب عنك .. موقعك اللي بيقول كده



طب اهما شويه العيال دول حركوا مش هاقولك 60%

من الشعب خليها 40%

يا مسعد الناس اللى نزلت تتظاهر دى مش من النسبه 7% اللى بتروح تنتخب

دى من 93% اللى ما انتخبوش ومش عاجبهم الحال

الشعب دلوقتي بعد اللي اتقال منقسم 50 : 50 يعني مينفعش كفه تيجي ع حساب التانيه .. و ده اللي عايز أوصله بالحوار


لما انت واثق فى النظام كده

متقولش كلام أنا مقولتوش .. أنا مش واثق في النظام ..كل اللي بطلبه ان العمليه متجيش فجأه عشان الناس الغلابه أبويا و أبوك و أبوه و كل الناس اللي صوتهم مش واصل


احب اقولك انى فقدت فيه الثقه تماما

فما بنى على باطل وهو باطل

سبحان الله .. مطالبكو الأول مكانتش كده .. كانت مجرد تعديلات في النظام .. دلوقتي ..........


والخشب لو مسوس لو بنيت بيه مركب هتغرق


بس لو معنديش خشب غيره في الوقت الحالي العقل بيقول أرمم و أمشي كده لحد أقرب شط و أغير الخشب المسوس بجديد لانج

رد احسن من اللى قبله