ماذا لو......؟؟؟؟

تحذير هام لمن يشاهد هذا الموضوع

الموضوع يعبر عن وجهه نظرى فقط

القاريء له كل الحق فى الانتقاد والمناقشه والحوار

لكن فليطرح على نفسه السؤال ماذا لو؟؟؟؟؟

ترددت كثيرا فى كتابه هذا الموضوع الشائك يييييييييييييييييه ايه الكلام الكبير ده

بصوا يا شباب من الاخر الواحد كان فى كلام على صدره وبصراحه ان ما اتكلمتش ممكن اتخنق بيه لذا؟؟

النهارده 16 فبراير عام 2011

بدا الموضوع بكتابات على موقع الفيس بوك الاجتماعى الشهير ( اللى باكرهه شخصيا لانه بالنسبه لى غابه من الكلمات مش عارف طريقي فيها بسهوله)

كتابات بتنادى بحاجات بديهيه 1- حريه 2 - عداله...الخ مطالب مشروعه لاى كائن حى يتنفس

مع وجود نظام هش يدعى الصلابه بيعتمد على اله اعلاميه بتضلل الجماهير وبيحمى حاشيته وثروتهم الهائله اللى استنزفوها من دم كل واحد فينا

كان لازم رمز والناس شافت ان الشاب اللى قتل على يد الشرطه واسمه خالد سعيد هو الرمز فكل شاب كان من الممكن ان يكون خالد سعيد

ومن هنا انطلقت كلنا خالد سعيد و قرروا انهم يخلوا عيد الشرطه عيد بؤس عليهم ودعوا بالتظاهرات السلميه

ولكن لا ازاى الامن يسمح بمظاهرات انطلق الامن يقمع ويضرب ويقتل فى المتاظاهرين حرصا على اخماد اى صوت يقول كلمه لا فى وطن اعتاد شعبه ان يقول ok

نظام ضعيف هش انطلق خوفا على وجوده كالثور فى معرض للخزف مدمرا كل ما فى طريقه وصولا ال تدمير نفسه

وفجاه الشعب لم يعد يطيق التحميل فالى متى يبقي ويظل هذا النظام فانطلق يريد اسقاط النظام

واذعن النظام خوفا وقرر اسقاط حكومه رجال الاعمال واتخاذ بعض التدابير و ظهر بمظهر الضعيف

وكان خسيسا فاطلق الذين فى السجون يشيعوا فسادا فى الارض بمباركه رجالهم وانطلقت موجه من المناصرين فلا عجب انها كانت على النوق والبغال والحمير فهى تدل على انتمائهم

وبدات الاله الاعلاميه بدورها فتم قطع الخدمات عن الشعب سواء تليفونات او انترنت فى بدا الامر و تصيد المناصريين لمندوبي الصحف والقنوات المختلفه فليسكتوا كل الاصوات حتى لا يبقي الا التليفزيون المصرى والصحف القوميه ( الكوميديه) وهى لا تثير الضحك بقدر ما تثير الغثيان

وانطلق كل من كان له مصلحه او كان غائبا عن الوعى او من فرط طيبته تصور ان النظام سيكون صادقا فى موجه هائله لوصف الذين ناضلوا وضحوا بدمائهم وراحتهم فى سبيل اصلاح وطنهم بالخيانه والعماله وانطلق الاعلاميين والصحفيين ( الكوميديين ) فى كتاباتهم حتى من بلغ منهم العمر ارذله لم يردعه قرب لقاء ربه وقول غير الحق زورا وبهتانا

واختفت الشرطه التى وظيفتها حمايتنا وتاخذ مرتباتها من ضرائبنا واخذنا على عاتقنا حمايه انفسنا ونجحنا فى الحيلوله دون الهائنا عن مقصدنا ( الشعب يريد اسقاط النظام)

وها قد تطورت الاحداث وسقط النظام ورحل مبارك وخونه الامس هم ابطال اليوم نجوم الامس ظهروا بدون اقنعتهم
وجاء وقت الحساب

وهنا المغزى من وراء الموضوع كله

لاحظوا فى الايام الماضيه ابواق الحزب الوطنى من اعلاميين وصحفيين كلهم معروفين اسما وخلقا كما بعض الفنانين ونجوم الكره وكل هؤلاء جمعت قائمه باسمائهم اسموها القائمه السوداء

وتفنن البعض فى القول ان علينا مسامحتهم وانهم كانوا مسيرين لا مخيرين

ماذ لو ؟؟؟؟؟ سؤالنا الاساسى

لم تنجح الثوره ؟؟؟

اظن كل ما دار بخلدكم صحيح

لسوف تنصب المشانق لشباب التحرير واتهامهم بكل انواع الاتهامات

وتظهر الصحف والاعلام وتمجد فى حكمه الرئيس ورعونه الشباب ولكانوا ظهروا بمظهر المهزوم

ونحن شعب لايرحم من هزم

فماذ لو؟؟؟

باعلن راى من هنا

300 شهيد دمهم معلق ليس فى رقبه مبارك وامثاله بل لكل من ايد من غير فهم وناقش بدون علم

مبارك واعوانه فسيحاسبوا ولكن المدعين والمنافقين فى الصحف والاعلام والمجالس باكملها من كانوا بالامس يهللوا للنظام واليوم يريدون لعب نفس اللعبه القذره وركوب ثوره الشباب بادعاء الشرف وعدم علهم بما كان يحدث

اما من ايد وناصر وتعصب وفسر وبرر فهو فى نفسه ايقن انه بكل كلمه قالها او كتبها قد ساوى من اطلق رصاصه فى قلب شهيد من الشهداء وعتابه لنفسه اكبر من اى عقوبه او اتهام قد يوجهه له احد

فى راى الشخصي كشخص لم اتعود على منافقه احد او تنميق اسلوبي ذاكرتنا سوف تبقي وفيها قائمه سوداء
بكل الشخصيات التى قالت رايها وعبر عنها والان تنكر صلتها باقوالها

لكنت اكن لهم الاحترام لو ثبتوا على موقفهم حتى لو كان خطاا من وجهه نظرى على الاقل

ذاكره شعب سوف تبقي شاهده على 300 شهيد والااف المصابين

و ان اخذتك الشفقه بهم عزيزى

فتذكر

ماذا لو ؟؟؟

وهذا سؤالى للجميع ؟؟

طب ارد انا اقولك ايه مش عارف ارد بحاجه غير ان كلامك صح جد جدا جدا
عارف انا ف الايام الاخيره وصلت بيا الحال ان فيه ناس كانوا اصحابوا وعاوز اقطع صلتى بيهم
مش علشان اختلاف ف وجهات النظر
لا لانهم معندهمش فكر ولا وجهه نظر ولا حتى ادنى اعتراف بالخطأ او فكره الاعتذار
انا احترم الناس اللى لسه وفيه لحوستى لحد دلوقتى بس فاهميين هما بيقولو ايه
واحترم اللى ثبت على موقفه من شباب 25
واحترم اللى اقتنع انه وجهه نظره كانت غلط واعتذر وقال انا وجهه نظرى كانت غلط
اللى محترمهمش فعلا لاناس اللى كنا مفكرينهم على حياد وملهومش رأى زى البلونه اللى ينفخ فيها اكتر تطير نحيته اكتر
ماشيين مع الاغلبيه
محترمش واحد زى مرتضى منصور ولا حسام حسن اللى حرضوا الناس على ضرب رجاله التحرير
بص كفايه عليا انى اشوف ناس كانت بتشتمنى وبتتهمنى انى من اللى مخربينها علشان ثابت على وجهه نظرى ويجوا دلوقتى يقولوى لا احنا مقلناش كده ده احنا معاك من البدايه
وكأنهم كانوا واقفيين ف التحرير من يوم 25
-----------------------------------------
بس هرجع واقولك الشعب المصرى بطبيعته مسامح
بس ياريت مش ف دى
مع انى مش من محبذى الافتراضات وماذا لو ولا محبذى نبش القبور
بس الناس دى لازم يتحفر قبورها لانهم هما اللى حفروا قبورنا لمده 30 سنه

طب كنت تسيب الاشراف من زمان لو هتكتب حلو اوي كده

بص انا معاك طبعا ان الناس اللي كانت بتقول عليهم دول قلة تسير الشغب وشوية عيال
والناس بردو اللي طلعت تقول دول ناس عايزة الحرق والشرطة لازم تحرقهم في التحرير
دي ناس مفيش عليها جدال انها هي اللي تستاهل الحرق دلوقتي
لكن في ناس كان الموضوع مختلط عليها وما بين انها تؤيد اللي بيحصل في التحرير وفي نفس الوقت بتبص للناس اللي شغلها وقف وحياتها وقفت بسبب المظاهرات وبتقولك لا حرام
بس طبعا في اللي كان ثابت ع موقفه من البداية و صدقوا الله فصدقهم

لـــــو لم تنجح الثورة ... كانو كل الناس دي بقي سواء معارض او متردد هيقولك شوفت اهو كلامنا طلع صح والعيال دي لازم تتربي ع اللي عملوه في مصر وكل واحد هيبدأ يصنف بقي زي ماحصل دول جماعات اسلامية لا دول عملاء وغيره

لكن الحمدلله ان ربنا نصر الحق علشان كل واحد يعرف ان مهما حاول ينافق او يضحك ع الناس بالكلام بردو ربنا هيظهره في الاخر
وال 300 شهيد دول هيفضلوا في قلوبنا وعقولنا لاخر حياتنا لان كل حاجه صح هتتعمل في البلد دي بعد كده هم السبب فيها ...ربنا يرحمهم ويصبر اهلهم يارب

معلش انا طولت عليك .. بس بجد الموضوع جميل جداااااا ويستاهل التقييم كمان

اعتقد ببساطة ان الثورة دى لو ما نجحتش كانت هتستمر نغمة الاجندات الاجنبية و ان دول شوية عيال خدوا فلوس و ان البلد كانت رايحة فى نفق مظلم لولا حكمة و حنكة الرئيس و ده اللى اتعودناه و ده اللى الاعلام المنافق اتعوده

و على فكرة كان فيه لقاء لدكتور احمد عكاشة و هو من اشهر الاطباء النفسيين قال ان الناس دى بتتلون و مالهاش علاج

كنت احترمهم لو اعتزلوا الصحافة و الاعلام او حتى كتبوا اعتذار و يشوفوا هيقبل و لا لا .... لكن للاسف اسلوبهم اكد ان النظام ده كان لازم يمشى بكل ما فيه حتى اعلامه

كلام صحيح جدا جدا
كلام مريح جدا جدا
إن قلت متخافش
متخـــــافش
وإن خفت متقولش
متقــــولش
بس المهم تقول رأيك من غير تجريح
جداً جداً
دا الحق مش محتاج تصريح في سؤال صريح جدا جداً

مجـــــــــــلة يا واد ..روح شوف بقى القايمة دي في قسم الفيديوهات

كلام جميل يا خالد انت بتتفق معايا فى وجهه نظرى

تمام يا شيمو كلامك بقيت باكتب براحتى بعد ما بقيت من عامه االاعضاء ماذا لو......؟؟؟؟ 977193

شكرا على الرد سمايل

تمام يا مدير هاروح اشوف القائمه اهوه

كلام محترم بجد لا غبار عليك ف اي حرف كتبته انا مكلمتش بنات كتيرة

بسبب انهم كانو مؤيدين جدا وقاعدين يقولولي لو مشي دلوقتي الرئيس البلد هتخرب حاولت اقنعهم وافهمهم كأني

بكلم ناس فعلا مغيبة عن الوعي فسحبت نفسي تماما علشان متعبش معاهم كل الناس اللي أيدت الرئيس شافت

انجازاته وشافت ازدهار ف عصره لكن احنا الجيل بتاعنا مشافش حاجة عدلة من ساعة ماجينا للدنيا غير الفساد

ومعدل الفقر اللي ف تزايد والبطالة التعليم الفاسد ....إلخ بجد اي ممثل او اي واحد طلع أيد بقاء الرئيس بجد نزل

من نظري معقول الشهداء اللي ضحوا بنفسهم مأثروش فيهم للدرجة دي الجلالة أخداهم فعلا هما دول اللي يتقال

عليهم كالأنعام بل أضل تحس انهم بيبصو عالناس من فوق اوي مش حاسين باللي بيحصل للناس

أما بالنسبة لو الثورة مكنتش نجحت فبجد كانت هتبقي كارثة كان يحصلنا أسوأ من اللي حصل لخالد سعيد وكان

هيستمر الطغيان والسرقة من الوزراء ورجال الاعمال بس الحمد لله ربنا نصر الناس اللي تعبت بجد واللي مكنش

فارق معاها حد خارجة تجيب حقها وبس الواجب بقي اللي علينا اننا قبل ما نتكلم بعد كده نفكر الاول

ونتأكد من المصدر مش نضلل نفسنا ونسمع لأي حد وخلاص ونحاول منسكتش تاني عن حقنا كفاية

لحد كده الساكت عن الحق شيطان اخرس وان شاء الله الايام الجاية تكون احسن وربنا يرحم الشهداء

راحو ف مكان احسن وينتقم من كل ظالم بإذن الله تسلم عالموضوع الواحد كان نفسه يتكلم من زمان بجد واحلي

تقييم مني

كلام محترم وجميل يا نرمو وشكرا على التقييم ماذا لو......؟؟؟؟ 977193

بجد كلام جميل جدا وانا كنت دايما بقول الكلام ده

بس انا مخبش عليك انا مش خايف من الايام الجايه بالعكس انا مرعوب

بس ربنا انشاء الله هيسترها

تسلم ودمت متالق

ماذا لو......؟؟؟؟ 62621

اكيد انا كنت من الناس المعارضين لوجهت نظر مختلفه انا مكنتش محايده ولا مويد ولا معارض صريح

ومش علشان حاجه شخصيه والله بس انا شفت حاجات كتير بجد ف الشارع تحزنك
انا كنت مع استقرار الحاله وبس علشان الناس مش اكتر وخوفا من عواقب ممكن تكون اكبر مننا احنا شخصيا

او حتى اكبر من اى نظام . اما بقى الثوره لو منجحتش اكيد هيبقى ف مع الرايجه وعلى فكره دى اخطر

بكتير جدا من اى حاجه تانيه بس لو حتى الثوره فشلت هتكون بردوا كسبانه كتير اوى اوى اوى

وعلى فكره انا وجه نظرى دى كلفتنى اهانات كتير من ناس قريبه منى بس كله خير اهم حاجه انا لسه عند
عند وجهت نظرى وهى الاستقرار ولسه بردوا مبنش مين اللى صح او اللى غلط علشان اعتزر على

وجهت نظرى . وتسلم يا كبير على الموضوع الحلو ده او كما يقال بالتركى يسلمو

The game كتب:: اكيد انا كنت من الناس المعارضين لوجهت نظر مختلفه انا مكنتش محايده ولا مويد ولا معارض صريح

ومش علشان حاجه شخصيه والله بس انا شفت حاجات كتير بجد ف الشارع تحزنك
انا كنت مع استقرار الحاله وبس علشان الناس مش اكتر وخوفا من عواقب ممكن تكون اكبر مننا احنا شخصيا

او حتى اكبر من اى نظام . اما بقى الثوره لو منجحتش اكيد هيبقى ف مع الرايجه وعلى فكره دى اخطر

بكتير جدا من اى حاجه تانيه بس لو حتى الثوره فشلت هتكون بردوا كسبانه كتير اوى اوى اوى

وعلى فكره انا وجه نظرى دى كلفتنى اهانات كتير من ناس قريبه منى بس كله خير اهم حاجه انا لسه عند
عند وجهت نظرى وهى الاستقرار ولسه بردوا مبنش مين اللى صح او اللى غلط علشان اعتزر على

وجهت نظرى . وتسم يا كبير على الموضوع الحلو ده او كما يقال بالتركى يسلمو

فله شمعه منوره

10/10 يا كينجو

مش مهم رايك ايه المهم انك اتمسكت بيه ودافع عنه

مش زى ناس كتير بتلعب على السلك وليها الف وش

موضوع مجله بصراحه يا عمر

كلام صح جداً و كووول بشكل مش معقووول

و معنديش أي كلام أزوده ع كلام الناس اللي فوق غير

إشـطـه عليه

Scorpion كتب:: موضوع مجله بصراحه يا عمر

كلام صح جداً و كووول بشكل مش معقووول

و معنديش أي كلام أزوده ع كلام الناس اللي فوق غير

إشـطـه عليه

تمام يا حبيبي ماذا لو......؟؟؟؟ 450720

اتمنى ان الكلام مايتفسرش على المحمل الغلط الناس اللى كنت بتكلم عليهم دول ناس اصحابى من الكليه

عظيم عظيم عظيـــم يا بارون بجد ....
وخد بالك معايا كده من حاجه مهمه جداااا .. ان لو اصلا الثوره دي مكانتش انفجرت مكناش هنعرف مين الجيد ومين المنافق .. ولو احنا كنا عارفين ده من الاول وانا اقصد ب احنا دي لو مليون باالكتير من شعب مصر .. فاعتقد ان الغالبيه العظمي من شعب مصر كلهم الوقتي " ده ان مكانوش كلهم " عرفو مين مع الحق ومين اللي ماسك طبله كبيــــــــره ونازل هشك بشك شويه مع ده وشويه مع ده تحت شعار .. البقاء للابرع

وسمعني سلام على طول السلام ... متقولشي امين شرطه اسمالله ولا دبلوماااااااسي ( يجعل كلامنا خفيف عليهم )

منوره الموضوع يا كبيره

ماذا لو......؟؟؟؟ 977193

بنورك يا زعيـــــم

HULK كتب:: اتمنى ان الكلام مايتفسرش على المحمل الغلط الناس اللى كنت بتكلم عليهم دول ناس اصحابى من الكليه

بس انا فهمته غلط هههههههههههههه واد بجد هندى ماذا لو......؟؟؟؟ 62621

يا بنى انا ماخدتش الكلام على نفسى والله وعارف انت قصدت ايه وبعدين لو انت قصدتينى انا

انا موافق وملكش دعوه انا راضى يا عم اصلك متعرفش انت ممكن تكون ايه بالنسبه ليا فاكيد

مش حاجه تافه ذى دى تكون سبب زعل اللى ممكن يزعلنى اننا نموت بعض مثلا وصدقنى دا مش هيحصل بردوا ماذا لو......؟؟؟؟ 977193

اسف لو كنت خرجت عن الموضوع بس حبيت اوضح بس مش اكتر

اى نعم انت خرجت عن الموضوع لكن ولا يهمك

دا انت البركه يا كينجو والموضوع موضوعك

يا كبير ماذا لو......؟؟؟؟ 977193

كلامك كله صحيح جداااااااااا ويستاهل تقييم مليون في المية مش مية ف الميه بس
وانا فعلا كنت مغيبة جداااااا لما كنت معتقدة انه لو مشي البلد هتتخرب وهتبقي سلطة بقي ومش عارفه ازاي كان صعبان عليا وكنت بعيط عليه وكنت مؤيدة انه يكمل وكنت بدافع عنه بس ده جايز لاني لسه مشفتش منه حاجات وحشة كتير لسه وكان الناس اللي حواليا بيقنعوني بكده ولحد دلوقتي لسه مقتنعين بكده وكمان كنت مصدقة كلامهم والاعلاميين الكدابين اللي كانوا بيضحكوا علينا كل دول شتتوا افكاري خلوني انحاز وراهم وخاصة ناس من اهلي كانوا بيقولولي كده وانا بما اني مليش خبرة اوي في الامور السياسية والحاجات دي صدقت واقنعوني بكلام كتير
بجد انا مش عارفه ازاي كنت بفكر كده انا اكتشفت خلاص اني كنت غطانة اوووووووي انا اسفة جدااااا علي كل كلمة قلتها قبل كده في صفه
وحسبي الله ونعم الوكيل في كل اللي كانوا السبب في تخريب البلد ده ربنا ينتقم منهم وربنا يسامحني
وتسلم ايدك يابارون علي الكلام ده

الحق احق ان يتبع

10/10 يا سام

انتى من اصغر الموجودين سنا

لكن بكلامك ده انتى اكبرهم خلقا

ماذا لو......؟؟؟؟ 166815

اولا عايزه اقول ان الموضوع رائع ...

ماذا لو ؟؟!!

لو مكانتش الثوره اندلعت كان هيحصل كتير ...
1)كان الشعب والنظام اجتمعوا ان الشباب دول عملاء ومندسين ..وكانوا هيدفعوا تمن المطالبه بحريتهم غالي
2) وكان ممكن يكون في نسبه كبيره بتشيد بموقف الرئيس في حمايه البلاد من هذا الشباب المندس
3) كنا هنفضل مغيبين ...ومقهورين وناسيين حقوقنا وحاجات كتير عانينا منها سنين

انا من الاول كانت الثوره بالنسبه لي اشبه بمعجزه بتحصل علي الملأ...كنت سعيده بيها وبموقفي ودفاعي عنها ادام اي حد بيصدق كلام الكدابين اللي عالفضائيات

لكن بصراحه بعد عدد الشهداء ما وصل ل 300 شهيد ...خفت وعملت موضوع احنا عايزين ايه
وانا متاكده 100% ان ايقاف الثوره مش هو الحل ....
لكن الدافع كان خوفي العدد يزيد اكتر ....

ودلوقتي الحمد لله بجد علي اللي مصر وصلت له بشبابها الواعي

وبس ماذا لو......؟؟؟؟ 977193

10/10

يا ميسترى لخصتى الكل فى الجزء اللى كتبتيه