ايه رأيكم .........؟؟

يا شبـــــــــــــــــــاب بجد
( يا كل ولد و بنت بيحب مصر )

احنـــــــــــــا كل اللي احنا بنعمله دلوقتي اننا بنتكلم و نسمع لكن ببنعملش شئ فعال بالرغم ان احنا بالذات بما اننا ( شباب بجد ) و ان احنا كل واحد فينا في المنتدى دا كان هدفنا التغير و المناقشة في المشاكل و اللآراء بينا و ان احنا نحل مشاكلنا ( المجتمع و الخاصة ) و نقيم السلوكيات و المشاهد اللي بنشوفها كل يوم و اللي احنا مكناش بنقدر نعبر عنها فعليا الا من خلال المنتدى حتى انتمائنا مكناش بنقدر نعبر عنه و انك تلاقي شئ غلط تنتقد اللي بيعمله لكن كنا بنتكلم عنه هنا منغير منصلحها و نرده عن الغلط ، بس أنا شايف ان جه وقتنا عشان نعمل حاجة بجد علشان فعلن نكمل اللي كنا بنحلم بيه و بنرجوه طول الوقت جه الوقت اللي نخرج فيه و نقول افكرنا و نطبقها و نفعلها في المجتمع اللي بنعيش فيه و لازم ناخد موقف من كل ده انا كنت طول الفترة اللي فاتت قاعد اسمع و أشوف في التلفزيون و النت و الشارع و كلام المسؤليين و كلام الشباب و الناس و كنت مش قادر أعرف اللي حاصل بالظبط و لا قادر أعرف مين الكويس و مين الوحش مين على حق ومين على باطل مين الصريح و مين المنافق بسمع و بس أقتنع بشئ و بعدين ألقيه غلط و أقتنع بشئ تاني انه غلط و ألاقيه صح
و بعد كل ده قلت أنا بعمل ايه و احنا كلنا بنعمل ايه بنتفرج و خلاص ملناش أى دور مش احنا الشباب اللي بجد مش احنا اللي كنا بنقول ده و ده اللي عايزينه و كنا بنستناه بفارغ الصبر ( لأ الشباب بجد مش هما اللي لسه لدلوقتي بيتكلمم على النت و بس لازم نخرج للنور مش بثورة تانيه لكن بتغير و تفعيل و مشاركة و آراء نوصلها مش قعدين ادينا على خدنا مستنيين اللي يحصل )

و أنا بعد ما تشاوت مع بعض الأعضاء شفنا من الأفضل ان المكان اللي هنتجمع فيه يكون من الافضل ان يكون في دمياط ( و بالفعل أنا رحت النهاردة أدور على مكان و شوفت الآتي :
1- مكتبة مبارك ( بقيمة حجز لقاعة مصغرة ب 150 )
2- نادي المهندسيين ( بقيمة حجز لقاعة ب 1000 )
3- النوادي الرياضية ( بالتنسيق مع ادارة الشباب و الرياضة )
و هيكون الاختيار حسب عدد المشاركين

الاهداف اللي احنا عايزنها
1- هنقوم بعمل مجموعات للمشاركة الاجتماعية ( بالتسيق مع جمعية رسالة فرع دمياط )
2- هنقوم بطباعة ورق به جميع المجالات ( الصحة - التعليم - الاعلام - الزراعة - الصناعة - تعديلات الدستور - القوى العاملة - .......... ) ( بجانب الاقتراحات و المطالب ) وسيتم توزيعها و تحديد موعد لجمعها و فرزها ثم سيتم ارسالها الى المجلس الاعلى للقوات المسلحة
3- هنقوم بعمل حملة توعية شاملة للمشاركة الانتخابية القادمة و تاهيل للشباب الجامعي لفهم ما يحدث من تغيرات في الحياة السياسية و الاحزاب بعد 25 يناير
4-تكوين مجموعة للبحث و جمع المعلومات عن الاحزاب المختلفة و القائمين عليها و اختيار الحزب الذي يتوافق مع الافكار و الاهداف التي لدينا للانضمام اليه في المرحلة المتقدمة للمشاركة السياسية الفعالة في المرحلة المتقدمة

هدفنا الاهم و الاسمى هو خدمة و رقي بلدنا الغالي مصر و خدمة مجتمعنا الذي نعيش فيه يشكل خاص و أن نكون عنصر فعال و بناء في هذا الوطن .

والله وللاسف انا كان نفسى اشارك معاكم لكن انا مش من دمياط ولا قريب من راس البر

وربنا يوفقك انت والى هيكونوا معالك

قشطه عندي ليكوا شوية نكت بوطااااأأ جدا هههههههههههه

لاء بصراحه فكرة جامده بس جمعهم وانا معاك

يوم الجمعة
وبعد الصلاه
وف راس البر
بصراحة بحييك يا هيت مان ع الفكرة بس صعبه بالنسبة لى تنفيذها
بس اذا كان ينفع بجد وقدرت هاجى بس اخد الاذن اول
ايه رأيكم .........؟؟ 977193

انت تؤمر يا كبير

حددوا وهاجيبلك الباد كلهم

باستثناء المجند حامد ربنا يعينه

ايه رأيكم .........؟؟ 977193

بجد فكرة جاااااااااااامدة جداااااااااااااا وانا اتمني ان بابا يوفق اجي والله ياريت
بس ياريت حد من البنات اللي هنا يكون جاي علشان احاول اقنع بابا

فكرة حلوة وياريت ينفع تتنفذ

الفكره جاده تمام يا جماعه

مفيش مجال للهزار

كل من عنده افكار ممكن تفيد يتفضل بيها

مهما كانت بسيطه

صدقونى بامكانننا نعمل حاجات كتير

انا والله ما عندي مانع يا هت مان الفكره جباره بجد والله

بس المشكله فعلا فالخروج والتجمع انا معنديش اي مانع

بس اشوف الظروف انتا عارف طبعا الفرمانات اضافه الي التحكمات ع شويه حبشتكنات واللذي منه

بس بجد ربنا يوفقكوا وتعملوا حاجه بجد

إشطه .. جاري تجميع أفكار و موافق ع المعاد و صوت ع مكان كمان

يا جماعة أي مكان احنا هنتواجد فيه هيكون بتنظيم بيننا
أولا : هيكون في مكان مخصص للبنات ومكان مخصص للولاد
ثانيا : كل مجموعة من البنات و الولاد هيختارم أربعة ممثلين ليهم
ثالثا : كل واحد هيحضر الأفكار في جميع المجالات ( التعليم -الصحة - المشاركة الاجتماعية - ما يتعلق بالانفاق و الأجور - الشكل العام للامن و جهاز الشرطة - التعديلات الدستورية - أي اقتراحات في جميع المجالات .....
رابعا : هنناقش كل الأفكار و هنطلع الاقتراحات اللي هنتفق عليها بجانب المطالب
خامسا : هنشوف ايه الأنشطة الاجتماعية اللي نقدر نقدمها و نقسم نفسنا مجموعات تنفذ كل نشاط و نحدد ايه الأنشطة اللي تقدر البنات تقوم بيها و ايه اللي الولاد يقدرم يقوموا بيها
ـــــــــــــــ ( و دي هتكون المرحلة الأولى ان نشوف هنعمل ايه اجتماعيا و اننا نجمع المطالب و الاقتراحات لأن المجلس الأعلى للقوات المسلحة حدد أسبوع واحد للمطالب و مقابلات الشباب من يوم ( الاثنين 21/2 )
هتكون الخطوة الثانية أمامنا وقت أكبر ( اننا هنعمل حملة توعية للناس اللي هتتعرض للاختطاف الفكري من قبل بعض التيارات في ثوبها الجديد و تغيير جلودها في الانتخابات القادمة لمجلش الشعب و الشورى و الانتخابات الرئاسية ) و هنقوم بمناقشة تفاصلها و خطوات العمل فيها بعد الانتهاء من المرحلة الأولى

أي اضافة أو تنسيق أو اقتراح ممكن نتكلم فيه يا جماعة

تسلم عالافكار الجامدة دي ويارب تتنفذ بس للأسف مش هينفع اجي علشان ف راس البر اذا كان ف دمياط كنت هاجي

وان شاء الله ربنا يوفقكوا وتقدروا تنفذا الافكار دي

hitman كتب:: يا جماعة أي مكان احنا هنتواجد فيه هيكون بتنظيم بيننا
أولا : هيكون في مكان مخصص للبنات ومكان مخصص للولاد
ثانيا : كل مجموعة من البنات و الولاد هيختارم أربعة ممثلين ليهم
ثالثا : كل واحد هيحضر الأفكار في جميع المجالات ( التعليم -الصحة - المشاركة الاجتماعية - ما يتعلق بالانفاق و الأجور - الشكل العام للامن و جهاز الشرطة - التعديلات الدستورية - أي اقتراحات في جميع المجالات .....
رابعا : هنناقش كل الأفكار و هنطلع الاقتراحات اللي هنتفق عليها بجانب المطالب
خامسا : هنشوف ايه الأنشطة الاجتماعية اللي نقدر نقدمها و نقسم نفسنا مجموعات تنفذ كل نشاط و نحدد ايه الأنشطة اللي تقدر البنات تقوم بيها و ايه اللي الولاد يقدرم يقوموا بيها
ـــــــــــــــ ( و دي هتكون المرحلة الأولى ان نشوف هنعمل ايه اجتماعيا و اننا نجمع المطالب و الاقتراحات لأن المجلس الأعلى للقوات المسلحة حدد أسبوع واحد للمطالب و مقابلات الشباب من يوم ( الاثنين 21/2 )
هتكون الخطوة الثانية أمامنا وقت أكبر ( اننا هنعمل حملة توعية للناس اللي هتتعرض للاختطاف الفكري من قبل بعض التيارات في ثوبها الجديد و تغيير جلودها في الانتخابات القادمة لمجلش الشعب و الشورى و الانتخابات الرئاسية ) و هنقوم بمناقشة تفاصلها و خطوات العمل فيها بعد الانتهاء من المرحلة الأولى

مش شرط المكانيين يكونوا مع بعض كل اللى عاوزينه واحده م البنات او اتنيين يمسكوا الموضوع مع البنات ويخرجولنا بورقه مكتوب فيها كل المقترحات
او يعملوا مضبطه كتابيه باللى حصل ف اللقاء وارجو ان ميكونش فيها هزار علشان كده انا بقترح حد عاقل (هو طبعا كلكم عاقليين بس اقصد اقول اكثركم عقلا)

انا اقترح اخت بوينت اوهاله او بنت دمياط او اى حد اللى انتوا شايفينهم مناسبيين

تمام

بس المهم الفعل

يا شبـــــــــــــــــــاب بجد
( يا كل ولد و بنت بيحب مصر )
احنـــــــــــــا كل اللي احنا بنعمله دلوقتي اننا بنتكلم و نسمع لكن ببنعملش شئ فعال بالرغم ان احنا بالذات بما اننا ( شباب بجد ) و ان احنا كل واحد فينا في المنتدى دا كان هدفنا التغير و المناقشة في المشاكل و اللآراء بينا و ان احنا نحل مشاكلنا ( المجتمع و الخاصة ) و نقيم السلوكيات و المشاهد اللي بنشوفها كل يوم و اللي احنا مكناش بنقدر نعبر عنها فعليا الا من خلال المنتدى حتى انتمائنا مكناش بنقدر نعبر عنه و انك تلاقي شئ غلط تنتقد اللي بيعمله لكن كنا بنتكلم عنه هنا منغير منصلحها و نرده عن الغلط ، بس أنا شايف ان جه وقتنا عشان نعمل حاجة بجد علشان فعلن نكمل اللي كنا بنحلم بيه و بنرجوه طول الوقت جه الوقت اللي نخرج فيه و نقول افكرنا و نطبقها و نفعلها في المجتمع اللي بنعيش فيه و لازم ناخد موقف من كل ده انا كنت طول الفترة اللي فاتت قاعد اسمع و أشوف في التلفزيون و النت و الشارع و كلام المسؤليين و كلام الشباب و الناس و كنت مش قادر أعرف اللي حاصل بالظبط و لا قادر أعرف مين الكويس و مين الوحش مين على حق ومين على باطل مين الصريح و مين المنافق بسمع و بس أقتنع بشئ و بعدين ألقيه غلط و أقتنع بشئ تاني انه غلط و ألاقيه صح
و بعد كل ده قلت أنا بعمل ايه و احنا كلنا بنعمل ايه بنتفرج و خلاص ملناش أى دور مش احنا الشباب اللي بجد مش احنا اللي كنا بنقول ده و ده اللي عايزينه و كنا بنستناه بفارغ الصبر ( لأ الشباب بجد مش هما اللي لسه لدلوقتي بيتكلمم على النت و بس لازم نخرج للنور مش بثورة تانيه لكن بتغير و تفعيل و مشاركة و آراء نوصلها مش قعدين ادينا على خدنا مستنيين اللي يحصل )

و أنا بعد ما تشاوت مع بعض الأعضاء شفنا من الأفضل ان المكان اللي هنتجمع فيه يكون من الافضل ان يكون في دمياط ( و بالفعل أنا رحت النهاردة أدور على مكان و شوفت الآتي :
1- مكتبة مبارك ( بقيمة حجز لقاعة مصغرة ب 150 )
2- نادي المهندسيين ( بقيمة حجز لقاعة ب 1000 )
3- النوادي الرياضية ( بالتنسيق مع ادارة الشباب و الرياضة )
و هيكون الاختيار حسب عدد المشاركين

الاهداف اللي احنا عايزنها
1- هنقوم بعمل مجموعات للمشاركة الاجتماعية ( بالتسيق مع جمعية رسالة فرع دمياط )
2- هنقوم بطباعة ورق به جميع المجالات ( الصحة - التعليم - الاعلام - الزراعة - الصناعة - تعديلات الدستور - القوى العاملة - .......... ) ( بجانب الاقتراحات و المطالب ) وسيتم توزيعها و تحديد موعد لجمعها و فرزها ثم سيتم ارسالها الى المجلس الاعلى للقوات المسلحة
3- هنقوم بعمل حملة توعية شاملة للمشاركة الانتخابية القادمة و تاهيل للشباب الجامعي لفهم ما يحدث من تغيرات في الحياة السياسية و الاحزاب بعد 25 يناير
4-تكوين مجموعة للبحث و جمع المعلومات عن الاحزاب المختلفة و القائمين عليها و اختيار الحزب الذي يتوافق مع الافكار و الاهداف التي لدينا للانضمام اليه في المرحلة المتقدمة للمشاركة السياسية الفعالة في المرحلة المتقدمة

هدفنا الاهم و الاسمى هو خدمة و رقي بلدنا الغالي مصر و خدمة مجتمعنا الذي نعيش فيه يشكل خاص و أن نكون عنصر فعال و بناء في هذا الوطن .

10/10

فكرة جامدة جداااااااااااااا يا هيت مان
انا اعتقد ان مكتبة مبارك هتبقي مكان مناسب ومعروف لكل الناس
بجد الفكرة تحفة و اهدافها هتكون مفيدة جدااااااااا

تم تعديل رأس الموضوع

أوك مكتبه مبارك هتبقي مناسبه جداً

أنا حضرت لست مبدئيه خاصه بأفكاري

و هبقي جاهز لمناقشه آرائي و أفكاري يومها إن شاء الله

عايزين أكبر عدد يشارك يا جماعه و يتفاعل ..

بخصوص الانشطة الاجتماعية كتنظيف الشوارع والمنشأت الحكومية والاقسام مثلا زى اعادة تعمير بندر دمياط مثلا
فا جمعية خير دمياط
وده لينكها ع الفيس بوك

https://www.facebook.com/#!/event.php?eid=190583870962779

كل يوم بتعمل ساعة للتعمير وكمان ساعة للتوعية الشباب والبنات كل يوم بيقفوا ب يفط ولوح مكتوب عليها كلام لتوعية الناس

كل يوم فريق منهم بينضف ويعمر وفريق بيقف بيفط ولوح وما عليك الا انك تدخل بالأكاونت بتاعك ع الفيس وتضغط ع اللينك اللى حاطه فوق وتعمل حضور للحدث وهتلاقى رسايلهم بتجيلك بالمعاد والمكان يوميا اللى بيعملوا فيه الانشطة دى

طبعا بالاضافة لشغل جمعية رسالة فى دمياط بس انا مش عارف الفعاليات بتاعتهم امتى وفين

.. كل الكلام اللى فات ده ميمنعش اللى بتقول عليه ابدا ويخلينا نقف مكاننا ونتفرج على الجمعيات المحترمة دى

بس انا شايف اننا منشتغلش لوحدنا
انت عايزنا نشتغل تحت عباية رسالة فى الانشطة الاجتماعية بس
مفيش مشاكل احنا ممكن نشتغل تحت عباية ستة ابريل بدمياط للتوعية بالمرشحين فى مجلس الشعب والرئاسة وتوعية الناس بدور الاحزاب وماهيتها
لاننا لما ندخل تحت عباية رسالة او خير دمياط فى الانشطة الاجتماعية ودول جمعيات مشهرة لها نظام و اسلوب عمل هنبقى أكتر تنظيما واكتر قوة وأكتر اقناع وأكتر عدد
ولما ندخل تحت عباية ستة ابريل فى الانشطة السياسية برضه هنزيد قوة
ومعتش فيه خطر من الانضمام لستة ابريل .. مش عايز حط يخاف من النقطة دى

وممكن ننضم لستة ابريل مؤقتا لحد ما نلاقى حزب كويس ننضم ونشارك فيه

وممكن لو جمعية رسالة مثلا وافقت اننا نقوم بأنشطة سياسية تحت عبايتها نستمر مع رسالة اجتماعيا وسياسيا ...

انما اننا نتحرك لوحدنا

صدقنى ناس هتكسل وناس هتيجى مرة ومش هتيجى تانى وممكن تلاقينا اتخانقنا مع بعض

وممكن تلاقينا مش عارفين ننظم نفسنا وده راجع لسبب واحد .. اننا معندناش الخبرة ولا النضج اللازم لممارسة العمل التطوعى ده .. هتبقى اول تجربة لينا فا مش هنقدر نتحرك لوحدنا
بس ممكن نتحرك بدماغنا

ومش شرط نعمل اللى هما بيعملوه فى رسالة او فى ستة ابريل ممكن نعمل اللى انت بتقول عليه ونعمل اللى فى دماغنا بس تحت اسمهم وبرعايتهم

وهما ناس محترمة جدا وبيسعوا للخير والعطاء مش لحاجة تانية ودى حاجة انا اضمنهالك شخصيا

ده مجرد اقتراح

وانا معاكو فى اى حاجة شرط انها مش هتتعارض مع مواعيد شغلى

شكرا

أنا معاك جداااومستعده أشارك في أي وقت بس ياريت تحددوا المكان والميعاد بأسرع وقت ايه رأيكم .........؟؟ 166815

فكرة بجد جامدة جدااااا وهو دة فعلا دور الشباب طبعا انا اتمنى اننا اجي لكن اظن ان الشباب من البنين بيكون ليهم الحرية الاكبر اتمنى لكل الشباب التوفيق الى الامام دائما باذن الله (مصر غنيه بعقول شبابها)