وبدأت الثورة في سوريا

من كام يوم عملت بحث على الثورة في سوريا واكتشفت فعلاً أنهم بيرتبولها وأن اليوم المقرر هيبقى 15 مارس , اتحمست جداً ورجعتلي أيام بدايات الثورة عندنا اتحمست جداً وقعدت أشارك وأحمسهم على قد ما أقدر دي المجموعة بتاعة الثورة :

https://www.facebook.com/Syrian.Revolution

ومن يومين سمعنا عن الثورة اللي اندلعت في درعا اللي بقت سويس سوريا والستة اللي قتلهم النظام السوري جوا المسجد , ودا خبر عاجل مكتوب في المجموعة دلوقت "عاجل - دمشق وريفها تنتفض بالكامل (تل منين - ركن الدين - المزة -المرجة - الميدان) تغص بالمتظاهرين المطالبين بالحرية والنصرة لأهل درعا والنظام يستخدم العنف لمحاولة تفريق المتظاهرين"

أنا بجد متفائل جداً للثورة في سوريا وأحب أسمع تعليقاتكم .

و الوضع فى الاردن النهاردة كان غير مستقر

لكن اتمنى ان تتاجل شوية الوضع حاليا دخل مرحلة الخطر على المنطقة العربية

smile كتب:

و الوضع فى الاردن النهاردة كان غير مستقر

لكن اتمنى ان تتاجل شوية الوضع حاليا دخل مرحلة الخطر على المنطقة العربية

ولا خطر ولا حاجة يا smile بالعكس لازم كلنا نفوق مرة واحدة (سنة أو اتنين إن شاء الله) قبل ما عدوك يرتب صفوفه ويستوعب اللي بيحصل دا , مش معنى كدا إنه مش فاهم , لكن معنى كدا إن اللي فاهمين منهم مش في القيادة دلوقت ..كمان المنطقة كلها مولعة فمش ملاحقين يركزوا على حد معين فاللي يلحق يلحق بسرعة ..

انا اللى بيقلقنى ان كل واحد بيلحق دلوقتى ياخد مكان و يعمل تحالفات مع القوى الجديدة ساواء فى الغرب و امريكا او حتى ايران اللى بتدخل فى البحرين

كله بيشوف مصلحته فين و بيلعبوا بطرقهم القذرة المعروفة اللى ما بيختلفوش فيها سواء شرق او غرب

انا اتمنى الدول العربية تتوحد و تبقى اقوى بس خوفى من اللى مش هيسيبونا و حتى لو تخلوا عن وصايتهم مش هيتنازلوا عن مصالحهم

اللى بيحصل سلاح ذو حدين

لينا وضدنا فى نفس الوقت

الله اعلم هترسي على ايه

» وبدأت الحرب على ليبيا
» مشاهد من الثورة
» في ذكرى ثورة يوليو , ماذا لو لم تقم الثورة ؟
» آخر «نكات وإفيهات الثورة»: «إرجع يا ريس.. كنا بنهزر معاك»
» معرفض فنى " سوريا تنادى "