موضوع مش مهم

الكهف

المنتدى بالنسبه ليا عامل زى الكهف المهجور , جميل اوى بالنسبه ليا بما انى بحب الوحده بصراحة , بس احلى ميزه فيه انى عامل زى اللى دخل الكهف ومعاه شرايط زكريات

المكان ده بحبه اوى , بحب ادعبس فيه وفى دهاليزه , اتعرفت على شخصيات غايه فى الروعه بجد , اكتشفت حاجات مكنتش اعرفها عن نفسى هنا , وبما انى فى الغربه وكده فكل شويه ادخل واقعد اقلب فى الردود والمشاركات واقوووووول يااااااااااااااااااااااااااااااه يجدعان ده احنا كنا عيال اوى , دلوقتى تلت تربعنا اتجوز والربع التانى على وشك , عدى كتير اوى بجد حوالى 5 سنين يمكن

هههههههههههههه كان فيه موضوع قديم فى المنتدى على ما اظن الناس العواجيز اللى زىى هيفتكروه (هل المنتدى ده هيستمر ولا لا او كان اسمه المنتدى هيبقى عامل ازاى بعد خمس سنين) , انا عاوز ارجع تانى من خمس سنين ههههههههههه الحياه كانت حلوه , من خمس سنين مكناش متفرقين لميت صنف ولون زى دلوقتى كنا اصحاب وايد واحده , مكناش كلنا قضاه على بعض وحكام زى دلوقتى .

المكان هنا بالنسبه ليا كنز ومرحله مهمه من حياتى ونقطه تحول لكتير من الامور

الانسان كل لما بيزيد نضج كل اما بيحس انه فات من عمره سنين بسرعه كل اما بيشبث اكتر بمراحل فاتت من حياته

ههههههههههه

انا بس كنت بفضفض مع ىنفسى رخامه بس يعنى :))

يااااااااه ع دى ايام انا بصراحه مش عارفه ايه اللى جابه ع بالى مرة واحده كدا بس بجد المنتدى دا كان في فترة من الفترات من احلى الحاجات في يومى
ربنا يكرمكم و يوفقكم كلكم يااااارب

مش عارف كنت داخل ابص على أيه.. بس لقيت موضوعك دا فعرفت :)

مش عارف ليه مفيش تجمع للدفعة بعد خمس سنين من تخرجها فى اى مكان زى الغرب
بتبقى حاجة حلوة جدا
ياريت نعملها كلنا وشباب بجد يتجمع ع المنتدى فى يوم معين وكلنا نتكلم فى قعدة دردشة مفتوحة عن ذكرياتنا فى المكان وذكرياتنا فى الكلية وحياتنا دلوقتى
وتبقى دى فكرة اللقاء هنا ع العام ونسيمها " راجعين ، ميفيدش هروب من شوقنا ومن حكاياتنا "
انا معاكم بكل قوتى فى الحوار ده
:)

يااااااااه فات كتير اوى بس الواحد بيحب يرجع يدور هنا تانى مش عارفه ليه يمكن عشان بيحس بالوقت إلى فات او فى الايام إلى كان فيها ويضحك شويه من الضغوط إلى حواليه

» موضوع المليون رد
» موضوع هام جدا للفتايات
» قاهر الفيروسات الألمانى Avast antivirus 2009 كاملا+الكراك+السيريال
» موضوع ....بس ملك المواضيع .
» موضوع بقلم الحريف