ايه رائيك في توقيع الي قبلك

شكرا يا محمد على كلامك
بالنسبة لتوقيعك ان اخدت بالى من حاجة مش عارفة هى صح ولالا ملاحظة انك ماشاء الله بتغير توقيعك كتير جدا ودة ربما يبين انك اصلا بتحب التغيير وما بتستقرش على وضع معين بسهولة بالرغم من ان كلهم او اغلبهم بيدوروا حول نفس الجزئية انك بتدور على حاجة ولسة مش لاقيها وحالم جدا واحلامك مش محددة بنهاية ولذلك مش واضحة ومش قادر تحددها
ومعلش لو طولت او خرفت وربنا يستر.....

كل الصور اللي بتحطها ابيض واسود . يعني العالم اللي أنت فيه مش عاجبك وبتحندايماً للذكرى القديمة . الصورةنفسها بتدل على الوحدة اللي انت خايفمنها ...لدرجة الرعب . عمر قاعد جنبي بيغششني الكلام دا

أحلى جملتين بجد
الشهادة اللى كلنا محتاجينها دايما ... كونك عاملاها توقيع فدا معناه انك مش عايزاها تسقط ابدا
يعنى عايزه تفتكريها طول الوقت ... خايفة الدنيا تاخدك من الحتة اللى فيها بتلاقى راحتك فيها
و الدعاء دا انا بعتبر انه اكتر دعاء كلنا محتاجينه ... طمعانة زيى و زينا كلنا فى رحمة ربنا و غفرانه
دا يعنى شخصية متدينة ... بتحبى ربنا اوى و عارفة انه بيحبك بس خايفة من تقصيرك
الصورة الجديدة دى بقى مش هقوللك عندك استعداد تحفرى فى الصخر و ان كنت شايفة ان دا حقيقى
كفاية اقول انها تعبير عن خفة الدم اللى عرفتها فيكى لما قابلتك
" الموضوع دا فعلا بيخلى الجلالة تاخد الواحد اوى ... لا مؤاخذة يا جميل "

حد بقى يسمعنى رأيه ف توقيعى الجديد

توقيعك يدل ع شكواك من هذاا الزمان اللى ربما مش لايقه نفسك فيه
وكلمه الارقام
توحى انك شايفه ان الزمن ده بقى مادى اووووووووى وكل حاجه ماشيه بالحسابات وكام ومعاك ايه ومعدتش مكان للعواطف ولا المشاعر كبنى ادميين

عباره سأمحو ركبتى بالممحاة
جامده جدا وتعبير جديد

وتعبير حتى لااجثو توحى ان كرامتك فوق كل شئ حتى لو اضطريت تضحى بكل شئ فى سبيلها

كلمه لن اياس
تدل كل اصرارك ع الاصلاح ورغبتك فيه مهما واجهتى من صعوبات

وكلمه عربى
تدل عل عروبتك وشعورك بالانتماء لابناء العرب اللى مضايقك حالهم
كلمه لا
تدل على رفضك لاستسلام العرب فى كل حالتهم حتى على مستوى الاسره والمنزل

(ياريت يكون كلامى صح واتمنى التعليق عليه)

متعلقة بوالدتك , ودائماً مصرة على اللي في دماغك

معلش يا ستوب أنا قلت رأيى ف توقيعك بس دخلت تانى عشان خاطر العنيدة
كلامك يا عنيدة مقدرش أقول عليه نص كلمة
أنا فعلا شايفة ان وجودى غلط فى الزمن دا .. و مبادئى مش بتنازل عنها
بس على فكرة دا كلام محمد الماغوط الله يرحمه من كتاب " سأخون وطنى "

طب كويس ان كلامى وتحليلى طلع صح

جزاك الله كل خبر ربنا يرضى عنك

اقتباس :

معلش يا ستوب أنا قلت رأيى ف توقيعك بس دخلت تانى عشان خاطر العنيدة

عادى يا فريكيكو ولا يهمك

الصوره حلوه اويييييييييييييي يارام وبتقول انك حد حساس ورقيق اوييييييييي
والتوقيع بيقول انك مبتقدريش تنسي بسرعه يعني حتي لو فارقتي حد بتفضلي فكراه وكمان بتتأثري لفراق الناس
يارب اكون قولت كلام صح

ميرسي علي ردك ياسمسمه ياجميله
وتوقيعك انتي بيقول انك حساسه اوييييييي وبتحبي باخلاص اوييييييي واي حاجه ليها علاقه باللي بتحبيه بتحبيها علشانو ,,رقيقه ورومانسيه ,,وعسوله جدااااااا ده طبعا لاني شفتك في الكليه

انا مع سمسمه في مسئله توقيعك انه شارح نفسه بنفسه
و اكيد بتحبي فضل شاكر و حبك للاغنيه دي و القطعه دي خصوصا منها بتدل تقريبا انك فعلا في شخص في حياتك انتى مش قادره تنسيه

توقيعك عاجبنى اوى والصورة حزينة وجميلة جدا

توقيعك بردة جميل جدا يا لوست اغنية روعة لفيروز
رومانسية جدا ومعناها حلو اوى
بالنسبة للصورة بردة بتقول نفس المعنى الحالم والانتظار والتأمل واحساس الوحدة شوية
والله اعلم ممكن يكون صح او غلط

كلامك صحيح يا جيرسى

توحى بانك بتحبى الحريه ومش عايزة تتقيدى بأى شىء

توقيعك بيدل على انك شخصيه متدينه و كمان حرصك على انك تكسبي اكبر عدد من الحسنات عن طريق قراءه كل شخص لتوقيعك
اما الصوره التانيه فبقالي زمان شيفاها ربنا يستر و ميكنش ده التوقيع الاساسي
بس شكلها ظريف اوى

بيدل على انك بتحبى الوحده والانعزال

توقيعك ياستوب دمه خفيف اوى وعاجبنى جداااا

وذكر العبارات الدينيه شئ جميل جدا يدل على تدينك

شكرا لك

أولا الاسم عاجبنى جدا
الجليتر و اللون بيقولوا انك نشيطة جدا و دا واضح فى شغلك ع المنتدى
الجملتين الجداد فعلا نصيحتين حلوين جدا
انتى مش عايزة تنسيهم ... حاطاهم دايما عشان يكونوا قدامك
و كمان نفسك فى ثوابهم عشان احنا كمان بنقراهم معاكى
ربنا يكرمك و يوفقك