أشهر جمل بتتقال داخل البيت المصري!...

جبتلكم النهاردة مجموعة من اشهر الجمل اللى بتتقال فى كل بيت مصرى

*ربنا يرزقك بعيل يوريك اللي ورتهوني .

* جتها نيلة الى عايزة خلف تيجى تتفرج .

* امشى جاتك مشش فى ركبك.

* رحلة ايه ان شاء الله, على أيامنا ماكوناش بنتطلع زفت رحلات .

*أوعا حد يضحك عليك ويقولك جرب السيجارة دي.

* ايه الا مبالاه و الاستهتار اللي انت عايش فيهم دول .

* قوم اقرا لك كلمتين ينفعوك .

* وطي المدعوق ده شويه .

* انت فاكرنا نايمين على ودانا ؟

* بلاش أكل بره .

*ياريتك تحفظ دروسك زى مانت حافظ الاغانى.

* عيـــب ... لازم تحترم اللي أكبر منك .

* لو شفت خناقه ما لكش دعوة بيها .

* كريم دا عيل بايظ وماتمشيش معاه تاني .

* مين منى دي انت كل يوم تصاحبي واحدة جديدة ؟.

* انته مبتكلش جزر ليه .. اجيبلك برتقانه. طب كل سلطه .

* يبني بأسلوبك ده مش هتعيش معاك واحده .

* قومي ساعدي امك ده اللي هيتجوزك أمه داعية عليه.

* اوعى حد غريب يديلك حاجه تاكلها و تشربها و تاخدها منه .

* يا ابني حرام عليك الى بتعمله فينا ده.

* انا سايبالكوا البيت وماشية ومش حتشوفوا وشي تاني .

* ما تعليش صوتك .

* وانت فاكر احنا مستنيين منك حاجه .

* المسلسل مش هينفعك ...قوم .

* متفتحش الباب لحد و انت لوحدك و متدلدلش راسك من شباك العربيه .

* كفايه رغي في التليفونات .

* كل على مهلك .. وامضغ كويس ... وما تكلش وانت واقف .. وكل من قدامك ما تحفش .

* اطفي التلفزيون وقوم ذاكر ولا و خش اوضتك .

* ربنا يهديك ربنا يهديك ... وأحيانا .. انك لا تهدي من أحببت .

* صليت العصر ؟!

* بلاش تمشى حافى البس شبشب وانته داخل الحمام .

* ما فيش مذاكرة على المزيكا .. وازاى بتذاكر و البتاع ده شغال جنبك .

* افرد ظهرك .

* لم شراباتك.

* ماتكلش فى ضوفرك.

* كنت فين لحد دلوقتى يا صايع.

* ماتتأخرش علشان عندك كلية بكرة بدرى.

* انا مش عارف انته طالع لمين.

* انا : ياماما بقه ايه ده ؟؟؟
ماما:مووو لمـا يــــــخدك .

* ده منظر اودة بني آدم ، انت عايش فيها ازاي؟.

* هو انا الخدامه الى ابوكم جبهلكم .

* الى يطلع من الاوضه يطفى النور وراه .

*أبوك عندك أهو اتصرف معاه .

* اللي بيشيل قربه مخرومة بتخر عليه لوحده ..

* لو مش فاهم حاجه ارفع ايدك و قول للأستاذ مش فاهم .. متتكسفش .

* البس فنله قطن تحت ودفي سدرك ودخل التيشرت في بنطلون البيجامه وانته نايم .

* يأبنى المذاكره مابتخلص .... نفسى اشوفك مره ماسك كتاب.

* اعمل حسابك مش حندخلك جامعه خاصه.

* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .

* مالكش دعوة بالسياسة .. وماتمشيش في مظاهرات .

* احمد ربنا الاكل الى مش عجبك ده فى ناس مش لقينه .

* التهديدات المخيفة شكلا و الكارتونية مضمونا : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .

* قومي سخني الأكل لأخوكي.

* ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.

م
ن
ق
و
و
ل

ههههههههههههههههههه هيا الجمل الي بتتقال في أي بيت مصري شكرااااا علي الموضوع

كلاااااااااااااام جامداوي شكرااااااااا علي الموضوع

زائر

توبك رائع
شكرا يا عمر

شكرا ياعمر معظم الجمل دي اتقلتلي بالنص
توبيك رائع اتمنالك مزيد من التالق
ان شاء الله

زائر

هههههههههههههههههههههههه
شكرا يا عمر على التوبك

شكرااا على المروووووور

عمر طاهر

شكلها باظت
هههههههههههه

جميل يا عمر

بس غالبتها للاولاد على فكرة... أشهر جمل بتتقال داخل البيت المصري!... 977193

شكرا عمر ع الموضوع

فى حد دخل بيتنا من وراى أشهر جمل بتتقال داخل البيت المصري!... 205251

الجمل بالنص ...... بس اكيد مش كلها.....
شكل البيوت المصريه ........على راي المثل .....اختلفت البيوت والكلام واحدأ

هههههههههههههههههههههههههههههه
ههههههههههههههههههههههههههههههههههه
كله كله بيتقال وخاصة اخر جملة دي
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.
الف شكر يا عمر موضوع جميل اوووووووي

أشهر جمل بتتقال داخل البيت المصري!... 62621

موضوووووووع جامد
تسلم يا كبير

*ربنا يرزقك بعيل يوريك اللي ورتهوني .

ههههههه تسلم عالتوبيك يا عمر

عليا الطلبات بالتلاته تلاقى الجمل دى بتتقالك كل يوم وانتا بتمثل وبتعيش علينا,

ال ايه فى اى بيت مصرى ,متقول فى بيتنا وخلاص

*ربنا يرزقك بعيل يوريك اللي ورتهوني .

*أوعا حد يضحك عليك ويقولك جرب السيجارة دي.

» ثلاث حريم زهقوا من شغل البيت
» من أشهر قصص الحب
» أشهر جمل بيقولوها الأب و الأم
» أشهر طفل في كوريا ( تقرير - صور - تصاميم )
» غرائب أشهر النساء العالم.............