اسئله لمحمد الهجام فقط

اتوجه للاخ محمد سمير الهجام ببعض الاسئله وارجو منه الاجابه
باعتبارك امين اتحاد طلاب سابق كان الأتى
س1 هل امين اتحاد الطلاب فى كليتنا يتطلب ان يكون عضو فى الحزب الوطنى؟
س2 ما هى سلطات امين اتحاد الطلاب داخل الكليه؟
س3 ما هى واجباته تجاه الكليه والطلبه؟
س4 على حد قولك ان فى عهدك كان افضل عهد لاتحاد الطلاب _ وضح؟
اتوجه بالشكر لك واتمنى منك رد ايجابى لتشرح لنا ما هو اتحاد الطلاب وما اهميته

sir_mohamed awad

سيتم الرد على هذه الاسئلة لا حقا عزيزى عوض
لانى الان رايح مشوار
غدا سيكون هناك اجابة وافية
ان كان فى العمر بقية

وأنا أستغلها ( كعادتى ) فرصة .. لضربك يا معالى الصديق وأساألك

هل ترى ان امين اتحاد الطلاب .. منصب ؟؟

هل كان الطلاب ( وبصراحة ) يحترمونك من اجله .. ام مبتفرقش كتير ؟

لو لك نصيحة لكل طلاب الكلية .. هتقول ايه ؟

sir_mohamed awad كتب:: اتوجه للاخ محمد سمير الهجام ببعض الاسئله وارجو منه الاجابه
باعتبارك امين اتحاد طلاب سابق كان الأتى
س1 هل امين اتحاد الطلاب فى كليتنا يتطلب ان يكون عضو فى الحزب الوطنى؟
س2 ما هى سلطات امين اتحاد الطلاب داخل الكليه؟
س3 ما هى واجباته تجاه الكليه والطلبه؟
س4 على حد قولك ان فى عهدك كان افضل عهد لاتحاد الطلاب _ وضح؟
اتوجه بالشكر لك واتمنى منك رد ايجابى لتشرح لنا ما هو اتحاد الطلاب وما اهميته

sir_mohamed awad

امين اتحاد الطلاب مش شرط يكون عضو فى الوطنى _ انا عمرى ماكنت عضو فى الحزب الوطنى _ وعمرى ما شلت كارنيهه

سلطات امين اتحاد الطلاب كتيرة واهمها انه يكون صوت الطلاب اللى يوصل مطالبهم ومشاكلهم للمسئولين واللى يكون هو همزة الوصل بين الطلاب والدكاترة من ناحية والطلاب والعميد من ناحية تانية والطلاب والموظفين من ناحية تالتة

واجباته تجاه الكلية ... مفيش واجبات ليه تجاه الكلية
تجاه الطلبة ....يحاول اشراكهم فى الانشطة المختلفة والدفاع عنهم لو وقع عليهم اى ظلم وتوصيل صوتهم لاعلى مسئول وهكذا

مقولتش ان عهدى كان افضل عهد .... انا حاولت وكانت نيتى كويسة وكان نفسى اعمل حاجة للطلبة سواء نجحت ففى ده فالنجاح مكنش واضح لكل الناس لان الاتحاد بتاعى كان فيه اعضاء بيحاربونى بكل ما يملكوا من قوة وكان فيه تكتلات ضدى
لو حد شايف انى فشلت ... يكفينى شرف المحاولة ويكفينى انى طورت نفسى كويس واتعلمت حاجات كتير من التجربة دى
من حق .. مينفعش نقول ان عهدى كان احسن من عهد الفيومى او عهد النحاس احسن من عهدنا احنا الاتنين لان فيه اعضاء جوه الاتحاد موجودين فى التلت سنين والتلت عهود ومش يهمهم غير احتلال الكادر كله ومش عايزين يسيبوا اى مكان لرؤساء الاتحاد التلاتة ودول همهم الاهم وشغلهم الشاغل انهم يحاربوا اى ظهور لرؤساء الاتحاد التلاتة اللى مسكوا ولذلك عمرك ما هتحس ان فيه اختلاف بين التلت عهود لان النيات مش صافية ومش كويسة وطالما الناس دى موجودة _ اللى بقالهم تلت سنين قاعدين فى الاتحاد _ ... عمر الاتحاد ما هيبقى كويس .. لان الحب بين الاعضاء فى التلت سنين للأسف الشديد ... مفقود

Mohamed Berber كتب:: وأنا أستغلها ( كعادتى ) فرصة .. لضربك يا معالى الصديق وأساألك

هل ترى ان امين اتحاد الطلاب .. منصب ؟؟

هل كان الطلاب ( وبصراحة ) يحترمونك من اجله .. ام مبتفرقش كتير ؟

لو لك نصيحة لكل طلاب الكلية .. هتقول ايه ؟

منصب لا على مدار التلت سنين مجاش اتحاد منتخب او اتحاد منصب
سنة الفيومى كان معين عشان اللايحة وكذلك انا كنت معين برضه عشان اللايحة والقانون بيقولوا ان طالما مفيش فى الكلية اربع دفع يبقى مفيش انتخابات والاتحاد ييجى بالتعيين وده اللى حصل معايا انا والفيومى انما السنادى فى اربع دفع واللايحة بتقول ان فيه انتخابات لكن للاسف حصل تزوير ومكنش فيه اى انتخابات

لا معتقدش ومحستش باختلاف فى المعاملة بأمانة

نصيحة لكل الطلاب ...
يبقوا واعيين اكتر ومثقفين اكتر ويبعدوا شوية عن التفاهات
وفى كلمة ان لم تخنى الذاكرة لجبران خليل جبران بيقول فيها
اذا رأيت بما تسمح به اشعة الضوء وسمعت بماتوفره لك طبلة الأذن فأنت لا ترى ولا تسمع شيئا
يعنى من الاخر عايز الطلبة يعرفوا ان مش كل اللى بيشوفوه قدامهم حقيقة
فيه مصايب بتحصل فى الكواليس

انت قولت ليا ان عهدك كان الافضل فى موضوعك الفشل الذريع لاتحاد الطلاب وارجع ليه
وشكرا على الرد

السلام عليكم ورحمه الله وبركاته
انا صديقه جديده ممكن اوجهلك سؤال انت اكبر اهتمام ليك فى الدنيا دى كلها ايه ما هو الشئ
الذى من الممكن ان تتضحى عشانه
وشكرا جزيلا اسئله لمحمد الهجام فقط 376922

كبر اهتمام ليا فى الدنيا انى اقرب من ربنا عشان ادخل الجنة

الشىء اللى ممكن اضحى عشانه هو الاسلام
اضحى عشانه بأى حاجة

» صوره جماعيه لمحمد الهجام ومحمد بربر وsir_mohamedawad
» جامعة دمياط ------- حلم متى يتحقق؟ تحقيق صحفي لمحمد الهجام
» عيد ميلاد العضو محمد الهجام
» استكمالا لاعتذاري للزميل محمد الهجام
» صور نادرة لمحمد علاء مبارك