طلب مساعدة

مش عيب ابدا يطلب نصائح الغير بس لازم يطلبها من حد اهل للموضوع
مش هطول عليكم
انا بصراحة مكنش ليا فى القراءة والحركات دى بس بجد من بعد دخولى الكلية اتغير منظورى للحياة تماما ومن ضمن الحاجات اللى حبتها القراءة
وبدأت الحمد لله شوية
عاوزة كل حد قرأ حاجة مفيدة بجد واضافت ليه ياريت ينصحنى بيها
سواء موضوع معين كاتب معين تنصحونى اقرا له
شاعر كدا يعنى
وشكرا ليكم طلب مساعدة 632484

انا مش اعرف بالضبط اذا كنتى مهتمة بالسياسة ولا لأ
لكن لو كنتى مهتمة فعلا
انصحك تقرأى كتب فهمى هويدى و محمد حسنين هيكل
و كمان تقرأى مذكرات القادة العسكريين العظماء زى روميل و هتلر و الشاذلى و الجمسى

انا عن نفسى بحب اقرا شعر جدا وبحكم ان كمان فى عربى فدة اساسى عندى

ممكن يا ستى تقرأى لامير الشعراء احمد شوقى وشار المراة نزار قبانى ودة انا بحبه جدا

وحافظ ابراهيم واحمد ناجى

ولو تحبى تقراى قصائد عامية ممكن تقراى لاحمد فؤاد نجم وعبد الرحمن الابنودى

بس ابعدى عن الجاهلى علشان متتعقديش

لو قرأتى كتير وبعدين مسكتى ورقة وقلم هتلاقى نفسك بتكتبى احلى كلام وربنا يوفقك

بس بقولك ايه اوعى تنسى كتب الكلية خلصيها الاول علشان ترتاحى طلب مساعدة 977193

أنيس منصور

بجد مالوش حل كتبه جميله جدااااااااااااااااااااااااااااااااااااااااااااااااااااااااااااااااااااااااااااااااا

انا بحب شكسبير اوى اقريله هاملت -عطيل -الملك لير- مكبس دى فى وجهه نظرى احلى حاجه عملها
فى انيس منصور 200يوم حول العالم بجد الكتاب تحفة

أنا بعشق حاجة أسمها كتب مصطفى محمود , وأتفضلي أحلى جوهرة من كتب أستاذي مصطفى محمود حطتها في قسم المكتبة يا رب تعجبك

https://stop.1talk.net/montada-f20/topic-t2058.htm?sid=7ee408ecf8feb9542cc9615dab53aef1

بجد الف شكر ليكم كلكم
انتوا اصحاب بجد
ربنا يوفق الجميع

أنا بنصحك برضه إنك تقري لويليام شكسبير ........ قصصه روعه. طلب مساعدة 928775

فعلا يا جماعه شكسبير جامد جدا وانا بعشق كتاباته وانصحك تقرى The merchant of Venice

بنصحك تقرى لتشارلز ديكينز

من أحلى الكتب اللى قرأتها ليه الأمال الكبرى

وفيه كتاب لاميلى برونتى اسمه مرتفعات ويذرنح بجد تحفه

سلامى ليكى

» ممكن مساعدة؟؟؟؟؟؟؟؟