حوار بين مذيع ومسطول جامد اوووي

مذيع عمل حوار مع واحد مسطول سأله فيها فى الكلام الكبير و هو ده الحوار المنيل

المذيع= هسألك على حبة مصطلاحات و تقولى معناها نتبدى؟
المسطول=تحت امرك ياغالى
المذيع ما معنى المصطلحات الاتيه جاوب على طول
المسطول حاضر:

التغيير## و لا مؤاخذة لما بيغيروا للعيل لما يكون مبلول
طب
الحضارة##ايوه يا باشا مش ديه اللى بنخشها و احنا صغيرين الى فيها كى جى 1 و كى جى 2
الجمهورية ## مش ده الجرنان ابو 75 قرش ده و لا بجنيه تقريبا يا باشا
برضه
و البيئة## شتيمة بتتقال لاى حد من منطقة على اد حالها
و المصريين## لا سهلة اوى ديه يا بيه مش ديه جبنة تلاجة

العمل بالسياسة## ايوه يا بيه ديه بتتقال على اللى بيشتغل سايس فى جراج
صندوق النقد## حاجة كده زى صندوق الزبالة
يادى النيلة
طب
سلام عادل و شامل## طب عادل و عرفناه مين شامل ده بقي
الارهاب## نوع من السلطات بيتقدم مع الكباب
الشريط الحدودى ## تقريبا الشريط الى جاى بتاع عمرو دياب
طب الاهرامات ## لا سهلة اوى ديه يا باشا مش الاربعة الى شبه الجبنة النستو دول و بالامارة كمان جمبيهم تمثال ابو عزة الى هو منه راجل و منه قطه مش كده
حرية النشر## بتعملها الستات على حبال الغسيل فوق السطوح
التعمير ## اهى ديه بقى يا باشا لما نغير الحجر للشيشة فى الغرزة(القهوة )و
احمد زويل## صنع فى مصر و تقفيل بلاد برة

و الاصالة ## يا باشا دى مرات طارق العريان و بلاش نجيب سيرة الناس
طيب السياحة ## اهى ديه يا باشا ساعة ما حد يعمل حاجة مش كويسة نقوم نسيحله و نفضحه بقى
و القلعة## لا مواخذة يا باشا دى كلمة عيب بتتقال على الحد الى لابس من غير هدوم

هههههه , حلوة منك

كانوا في برنامج العاشرة مساءً والله حقيقة بيسئلوا الناس يشوفوا معلوماتهم العامة وبيسئلوا واحد .كام نجمة في علم مصر


قال تقريباً نجمة واحدة!

هههههههههههههه هو العلم فيه نجوم اساسا؟؟؟؟؟؟؟؟؟ والله فى ناس مش فاهمه اى حاجه يعنى مثلا نزل مذيع الشارع و بدا يسال الناس عن كوندليزا رايس تخيل قالى ايه؟ ولا واحد عرف الللى يقوله دى اكله واللى يقوله مش فاكر . هتلاقى من ده كتير