رقم محمول الرئيس

بسم الله الرحمن الرحيم...





ما إن أعلن الرئيس العربي عن تليفونه حتي أمسك جميع المواطنين بتليفوناتهم ..!!



فرحة كبيرة ... إنتابت الجميع ....
كان أمل الجميع ..شرف مكالمة الرئيس ....وعرض مشكلته عليه ... ؟



حتي في دور العبادة ... إنشغل الجميع بالتواصل مع الرئيس ...!!



حتي الأطفال ... أحبوا أن يكلموا ..عمو الريس .....



وطلبوا منه طلبات غريبة جداً .... عيبأقولها لكم ...!!!!


أشارت مجموعة منتقاة من خبراء الترويج والعلاقات العامة علي أحد الرؤساء العرب أن يقوم بنشر رقم تليفونه المحمول في جميع وسائل الإعلام لتحسين صورة الرئيس وزيادة شعبيته والتي أظهرت إستطلاعات الرأي أنها في تآكل مستمر ....وافق الرئيس علي مضض وعلي أمل أن يحدث التواصل المطلوب بينه وبين أفراد الشعب ويتعرف بنفسه علي مشاكلهم وسبب عدم رضائهم عنه رغم مخاوفه الشديدة من كثرة التليفونات وإمكانية تعرضه لمكالمات غير لائقة من مغرضين ومندسين بين صفوف هذا الشعب المدهش المطاوع المسالم المهاود ... بمجرد أن وافق الرئيس تم عمل حملة إعلانية ضخمة وغير مسبوقة في طول البلاد وعرضها للإعلان عن الرقم ... وتم كتابة الرقم علي لوحات مضيئة عملاقة أعلي العمارات والمباني الحكومية وقد صيغت الدعاية بعبارات جذابة وشيقة ...منها :
((إتصل برقم الرئيس ..وإنت وأهلك تهيص .... ))
((إتصل بالرئيس ... يكون لك خير ونيس ....))
ولم تنس الدعاية المرأة في هذه الحملة فكان منها ما يقول :
(( إتصلي بالرئيس .... وبكره يجيلك العريس .... ))
وكان للأطفال أمل الغد أيضاً نصيب فكتبت لهم إعلانات تقول :
(( كلموا عمو الريس .... قبل ما يموت ويفيص ))
هذا خلاف الإعلانات التليفزيونية والكليبات المثيرة التي رصد لها ملايين الجنيهات حتي تخرج الحملة بصورة مشرفة ووطنية ....
وتم الإتـفاق أن يسمع المتصل أغنية بدل سماع الجرس عن طريق خدمات (( الكول تون )) قبل أن يرد عليه الرئيس أغنية :
آآآلو الريس فين ... الريس هنا ...هنا هو ... أقولوا مين بيكلموا ...
وذلك لأن هذه الأغنية سهلة وتوحي أن الرئيس قريب ومتواصل مع شعبه ...
وكان الخلاف حول المكالمة هل تكون مجانية أم لا ..وتم حسم الموضوع بأن تكون هناك رسوم لزيادة الدخل وتنمية الموارد ودفع عجلة الإنتاج وعمل ودعم مشاريع الصرف الصحي والمياة وعمل نهضة تنموية مستقبلية ...
جاءت ساعة الصفر .... وبدأت الخدمة ... وتلقي الرئيس عدة مكالمات :


المكالمة الأولي :
- ألو ....
- أيون ...
- إنت الريس ...
- أيون يا حبيبي ... إيه مشكلتك ....
- أنا ياريس دخلت قسم شرطة أعمل محضر قام الظباط والمخبرين ضربوني علي قفايا وجابوا ساعة رقمية وقعدوا يشوف من حيضربني أكتر علي قفايا في الدقيقة وما خلصوش إلا لما ظابط المباحث عمل رقم قياسي وضربني 80 قفا في الدقيقة لغاية ما قفايا ورم ونظري ضعف ... يرضيك كده ياريس وأنا ولا مجرم ولا حاجة أنا رايح أشتكي وأعمل محضر في الجيران ...
- بص يا مواطن ... إحنا كلنا في خدمة الوطن.. والشعب في خدمة الشرطة ..لما يكون ظابط بيحميك ويحمي أولادك إيده بردانة شوية وعايز يدفيها ويسخنها في قفاك ده يزعلك ... لازم تضحي شوية علشان الوطن ...!!
- شكراً ياريس ..ربنا يخليك لنا ويخليك للوطن ... ؟


المكالمة الثانية :
- ألو
- أيون
- الريس معايا شخصياً
- أيون ... قول يا مواطن ... إيه مشكلتك ...
- أنا ياريس وغيري ملايين ساكنين في المقابر وتحت الكباري وفي عشش في ال ...في ال
- أسكت ..إتكلم عن نفسك بس يا مواطن بلاش تعميم ... إنت عايز تعمل لي تنظيم علي التليفون؟ فاهم.. ولا أفهمك بطريقتي ...
- فاهم فاهم يا ريس ...
- كمل يا مواطن ...
- نفسي في شقة من إللي بتتوزع علي لاعيبة الكورة والعقود إللي بتتوزع وبنشوف تصاويرها في التلفيزيون...
- واضح يا مواطن إنك مش متعلم ومش فاهم حاجة ... تسكينك في المقابر إنت وغيرك ده له حكمة عظيمة ..
إنت عارف إن الدين بيأمرنا بزيارتها للموعظة والإعتبار من آن لأخر لكي نعرف أنها دنيا فانية ...
وإنت محظوظ كل يوم وكل ساعة بتتعظ ... ده إنت تحمد ربنا إننا لم نأخذ منك ضريبة إتعاظ .... !!
- طب ما تيجي ياريس تتعظ عندنا شوية ...
- إخرس ... يا ..(....)
دببببب ...
وتم غلق الخط ...


المكالمة الثالثة :
- ألو ....
- أيون
- الريس حبيبنا معانا ....
- أيون أيوه كده ....إيه مشكلتك يا حبيبي ...؟؟
- أنا ياريس شاب عندي 29 سنه ومتخرج بقالي 9 سنين ومش لاقي شغل ..ولسة بآخد مصروفي من والدي وقاعد علي القهوة طول اليوم ... نفسي أشتغل ياريس ...
- أنت غريب قوي يا مواطن ... مش تحمد ربنا إننا مريحينك ..عايز تروح للشقي برجليك ... وبعدين مالها قعدة القهوة ... إتعلم منها حاجة تفيدك ...ممكن تبقي بطل شطرنج زي كسباروف وساعتها تعرف إن جلوسك علي القهوة كان مصلحة ...
- ياريس عايز أكون نفسي ...
- ما تكونها يا حبيبي حد حايشك ...؟!!
- أكونها إزاي من غير شغل ..؟؟
- إيه يا مواطن أنا ماسك أعصابي ... إنت عايز البلد تكون ملايين من الناس.. إحنا فاضيلنك ولا إيه..؟؟ إحنا عندنا عيال بنكونها برضه .... خلي أبوك يكونك يا مواطن ...
دبببب ...وتم غلق الخط ....


المكالمة الارابعة ...
- ألو ..صباح الخير ياريسنا يا جميل ...
- ألوووووووووو...صباح الجمال ... أيوه يا شابة .. إيه مشكلتك وأنا أحلها لكي في فمتوثانية ...
- أنا يا ريس عانس ... وصلت لسن 35 ومش لاقية عريس ... نفسي أتجوز زي البنات كلها ويبقي عندي بيت وأسمع كلمة ماما ....
- هههههه ... إنت تحمدي ربنا ...جواز إيه وقرف إيه ...خلفة وطبيخ وواحد متخلف ينكد عليكي ومسئولية ... خليكي كده ....
- ياريس ... نفسي أحب وأتحب ....
- يا مواطنة ... حب الوطن كفاية عليكي ....
- يعني أتجوز الوطن وأجيب منه عيال ..!!!
- يوووه ... إنت مش عجبك كلامي طيب ...
دبببب .. وإنتهت المكالمة ....


وأخيراً ... حد عايز الرقم يطلب ويجرب ..... يتصل بي أويكتب لي...وأنا أعطيه له فوراً ....بشرط يقول حيقول للريس بتاعه إيه لو كلمه في التليفون ...!!! ؟؟؟

يا جماعة تحية الرئيس محمد حسنى مبارك
الرئيس منقدرش نستغنى عنه

شكرا ليك يا حريف
ده لو الريس اعلن عن رقمه التليفون هينفجر من كتر المكالمات والرسائل
والرسائل هتبقى ايه ؟؟

شمس كتب:

ههههههههههههههههههههههههههههههههه

طيب انا عايزة الرقم يا حريف

ولما اتصل بيه واكلمه اقولك قولتله ايه

ههههههههههههههههههههههههههههههههههههههه

موضوع جامد بجد

شكرا ليك

هههههههههههههههههههههههههههههههههه
اوك ماشى
اجبلك رقمه بس يا ترى هتقولى ايه له
شكرا ليك على المرور الكريم

( كلموا عمو الريس .... قبل ما يموت ويفيص ))

ههههههههههههههههههههههه

انا لو كلمته هقوله على التوبيك ده ههههههههههههههههههههههههههههههههههه

شكرا ليك ياحريف بجد توبيك جامد

متفائلة كتب:

شكرا ليك يا حريف
ده لو الريس اعلن عن رقمه التليفون هينفجر من كتر المكالمات والرسائل
والرسائل هتبقى ايه ؟؟

اكيد من كثرة حبنا فى الرئيس
شكرا ليك يا متفائلة على المرور

هههههههههههههههههههههههههه
انا عاوزة اعرف بس هوا موبينيل ولا فودافون

al3neda كتب:

( كلموا عمو الريس .... قبل ما يموت ويفيص ))

ههههههههههههههههههههههه

انا لو كلمته هقوله على التوبيك ده ههههههههههههههههههههههههههههههههههه

شكرا ليك ياحريف بجد توبيك جامد

هههههههههههههههههههه
لا بلاش علشان اعيش بس
شكرا ليك يا عنيدة المتالقة

طب والنبى والنبى والنبى تقولى النمره كام
شكرا ليك

لا اعتقد هيسيبك تعيش عشان تاكل غيرهااا

شكرااااااااااااااااااا لك

شكرا ليك يا بنبونيتا على المرور الكريم

هقوله ربنا يهديك ويهدينا
موضوع رائع جدا بجد
ومضحك جدا وف الالفاظ والاحاسيس الساخره

انت عبقري بجد
ربنا يحميك

bonbonita كتب:

هههههههههههههههههههههههههه
انا عاوزة اعرف بس هوا موبينيل ولا فودافون

ههههههههههههههههههههه
اكيد له خط خاص
باهزر
ممكن اى مواطن عادى يبقى عنده اتصالات وفودافون وموبنيل
الريس بيعتبر نفسه زى اى مواطن عادى
مفيش فرق خاللللللللللللللللللللللللللللص
كل التحية على مرورك