لما الدكتور يقول الموضوع ده ما يستناش لازم نتصرف فيه فورا...يبقى قصده :لازم نلحق نعمل عليك شغل لأن لو استنينا هو هيخف لوحده وتضيع علينا الفرصه!!
-لما الدكتور يقول استعمل الدواء ده وعدى عليا بعد بكره ....يبقى قصده :ده دواء لا بيضر ولا بينفع تعالى لى بعد يومين اكون سألت حد بيفهم!!
-لما الدكتور يقول اشوفك بعد عشر ايام .....يبقى قصده :علشان تدفع كشف جديد انت مش قرأت اليافطه وانت داخل مكتوب عليها "الاستشاره فى خلال اسبوع من الكشف"!!
-لما الدكتور يقول احنا هنتابع تطورات الحاله اسبوع كمان قبل ما نقدم على اى اجراء.....يبقى قصده:الصبر طيب يمكن البلوه دى تتحول لحاجه نعرف لها علاج!!
-لما الدكتور يقول اعمل التحاليل فى المعمل ده انا بثق فى النتائج بتاعته.....يبقى قصده بيدفعولى عموله 30%من تمن التحاليل!!
-لما الدكتور يقول انا هاحولك على اخصائى يشوف حالتك احسن منى ...يبقى قصده:انت صحتك زى الفل بس الراجل ده مزنوق فى قرشين وواجب ننفعه!!
-لما الدكتور يقول انا هوصفلك دواء جديد ممتاز ....يبقى قصده هجرب فيك الدواء ده انا محتاج حالات اعمل عليه البحث بتاع الترقيه!!
-لما الدكتور يقول المضاد الحيوى ده ممتاز جدا مع انه غالى شويه سيبك من البديل الرخيص بتاع زمان بقى غير فعال...........يبقى قصده :مندوب المبيعات بتاع الشركه لسه خارج من عندى ومدينى شنطه دعايه جلد تجنن!!
الخميس 19 مارس 2009 - 15:28
