كلية الهباب ... الأداب سابقا

اعلن وبعد تفكير عميق وبحث دقيق انه قد تم تغيير اسم كلية الاداب الى كلية الهباب
ياجدعاااااااااااااااان مفيش حاجة ماشية ابداااااااااااااااااا
قلنا نعمل اسرة عشان نشهيص الناس ونعملها حفلات ورحلات وأكسس يا مورجان ونوزع مطويات
اخدنا موافقتها فى شهرين ( الظاهر ان الموافقة كانت جاية من الأمم المتحدة)
وقلنا هندعم الاسرة بالجهود الذاتية واللى نكسبه من الرحلات نحطه فى الحفلات ونجيب الديجيهات ونعملها على حسابنا
اى نعم فى دعم مادى من الجامعة وفلوس كتير مخصصة للأسر وخمسين جنيه من مصاريف اى طالب مخصصة للأسر اللى فى الكلية بس اكيد الفيران كتير
وطبعا زى ما انتو عارفين الفيران بتعشق وتهيم حبا بالبنكنوت فهى اكيد المسئولة والسبب الرئيس فى اختفاء الفلوس المخصصة للأسر فى ظروف غامضة.. وجارى البحث عن هذا الكائن الرمادى ذو الانياب الحادة المسمى بالفار
صبرنا واستحملنا كل ما نعمل رحلة ناخد سبع موافقات... قلنا طااااااااااااايب
ماشى دى رحلة يا ولاد يعنى ارواح ناس يعنى الباص هيتقلب لو طلعت بموافقة واحدة لازم تاخد سبع موافقات عشان الباص ميتقلبش فى الطريق
وايه يعنى لو خدت ست موافقات ع الرحلة والموافقة السابعة وقفت عشان البيه مزرجن ولازم ينكد علينا
استحمل واصبر واحتسب عند الله الثواب ( اصل احنا بنطلع من الرحلات والحفلات ملايين وهنبنى بيهم العمارة )
قلنا نصبر وماله ومنصبرش ليه ... ايه يعنى الروتين كتم على نفسنا دى بلدنا ومتنسوش ياجماعة ان مصر بتتقدم بينا ولو وقفت لازم ننزل والرجالة تزق
انما النهاردة اللى حصل ده كارثة بكل المصايب وعلى كافة الاصعدة والمحافل الدولية
اه وربنا مصيبة
بغض النظر عن حفلة عيد اليتيم اللى واقفة على امضتين ومش عايزة تتمضى ... عادى نزعل نفسنا ليه
على رأيهم ( احنا كلنا يتما )
وبغض النظر عن رحلة راس البر اللى الناس مزرجنة اوى عشانها ومش عايزين يمضوها برضه
خايفين علينا - اللهم اصلح حالهم - اصل نوة الزعبوبة فى البحر اليومين دول والموج عالى واللنش احتمال يغرق بينا فلازم ميوافقوش عليها
بس توصل لدرجة اننا نيجى
نمضى مطوية ( مجلة على هيئة ورقة ) بنوزعها ع الطلبة مجانا ( والاله الاكبر مجانا ) وبنصرف عليها من جبنا وجايبين رزمة ورق فاخر بتمنتاشر جنيه وطابعين الورقة بخمسة جنيه .. وكل ده عشان نعمل منظر للكلية ونثقف العيال ونشهيصها ونوزع عليهم مجلات ببلاش... تصوروا المطوية عايزة هى كمان ست موافقات... وبعد مرور تلت ايام جرى و عناء ومجهود شاق وبعد ان ذقنا الامرين وقريها المسئولين نفر نفر وشخص شخص ومضو عليها وجينا عل اخر امضا
المسئول ابن الحلال قالى كل الامضاءات دى متنفعش ولازم تاخدوا الموافقات الستة تانى عشان التواريخ مش مكتوبة جنب الموافقات
تواريخ اييييييييييييييييييييييييييييييييييييه هو انت هتمضى على كمبيالة ؟؟؟؟ دى حتت ورقة وفيها شعر وخبر عن تامر حسنى ومعلومات عن سيدنا محمد وشوية نكت
عامة
احنا نعذره ياولاد ممكن نوزع الورقة بميت جنيه .. وانتو عارفين ان الرجالة بتاعتنا فاييسة اخر حاجة والشاب عندنا يدفع عندنا اى مبلغ فى مقابل الحصول على اى معلومة من اى جهة
عندهم حق ومينفعش يمضوا.. احنا هنلم على كل ورقة شىء وشويات لازم نتعذب ونتعب عشان نمضيها عشان نحس بقيمة الالافات اللى هنكوشها بعد مانوزع المطوية على الطلبة
لازم يعلمونا قيمة الفلوس عشان منضيعهاش فى اى حاجة ونحوشها

انا اللى صعبان عليا الولا الفيومى من كتر ما لف ف الكلية وداخ ....الولا خس يا جدعان ومعتش نافع
جاله النهارة حالة اغماءة ووقع مننا واتكفى على وشه ع الارض
وكان ماشى جنبى بعوده الفرع الطويل ببص على يمينى فجأة ملقتوش .. وبسأل الفيومى فين يا جدعان؟؟؟ لقيته واقع جنبى ع الارض
وبعد مافاق وبقى زى النصيبة لقيته ماشى فى الكلية قاعد فاتح بقه وبيضحك من غير سبب
بتضحك على ايه يا فيومى محدش عارف
الولا اتجنن يا جدعان
يلا أدى اخرة اللى تسول ليه نفسه ويتحدى الذات الملكية ويعمل نشاط للطلاب
اسرة اييييييييييييه وسخام ايييييييه يا راجل روح اشرب سيجارة بنى فى اى غرزة بره الكلية ومحدش هيقولك انت بتعمل ايه
رحلات ايه اللى عايز تعملها وحفلات ايه وكمان ندوات ... اه يا زبالة يابايظ انت مثال سىء للشاب الجامعى
بتقول ايه ؟؟؟ وكمان بتفكر تعمل مطويات ومجلات .... ابوك السقا مااااااااااااااااااااات

وهذا هو شعار مصرنا المحروسة ... (كوسة فى كوسة عشان تفضل منحوسة )
ويلا كلنا ناخد صورة يا ولاد
صورة ... صورة ...صورة
صورة للشعب المطحون تحت الراية المكسورة
------------------------------------------------
حسبى الله ونعم الوكيل

والله العظيم يا محمد انت كلامك كله بجد يضحك
انا عارفة انه عيب اقول كدة
بس بجد كلامك صح مليون الميا
ويا عينى طالع كل احساسك فى الكلام
اكن ماسورة كلام وانفجرت
انا اسفة ان كلامى متطاول شوية
بس والله العظيم انا حسيت بكل كلمة قلتها ربنا ينتقم منهم
هقولك ايه يا محمد بس رغم النية السليمة وكل المجهود الى بتبذلوه
تخيل بقى اما حد يعانى نفس المعاناة دى بس فى امور بقى مسألة حياة او موت والوقت فيها مهم جدا
احنا نصبر ونحتسب عند ربنا
بس صدقنى ربنا مش هيضيعلكوا تعب ابدا باذن الله

والله بجد الله يكون فى عونكم
مش عارفة أقولك ايه
فالحين بس يجيببوا الغلط على الشباب ..الشباب بايظ مش مسؤل تافه
طب ما فى شباب زى الفل اهه؟
بس هى دى مصر أم الدنيا بقى فلازم تستحملها شويتين
حبة من عندك معلش كلية الهباب ... الأداب سابقا 386275

طريق النجاح مليء بالأشواك كلية الهباب ... الأداب سابقا 632484

زائر

حسبنا الله ونعم الوكيل
ربنا كبير يا بنى

معلش متتعبوش نفسكوا لانها بايظه .. بايظه مش لما يبقى حال بلدكو يتعدل تبقوا تدوروا ع الكليه! فعلا حسبنا الله ونعم الوكيل

دى كليه تحرق الدم

ربنا يقويك دى أخرت الى يعمل حاجه للكليه

يا نهااااااااار ابيض دا ايه دا دي كارثة بكل المقايس
بجد حاجة تجيب الشلل
مفيش حاجة بتمشي في كليتنا وبقولها بامانة اللي بتصويييييييييير البطئ
يعني سلحفاة ماشية ربنا يكون في عونك والله انت و كل اللي معاك ويصبرك علي اللي انت فيه دا .

هذه الكليه الميته كالمقبره لاتصلح
الا لطلاب محو الاميه

وعجبى

كليه إييييه يا عم إسم كليه ده كبييير عليها ده مدرسه التجريبيه الإبتدائي أكبر منها.... وبعدين آدي أخره التنطيط في الكليه .... كلية الهباب ... الأداب سابقا 455659

جيرسى كتب:: والله العظيم يا محمد انت كلامك كله بجد يضحك
انا عارفة انه عيب اقول كدة
بس بجد كلامك صح مليون الميا
ويا عينى طالع كل احساسك فى الكلام
اكن ماسورة كلام وانفجرت
انا اسفة ان كلامى متطاول شوية
بس والله العظيم انا حسيت بكل كلمة قلتها ربنا ينتقم منهم
هقولك ايه يا محمد بس رغم النية السليمة وكل المجهود الى بتبذلوه
تخيل بقى اما حد يعانى نفس المعاناة دى بس فى امور بقى مسألة حياة او موت والوقت فيها مهم جدا
احنا نصبر ونحتسب عند ربنا
بس صدقنى ربنا مش هيضيعلكوا تعب ابدا باذن الله

يارب انا اوشكت على الذهاب الى مرحلة اليأس

انا كده كبقية ابناء الشعب المصرى لما بتعرض لظلم بخده فى هيئة سخرية وتهريج عشان مفرقعش واموت
انا عايزكو تضحكو وقاصد ده ومفيش تطاول من اى نوع
ويارب يخليكى

متفائلة كتب:: والله بجد الله يكون فى عونكم
مش عارفة أقولك ايه
فالحين بس يجيببوا الغلط على الشباب ..الشباب بايظ مش مسؤل تافه
طب ما فى شباب زى الفل اهه؟
بس هى دى مصر أم الدنيا بقى فلازم تستحملها شويتين
حبة من عندك معلش

لا خلاص معتش هجرى زى زمان الحاجات اتمضت لواحدها ماشى
ده لو جيت اساسا
شكرا ع المساهمة اللطيفة

عمر كتب:: طريق النجاح مليء بالأشواك

دى مش اشواك دى مجارى وطفحت

الحريف كتب:: حسبنا الله ونعم الوكيل
ربنا كبير يا بنى

انا هكشف راسى واطلع ع السطح وأدعى عليهم
فى انتظار انتقام السماء

english fan كتب:: معلش متتعبوش نفسكوا لانها بايظه .. بايظه مش لما يبقى حال بلدكو يتعدل تبقوا تدوروا ع الكليه! فعلا حسبنا الله ونعم الوكيل

عندك حق
مبقتش تفرق سينا من سونيا

stop كتب:: دى كليه تحرق الدم

ربنا يقويك دى أخرت الى يعمل حاجه للكليه

مش كده برضه

semsema كتب:: يا نهااااااااار ابيض دا ايه دا دي كارثة بكل المقايس
بجد حاجة تجيب الشلل
مفيش حاجة بتمشي في كليتنا وبقولها بامانة اللي بتصويييييييييير البطئ
يعني سلحفاة ماشية ربنا يكون في عونك والله انت و كل اللي معاك ويصبرك علي اللي انت فيه دا .

صدقينى السلحفاة اسرع

al3neda كتب:: هذه الكليه الميته كالمقبره لاتصلح
الا لطلاب محو الاميه

وعجبى

ظلمتى طلاب محو الامية
ظلما بينا وليس ابدا هينا
شكرا لمساهمتك يا عنيدة

The*Prince كتب:: كليه إييييه يا عم إسم كليه ده كبييير عليها ده مدرسه التجريبيه الإبتدائي أكبر منها.... وبعدين آدي أخره التنطيط في الكليه ....

انت راجل محترم بس ( دى اخرة التنطيط فى الكلية ) كلمة مش لطيفة
التنطيط ده اللى خلاك تغير جو وتطلع رحلة ناجحة للاسكندرية مع جرين دريم

لو نيلك يا مصر صلصة مش هيكفى الكوسة الى فيكى

ولا تزعل نفسك

تتحرق الكلية على اللى فيها معادا انا طبعا

محمدسميرهجام كتب:

english fan كتب:: معلش متتعبوش نفسكوا لانها بايظه .. بايظه مش لما يبقى حال بلدكو يتعدل تبقوا تدوروا ع الكليه! فعلا حسبنا الله ونعم الوكيل

عندك حق
مبقتش تفرق سينا من سونيا

هههه مش كده بردو!!!!!!! شكرا انك علقت على ردي

مش عارف ليه يا محمد وانا بقرا كلامك اللى سمعته منك قبل كدة كتير وكتير اتناقشنا فيه

مرت قدامى السنين اللى فاتت لينا فى الكلية

وشفت موقف كل واحد .. المواقف كتيرة والناس اكتر

فينا اللى باع واللى ضاع واللى خان واللى لاخر نفس .. كان محترم حتى لو تختلف معاه ...

ودكاترة من جميع المقاسات .. محترمين وحرامية .... وعميد راح وعميد ييجى ... لكن بالتأكيد

كليتنا محتاجة كتير اوى اوى اوى

كلامك جميل يا جميل

روح-الزمالك14 كتب:: لو نيلك يا مصر صلصة مش هيكفى الكوسة الى فيكى

ولا تزعل نفسك

تتحرق الكلية على اللى فيها معادا انا طبعا

واتحرق انا مع اللى هيتحرقوا
دى ديماجوجية شديدة على رأى عمر

no comment

ربنا معاكوا
ربنا يخرجنا منها على خير
ويجازى الفئران على ظلمهم

» هل هناك مقارنة بين كلية الدراسات الاسلامية بجامعة الازهر فى دمياط الجديدة وبين كلية الاداب بدمياط
» مذكرات خريجي كليه الأداب ................شاهد علي الأحداث
» فى كلية الاداب بدمياط ( أنا وأنت وهى )
» فى مكتبة فى كلية اداب بدمياط -----؟
» مظاهرات في كلية