جمال عبد الناصر (ظالما او مظلوما)

الكثير من الاعضاء الكرام هاجمونى بسبب كلامى عن البكباشى ناصر وطبعا الكلام مش عاجبهم لانه مظبوط
صورت الثوره للشعب ان ناصر هو مخلص مصر من الفساد والفقر وهو رمز العزه والكرامه ورافع رايتنا
لكن من ينظر اليه بمصداقيه يجده السبب الرئيسى لضياع مصر
نبدأ من الاول
رمز العزه عايز اعرف ليه هو الانسان لما يكون لسانه طويل وبيغلط فى الدول الكبرى وهو عارف انه ميقدرش
يحاربهم ولكن غروره صورله ان يستطيع المواجهه مع الولايات المتحده ويقف امامها وكانت النتيجه هزيمه
ليه رمز العزه (مثال) لو كان الملك فاروق فى يوم ذهب للجيش وحصل بينه وبين ناصر كلام
تقدروا تقولوا كان ناصر هيقول له ايه انا اقول لكم (كان هيقف ويعظم ليه ويقول خدامك يا مولاى)
وده طبعا غصب عنه وكان بيعمل كده من اصغر عسكرى لغايه رئيس الاركان يبقى مش رمز العزه
وبعدين لو هو رمز الشجاعه كان ليه مستخبى ليله الثوره مع عبد الحكيم عامر فى محطه بنزين
ومعاهم شنطه فيها الملابس العسكريه وهما اساسا مرتدين ملابس مدنيه خايفين من فشل الثوره
فى خطاب لناصر قبيل النكسه قال فيه للرئيس الامريكى ليندن جونسون(لو مش عاجب الرئيس الامريكى يشرب
من البحر الابيض يشرب من البحر الاحمر )
خطاب اخر قال فيه( سوف اضرب اسرائيل وما وراء اسرائيل)يقصد الولايات المتحده
رد عليه الرئيس الامريكى قائلا سوف اجعل ناصر يشرب من مجارى القاهره وهو يستطيع فعل ذلك
فى موضوع سابق لى كتبت عن ناصر ورجال الثوره بس فى حاجات مكنش ينفع اكتبها علشان البنات
ولكن انا مضطر لكى يعرف الجميع ما هى الثوره
فى برنامج شاهدته على قناه لبنان كان يستضيف السيده (اعتماد خورشيد) زوجه صلاح نصر رئيس المخابرات
فى العهد الناصرى وهذه السيده هى والده الفنانه شيرهان و الموسيقار عمر خورشيد التى قالت
ان رجال الثوره امثال صلاح نصر وصلاح سالم وعبد الحكيم عامر كانوا يأتون بفنانات هذا العصر
من بيوتهم بملابس النوم لكى يمارسوا معهم الرزيله و اتوا كلهم ما عدا فاتن حمامه التى هربت على لبنان
ولم تعود الا بعد موت ناصر
استخدم صلاح نصر لاول مره النساء فى مجال الاستخبارات واستخدم فى بدايه الامر مائه بنت
وكان رجال المخابرات يقوموا بتصويرهم من باب السيطره عليهم
هناك اشاعه مغرضه تقول ان الثوره التى اخرجت القوات البريطانيه من مصر بموجب اتفاقيه الجلاء 1954
ولكن الانجليز خرجوا من مصر بارادتهم وذكر مؤرخ بريطانى عسكرى فى برنامج ارشيفهم و تاريخنا
على قناه الجزيره ان بريطانيا كانت لديها قوات فى قاعده فى البحر المتوسط تستطيع احتلال القاهره
وكان ناصر يعلم ذلك يعنى مش الثوره
تاميم القناه لم يكن له داعى مع العلم ان القناه مصدر ربح وفير لمصر ولكن لو كان انتظر حتى نهايه المده
ما ادخلنا بحرب مع الحلفاء
ان حرب 1956 كانت حرب لا طاقه لنا بتكملتها لولا رحمه الله بنا
و اشيع ان الاتحاد السوفيتى انذر القوات المعتديه بالانسحاب حتى لا يتدخل كله كذب
ما كانت بريطانيا وفرنسا واسرائيل اعداء السوفييت وبينهم حرب بارده لينصاعوا لاوامره
الحقيقه هو تدخل الرئيس الامريكى ايزنهاور لوقف لحرب لدخولهم الحرب دون مباركه الولايات المتحده
التعذيب فى المعتقلات كان رجال الثوره اصحاب باع طويل فى التعذيب و القتل امثال حمزه البسيونى
مقتل عبد الحكيم عامر بعد الهزيمه 1967 اراد ناصر ان يتحمل عامر مسؤليه الهزيمه
وقال لمعاونيه البلد مستحملش اتنين انا او عامر فتم قتله بدس السم له
واشيع انه انتحر قال جمال حماد فى برنامج شاهد على العصر على قناه الجزيره ان عبد الحكيم عامر
مات فى سبتمبر ولو انتحر لماذا لم ينتحربعد النكسه مباشره ولكنه قتل
احد الاعضاء سألنى عن كون ناصر علمانى و عايزه الادله
اسمعى اى خطاب ليه هتلاقيه بيقول فى البدايه بسم الامه بدل من بسم الله الرحمن الرحيم
ليه لكونه شيوعى يكره الاسلام
اسألوا الكبار فى السن عن عهد الثوره هيقول لكم ان كان عهد مجون انعدم فيه المحجبات وكانت الملابس
شبه عاريه وانتشرت الملاهى الليليه والافلام المخله فى السينما
التعذيب فى السجون والمعتقلات واعدام الشيخ سيد قطب بدون اسباب
ملحوظه عندما وقعت النكسه قام الشيخ الشعراوى ليصلى ركعتين ليشكر الله على الهزيمه لكى يفيق الشعب
شكرا
sir_mohamed awad

ربنا يحرقة عبد الناصر قاتل الملك

طبعاٌ يا سير انت تقصدني ...مفيش مشكلة واليك الآتي
1-انت بتقول بيغلط في الدول الكبرى انت عجبك استخفاف الغرب بالعرب والمسلمين لأن مفيش كرامة
أيام عبد الناصر العالم كله كان عامل اعتبار لمصر
2-بالنسبة للملك فاروق طبيعي أى ضابط يحترم القائد
3-ليلة الثورة كان مستخبي لأن دي خطة لابد من التمويه "عيش النهاردة عشان تحارب بكرة"
4-أما في خطابه للرئيس الأمريكي دي شجاعة وكرامة مهما كانت النتائج ارجع لرقم1
5-اعتماد خورشيد قالت كده عشان عبدالناصر عزل صلاح نصر بعد علمه ما يفعله في السجون فعزله وسجنه
وليه رئيس يسوأ سمعته مع فنانات ما البنات كتير بالعقل يعني تيجي نسأل فاتن حمامة
6-لو الانجليز خرجوا بارادتهم ليه حاربونا تاني في 1956
7-يعني ايه التأميم مش مهم وبعدين كانوا هايسلموها لنا خرابة جدودنا اللي حفروها بدماؤهم بالساهل بتفرط في
حق جدودك.....حرام عليك
8- حرب 56 كانت انتصار سياسي بكلمة من عبد الناصر
9-عبدالحكيم لم يقتل، كان صديق حميم لعبدالناصر وأعداؤه استغلوا الخلاف بينهم وأشاعوا ذلك
10-عبد الناصر ليس علماني دليل أنه بنى مسجد وأكمل بناؤه السادات، عبدالناصر هو مؤسس اذاعة
القرآن الكريم، انا بحب اسمعها جداٌ
11-المجون و انعدام الحجاب و الأفلام كان قبل عهد عبد الناصر وبعده وانت ليس لديك الحق لتكفره
12-اعدام سيد قطب الله أعلم أنا مش متأكد لكن كان من الاخوان والاخوان كانوا يسعوا وراء السياسة
13-رحم الله الامام الشعراوي
14-الناس كانوا بيحبوا عبد الناصر وانت أكيد لاحظت جنازته
ربنا بيقول فيما معناه في الحديث القدسي "يا جبريل اني أحب فلاناٌ فأحبه".........الى آخر الحديث "ثم يوضع له
له القبول في الأرض فيحبه أهل الأرض" العالم كله بيحب عبدالناصر
15-يا سير محمد الرجل ده مات ولا يصح لك أن تتكلم عنه هكذا لأنك لا تعلم الغيب
...............................عبد الناصر مظلوم......................................
..............................الله يرحمه...........................
شكراٌ يا سير

يا جماعة لازم نوزن الناس بحسناتها وسيئاتها .

مايكل شريف كتب:

يا جماعة لازم نوزن الناس بحسناتها وسيئاتها .

أنا حاولت أعمل كده يا مايكل وكنت بتكلم مع عمر في الموضوع ده النهاردة
لكن السير بيعمل أي حاجة ليرجح كفة سيئات عبد الناصر

اولا كلامى موجهه لابو خالد
اولا استخفاف بمصر افضل من الهزيمه والمهانه
تمويه ليله الثوره انا لا اتفق معاك ده جبن لانه انسان جبان وبطل الثوره الحقيقى هو يوسف صديق الملقب
بأسد الثوره
ان يغلط فى اللى اقوى منه ده سفاله وغباء سياسى لان بسببه راح من مصر الاف الشهداء فى 56و67
وبعدين قضيه الفنانات معروفه ولو بحثت عن فاتن حمامه على ويكيبديا هتلاقى كلامى مظبوط
واختيار الضباط الاحرار للفنانات يرجع لجمالهم وجاذبيتهم
الفساد والمجون زاد فى عهد ناصر فى السينما والحياه العامه لاوامر من ناصر لكى يبعد الشعب عن الدين
ويتمكن من نشر المذهب الشيوعى
اعدام سيد قطب يرجع لفكره الداعى لشمول الدين فى كل ارجاء الحكم
انا لا اكفر عبد الناصر لكن اذكر وقائع حدثت بالفعل
دليل اخر
السادات كان من ضمن الضباط الاحرار ونائب ناصر فى الحكم
لو كان السادات مقتنع بفكر ناصرو الثوره ما كان فعل الاتى
تحول مصر للنظام الراسمالى
اخرج المعتقلين من السجون
سمح بدفن الملك فاروق فى مسجد الرفاعى بجوار الملك فؤاد
اعطى بنات فاروق وابنه الملك فؤاد الثانى جوازات السفر المصريه
سمح لزوجه الملك فؤاد الثانى بولاده ابنها الاول فى مصر
شكرا لكل الاعضاء الكرام

يا سير الكلام انتهى انت بتعيد الكلام مفيش جديد غير أعمال السادات
قلت لك بلاش مغالطة

يا ابو خالد انا بصصح غلطك وبعرفك الصح من الغلط انا مش بكرر
وبعدين الموضوع قدامكم انا مش هضيف جديد انا مستنى رأيكم
شكرا