المواصفــــات القيـــاسيه للبنــــت المصـــريه .....هاااااااااااااااام جداً

الصفة الأولى : اللسان
مرة كنت في اسماعيلية وانا واصحابى اتفرقنا وقلنا هنتقابل على الساعة 5 فى سينيما معرفش اية كدا.. وكنت تايه لأني مش دايس فيها قوي.. أعمل إيه في الحالة دي؟

رحت مستنى عند اول شارع وقلت هسأل اى شخص معدي في الشارع.. تصرف بديهي جدا مفيهوش أي حاجه يعني .. لكن لسوء حظي العاثر يشاء القدر إن الشخص ده يكون واحدة بنت..!

بمنتهى التهذيب والوقار سألتها:

" لو سمحتي فين سينيما الللللللل و (لسه حا كمل باقي الجملة ) "

و بمنتهى الرقي والتهذيب راحت بصّالي.. وراحت مسمعاني باقة منتقاه -من أروع ما أنتجته قريحة الصيع- من الشتايم!!

أعجبت طبعا بسرعة الأداء ومهارة الإلقاء (الحق يتقال يعني!) لكن على إيه ده كله؟؟

كانت فاكراني بعاكس سيادتها يا جدعان .. تخيلوا المهزلة الإنسانية؟ ( هوا صحيح انه انا غلطان علشان كنت المفروض استني راجل او اي شاب معدي بس تعمل ايه بقي )

و سابتني مذهول وراحت ماشية!!
الصفة التانية: التناكة..
البنت المصرية العادية تعتبر اي ولد يحاول التكلم معها، تعتبره مجرما أثيما يحاول التقرب إليها لسبب خبيث حقير شرير ألا وهو التعرف عليها.. إلى أن يثبت العكس!!

لا حول ولا قوة إلا بالله!!

يعنى لو شاء القدر في الكلية عندك (خصوصا طب وهندسة) واضطرتك الظروف إنك تكلم واحدة مش من شلتك أو بينكم صديقة مشتركة, فلا بد أن تكون لك ما يكفي من المبررات والأسباب الكافية جدا, كي تقنع سيادتها إنك لست ذئبا بشريا،و انك لا تسأل عن موعد المحاضرة كمقدمة لسبب آخر لا داع لذكره،عشان العيال الصغيرة اللي بتقرا الموضوع معانا!!
هل لديك زميلة في كليتك من جنسية أخرى؟ لا حظت بتتكلم معاك عادي إزاي كإنك بني آدم خلقه ربنا؟ عادي يعني .. انما لما تيجي تتعرف على بنت مصرية لازم تتكتك وتخطط وترسم الخطط والاستراتيجيات وكإنك داخل على موقعة حربية.. فيه إيه يا عم؟؟ على إيه ده كله يا إكسلانس؟
الصفة الثالثة: الشياكة
البنت المصرية (بحق ربنا) تتزين وتهتم بمظهرها بشكل لابأس به إطلاقا (روح سيتي ستارز، مش باتكلم على مدرسة الصنايع اللي جنب بيتكم يا خفيف!) ..

المشكلة هنا هي نظرة البنت نفسها للمسائل دي ..

البنت دي في الأغلب والأعم بتعمل الشويتين دول لتجذب الشاب الغلبان إللي هايتدبس يا عيني.. وبعد الجواز بقى انت عارف اللي فيها!!

اسمع القصة دي: يقال أن زوجة كانت كل ما تصحا من النوم تلاقي نفسها غرقانة مية.. فعملت نفسها نايمة في يوم،عشان تعرف المية دي جاية منين.. لقت جوزها جه نام جنبها وفتح التليفزيون .. وكل شوية يقول في حسرة: "هي دي النسوان ولا بلاش.. مش انتي؟ اتفووو!"

على الرغم من كده فيه بعض الخبراء في هذا الموضوع بيأكدوا إن الجيل الصاعد بتاع اليومين دول، فيه أمل كبير قوي وممكن يغير الحته دي.. مين عارف .. مفيش حاجة قليلة على ربنا!
الصفة الرابعة: احتقار الراجل!!
فيه راجل رحالة قديم جه على مصر في العصور السحيقة ..لاحظ سلوك الستات في مصر وكتب عنه.. بيقول الراجل ده في مذكراته فيما معناه:
"...... وحين جئت أرض مصر، وجدت فيها أمرا عجيبا مستغربا, ألا وهو تسلط نسائها على رجالها..!! عجبت لهذا الأمر عجبا عظيما، وانتويت سؤال أولى العلم في هذه المسألة الغريبة.. فجائني رجل بالسبب:

حين خرج فرعون لملاقاة موسى، خرج ومعه كبار القوم وسادتهم، وتركوا النساء والعبيد.. فلما حدث ما حدث وهلك فرعون ومن معه ..اتخذت النساء عبيدهن أزواجا!.. ومن هنا جاء تسلط نساء مصر على رجالها حتى اليوم, فهم يعاملونهم كالعبيد......"
شايف القصة المهببه دي؟ اهو الراجل مش من هنا وقالها بنفسه.. بتعملوا فينا كده ليه يا نساء مصر اتقوا الله فينا مش كده.. دا حتى عشان سمعة الوطن في الخارج.. يرضيكم اللي بيتكتب ده يعني؟؟
نعمل إيه طيب؟؟
بعد ما شفنا البنات بيتعاملوا معانا ازاي يا شباب.. لازم نعد العدة ونتعامل معاهم بنفس الأسلوب.. خد الحلول دي وظبط نفسك:
الحل الأول: المساواة ..في الظلم عدل!!
زمان كانت الست المصرية بتحارب عشان حقوقها .. دلوقتي لولا الكسوف بس كان الرجال عملوا جمعية لمناصرة حقوق الراجل.. مش كده؟؟

لاحظ كده لو كنت بتركب المترو أو الأوتوبيس .. سيب بس أي بنت حلوة لابسة ستوماك بادي تدخل وشوف إيه اللي هايحصل.. هاتلاقي شاب كده هلهولة عامل جنتل مان راح قايم ومقعدها مكانه .. وغالبا البنت هاتنزل آخر الخط ومش هاتقوم، عشان تخليه واقف أطول فترة ممكنة!

النصيحة التي أتحمل مسئوليتها الكاملة هي: لو لقيت بنت حلوة عايشة الدور, داخله المواصلة اللي انت راكبها إياك تقوم وتقعدها مكانك.. أولا: صحتها أحسن من صحتك ميت مرة (بطل السجاير والحشيش بقى عيب انت كبرت!) وثانيا: هي مش من بقيت أهلك (لو اختك أو خطيبتك اللي داخلة ماتستهبلش يعني!), وثالثا: لو عامل كده عشان تبين لها انك واد جنتل يعني وحنين، فاعرف إنها مش هاتخليك تتعرف عليها يا ناصح حتى لو عملت لها قرد..يعني هاتبقى قمت ووجعت رجلك عالفاضي.. ومش هتاخد ثواب كمان عشان نيتك غالبا مش كويسة! رابعا: البنت دي مش كبيرة في السن وشابة زيادة عن اللزوم زي مانت شايف.. تقوم ليه بقى؟؟ طيب لو هي اللي قاعدة وانت اللي داخل كانت هاتقوم لك؟؟

المفروض تقوم وتقعد البنت اللي واقفة في الحالات دي:

لو لقيتها بنت غلبانه أو بنت محترمة أو فتاه عاملة أو ست كبيرة، يبقى لازم تقوم لها طبعا مش عايزة كلام.. لكن لو بنت من اياهم، تبقى شاب لامؤاخذة،لو قعدتها مكانك!

الحل التاني: ولا تعبرهم!
سألت مرة بنت: " انتي بتلبسي ليه كده؟"

اجابت: "عشان كده أشيك!"

ألحّيت في السؤال تاني عشان اعرف الإجابة الحقيقية (رزالة بقى!) فقالت في النهاية بصراحة:

- "عشان الناس تبص عليا وأحس إن أنا حلوة وأشوف فى عيونهم نظرة الأعجاب اللى استاهلها طبعاً!"

شفت بقى يا معلم؟ يعني البنت من دول عامله اللي هي عاملاه ده عشان كل ما انت تهتم بيها، سيادتها هاتتكيف وتنبسط أكتر.. ومش هاتعبرك برضه يا عم الدون جوان..!
أقول لك حاجه؟

و لا تعبرها .. لو زميلتك عاملة كده يبقى احلقلها ميري يا معلم.. نفضلها وسيبها .. يعني لو بتكلمك وموبايلك رن, رد عليه وسيبها وامشي... لو واحدة ماشية في الشارع كده،لا تبصلها ولا تعبرها ... كإنها هوا معدّي.. كإنها لاشئ عابر!

لعلمك الحركة دي بتجننهم جدا جدا فوق ما تتخيل .. لأن البنت من دول متعودة ان الناس بتطلب رضاها ومعجبة بيها طول الوقت.. خلي كرامتك بقى تنقح عليك ونفضلها وش ..و لا تبصلها يا شقيق.. بيّن ان انت مش عبيط زي الناس التانية وان الحركات دي ماتخيلش عليك..

هاتلاقيها اشتعلت نارا واتفحمت.. أحسن .. تستاهل!
و أي خدمه

منقول

ايه يا عم ده
شكلك شايل من البنات جامد
وعلى فكره مش كل البنات كده
ميرسى ليك على الموضوع

halaonline كتب:

ايه يا عم ده
شكلك شايل من البنات جامد
وعلى فكره مش كل البنات كده
ميرسى ليك على الموضوع

هههههههههههههههههههههههههههههههههههههههههه
شكرا ليك على المرور الكريم

فعلا مش كل البنات كده
و لو بنت اتلاقت مواصله مافيهاش مكان مشهتركب اصلا
و مش كل البنات بتلبس علشان الناس بتعجب بيها بالعكس بتلبس كده علشان ده عاجبها
و بعدين صحيح يعني مصر خلصت من الصبيان مافيش غير بنت الي تسالها واسعه دي شويه
شكرا على الموضوع و شكلك فعلا شايل من البنات

halaonline كتب:

ايه يا عم ده
شكلك شايل من البنات جامد
وعلى فكره مش كل البنات كده
ميرسى ليك على الموضوع

هههههههههههههههههههههههههههههههه
لا والله مش شايل منكم خالص
شكرا ليك على المرور الكريم

ههههههههههههههههههههههه
زعلانة ليه يا شيرين
عادي
شكرا ليك على المرور الكريم

اول مره مش اوافقك في حاجه
اولا مش كل البنات
تانيا في بنات محترمه جدا..ودول كتير علي فكره
ثالثا...اسمحلي اقول(البت)الي انت سألتها دي...اوغيرك سألها وقالت كده
مستخسره اقول بنت والله
انت سالت (البت)الغلط...وانتوا ديما تسألوع الغلط
...ومفيش حاجه اسمها واحده تزل واحد...هو الي بيدياها الفرصه..
يعني يبصلها ويحسسها بقيمتها فهي اكيد هتستغله..
خصوصا..اسمحلي بقي..ماانت غلطت فينا كتير
شباب الاياو دي معظمهم اغبيه..يعني بيتصرفوا بغباء
ده رأيي وشكراااااعلي الموضوع يا حريف

وايه البنت بتاعه الاسماعيليه دي
للاسف في بنات بتفكران هي لما تعمل كده تبقي محترمه
معتقدش انك بتسأل في حاجه عيب او غلط اوحرام...
ده سؤال بريئ يعني يا ترد بأدب يا تمشي باحترام
مش المناظر البيئه الي بنشوفها دي
وانت بردو يا حريف هههههههههه ابقي نقي الي تسئلهم
والرجاله مخلصتش يا اخي يعني ههههههه
شكرا ليك عجبني الموضوع
كل الكلام ده ومخلصتش الي عندي
دي مشكله العصر يا بني...

اولا يا الاء
مش كل البنات وحشين
بس في بنات وحشين جدا
وهم بيبقوا خطر على المجتمع منهم
شكرا ليك على المرور الكريم

ThePrince كتب:

لالالالا إيه يا حريف! البنات دول مخلوق رقيق جداً جداً مينفعش كده مش كل البنات كده والله....

اكيد طبعا فى بنات كويسين زى الفل
انا معاك فى كده
شكرا ليك على المرور

alaa. كتب:

اول مره مش اوافقك في حاجه
اولا مش كل البنات
تانيا في بنات محترمه جدا..ودول كتير علي فكره
ثالثا...اسمحلي اقول(البت)الي انت سألتها دي...اوغيرك سألها وقالت كده
مستخسره اقول بنت والله
انت سالت (البت)الغلط...وانتوا ديما تسألوع الغلط
...ومفيش حاجه اسمها واحده تزل واحد...هو الي بيدياها الفرصه..
يعني يبصلها ويحسسها بقيمتها فهي اكيد هتستغله..
خصوصا..اسمحلي بقي..ماانت غلطت فينا كتير
شباب الاياو دي معظمهم اغبيه..يعني بيتصرفوا بغباء
ده رأيي وشكراااااعلي الموضوع يا حريف

مقلتش كل البنات
فى شريحة كبيرة من البنات زى ما فى شباب وحشين

ده كل الموضوع
شكرا ليك ونورتى

alaa. كتب:

اول مره مش اوافقك في حاجه
اولا مش كل البنات
تانيا في بنات محترمه جدا..ودول كتير علي فكره
ثالثا...اسمحلي اقول(البت)الي انت سألتها دي...اوغيرك سألها وقالت كده
مستخسره اقول بنت والله
انت سالت (البت)الغلط...وانتوا ديما تسألوع الغلط
...ومفيش حاجه اسمها واحده تزل واحد...هو الي بيدياها الفرصه..
يعني يبصلها ويحسسها بقيمتها فهي اكيد هتستغله..
خصوصا..اسمحلي بقي..ماانت غلطت فينا كتير
شباب الاياو دي معظمهم اغبيه..يعني بيتصرفوا بغباء
ده رأيي وشكراااااعلي الموضوع يا حريف

مقلتش كل البنات
فى شريحة كبيرة من البنات زى ما فى شباب وحشين

ده كل الموضوع
شكرا ليك ونورتى

ThePrince كتب:

لالالالا إيه يا حريف! البنات دول مخلوق رقيق جداً جداً مينفعش كده مش كل البنات كده والله....

ههههههههههههههههه
اكيد طبعا
شكرا ليك

شمس كتب:

شكرا شمس