أتخلص من الكرش بسهولة

كام مرة بصيت على نفسك في المراية وقلت "والله نفسي أشيل الكرش دا" طب أيه اللي مانعك , جايز معندكش وقت تلعب رياضة . لو عذرتك في الأمر دا مقدرش أعذرك في التمسك بالمثلث الصحي اللي هقدمهولك دا :

كل خضار وفاكهة كثير + أمشي على قد ما تقدر + أشرب ماية كثير .

الخضار والفاكهة عبارة عن مكنسة للبطن فكلاهما غني بالألياف الطبيعية إضافة للفيتامينات ونسب لا تذكر من البروتين والدهون . يعني كل سلطة على قد ما تقدر قبل الأكل علشان تحس بالشبع ومتفتريش على نفسك في الأكل . وضيف معلقة أو أثنين خل علشان تحس بالشبع أكثر .

المشي دا رياضة , كام مرة سمعت الكلمة دي ومن كثر ما سمعتها بقيت مبتفهمهاش , بالفعل المشي رياضة , بدل ما تخلي الميكروباس يوصلك لحد باب الكلية أقف قبل الكلية بمائة متر ولا حاجة , وكمل مشي . أتصل بصاحبك وقلوا تعالى نتمشى والمرة دي أتمشى بجد متعقدش عند أول قهوة تقابلك ....امشي على قد ما تقدر هتحس بفرق . المشي على الأقل نص ساعه في اليوم .

أشرب ماية كثير , تناولي ثلاثة أكواب كبيرة من الماء قبل الوجبات الرئيسية، فالماء ليس له أي سعرات حرارية ويملأ فراغ المعدة ويقلل بالتالي من تناول الطعام.

دي نصايح بسيطة وسهلة لكن لو حد وضعها في خانة الألتزام ومشى عليها لمدة 3 شهور هيكون إنسان تاني , المهم الألتزااااااام وعدم اليأس.

إن شاء الله نتكلم في موضوع تاني عن تمرينات لياقة ممكن تتعمل في البيت وتدخلك مرحلة تانية خالص. أتخلص من الكرش بسهولة Obese-man

شكرا يا عمر علي النصايح الجامده دي :D

شكرا اوي ياعمر على الموضوع ده وانا من رأيي ان المشي اهم حاجه في الموضوع ده كله

شكراااااااااااااااااااااااااااااااااااااا

نصايح جميله جدا

بس الرياضه اهم شىء دلوقتى
والمشى ايضا

نصائح غاليه جدا
دوما متالق
تحياتى
هارى

شكراً على مروركم و الرد أتخلص من الكرش بسهولة 478256

هابل جدا ياعمر ويارب مايحرمك منى
هههههه
مشكوووووووووووور اوى
تحياتى

General كتب:: هابل جدا ياعمر ويارب مايحرمك منى
هههههه
مشكوووووووووووور اوى
تحياتى

ماشي يا عزت نورتنا , ويارب تشيل الكرش اللي عندك أتخلص من الكرش بسهولة 977193

أحمد الرب معنديش كرش , لكن المعلومات دي سهلة وتعمل حياة صحية متكاملة لأي واحد شكرا ليك

كل الناس تسمع النصايح دي وإلا هيكونوا زي الكابتن اللي في الصوره وساعتها كل واحد يبقي اسمه " معلم كرشه" أتخلص من الكرش بسهولة 455659

شكرااااااااا ياعمر ع المعلومه
واضف الى ذلك تمارين البطن مفيده جدااااااااااا لشد عضلات البطن

جزالك الله كل خير

ربنا يخليك ياعمر
وشكرااااااااا على النصايح
بجد الخضار والفاكهة والمشى
بجد مفيدين جداااااااااااا