بمناسبة ضرب بوش بالجزمة كلمات أغنية الفنان (القدير) شعبان عبد الرحيم !

خلاص مالكش لزمة.. يا بوش يا بن اللذينا

تستاهل ألف جزمة.. على اللى انت عملته فينا

الجزمة كانت مفاجأة تمام زى الزيارة

الدنيا بحالها فرحت والناس فضلت سهارى

يا قلوب كتير حزينة قومى يالا اتبسمي

شوفى بوش وهو خايف والجزمة بتترمى

بصراحة مقدرش أغشك وأقول زعلت عليك

ياريتها جت فى وشك وخزأت عينيك :pirat:

صدام اللى انت دبحته فى أول يوم العيد

أهو أخد بتاره وفى نفس المواعيد

تحية عشان منتظر وتحية لجزمته

فرحنا فى بوش أخيراً على آخر خدمته

بجزمتين فى وشك هتسيب أمريكا على نارك

ويا عينى مش هتلحق يا بوش تاخد بتارك

فيه ناس كتير بسببك فى الدنيا مبهدلة

بتقول يا ريتها كانت صاروخ أو قنبلة :affraid:

العالم كله شافك وبالسعادة حس

والجزمة زى الكورة وداخله فى المقص

مليون شهيد وأكتر فى الجنة فرحانين

ربك كبير وقادر يهد المتفرعنين

تسلم ايدك يا عمر
تحياتى
البتاجول

التحية واجبة ع الاغنية دى
بس مش لشعبان لان شعبان بيشرب حشيش ومسطول
والكلام ده معروف من زمان فى الوسط الفنى
زى كده مامعروف ان جورج وسوف خمورجى
عامة الله اعلم
المهم التحية واجبة لاسلام خليل مؤلف الاغنية دى وكل اغانى شعبان عبد الرحيم

تحياتى ليك ياعمر على الموضوع

بمناسبة ضرب بوش بالجزمة كلمات أغنية الفنان (القدير) شعبان عبد الرحيم ! 950539231

ِشكرا يا عمر على الكلمات الجميلة
و انا كان لى شرف مقابلة شعبان عبد الرحيم مرات عديدة بحكم عملى
و احب اقول انه مبطل شرب سجاير من زمان......عشان صحته
يبقى ازاى هو محشش ؟؟؟؟؟؟؟
و يكفينا انه بيعبر بتلقائية عن مشاعر الشعب المصرى...., اعتقد اننا ممكن نقول انه ممثل سياسى شعبر للطبقات المسحوقة فى المجتمع المصرى
و كل اغانيه او معظمها بتقول رأى فى موضعات سياسية مهمة
و ده شفناه فى اغانى كتيره له اتكلمت عن اعدام الشهيد صدام و عن 11 / 9 و عن سب الرسول الكريم و كراهيه اسرائيل و غيرها من القضايا المهمة
الغريب فى شعبنا هذا و أعلامه الحكومى انه يتكلم بالسوء عن شعبان عبد الرحيم....و يتكلم بالحسن عن كل المطربين الذين لا يتغنوا بأى شئ جاد او هادف....بل ان المعيار الوحيد الأن لنقول على اى مطرب انه محترم و ناجح....هو مدى غناؤه لأغانى مبتذلة بعيدة عن اى شئ سياسى او هادف
لك الله يا مصر

زائر

الفنان شعبان عبد الرحيم شاعر بسيط اغانى شعبية جميلة
لا اعتقد انه يشرب حشيش واغنيته الشهيرة ابطل السجائر واكون انسان جديد
فعلا انا قرايت وتابعت هذه القضية
لما دخل الفنان شعبان الى المستشفى لاصابته بضيق فى التنفس فشك الاطباء ان الفنان تناول حشيش وايضا وجدوا فى ملابسه لفة حشيش ومع ذلك ارسل عينة من الدم الى معهد السموم لتحليل العينة فوجدوا سالبة خالية من الحشيش