فضفضه "ايه تعبك وايه فرحك"

فضفض باللي تعبك واللي فرحك
عايزين كلنا نفرح لفرحنا ونقف جنب اللي تعبان
ايه اجمل واغرب موقف حصلك
ايه الحاجه اللي حصلتلك وقلقان منها
كل الاعضاء هيساعدوك ف تعبك
وهيفرحولك ف فرحك
اتكلم وقول فضفض
مش لشباب بس اكيد وللبنات

انا ع فكره من هواياتي التربيه
وبجد فرحان اوي ليكي يا رام ع القطط الجديده وياريت لو اقدر اشوفهم
والف الف مبرووووووك وعقبال ما تجوزيهم
هههههههههههه
اللي مضايقك بقي اكيد لازم تفضفضي بيها لاعضاء اللي اكيد هيقفوا جنيك ويشاركوا فكرك بارائهم
وانا اولهم هنستناكي

ربنا يروق بالك
بس احنا عايزين نعرف اللي مضايقك عشان نشارك بارائنا
وايه اللي فرحك عشان نفرح معاك

ارجو من عمر التثبيت
والموضوع مفتوح واي حد عايز يتكلم ف اي حاجه كلنا هنسمعه
احنا كلنا جماعه واحده وايد واحده واللي يتأذي من اي حاجه فينا اكيد انا بنتاذي زيه ربنا ما يجيب اي شر ويسلم كل واحد مننا من اي اذي
واللي اكيد يفرح اي واحد مننا اكيد هيفرحنا كلنا
ارجو التثبيت من الاستاذ عمر
ولك جزيل الشكر

الموضوع فكرته حلوة انا كنت عاملاه يا سمارت بس بأسلوب تانى بس للاسف مفيش حد تفاعل معايا والموضوع دخل صفحة تانية
انا اسفة مش بقول كدا بحبطك والله بس اهى فضفضة برده هههههه
انا بحييك على الفكرة وبجد كلنا محتاجين حد يكون جنبنا ويسمعنا ونتكلم من غير ما نتكسف على الاقل علشان مش شايفين بعض
انا مزاجى اليومين دول مش تمام خخال بقى لى حوالى شهر ونص مش انا خالص

احكيلنا يا ياسمين مالك وفكرتي او فكرتك مش فارقه والله خالص المهم اننا نبقي مع بعض وجنب بعض وحد واحد
بس يا ريت يا ياسمين تقوليلنا اللي مضايقك لاننا يهمنا اكيد انك تبقي ف احسن حال

الواحد حاسس انه منبوذ ومش مرغوب فيه واني عايشه في روتين وبحلم باحلام كتيره خايفه ل متتحققش والا هموت

شوفي يا انجلش فان مفيش حاجه اسمها الانسان منبوذ ومش مرغوب فيه لان لو ربنا خلقنا ناس مع بعض ف منا اللي يحب ده وفي منا اللي يبعد عن ده يعني الحياه مش بتقف ع انسان ومفيش انسان ف الدنيا مش مرغوب فيه
حاولي تثبتي نفسك وثقي ف اللي بتحبيهم وعيشي ليهم واثيتي لكل الناس انك احسن وانجح واحده
واضح انك مصدومه ف حد كنتي بتحبيه سواء صاحبتك او حد من قاريبك او مهما كان
او مهما كانت المشكله
بس النار اللي تطولك لازم تقويكي مش تضعفك
تمسكي بالله واقربي منه ومن الناس اللي فعلا خايفه عليكي ومتشتريش اللي يبعيك لكن اشتري واكسبي اللي شريكي لان ده اللي عايزك احسن منه
يارب اكون اقدرت اوصلك فكرتي وتقتنعي بيها وتبقي ان شاء الله ف احسن حال
الاعضاء كلهم مستنين انجلش بمواضيعها المتميزة وهنستني نشاركك اقرب فرحه وتقوليلنا عليها
واحنا معاكي واتكلمي وفضفضي واحنا سمعينك

انا زعلانه لانى ملقتش حد جانبى
من ساعه لما رجعت مصر
تهت فى الدنيا وحسيت انى زي الغريق
انا خايفه بجد


هى الناس وحشه ليه كدا

يكفى اقول حب من طرف واحد
حد مسيطر على تفكيرى وبحاول انسى مش قادرة بجد

بالنسبه لكلام انجلش فان..مفيش حاجه اسمها منبود
الانسان هو الي بيحبب الي حواليه فيه
يعني هو الي بايده الناس تحبه او تكرهه
مش الناس هي الي تقرر تحب ده ولا لا
ده هوالي يقرر
حد فاهم حاجه؟؟
معلش مبعرفش اشرح
شكرا يا سمارت ع الموضوع رائع

طالما يارام اتلاقتيه خاين وميستهلش يبقي تقطعي علاقتك بيه وومتندميش ابدا عليه لانه ميستهلش مجرد التفكير فيه بالعكس ده انتي استفدتي منه واخدتي منه تجربه ف حياتك

ياسمين
حب من طرف واحد وانتي مش عارفه تحسسيه بكده؟
هو مش بيبقي حب بمعني الكلمه لان الحب ده له طرفين زي ما هو حرفين
انتي تقدري تقولي ده اعجاب
ولو عايزة تلفتي نظره لكي لازم تلفتيه من غير ما تعملي حاجه تخجلي منها بينك وبين نفسك
معرفش ازاي لان انا شاب
بس الشاب ف بدايه علاقته يحب يلاقي التقل من الطرف التاني مش عشان حاجه غير انه بيعرف من كده مدي اخلاقها
وبنات المنتدي يقدروا يقولولك ع طرق تلفتي بيه انتباه من غير ما تيجي ع كرامتك
ولو كان فيه لكي خير ربنا يكرمكوا يارب ويوفقكوا

وليا طلب من بنات المنتدي ف مساعدة ياسمين بارائهم اكيد هيبقوا شايفين الموضوع بنظره احسن مني

انجل
انتي عندك احساس بالغربه
رغم انها بلدك واهلها اهلك يمكن انتي قبلتي ناس مش كويسه
فحسيتي منهم بالخوف بس احنا اهو جنبك وكلنا اخواتك وسامعينك يا انجل وهنفرح كلنا ان شاء الله مع بعض لفرح انجل

رائي يستحق كل التقدير وطبعا فهمينك يا الاء
ارجوا ان كل الاعضاء يعملوا زيك ويشاركونا افراح واحزان اخواتنا
لكي جزيل الشكر

عارف يا برنس الكلام ده وانت واجه كل واحد فيهم باي حاجه تتضايقك منه
عشان توقف كل واحد عند حده ده حقك عليهم
واحنا كلنا بنحبك
ومتقلقش ان في حد هيزعل من مواجهتك ليه انا شايف نفسي ف المواجهه دي وبالعكس مش هزعل ابدا
دنا هتعرف بغلطي معاك واصالحك متسكتش يا برنس

بس اتكلم معاهم بعقل مش بعصبيه
وانا عارف ان كل واحد هيطلع القطط الفطسانه
ولو حد عمل كده متردش عليه غير باعتذار منك
ومتكلمش
وكل واحد بينه وبين نفسه هيلوم نفسه ويجي يصالحك

والله يسلمك يا برنس
انا كنت ع وشك اني افضحك انت وسنيبر باللي عملتوه بس يلا
ربنا حليم ستار

اقول يا برنس هاااااا

لا يا رام الموضوع مش زي مانتي شايفه
هما بس عشان بيحبوه زياده عن اللزوم فبيعقدوا يعكسوه وكده مش اكتر بس ساعات بيبقي الموضوع زايد عن حده فالبرنس بيضايق وهي كلها 3 اسابيع وارجعلوكوا اشوف الموضوع ده

وشكرا يارام ع النصيحه
وياريت كلنا نعمل زيك ونساعد ناسنا في حل مشاكلهم واللي مضايقهم ونشاركهم ضيقهم وفرحهم