أوباما يختار تركيا كمنبر لمخاطبة العالم الأسلامي ...ليه مأخترش مصر ؟ . رأي شخصي

تركيا لعبتها صح . بداية من خبر سمعته على الجزيرة إنها أعترضت على تولي رئيس وزراء الدنمارك أمانة حلف الNATO بسبب الرسوم المسيئة , فبكدا بانت كأنها المتحدث الرسمي بلسان المسلمين , إضافة للمظاهرات المليونية اللي طلعت منها بسبب الموضوع دا , وبسبب غزة , مظاهراتن مليونية بلا مبالغة . تركيا وصلة جغرافية بين المشرق الأسلامي وأوروبا , وفي الخمس سنين الأخيرة قدرت تقضي على الفساد الأداري فيها . بعد ما عبد الله جول مسك الحكم . وهو ينتمي إلى حزب العدالة والتنمية الأسلامي . قدر يمزج بين علمانية (مدنية) الدولة , وإسلاميتها . كل الحاجات دي أهلت تركيا أن تكون منبر أوباما لتوجيه خطابه إلى العالم الأسلامي . وأتفاجئت بالمظاهرات اللي خرجت تعارض أوباما , وقلت لو كان أختار مصر علشان تكون منبر محادثته للعالم الأسلامي . كانت المظاهرات دي هتتدمر , وكل سنة وأنتوا طيبين النهاردة 6 إبريل ...فات الأعتقالات شغالة لدعاة الأضراب في هذا اليوم ...ربنا يعتقنا من التخلف اللي إحنا فيه , لأن مصر دورها أتدحدر بسبب موظفين الأرشيف أصحاب العقول المتحجرة اللي ماسكنها وكل همهم رضا السلطان !..

sir_omarawad كتب:

الف شكر ليك يا عمر
انا سمعت على قناة الجزيرة إن اوباما زار تركيا لانه معجب بسياسة عبد الله جول فى الحكم
لكن عدم زيارة مصر ده شئ محزن لان إحنا من اهم منابر الاسلام فى العالم العربى
ولنا مكانة وسط الوطن العربى
اكيد اوباما ليه وجهة نظر
اوباما ابن المؤسسة الامريكية ولا يختلف اى حاجة عن بوش ولا ننسى عندما زار إسرائيل وارتدى قبعة اليهود
الدينية
شكرا ليك يا عمور

شكراً يا عمرو على ردك , ولو إني شايف إننا السبب في دحض دور مصر الأقليمي وتراجعه لهذا المستوى , تكلم عن الواقع وليس ما هو واجب .

sir_mohamed awad كتب:

اولا اختيار اوباما لتركيا لانها الدوله الوحيده المسلمه وفيها حريه و مزيج بين العلمانيه والدين
و دوله شبه اوربيه لكن اوباما غبى لان المسلمين يعنى مصر وبعدين عرب الجزيره وغرب افريقيا
بس مصر على الاقل مش هيطلع فيها مظاهرات تعارضه لان الامن المركزى مالى الشوارع
مفيش غي اصوات افراس النهر الاخوان والاشتراكيين
شكرا

كون إن مصر مش هيطلع فيها مظاهرات معادية ليه فدا شيء ميشرفناش ولا يشرفه , بالعكس دي أحد الأسباب اللي تخليه يبعد عن مصر , إننا بنتعامل كعبيد في دولتنا . شكراً على ردك يا سير محمد