ادخل صوت على افضل قصيدة فى المسابقة الشعرية التانية

دلوقتى الاعضاء الكرام حطوا القصايد بتاعتهم
وانتو هتختاروا احسن قصيدة فى المركز الاول وتانى احسن قصيدة فى المركز التانى
والمركز الاول ليه خمس نقط والمركز التانى تلت نقط
والجمعة الجاية هنعلن مين الاول والتانى حسب النقط اللى القصايد اخدتها
دلوقتى هتقروا وتقولى المركز الاول هو والمركز التانى هو فى ردود على الموضوع ده

خاطرة ل ( رهينة الاحزان )

الدنيا الصماء
لا أحد أخلص لى غير البكاء
ولا أحد يتحمل أحد فى هذة الدنيا الصماء
ولكن يجرحونى دون خزل أو حياء
وفى مخيلتى أعتقد أنهم أوفياء
وهم للأسف نقطه جرحى السوداء
التى لا يمكن أن أزيلها ولو باختراع الكيمياء
لأنهم ليسوا غرباء ولكنهم أقرب الأقرباء
ليتهم طعنونى قبل أن أذكرهم فى أبيات الاستياء
أبكى وأبكى ولا أقدر على الانتهاء
أصرخ وأشكى ولا أحد يسمعنى غير قلبى المستاء
اشعر أنى رهينه الحزن والجرح والبكاء
حتى دموعى عجزت عن الدواء
ماذا أفعل فى هذه الدنيا الصماء
التى لا ينقذ الأخ أخا له ولو حتى من الجفاء
عجزت عن الشرح لهم أنى فى يأس وعناء
لكن قلوبهم حجر لاتحس كاحساس الشعراء
لأنهم للأسف أناس أغبياء
تحركهم أفكارهم وقلوبهم السوداء
أفضل الموت لهم فضلا عن البقاء
وفعلا من وجهه نظرى هم الميتون الأحياء
لأن قاعدتى فى الحياة هى الوفاء
دموعى بدأت تبكى عليا وتتعجب فى الأقارب الأغبياء
ماذاأفعل فى هذه الدنيا الصماء
ليت دموعى شخص يشعر بى حتى ولو فى الخفاء
ولا عت أفعل غير البكاء والبكاء
وقلبى يحرك قلمى ويكتب لمن يشعر بى حتى ولو لم نكن أصدقاء
وأثق أن شخص ما يفهمنى ويشعر أنى فى عناء

---------------------------------------------
وخاطرة ل ( عمر )

جمعت لي أصنافاً من البشر ... صادفت معادنهم ورأيت كل دون التباس

نقبت عن الذهب منهم وفيهم ... وبحثت عنه في أنفس وأنفاس

ورأيت من كل حدب وصوب سفيههم وطامعهم... ولكل نفس من الدنيا ملذة وألتماس

خالط منهم رجال يثقلون بالذهب ... فالذهب في مذاهبهم كالرصاص

إن هم أحدهم بشيء ناله ... وإن كان بين أطراف الأسنة والأتراس

سطع نور بين الخلائق , رميت عيني ... فإذا به بريق من الماس

دنت له معادن الرجال ... فأنصاغ ذهبهم نحاس

خليل جمعت فيه أوصافاً ليست من الدنيا ... وهل في الدنيا من لا يكشفه المراس

إن قلت رجل وبختني نفسي ... بل رجل بألف أم أنت ناس

جذبني نوره فالتمست صحبته ... فتجسد النور وقال أحتراس

إن الصداقة ليست قولاً يا هذا , بل أفعالاً... فتريث ولا يغرنك الحماس

ترقبت , ودعوت ربي أن يرزقني خليلاً ... فإذا به يلبي الدعاء بذا النبراس

إمتزجت به روحي ودمي وأرتهف إحساسي ... كلما ذكره ذاكر ألتهبت الأنفاس

يا ترى , هل في قلبه مما في نفسي إنعكاس
أم إن قلبه جفا فأدهس قلبي وأمزق قصيدتي
ولكن يبقى دون عني هواه في خواصي
------------------------------------------------------

وخاطرة ل ( جيرسى )

نص قلب و نص روح
تايهين فى دنيا ملهاش ملامح
ماشيين فى سكك
كلها مطبات ومقالب وجروح
عارفين الصح وبيقاوحوا
غالبا حلاوة روح
ناسيين الفرح وبيعافروا
خايفين انهردة يروح

نص قلب ونص روح
ماشيين فى شوارع
مليها بشر مليهم الضجر
ضايعين فى الزحام
الى نصه جسد ونصه روح
الى نسى نفسه
والى نسى قلبه
و الى نسى الباب مفتوح

نص قلب ونص روح
هايمين على السحاب
ولا مش شيفين من الضباب
ولا ملوا من فراق الاحباب

نص قلب ونص روح
بيقولوا فين ......مين
يقول الحزن مش مسموح
يقول للفرح اتفضل
الباب مفتوح

نص قلب ونص روح
نص ضحكة
نص قصة
بايدى ضاعت
نجمة فى سمايا
بدور عليها
حلم عالى بعيد
بعد الحياة
وصل الجرح فى قلبى
منتهاه

نص قلب ونص روح
بيجروا ورا الامال
بيحلموا بالاكتمال
ولا بين دة
من المحال

نص قلب ونص روح
سلملى على الايام الحلوة
ضحكت عليا الغنوة
فرحت ويا النظرة
وقفت عمرى على كلمة
يا فرحة ما بعدها فرحة

نص قلب ونص روح
يا ترى قربت النهاية
ولا من البداية
كانت نهاية
---------------------------
وخاطرة ل ( سمسمة )

موجودة انا في ازازة
مخنوقة ولوحدي وكأني في جنازة .
قاعدة اندم علي ايام مرة
من غير ما افكر ما هو لسه فيه بكرا.
كل ما اقول هطلع وطول
القي باقي منه شادني وما اقول .
القي شلال مياه عليا
اهو بيفوقتي بس دي مش مياة عادية .
وجنبي ازازة ناس تانية
ناس عجيبة ناس تايهة .
وعيوني تشوف جوارج قلوب
وتسمع اهات من جوه الصدور .
ومش قادرة اساعد وامد ايدي
ما انا كلي محبوس زي الدم اللي جوه وريدي .
في الازازة عتمة ومرارة
في الازازة كذب وناس قارارة .
وحدتي دي غربيتي
وغربتي هي دنيتي .
بس شغل اللتاتة والغلاسة هو اللي ينفع بره الازازة
الصمت ساعات بيبقي بحالات
صمتي مش معناه خوفي ولا ضعفي
صمتي دا لقلب هو وحده عارفني .
مش هفكر تاني هقدر ولا مش هقدر
هحاول بكل قوتي واكيد هوصل .
وان شالله اوصل حتي بجوارح
ما انا عايشة جواها عماله اقاوح .
ولسه بخطط ولسه بدبر
بس خايفة اخرج منها لأزازة اصغر.

---------------------------------

وخاطرة ل ( سبحان الله )

قصيدة بنت مصر
بحبك يامصر
بحبك وحبك ده اصلا فى دمى
بحبك يامصر
بحبك ونيلك بيجرى فى دمى
بحبك ده وصى عليكى رسولى
بحبك يامصر
بحب الشوارع بحب الحوارى
بحبك دى شمسك دى دفىء وحنان
بحبك يامصر
بحبك يا امى ياغاليه عليه
بحبك يارمز الحنان والوفا
بحبك يامصر
ومهما اروح شرق ولا اروح غرب
مفيش غيرك يا امى مفيش غيرك يامصر
بحبك يامصر
يا ام العروبه يا ام الشهيد
ده ابنك زويل وابن الوليد
بحبك يامصر
--------------------------
وخاطرة ل ( كفانى يا قلب )

علمينى
ياحبيبتى علمينى
علمينى كيف أنطق
فأنا مازلت فى العشق صغير
علمينى كيف ينبض القلب
علمينى علم استاذ خبير

علمينى فأنا أجهل
كل قواعد اللعبة
علمينى كل الأمور الصعبة
علمينى كيف أنسى
كيف أذكر

كيف أصبر كيف أسهر
علمينى الدمع كيف ينساب من العيـون
علمينى كيف أقتل
فى نفسى الظنون

كيف أرضى كيف أغضب
كيف أوصف بالجنون
كيف أكذب
كيف أصدق بالدمـوع
علمينى حين أظلم
كيف أرجع بالخضوع

علمينى العشق يامن أنت
فى العشق خبيرة
علمينى فأنا مازلت فى العشق
تلميذ صغير

فمن مثلك يعلمنى
ياأجمل من أجمل ملكات الكون
وعروس البحر
ياحور العين

يااحلى من احلى كنوز الجان
يامن توجتينى ملك سلطان
ملكتينى كنوز الدنيا
علمتينى كل لغات الأديان
من مثلك أبدا أدبدا

لا أنس مثلك أو جان
من مثلك أبدا أبدا
لا أحسب مثلك انسان
لا تيأس ان الحلم مباح
ولا تعجز امام اى صياح
قاوم أحلم بالافراح
سير فأن الان متاح
وان عجزت
عفوك لقد نفذ رصيدكم

_______________
وخاطرة ل ( محمد سمير هجام )

مسافر بلا عنوان

امشى هائما على وجهى

وتتدفق على رأسى دفقات المطر

تنجرف عليها الأحزان وتهطل

وتخلو الشوارع من البشر

وحدى اسير فى الشارع الخالى

وعبثا أحاول الاختباء من القدر

امشى هائما على وجهى

دموع تنهمر على خدى

ولا ارى الشارع وقلبى قد انفطر

بئس عينا لا ترى سوى الخوف

بئس عقلا مات من الضجر

احس بالبرد يقطع اوصالى

حتى تمكن من قلبى

الذى تجمد واحتضر

ويدور شريط ذكرياتى

امـــــــــام عينــــــــــاى

هذا صديقى الذى اختفى

ولم تنشر عنه الحياة اى خبر

اترى مل مرافقتى؟

ام ذهب مع من اندثر

هاهى

من ركن المعطف اخرجتها

قطعة حلوى تعفنت منذ سنون عشر

اهدتها لى فى نفس هذا اليوم

من اواخر الشتاء

فى ذات الطريق مشينا

وضحكت ضحكتها الماجنة

فى نفس هذا الممر

نعم نعم

كل همسة اسمع

كل ضحكة اتذكر

كنت احدثها بأنى اكره الشتاء

وكانت تجيب بأن الدفء يغمرها

وتحس بحرارة الحب الذى انتشر

كانت تضحك وتثرثر كثيرا

لكن القدر قال كلمات كثر

كم اكلت من اوانى الغدر

كم شربت من كئوس المر

صرت جرحا فى كل قلب

عنوان ألم لكل البشر

نعم نعم

كأنى اسمع ضحكتها فى الأرجاء

يالسخرية القدر

قالت انها تود ركوب القطار

وتنوى هذا بمنتهى الاصرار

بعيونى العاشقة يومها ... احتويتها

وقلت ان الجنون خطر

يالسخرية القدر

قطار احلامى خرج عن القضبان

وانتحر

مالهذا الشارع لا يريد ان ينتهى

ولا تريد مياة السحب ان تندثر

وأناس يمضون تحت هطول السيول

يعرفون اين يتجهون

وأن لهم حتما مقر

وانا امشى على غير اهتداء

شريدا وحيدا بقلب منشطر

تتردد فى أذنى أغنية الأنين

موعود بالعذاب ياقلبى الحزين

حتى العندليب الشاهد على حبنا

مات مقتولا على فرع الشجر

لتنتهى اغنية الحزن الأليمة

وتموت قصة حبنا الجميلة

فتترك اثرها على ملامحنا

ويالــــــــه من اثــــــــر
ويالــــــــه من اثــــــــر
---------------------------

وخاطرة للعضوة ( انجلش فان )

لحظات ملل*
الكلمه داخل حنجرتي كادت تصدا
والنبضه التي اسمعها بقلبي صارت ابطا
والفكره تمشي على درب خيالي تتلكا
فالموقف من حولي بارد..لا ادري احسن ام اسوا!!!!!!!
ولذلك فكرت كثيرا ... كيف يكون القلم؟
كيف هي الورقه؟
والكلمه تشكو من الملل...ومشاعري بلا حركه
ولاني احمل اعماقا .. مثل خيال الشاعر قلقه
قررت والناس نيام.. ان اقطف بعض الاحلام
اجمعها وانسقها من بستان الايام
... احلامي كانت اغنيه ..تتحلى باجمل الانغام
..احلامي كانت ضحكات .. تتعقب اي كلام
... احلامي كانت طفله...لا تدرك شيب الاعوام
احلامي كانت ممتده خلف الكره الارضيه
كانت تقفز ببراءه بين النجمات الليليه
تتنقل على ظهر سحابه... لتداعب همس الفجريه
احلامي ....كانت ورديه
لكن الملل اصاب خيالي
فالموقف من حولي بارد...
والسبب...؟ هو كل سؤالي

المركز الاول .... انجلش فان
المركز التانى ... محمد سمير هجام

المركز الاول عمر
المركز التاني محمد سمير هجام

بصراحه كلهم احلى من بعض بس لازم اختار
المركز الاول محمد هجام
المركز الثانى رهينة الاحزان
ليه تعقيب ليك يا محمد لو سمحت بلاش كلمةسخريه000علشان حرام
الزمن والقدر من قدرة الله سبحانه وتعالى والايمان بلقدر خيره وشره من الايمان

ادخل صوت على افضل قصيدة فى المسابقة الشعرية التانية 563238

ادخل صوت على افضل قصيدة فى المسابقة الشعرية التانية 563238

ادخل صوت على افضل قصيدة فى المسابقة الشعرية التانية 302692

السلام عليكم ورحمه الله وبركاته
المركز الاول ..... محمد سمير هجام
المركز الثانى..... انجلش فان

المركز الاول:محمد سمير هجام
المركز التانى:عمر

sadstanza كتب:: بصراحه كلهم احلى من بعض بس لازم اختار
المركز الاول محمد هجام
المركز الثانى رهينة الاحزان
ليه تعقيب ليك يا محمد لو سمحت بلاش كلمةسخريه000علشان حرام
الزمن والقدر من قدرة الله سبحانه وتعالى والايمان بلقدر خيره وشره من الايمان

مجبتش سيرة الزمن لانى عارف الحديث القدسى اللى بيقول لا تسبوا الدهر فأنا الدهر
وبخصوص القدر انا بقول انتقام القدر وده مش معناه انى مش مؤمن بيه انا مقولتش كده خالص
وشكرا جدا لملاحظتك يا ساد
تقبلى تحياتى لمتابعتك الدقيقة

شكرا للي اختاروني بجد

المركز الاول محمد هجام
المركز الثانى رهينة الاحزان

هصوت للمركز الاول :محمد سمير هجام
المركز التاني :عمر .

انا مقدرش اقول مين فى المركز الاول ومين التانى
بس انا رايى ان احلى قصائد
عمر ومحمد سمير هجام

المركز الاول رهينة الاحزان
المركز التانى سبحان الله بصراحه كلهم احلى من بعض

المركز الاول: عمر

المركز الثانى: رهينة الاحزان

المركز الاول :سبحان الله

المركز التانى : عمر

شكرا لكل حد صوتلى
ميرسيهات

انتهى التصويت

المركز الاول وبعد حصد الاصوات وتجميع النقاط

لخاطرة مسافر بلا عنوان .... محمد سمير هجام
برصيد 36 نقطة

المركز الثانى ... لخاطرة عمر
برصيد 24 نقطة

مبرووووووووووووووووووووووووووووووك
الف مبروك يامحمد
الف مبروك يا عمر
ويارب دايما في تقدم
وحقيقي القصيدتين رااااااااااااااااااااااااائعتين فعلا
مبرووووووك ادخل صوت على افضل قصيدة فى المسابقة الشعرية التانية 928775

ادخل صوت على افضل قصيدة فى المسابقة الشعرية التانية 928775

أرجو البدء في المسابقة الشعريةى الثالثة لأختيار أفضل قصيدة للمجلة ...

» اعلان الخاطرة الفائزة فى المسابقة الشعرية الاولى وبدء المسابقة الشعرية الثانية .. كله يدخل
» الخاطرة التى فازت بأصوات اعضاء المنتدى فى المسابقة الشعرية الثانية
» كيفية كتابة الشعر
» المسابقة الادبية للعدد السادس من مجلة شباب بجد..
» المسابقة الأدبية للعدد السابع من مجلة شباب بجد ...