تكريم لمحافظ دمياط

إلى كل اهالى مدينة دمياط إحنا لازم كلنا نكرم الدكتور محمد فتحى البرادعى المحافظ
على جهودة فى إحياء مدينة دمياط
1-إدخال الغاز الطبيعى للمنازل
2-شارع النيل لحد منطقة الاعصر
3-تجديد منطقة ميدان الشهابية لحد قرية الشعراء مرورا باب الحرس وميدان المعلمين
4-طريق راس البر الجديد
5-جميع اسلاك الكهرباء جعلها من تحت الارض
ياجماعة عايزين نشوف مين هيكرم معايا المحافظ

طبعا الانجازات اللي انتي قولتها نقطه ف بحر من اللي عمله
وانا اكتر واحد عارف
وانا اول واحد يتشرف بتكريم المحافظ

د البرادعى ومن قبله د عبد العظيم وزير عملوا شغل رائع
د البرادعى بيطور فى راس البر خاصة منطقة اللسان
ومجهوده رائع

د عبد العظيم الوزير لما يفعل شئ سوي مجرد مكياج
ولولا البرادعي وكتير منكم عارفين كانت من بعد الكوبري لحد البوصته غرقوا ف النيل
بسبب ان تربة ارضها كانت عايمه ف النيل ود.البرادعي جاب خبراء هولندين
وكتبوا ف اخر تقريرهم جملة بالعربي
تثبيت التربه للحفاظ ع الثروة العقاريه من الانزلاق ف نهر النيل
دلوقتي اتعملها اساس بطول 36 متر ف البحر وباسمنت مقاوم للميه
د. عبد العظيم لم يفعل اي شئ لدمياط سوي المكياج اللي ضحك بيه ع الدمايطه
ميزانية دمياط ع ايام عبد الوزير كانت 22 مليون جنيه كلها كانت بتتصرف ع المشاريع بتاعت عبد العظيم

هل تتخيل ان د.البرادعي صرف بعيدا عن ميزانية دمياط 300 مليون جنيه
ف اربع سنوات
والفلوس دي جت من اعادة استخدمات اراضي الدوله
اللي مكنتش مستخدمه

الكلام يكثر ع هذا الرجل العظيم ومش هقول غير العظيم
ده فعلا رجل المستحيل
وان شاء الله قريب هعملكوا موضوع عن هذا الرجل وهعرفكوا الفرق بين الرجل العظيم ده
وبين الرجل السابق
وانا بقلكوا مقدما
مفيش وجه مقارنه
هقول فرق صغير بس ان ده
دكتور ورئيس قسم التخطيط العمراني بكلية الهندسه بعين شمس
اما د.عبد العظيم دكتور القانون الجنائي بكلة الحقوق جامعة المنصورة

شكرا يا محمد وشكرا يا حريف

شكرا ليكم يا جماعة

اكيد ف اهتمامته يا ستوب
ولو الراجل ده فضل محافظ دمياط
دمياط دي هتبقي جنة الارض

smartfuture كتب:

اكيد ف اهتمامته يا ستوب
ولو الراجل ده فضل محافظ دمياط
دمياط دي هتبقي جنة الارض

الله أعلم بس معتقدش لان لو كانت فى اهتماماته كان زمانه شغال فيه دلوقتى أو اشتغل فيها من زمان

قريب هنزل موضوع ع انجازات المحافظ
هتخلي اي حد ف المنتدي يصعق من هذه الانجازات الجباره

smartfuture كتب:

قريب هنزل موضوع ع انجازات المحافظ
هتخلي اي حد ف المنتدي يصعق من هذه الانجازات الجباره

أتمنى ذلك

هو يا سمارت حضرتك شغاال فى المحافظة او ليك علاقة بالمحافظ .. سؤال برىء

يا جماعة اسمارت شايف من وجه نظره ان المحافظ طور من دمياط شوية وده حقيقة بس فى اماكن فى دمياط مفيهاش صرف صحى

بصوا يا جماعه
انا اي كلمه بتتقال ع محافظ دمياط اوي اي نقد
بيستفزني جدا
لان الموضوع بيمسني جدا لان بسبب المحافظ
انا مبشوفش والدي غير فين وفين
وكان ايام عبد العظيم يوميا بشوفه ف البيت من الساعه عشره مساء
دلوقتي لو صدفت ممكن اشوفه
فده قبل ما يكون تعب وتخطيط وجهد من المحافظ طبعا مشكور
فتعب وجهد ع والدي اللي بينزل الساعه 9 صباحا ويرجع البيت 3 و4 الفجر
محدش ف الدنيا هيحس بالي حاسه
والمحافظ ده اسطوره من الاساطير وهو مش هيعمل كل حاجه ف يوم وليله
وانتوا كلكم بتدورا ع اللي يعيبه وبتنسوا خيره علينا
اصبروا عليه شوية وبلاش تنقدوه دلوفتي
واستنوا الموضوع الي وعدتكوا بيه

بصوا يا جماعه
انا اي كلمه بتتقال ع محافظ دمياط او اي نقد
بيستفزني جدا
لان الموضوع بيمسني جدا لان بسبب شغل وجهد المحافظ
انا مبشوفش والدي غير فين وفين
وكان ايام عبد العظيم يوميا بشوفه ف البيت من الساعه عشره مساء
دلوقتي لو صدفت ممكن اشوفه
فده لما يكون تعب وتخطيط وجهد من المحافظ طبعا مشكور
فتعب وجهد والدي اللي بينزل الساعه 9 صباحا ويرجع البيت 3 و4 الفجر
محدش ف الدنيا هيحس بالي حاسه
والمحافظ ده اسطوره من الاساطير وهو مش هيعمل كل حاجه ف يوم وليله
وانتوا كلكم بتدورا ع اللي يعيبه وبتنسوا خيره علينا
اصبروا عليه شوية وبلاش تنقدوه دلوفتي
لان النقد ده بيضايقني انا
والمحافظ ميستهلش اي نقد
وانا شوفت كل تعب وجهد ف كل انجاز
وعارف قد ايه هما تعبوا عشان دمياط ياريت تقدروا وقبل ما تنقدوا ابحثوا وشوفوا الناس دي عملت ايه
ورجاء زي ما بتعطي حقك ف النقد اعطي حق الراجل ده والناس اللي معاه الاول
واستنوا الموضوع الي وعدتكوا بيه
وارجو ان يكون اجابة سؤال بربر وصلت

اقتباس :

وانتوا كلكم بتدورا ع اللي يعيبه وبتنسوا خيره علينا

محدش ليه خير علينا دا خير ربنا

واحنا فى انتظار الموضوع الى بتقول عليه

معلش يا جماعة المحافظ بذل مجهود جبار
مهما كانت عيوبة بس حسناته اكتر من عيوبة
دمياط كانت زبالة دلوقتى على مشارف الجنة
والله العظيم محافظ لازم يتعمل ليه تمثال

sir_omarawad كتب:

معلش يا جماعة المحافظ بذل مجهود جبار
مهما كانت عيوبة بس حسناته اكتر من عيوبة
دمياط كانت زبالة دلوقتى على مشارف الجنة
والله العظيم محافظ لازم يتعمل ليه تمثال

كتر خيره عملت حجات كويسه بس من بره من جوه وحشه وفى أماكن ما يعلم بيها الا ربنا

شكرا يا ستوب

العفو اسمارت على ايه؟

واكيد كله بفضل الله
"إنما امره إذا اراد شيئا ان يقول له كن فيكون"صدق الله العظيم
وتعالي الله وتقدس عن اي صفه انسانيه
بس ياريت اي حد عايز ينقد الراجل ده
يعطيله حقه الاول كامل

مع كامل احترامى لما يفعله المحافظ بس فى مناطق خاصة فى الالياف مازالت فى العصر الحجرى
ابسط مثال طريق عزبة البرج
انا لما باخد عربية عزبة البرج من عند المركز باروح باحس ان الطريق فيه حفريات والشارع بايظ من اساسه
في الشارع جانبه ترعة
طيب لماذا لا يلقى المحافظ نظرة الى طريق عزبة البرج
لماذا لا يرى ما يحدث فى الياف وقري دمياط
المحافظ بيعمل شغل كويس بس في اماكن محتاجة نظرة منه

كلامك صحيح يا حريف
بس صدقني
كل دمياط دي هي اهتمامه
بس صبرا صبرا
وهو غير حاجات كتير اوي لاحسن
بس مش ف يوم وليله هنلاقي دمياط جنه
وهما دلوقتي شغالين ف طريق العزبه وطريق الشعرا
والله الراجل ده مهو راحم نفسه ولا راحم اللي معاه
وكله لدمياط مش لبلد تانيه بس ياريت يفضل محافظ دمياط

نصيحة من اخوك متزعلش من نقد اى حد للمحافظ
بالعكس كلنا عاوزين دمياط تكون قطعة من باريس
نفسي ونفس كل واحد عايش فى دمياط ان دمياط مكان نفتخر بيه كلنا
الاخت استوب بتقول اللى هى شايفه وهى اكيد بتحب دمياط وخايفة عليها واكيد زى نفسها تكون افضل محافظة
هى مش عاوزك تكون فاكر ان الاخت استوب ضد المحافظ بالعكس هى عاوزها يطور كمان وكمان فى دمياط