بيض شم النسيم

كل سنة وأنتم طيبين.. كلها كام يوم وييجي شم النسيم وطبعا أنتم عارفين إن شم النسيم بيتميز بأكلات معينة جميلة جدا......

علشان كده قررنا ندخل المطبخ معاكم ونقدم لكم مجموعة هايلة من أشهر أكلات شم النسيم...

مش كده وبس ده فيه مفاجآت تانية كتير

يلا بينا على المطبخ

البيض الملون بأكتر من لون

أكيد كلنا يوم شم النسيم بنحب نفطر بيض ملون، والنهارده هنشوف مع بعض إزاي ممكن نلون البيض بأكتر من لون بطريقة طبيعية ميه في الميه باستخدام الأعشاب الطبيعية والخضروات والفواكه...

لو عايزه تلوني البيض باللون البنفسجي يبقى استخدمي عصير العنب المركز هتلاقيه في "السوبر ماركت" وضيفي إليه كمية كبيرة من ورق البصل الأحمر.

لو عايزه تلوني البيض باللون الأزرق يبقى استخدمي عصير التوت المركز هتلاقيه في "السوبر ماركت" وضيفي إليه ورق الكرنب الأحمر.

لو عايزه تلوني البيض باللون البمبي بدرجاته المختلفة وصولا للون الأحمر يبقى استخدمي البنجر الأحمر وضيفي إليه عصير فراولة مركز وقشر البصل الأحمر وكركديه‏.‏

لو عايزه تلوني البيض باللون الأصفر بدرجاته وصولا للبرتقالي يبقى استخدمي أوراق البصل البرتقالي أو قشر الموالح زي البرتقال أو اليوسفي وضيفي إليه الجزر المبشور أو الكمون أو الكركم‏.

لو عايزه تلوني البيض باللون الذهبي يبقى استخدمي قشر التفاح الأصفر وضيفي إليه أوراق البقدونس.

لو عايزه تلوني البيض باللون الأخضر يبقى استخدمي أوراق السبانخ والبقدونس.

لو عايزه تلوني البيض باللون البني يبقى استخدمي القهوة أو الشاي المغلي.

الطريقة:

دي أبسط وأسهل طريقة ممكن تعمليها علشان تحصلي على الألوان اللي أنت عايزاها...

1. هتسلقي البيض عادي جدا زي ما أنت بتسلقيه.

2. أثناء ما البيض بيتسلق هتملي إناء ميه وتضيفي إليه معلقة صغيرة خل علشان تثبت اللون، بعد كده تضيفي إليها أي إضافات من اللي إحنا قلنا عليها على حسب اللون اللي أنت عايزاه، وتسيبي الميه بالإضافات دي تغلي كويس أكتر من مرة علشان الميه تتلون باللون اللي أنت عايزاه. بعد كده اطفي البوتاجاز...

3. سيبي الميه الملونة لغاية ما تبرد وبعد كده ضيفي إليها البيض المسلوق وسيبيه فيها لمدة خمس دقائق أو لغاية ما تلاقي إن البيض اتلون بلون الميه.

تقديم البيض الملون بأكتر من طريقة

وعلشان يوم شم النسيم يكون فعلا يوم مميز في كل شيء دلوقتي هانقولك على أكتر من طريقة ممكن تستخدميها في تقديم البيض على السفرة يوم شم النسيم....

ممكن تجيبي طبق فاكهة أو حامل تورتة وتحطي فيه أوراق خس وبعد كده ترصي فوق أوراق الخس دي البيض الملون أو غير الملون.

أو تجيبي طبق زجاج وترصي فيه البيض الأبيض وتحطي بين كل بيضة والتانية بعضا من الزهور زي ما أنت شايفة كده.

وممكن كمان تجيبي أي سلك عندك تكوني مش محتاجة له وتلفيه على شكل عش عصفورة وتحطيه على السفرة وتحطي فيه البيض الملون أو غير الملون.

يارب الافكار تكون عجبتكم

رغم اننا لا اعترف بعيد شم النسيم على الاطلاق لانه حرام لكن شكرا ليك على الموضوع

الحريف2 كتب:: رغم اننا لا اعترف بعيد شم النسيم على الاطلاق لانه حرام لكن شكرا ليك على الموضوع

شكرا على الرد ودا رايك انت حر فيه

شكرا يا قمر انك فكرتيني بشم النسيم
وتلوين البيض بيض شم النسيم 721390

قلبتي عليا المواجع
لأ.......بس بجد الألوان دي فيها ألوان جديدة وحلوة جداااااااااا
شكرااااااااااااااااااااااااااااااااااااااااااااااااااااااااااااااااااااا يا ستوب
وماتنسيناش في العيد انشاء الله
بيض شم النسيم 376922

stop كتب:

الحريف2 كتب:: رغم اننا لا اعترف بعيد شم النسيم على الاطلاق لانه حرام لكن شكرا ليك على الموضوع

شكرا على الرد ودا رايك انت حر فيه

مش راي انا
راى الشيوخ فى موضوع عيد شم النسيم
مش حكاية حر
انما هى راي العلماء والشيوخ فى عيد شم النسيم انه حرااااااااااااااااااااااااااااااااااااااااااااااااااااااااااااااااااااااااااااااااااااام من يحتفل بيه
شكرا

لا اعترف بهزى عيد الحب وغيره بس شكرا ع التوبيك

fulla كتب:: شكرا يا قمر انك فكرتيني بشم النسيم
وتلوين البيض قلبتي عليا المواجع
لأ.......بس بجد الألوان دي فيها ألوان جديدة وحلوة جداااااااااا
شكرااااااااااااااااااااااااااااااااااااااااااااااااااااااااااااااااااااا يا ستوب
وماتنسيناش في العيد انشاء الله

الحريف2 كتب:

stop كتب:

الحريف2 كتب:: رغم اننا لا اعترف بعيد شم النسيم على الاطلاق لانه حرام لكن شكرا ليك على الموضوع

شكرا على الرد ودا رايك انت حر فيه

مش راي انا
راى الشيوخ فى موضوع عيد شم النسيم
مش حكاية حر
انما هى راي العلماء والشيوخ فى عيد شم النسيم انه حرااااااااااااااااااااااااااااااااااااااااااااااااااااااااااااااااااااااااااااااااااااام من يحتفل بيه
شكرا

معروف مفيش غير عيدين فى الاسلام العيد الكبير والعيد الصغير

شم النسيم دا بمناسبه قدوم الربيع يعنى الجو هيبق حلو مش أكتر من كدا

al3neda كتب:: لا اعترف بهزى عيد الحب وغيره بس شكرا ع التوبيك

شكرا على الرد

شكرا على الموضوع وانتى دايما مميزة بمو اضيعك

الفتى المنتظر كتب:: شكرا على الموضوع وانتى دايما مميزة بمو اضيعك

شكرا ليك يا فتى بيض شم النسيم 977193

» بيض شم النسيم اللى عملته النهاردة
» بيض شم النسيم عمايل ايدينا ده بتاع السنة اللى فاتت