مشاعر ضائعه

تعمل ايه لوكل فكرك بيقولك.... قلقان عليه
وكل نبض جوه قلبك. سهران م الخوف عليه
وهدف كلامك كله بس ....أنك تتطمن عليه
وضميرك بيقولك أصحى.. ده كنز حافظ عليه
خايف على أحساسه قوى ومشاعرك بتحس بيه
ويجى هو يقلب ده كله... وبساطه يدوس عليه
ويقولك بضحكه صفرا...... يا عم مشاعر ايه
أنت هتمثل علينا..... كلامك ده راحت عليه
عقلك يتوه قلبك يوقف وعيونك تبكى عليه
تبكى على كل لحظه فكرت...تخاف عليه
تبكى على كل ضحكه فرحتها بااانت عليه
تبكى على كل نظره للقمر.... وشوفته فيه
مشاعرنا فى رأئى غاليه مش موقف نضحك عليه
ولا فعلا ده كلام.............و راحت عليه
المشاعر حقيقه ولا...... ده حلم حلمت بيه

الللللللللللللللللللللللللله
شاعر ومتقوليش
كل انسان عنده مشاعر والمشاعر احساس والاحساس اصبح قليل عند بعض الناس
مفيش حاجة اسمها مشاعر زمان ومفيش مشاعر النهاردة
لا اكيد فى مشاعر
المشاعر الحقيقية قلت
شكرا ليك على الموضوع الرائع

شكرا علي موضوعك هايل اوي الشعر ده

اقتباس :

مشاعرنا فى رأئى غاليه مش موقف نضحك عليه

فعلا ودة رايى انا كمان

شكرا ليك

شكرا ارت علي الكلام الحلو ده
فعلا مشاعرنا حاجه غاليه زي ماقلت

شكر حريف على رائيك

شكرا نرمين
ويا ريت تهدى علينا شويه وبلاش العصبيه

شكرا رام وعلى فكره مواضيعك رائعه

جميله روحك قوى يا شمس شكرا ع الاهتمام بقرائة الموضوع

شيمو شكرا ليكى

اية الشعر الجميل دة .اشعر الان بما اننابنتكلم عن المشاعر وكانى قاعد مع بيرم التونسى او الابنودى .كلماتك بسيطة ولكنها تحمل الكثير .انا مش قادر احدد منين ابدء بس هقولك شىء لو كان الحب والمشاعر الى بنحس بها صادقة وفجئة لاقيت كل شىء انتهى بسهولة هعمل زى ما انت بتقول واكثر
عقلك يتوه قلبك يوقف وعيونك تبكى عليه
تبكى على كل لحظه فكرت...تخاف عليه
تبكى على كل ضحكه فرحتها بااانت عليه
تبكى على كل نظره للقمر.... وشوفته فيه.
فى النهاية احب اقولك :ان لو المشاعر صادقة من الاصل ,صدقنى مش هيكون فى غدر .

ايييييييييييييييييييييييييييييه الشعر ده يا فنان راديو وتليفزيون العرب؟
وفيلسوف كمان لألألألألألأ00منقدرش على كده
بس على فكره ناصر العزه عنده حق لما قال ان لو المشاعر صادقه مش هيبقى في غدر
وعلى فكره اي احساس احنا بنحس بيه حتى لو ماكنش صادق من الاصل هو مشاعر احنا عيشناها واتعلمنا منها وخلت فكرنا يكبر ونشوف الدنيا برؤيه مختلفه ولا ايييييييييييييييه؟؟؟

مشكووووووووووووووووور على مواضيعك الرائعه ونريد المزيد

تمام كلامك يا هوللو
وتمام التمام كلام ناصر العزة

أما بقى ART
بجد بجد والله فنان
ربنا معاك يوفقك ويحققلك كل اللي بتتمناه

بجد والله مش مجامله انت ليك موهبه الشعر ده اولا .ثانيا بشكرك كتير على الموضوع بجد الكلام فى منتهى الروعه. كلمه المشاعر كلمه كبيره اوى محدش بيحس بيها الا اللى يكون فهمها وبيحسها لان فيه ناس كتير عندها طيبه القلب ومش بتخون اى حد وبتشوف كل اللى قدمها طيبين وهما العكس صحيح بس بعد اما الواحد بيلاقى اللى قدامه العكس بيندم دى حاجه اكيده بس الندم ده بيخلى الانسان يفهم اكتر .وشكرا ليك art بجد والله كلام جميل وفى منتهى الروعه.

فعلاٌ كلام واقعي وده اللي بيحصل الأيام دي
وناصر العزة كلامه صحيح لكن لو تلاحظ في الكلام انه بيقول
ويقولك بضحكه صفرا...... يا عم مشاعر ايه
يعني الطرف الآخر تلقى الموضوع بسخرية اذن نظريتك يا ناصر لا تتفق مع هذه القصيدة ولكن في حالات اخرى اتفق معك
شكراٌ يا فنان ويا ناصر

شكرا ارت بجد كلمات تحفة

انا هاديه ومفيش عصبية وشكرا مرة تانية علي كلامك الجميل

شكرا ع الشعر الرائع وانت انسان موهوب ومستننيين روائع تانيه منك

وكمان الموضوع اتثبت!!!
ده كتير عليك 00000تو ماتش
مبروك
بس من تحت الضرس هههههههههههههههه

السلام عليكم ورحمه الله وبركاته
كلام جميل جدااااااااااااااا بجد وخارج من القلب

رهينه الاحزان

اقنعتنى بقولك واحساسك الصادق اثرت داخلى عاطفه متحركه احييك على ادائك && بجد احساسك قوى جدا && والف مبروك على الانطلاقه القويه دى ياعم الناس كلها واقفه فى ظهرك الوقتى وبقى ليك شعبيه قويه $$ انا بحسدك بس هههههههههه & اكيد انت عارف انا مين