خاطرة بعنوان صديقة وراحت

يا رتني مت وقتها

وقت ما قلبي دق وحسها

وقت ما قلبي حبها

ضاعت مني مش عارفة ارجعلها

تاهت مني وانا اللي سبتها

ليه يا زمان بعدتها عني

ليه يا زمان اخدتها مني

اصحابي كتير وكتير

وفراقي عنهم شئ مستحيل

لكن زماني في الغدر اصيل

فرق بيني وبينها

خلاني اهرب منها

خلاني ابعد عنها

سبتها في دنيتها وحيدة

بعيدة عن الكل وعني بعيدة

حبي ليها كان كلمة اكيدة

بس هي اختارت حد غيري

سابتني وراحتله ونكرت خيري

حبته وراحت معاه

عشقت قلبه وروحه وهواه

بعدها اكيد مفيش حياة

يا خسارة علي الوقت اللي ضيعناه

في حب في الاخير اسمه مستحيل

رحيل ورحيل ورحيل ورحيل

هى اذن قسوة الفراق

أصعب شعور انسانى مكتوب على البشر

ولكن تنفسى الحب مرة أخرى وابحثى عن التفاؤل ففيه الحياة

خاطرة معبرة

شكرا على ابداعك بجد رائعه

شكرا يا محمد لردك

شكرا يا فان علي ردك فعلا مفيش اصعب من ان الواحد يفارق انسان عزيز عليه

الحقيقة هى خاطرة جميلة جدا ومعبرة

وكلنا بنمر بلحظات من دى

بس انا حاسة انها مش مترتبة

يعنى انتى قولتى فى الاول

اقتباس :

تاهت مني وانا اللي سبتها

وبعدين رجعتى قولتى

اقتباس :

بس هي اختارت حد غيري

سابتني وراحتله ونكرت خيري

اظن ان فى تناقض هنا

تقبلى نقدى

شكرا ليكى

شمس انتي منورة وطبعا انا اقبل نقدك وانا متشكرة انك لفتي نظري

جميلة يا نرمين
ابقى افتكرينى ولو ببيت من اى عصيدة

شكرا يا رام لرائيك انت وسمسم والله انتي في قلبي وانتي عارفه كده وانا بكتب فيكي واحدة وهنزلها قريبا ان شاء الله

وانا مستنياها يا نرمين
وعموما اللى فى القلب فى القلب

متشكرة يا عمر منور الموضوع

جميله جداااااااااااااااااااااااااااااااااااااااااااا يا نيرمين

انتي الاجمل يا ستوب

ربنا يخليك يا سجان شكرا لمروك

شكرا لمروك يا سمسه انتي اللي قمر ربنا يخليك