اكتب عن احلى حاجة وأسوأ حاجة فى كليتنا هذا التيرم

الكلية عندنا مش ضيقة أوي كدا يا عم مايكل , لكن تقسيم المباني فيها غلط , وزي ما أنت قلت الجنينة اللي ورا , دي لو لاحظت هتلاقيها واخدة مساحة كبيرة جداً .

اقتباس :

أحسن دكتور كح كح , أسف مسمعتش السؤال ..

أوحش دكتور هتشووووووووووووو , يا جماعة واحدة واحدة عيدوا السؤال تاني !

واضح إننا على نفس الخط , لكن فيه عندنا دكتور حمدي شاهين مظبطنا . ودمه زي العسل

اقتباس :

اكتر موقف محرج حصلك التيرم ده فى الكلية ....إن واحد كان معرفة بيتعامل معايا على إني مسلم وكل ما يشوفني يبادلني الأبتسامة , لحد ام عرف وإحنا واقفين مع بعض مرة إني مسيحي , لقيت وشه تجهم وبقى بيعاملني بجليطة وقلة ذوق , بصراحة إتحرجت لنفسي وأتحرجت له !

للأسف يا مايكل الأشكال دي موجوة كثييير , ومفكرين إنهم بالطريقة دي يبقوا متدينيين , ميعرفوش من دينهم غير الشكليات , لكن جوهر الدين نفسه , إبقى قابلني . عموما أكيد أنت نفسيتك مش ممكن تسمح للمناظر دي إنها تأثر فيك .

اقتباس :

أحلى يوم , بلا منازع رحلة العين السخنة ......سخخخخخخخخخنة , ها ها ها ها . يوم ميتنساش بجد .

أتمنى إن رحلة الأقصر وأسوان اللي فيه كلام عليها دلوقتي في الكلية تتنفذ , لو بأي تمن هطلعا , هتكون 5 أو 6 أيام . لأني بجد رحت الأقصر قبل كدا وكانت جنـــــــــــــــــــــــــــــــــة .....

احسن حاجة فى الكلية .... االبنات اصحابي

اسوا حاجة ..... هي مش حاجة مادية اوي بس هي اسوا حاجة عندي الظلم اللي بيحصل في كل حاجة سواء من الدكاترة في التصحيح او عدم الانتظام دي برضه اسوا حاجة مفيش انتظام للدكاترة ولا للمواعيد ولا للمكان من اساسه كمان مفيش اماكن كتير ولا استراحات الواحد عشان يعد يستريح يدخل اي مدرج ويقول لحد رن علي
وكمان حاجة وحشة ان كل ما حد يلف مثلا في الكلية يلاقي ناس كل شوية في وشه هم هماهم الناس
الواحد بيتحرج يمشي فيها

حاجة نفسك تلاقيها فى الكلية ومش موجودة......... المكان والكافتيريا ميهمونيش اد ما الاقي العدل والنظام وكمان المياة .........مفيش مياه في دورة المياة .ههههههه .......دورة مياة من غير مياة.. حتي الكولدير فين وفين عقبال ما يحن بالمياة


احسن دكتور بيديك فى القسم........ التيرم ده هو دكتور محمود لانه حقاني وبتعاطف مع الطلبة

اسوأ دكتور وقول متخافش .........الله يسهلها بقا

اكتر موقف محرج حصلك التيرم ده فى الكلية .... لسة محصلش باين

احلى يوم فى الكلية التيرم ده ....... كان يوم حد. ...