بجناح مكسور مش قادر اطير ..
وكرامة متداس عليها كتير ..
اى حد واى اناس ..
ضابط .. دكتور .. او سواق ميكروباص ..
كانها مطب صناعى فى طريقهم ..
او صورة لكلب خانهم ..
بيدوسوا عليها برجولهم
مش هاقولك انا مين ؟؟
اللى حبوكى كتير ؟؟ وانا مش روميو ولا قيس ولا عنتيل
انا شاب عادى ومش ابن وزير
لو كنت ابن غفير كان يبقى ليا ضهر
ولو كان ليا ضهر مكنتش دوقت فى يوم المر
ولو مدقتش المر مكنتش حبيتك فى يوم
حبيتك .. مش عارف ليه؟؟
مش كلام باقوله مش هتحاسب عليه ..
لانى مش خواجة طالع اجامل ف التليفزيون
ولا معلم بانقط فى فرح واجامل عشان المحروس
ولا بادور على تصريح مش من حقى
انا كل اللى عايزه احب بلدى
حبيتك وانتى مش درايانة
مش عارفة ولا تقلانة
لا دى قلبت ببجاحة
ولا القسوة عندك بقت عادة
ولا اسيبك وامشى واقول هتمشى
يعنى انا هاعملك ايه ؟؟
ولا افضل زى ما انا افضل احبك
وانتى متعرفنيش !!
والله مش باطلبها منك بزيادة
انا عايز اكون حتى ضيف
بلاش تعاملينى كابنك
اصل ابنك بتدوسى عليه
عاملينى كعابر سبيل مر
وادينى اللى فيه النصيب
او سيبنى بكلمة يحنن او الله يسهل عليك
كلمة طيبة احسن من الف فعل
وربنا ما هادعى عليك
بلاش طيب عابر سبيل
مشيها زى ضيف
مرضتش اقولها كنت خايف
تخافى من حق الضيف
بس انا خفيف
ده لما كنت ابنك مطلبتش منك كتير
بس من حقى عليكى
تعاملينى حتى ولو كضيف
منقول
السبت 2 مايو 2009 - 23:48
