ارجع يا عمري كام سنة
ارجع ولو حتى سنة
ارجع ورجعلى اللي راح
داويني من كل الجراح
ارجع يا عمري كام سنة
ارجع عشان خاطري أنا
رجعني تاني لضحكتي
وابعد همومي ووحدتي
رجعني طفلة صغيرة
أحزانها لعبة مكسرة
ارجع يا عمري كام سنة
ارجع عشان ارجع أنا
رجعني تاني لدنيتي
غير طريقي وسكتي
ارجع يا عمري للسنين
ارجع هيقتلني الحنين
رجعني للماضي الجميل
خلصني من ليلي الطويل
ارجع يا عمري وكفاياك
تعبت م الأحزان معاك
ارجع سنين بيا لورا
نسيني كل اللي جرا
ارجع يا قلبي وليه تغيب
رجعني تاني للحبيب
رجعلى أبويا من جديد
خرجني من سجني الحديد
ارجع يا طير من غربتك
مين هيداويك من علتك
ارجع يا عمري كام سنة
ارجع ولو حتى سنة
ارجع يا عمري من جديد
منقول
الإثنين 1 يونيو 2009 - 14:59
