دور الحرس فى الكليات والجامعات

كثر الكلام عن دور حرس فى الكليات والجامعة
من وجهة نظركم هل مع او ضد وجود الحرس فى الكلية مع ابداء السبب

اكيد دور الحرس مهم وضرورى
باختصار جدا لحفظ الامن والنظام
بس مع احترامى للكباتن اللى عندنا دول مش حرس خاااااالص
لاسباب بسيطة ان ممكن اى حد يدخل الكلية ولا يقولوله انت رايح فين يعنى مرة واحدة صاحبتى من ايام اعدادى جت الكلية وهى مش بتدرس هى اقتصرت بس على اعدادى واتجوزت ومع العلم انها منقبة دخلت ولا قالها انتى مين ولا كارنيه ولا اى شىء

هو فعلا الحرس لو بقا حرس بمعني الكلمة اكيييييييييييييييييييييد ميه المية هيكون ليه دور كبير اوي ومهم اوي اوي زي الاسباب اللي ذكرها مايكل وغيرها

لكـــــــــــــــــــــــــــــــــــــــــن&&&&&&&

لما يبقا الحرس مش حرس ويبقا مجر عفوا يعني(صنم واقف) اكيد هيبقا مش ليه اي لازمة بل بالعكس دول هيبقوا عالة يعني هم اللي يعدوا يتفرجوا عل البنات بدل ما يمنعوا المعاكسة يعدوا زي قلتهم وخلاص............................

شكرا يا ياسمين على المرور الكريم

مايكل شريف كتب:

الحريف2 كتب:

كثر الكلام عن دور حرس فى الكليات والجامعة
من وجهة نظركم هل مع او ضد وجود الحرس فى الكلية مع ابداء السبب

طبعاً . خلاص اتخرجت وتقدر تتكلم عن الحرس براحتك يا معلم

بالنسبة ليا شايف إنه مهم , هيمنع تجارة المخدرات داخل الجامعات . هيمنع المظاهرات (اللي أنا شايف إنها مهمة لكن برة سور الجامعة , لكن الجامعة للعلم وفقط) , هيمنع دخول أي ناس ملهومش لازمة ممكن يتخانقوا أو يعاكسوا البنات . شكراً يا حريف على الموضوع .

اولا شكرا على ردك يا جميل
انا اعرف جميع الحرس وهم يعرفوني جيدا ويعرفوا اسمى من قائد الحرس الى اخر واحد فيهم
انما الموضوع كله كانت قضية مثارة وانا حبيت اسمع ارائكم
انا لسه مش رسمي اننا اتخرجت لما انجح ان شاء الله يبقى رسمي
وزى ما قلتلك كل الحرس من قائد الحرس يعرفنى كويس اوي ويعرف شكلى واسمي
متقلقش يا جميل
بس احسن حاجة تعليقك يا مايكل
نورت الموضوع

شكرا ياسمين على المرور الكريم

شكرا يا تمورو

محمدسميرهجام كتب:

المفروض ان فيه حكم قضائى ( نهائى ) يمنع وجود اى فرد أمنى فى الجامعات المصرية
لكن السنة الجاية برضه هنلاقى الحرس ماشى يلف فى الكلية ويطردنا لما الساعة تيجى اتنين ونص
وعلى فكرة الحرس اساسا مسئوليته بتتحدد وتنتهى فى فحص الكارنيهات
لكن عندنا فى مصر المحروسة امناء الشرطة قاعدين يلفوا فى الكلية اكتر من الطلبة نفسهم
معلش خايفين من الاخوان

فى اخر ردى احب اطلب من كاتب الموضوع سماع اغنية
مشربتش من نيلها

يا هجام الحرس بشر واكيد عاوزين يروحوا لبيوتهم
فبيطردونا الساعة اتنين ونص
مهو ده عادى فى الزمن ده
وانا معاك فى كلامك مئة فى مئة
بس فى نقطة مش فاهمها
هل هم بيخافوا من الاخوان ؟

شكرا يا امة

شكرا يا هوجو على المرور

yasmeen كتب:

اكيد دور الحرس مهم وضرورى
باختصار جدا لحفظ الامن والنظام
بس مع احترامى للكباتن اللى عندنا دول مش حرس خاااااالص
لاسباب بسيطة ان ممكن اى حد يدخل الكلية ولا يقولوله انت رايح فين يعنى مرة واحدة صاحبتى من ايام اعدادى جت الكلية وهى مش بتدرس هى اقتصرت بس على اعدادى واتجوزت ومع العلم انها منقبة دخلت ولا قالها انتى مين ولا كارنيه ولا اى شىء

معاكى حق
شكرا على مرورك الكريم

اكيد الحرس دورهم مهم سواء كان فى الكليه اوفى مكان تانى
بس برضه دور الحرس محدد وواضح
ومش ده اللى بيقوم بيه حرس الكليه عندنا
يعنى دورهم ان هم يتأكدوا من الكرنيهات
ويمنعوا اللى مش معاه الكارنيه اوعلى الاقل المشكوك فى امره
مش اى حد يقدر يدخل زى ما بيحصل فعلا
وكمان دورهم انهم مثلا يفضوا الاشتباكات
مش يمنعوا الاشخاص من حقهم فى الكلام والتعبير
زى ما حصل بالفعل فى احد المحاضرات الترم اللى فات
كنا فى انتظار دكتور حامد داخل المسرح دخل حوالى
ثلاثه شباب وبدأوا يتكلموا عن فلسطين وما يحدث بها
وقاموا بجمع بعض التبرعات وفجأه دخل حرس الجامعه وقاموا
بالاعتداء عليهم بالضرب والسب ولم يحرك احد ساكنا


اذا فقد خرج الحرس عن اطار دورهم المحدد

لاولا مافيش في اي دولة محترمة في العالم زي اللي بيحصل عندنا.المفروض ان دور الامن انه يحفظ النظام العام داخل الجامعة فقط بس لان مصر مش زي اي دولة في العالم فمن الطبيعي انك تشوفي اللي بيحصل ده .

وجود الحرس في الجامعة اكيد مهم بس احنا هنا عشان في كلية اقاليم مش بيحصلنا نفس اللي بيحصل للطلبة مثلا في جامعات تانية زي مثلا القاهرة.
وفي سنة من السنين وده حصل لما كان فتحي سرور عميد كلية حقوق القاهرة طلب منه الطلبة انهم يعاملوا مظاهرة بس بشرط يسيب لهم المدرجات مفتوحه عشان ما يتأذوش من الامن لكن طبعا ما عملش كده واتفرج ع اللي حصل للناس ساعتها وازاي انهم كانوا بيشدوا الطالبات والدكاترة من شعرهم ويخلعوامن على راسهم الحجاب.
ثانيا في حركة اسمها 9 مارس لاستقلال الجامعات وده الينك بتاعها http://www.march9online.net/ وابقوا قولولي رايكم ايه؟