محمد سمير هجام و محمد بربر .. وجها لوجه

مساؤكم حب

من لا يعرف محمد سمير هجام ... قطعا لا يعرف كلية الآداب

لن أتحدث عنه .. لأن الصديق إذا أوفى حق صديقه .. قد يظنه الناس .. مجاملا له

ولكن هنا ... تحديدا فى هذا الموضوع

سنلتقى به ... نحاوره .. بلا خطوط حمراء

بلا دبلوماسية .. فهو أمين اتحاد كلية الآداب .. وهو أمين أسرة جرين دريم .. يعرف ما لا يعرفه الكثير ..

ونحن أيضا .. سنعرفه بالتأكيد .. أسئلة لا تعرف سوى ...الصراحة ... نفتح معه النار ... ويا قاتل يا مقتول

ترى .. هل سيكون واضحا صريحا .. أم سيخيب آمالنا ؟

والآن سأترك للأعضاء

يسألون محمد سمير هجام

وحتى أعود ... بأسئلتى

لكم وله منى كل

الحب

موضوع جميل يا محمد بربر

وانا هبدأ واسأل محمد هجام سؤال بسيط

استفدت ايه من تجربتك كأمين اتحاد لكلية اداب؟؟ وياترى كان ايه هدفك من انك تكون فى الاتحاد؟

السؤال
ما هى الاشياء اللى فعلتها وتكون ملموسة ايام لما كنت امين الاتحاد
وما رايك فى اتحاد الطلبة السنة دي

هجام سؤالين كده على الماشى

مين أكتر شخصيه عجبتك السنه دى فى الكليه ؟ (متقولش قابلت ناس كتير كويسين والكلام ده لا عايزة اجابه واضحه )

ايه مشاريعك بعد ما تخلص الكليه ؟

السنه الجايه ان شاء الله لما الفيومى المفروض ان هو هيسيب الكليه هتبق أنت بس رئيس جرين دريم ولا هتخلى حد يبق معاك مناصفه ؟

بربر فكرة جااااااامده بحيك عليها

زائر

مش هسأله بس هقولها

ربنا يوفقك ف حياتك والي ما يحبه ويرضاه

ويكرمك ياااااااااااااااااااااااااااااااااااااااارب

الف شكر ليك

زائر

والف شكر ليك يا محمد ع الموضوع الجميل ده

سؤال
من البنت اللى تخطف قلب الهجام
وخلي بالك من كلمة تخطف
انا طبعا ومفيش شك اتمنى ليك حياة كريمة عزيزة وسعيدة وناجحة

كمان سؤال

السنه الجايه لو بقيت رئيس اتحاد تحب مين تكون الامينه المساعده؟

محمد
هسألك كام سؤال بس يا رب يكونوا خفاف عليك :
ما هو شعورك في اول يوم ليك في كلية اداب عملت ايه ؟
ايه بردو هيكون شعورك بعد اخر يوم ليك في الكلية ؟
اسعد لحظة ليك في الكلية ؟
لما هتخلص السنة اللي جاية هتفكر تيجي الكلية تاني ولا هتقول عمري ما هجي شارع الكلية دا تاني ؟
محمد بربر بيمثلك ايه ؟
حاجة غير الكلية :
ايه هيا الحاجة اللي بتفتكرها في طفولتك وبتبقي سعيد بيها ؟
مين اكتر شخص مبتقدرش تكسر ليه كلمة ؟
محمد لو خيروك تطلع القمر مع شخص وااااحد بس واحد هتطلع مع مين ؟

ميرسي يا بربر علي الفكرة الجميلة دي

Mohamed Berber كتب:: مساؤكم حب

من لا يعرف محمد سمير هجام ... قطعا لا يعرف كلية الآداب

لن أتحدث عنه .. لأن الصديق إذا أوفى حق صديقه .. قد يظنه الناس .. مجاملا له

ولكن هنا ... تحديدا فى هذا الموضوع

سنلتقى به ... نحاوره .. بلا خطوط حمراء

بلا دبلوماسية .. فهو أمين اتحاد كلية الآداب .. وهو أمين أسرة جرين دريم .. يعرف ما لا يعرفه الكثير ..

ونحن أيضا .. سنعرفه بالتأكيد .. أسئلة لا تعرف سوى ...الصراحة ... نفتح معه النار ... ويا قاتل يا مقتول

ترى .. هل سيكون واضحا صريحا .. أم سيخيب آمالنا ؟

والآن سأترك للأعضاء

يسألون محمد سمير هجام

وحتى أعود ... بأسئلتى

لكم وله منى كل

الحب

شكلك كده هتوقعنى فى الغلط وهتخلينى اقول كلام يودينى ورا القمر ( ورا الشمس بقى زحمة ومفيش مكان هناك لحد ) انت صحفى شاطر وربنا يستر عليا
شكرا يا محمد لاهتمامك بعمل موضوع تحاور فيه العبد لله
ويارب يكون اللقاء بينى وبينك لقاء من لقاءات السحاب
انا هجاوب على اسئلة الاعضاء دلوقتى
وربنا يستر من اسئلتك اللى جاية
هحاول اجاوب عليها بكل صراحة( هحاول )
انت عارف ان ابويا ملوش غيرى
شكرا تانى يا محمد وهتتردلك قريب
دمت بألف خير صديقى العزيز

شمس كتب:: موضوع جميل يا محمد بربر

وانا هبدأ واسأل محمد هجام سؤال بسيط

استفدت ايه من تجربتك كأمين اتحاد لكلية اداب؟؟ وياترى كان ايه هدفك من انك تكون فى الاتحاد؟

استفدت كتير
اهم الاستفادات انى قابلت ناس كتير واتلسعت من اكترهم فاكتسبت خبرة لا بأس بها فى التعامل مع الناس وفن التواصل مع الاخر اتحسن اوى عندى ...
اما هدفى ... كان نفسى انتصر على ظلم بعض الدكاترة واخفض اسعار الكتب فى كليتنا اللى كانت مرتفعة بصورة مبالغ فيهاعن باقى كليات دمياط
كان نفسى ابقى اشهر واحد فى الكلية ... والناس تشاور عليا وتقول ده راجل محترم
كان نفسى ان الاتحاد يكون صوت الطلبة العالى اللى بيقدر ياخد حقوق الطلبة بقوة واللى يتعمله الف حساب
كان نفسى ابين مواهبى وامكانياتى وقدراتى واخرجها للناس .. واعرفهم انى بختلف عن الاخرين
كان نفسى اخلى الطلبة تشارك فى كل الانشطة واى حاجة تتعمل الاقى فيها مشاركة وتفاعل من الاف الطلاب
(كان نفسى اعمل حياة طلابية صحية وحقيقية فى الكلية)
طبعا كان نفسى حاجات كتيرة اتحقق منها بتاع عشرة عشرين فى المية
وانا مش ذنبى ان الجمل المكملة ل ( كان نفسى ) متحققتش
كان فى صعوبات لا يمكن التغلب عليها ... ابدا
فريق كورة
لما يكون الفريق ده كله بجهازه الفنى ومجلس ادارته ولاعيبته وحتى العامل بتاع غرفة الملابس
لما يكون كل دول ( فاسدين وبايظين )
لما تكون المنظومة كلها كده
مستحيل لعيب واحد فى الفريق ده يقدر يغير الدفة للاحسن ويحقق الانتصار
مستحيل

هكمل بكرة الاجابة عن بقية الاسئلة
لو كان فى العمر بقية

شكرا ليك محمد بربر ع الفكره دى
محمد انا هسألك شويه اسئله ويا ريت تكون بسيطه وخفيفه
_ صحابك اللى ف الكليه بيعنولك ايه ؟ ومين هو اقرب صديق ليك؟
_ هل ممكن بعد ما تخلص الكليه وتستقل بحياتك ممكن تفكر ترفع سماعه التليفون وتتطمن عليهم ولا هتقول مشغوليات الحياه؟
_لو انت رايح الكليه وفى موضوع مضايقك جدا فى حياتك العاديه هتكون متضايق برضه ف الكليه ولا هتحاول تدارى ؟
_ لو فى حد من صحابك اعجب بواحده هتنصحه يروح يكلمها ولا يتقل عليها ؟
_ لخص مفهومك للحياه فى جمله واحده؟
يا رب مكنش تقلت عليك ف الاسئله ومضيقتكش
تقبل تحياتى

ماذا تعتقد في كلاً من :

الحريف

الأخوان عوض

شكرا يا محمد بربر على الموضوع الجميل دة بجد
دا مبدئيا لانه موضوع جميل فعلا ولو كل الاعضاء الا هيدخلوا
جاوبوا بصراحه هنقدر نفهم بعض كويس اوى
موضوع جميل يا محمد ربنا يوفقك

احب اشارك واسئل محمد هجام
1- انت ليه يا محمد حاسس بالوحدة بالرغم من وجود ناس كتير اصدقائك بجانبك؟
2-ممكن فى يوم من الايام تنسى شخص كان صديقك؟
3- عمرك لقيت حب حقيقى وضاع منك وندمت عليه او حسيت انك عاوزة يرجع ليك تانى؟
4-ايه الموقف الا لما تتذكرة تحب انك تصرخ عشان تحس بارتياح؟

يعنى اتعوت منك على الصراحه مش بطلب غير الصراحه
مش اكتر من كده ودى اسئله مبدئيه على متذكر حاجه
وربنا يوفقك

هجام لو والدتك زعلت منك جدا فى موقف أنت عملته وأنت شايف ان الى عملته صح بس هى مش مقتنعه بتعمل ايه علشان تخلى الزعل دا يروح من عندها ؟

بتحب ايه أكتر الكليه ولا الاجازة؟

بتشتغل ايه فى الصيف (بتعمل ايه يعنى مع والدك فى المعرض)؟

الحريف2 كتب:: السؤال
ما هى الاشياء اللى فعلتها وتكون ملموسة ايام لما كنت امين الاتحاد
وما رايك فى اتحاد الطلبة السنة دي

جمعت ستميت توقيع ضد ارتفاع اسعار الكتب من كل الطلبة فى كل الاقسام وبعت التوقيعات للعميد
والعميد مشكورا كان ( المحترم حامد حواس ) رخص الكتب
لكن الدكاترة خلو الشيتات بفلوس- لاول مرة فى تاريخ الكلية- عشان يعوضوا خسارتهم فى الكتب

الخطوة اللى فاتت دى .... مفيش اى اتحاد فى التلت اتحادات عملها او فكر يعملها
وباقى الانجازات فى ايامى اتكررت فى اتحادات السنين التانية

اتحاد الطلاب بتاع السنادى برغم انه مزور ومتكوس ومتفبرك واعضاؤه التمنية واربعين عارفين كده
لكنى بعتبره ( برغم كل حاجة ) اكثر الاتحادات تنظيما وجماعية

stop كتب:: هجام سؤالين كده على الماشى

مين أكتر شخصيه عجبتك السنه دى فى الكليه ؟ (متقولش قابلت ناس كتير كويسين والكلام ده لا عايزة اجابه واضحه )

ايه مشاريعك بعد ما تخلص الكليه ؟

السنه الجايه ان شاء الله لما الفيومى المفروض ان هو هيسيب الكليه هتبق أنت بس رئيس جرين دريم ولا هتخلى حد يبق معاك مناصفه ؟

بربر فكرة جااااااامده بحيك عليها

بعد ما اخلص الكلية مشاريعى هى ....
للاسف انا احلامى كتير بس احتمالات تحقيقها ضعيفة
لان والدى مخلفش ولاد غيرى وعايزنى امسك الشغل بعده فرابطنى معاه فى الشغل ( اللى انا بكرهه )
وعليه ... احتمالات سفرى ( قرايبى بره كتير ) معدومة عشان مصلحة بابا
وعليه ...
انا هحاول ادى دروس
هحاول ادخل سلك الصحافة
اكيد .. هقرأ اكتر عشان اكتب احسن .. ممكن فى يوم اعرف اعمل كتاب .. ومحمد بربر سبقنى لده واكيد ده شجعنى انا وكتير

تبقى احلام و عشان تبقى يقين عايزة ارادة وكفاح ومواجهات صعبة مع السيد الوالد ..
لسه قدامنا كتييييييير اوى

بخصوص الاسرة ... الفيومى ودعنا
وعليه ان شاء الله
همسكها لوحدى بدون مناصفة مع حد

اكتر شخصية عجبتنى السنادى فى الكلية هى شخصية عمر اخوكى
المنتدى قربنا اوى من بعض وانا بشكر الظروف اللى خلتنى اقرب من عمر بالشكل ده
ربنا يحميه

أحمد الخضر كتب:: مش هسأله بس هقولها

ربنا يوفقك ف حياتك والي ما يحبه ويرضاه

ويكرمك ياااااااااااااااااااااااااااااااااااااااارب

الف شكر ليك

يارب يخليك

محمد سمير هجام و محمد بربر .. وجها لوجه 632484

stop كتب:: كمان سؤال

السنه الجايه لو بقيت رئيس اتحاد تحب مين تكون الامينه المساعده؟

بصى زى ما احنا كلنا عارفين
مفيش انتخابات اتحادية فى الكلية
وانا عمرى ما هقبل على نفسى انى اجى بالتزوير
بس لو حصلت المعجزة وحصلت انتخابات
وجيت انا رئيس
مش هينفع اجيب مساعدة
لان المساعدة هتيجى بالانتخاب زيى
بس لو انا ممكن اختار
اكيد هختارك انتى
انتى شخصية قيادية هايلة
... متعاونة جدا ... نشطة جدا ... محترمة جدا .. تتحملى اتقل مسئولية وقبل كده ده واهم من كل ه
محبوبة

الحريف2 كتب:: سؤال
من البنت اللى تخطف قلب الهجام
وخلي بالك من كلمة تخطف
انا طبعا ومفيش شك اتمنى ليك حياة كريمة عزيزة وسعيدة وناجحة

انا عن نفسى مش عارف
بس اللى اقدر اقولهولك ان رقة البنت اكتر حاجة بتشدنى ليها

ربنا يوفقك يا محمد فى حياتك

رهينة الأحزان كتب:: احب اشارك واسئل محمد هجام
1- انت ليه يا محمد حاسس بالوحدة بالرغم من وجود ناس كتير اصدقائك بجانبك؟
2-ممكن فى يوم من الايام تنسى شخص كان صديقك؟
3- عمرك لقيت حب حقيقى وضاع منك وندمت عليه او حسيت انك عاوزة يرجع ليك تانى؟
4-ايه الموقف الا لما تتذكرة تحب انك تصرخ عشان تحس بارتياح؟

يعنى اتعوت منك على الصراحه مش بطلب غير الصراحه
مش اكتر من كده ودى اسئله مبدئيه على متذكر حاجه
وربنا يوفقك

1_

1-
انا حاسس دايما بالوحدة لان -فعليا- مفيش حد جنبى ... والاحساس ده معايا من يوم ما اتولدت
مش عارف دى جينات ولا حاجة مولودة معايا ولا ايه بالظبط
ةومعرفش هيروح بمرور الايام ولا معايا لحد ما اموت
بس عموما انا اتعودت ع الوحدة ....

ا2-
نا مش بنسى اى اصدقاء
لان الذكريات كلها متشالة فى ركن عزيز من قلبى
ولو حد نسينى .. برضه مستحيل انساه

3-
لا عمرى ما لقيت حب حقيقى

4-
كل المواقف الصعبة ... مش هينفع اقولها

stop كتب:: هجام لو والدتك زعلت منك جدا فى موقف أنت عملته وأنت شايف ان الى عملته صح بس هى مش مقتنعه بتعمل ايه علشان تخلى الزعل دا يروح من عندها ؟

بتحب ايه أكتر الكليه ولا الاجازة؟

بتشتغل ايه فى الصيف (بتعمل ايه يعنى مع والدك فى المعرض)؟

طبعا بحب الكلية اكتر
مصطلح الاجازة ملغى من قاموس حياتى

اما بخصوص الشغل
فاحنا عندنا مصنع ومعارض
المصنع فيه عمال وصنايعية كتير
والمعرض فيه بابا وتكييف ومكتب وقعدة زى الفل
المصنع بيصنع الشغل وفيه بقى مسامير وخشب ومنشار وشواكيش ومرمطة
المعرض بيتعامل مع التجار والزباين والحسابات وكده
انا المفروض اقعد فين ؟؟؟
اكيد فى المعرض .. مكانى الطبيعى
لكن بابا عايز يمرمطنى عشان اطلع راجل فبيوقفنى مع العمال اشتغل زيى زيهم بالظبط

بخصوص ماما فهى بتزعل منى كتير بس فى خلال خمس دقايق بتكون نست كل حاجة ( انا واخد منها الطبع ده )
واعتقد ان اكتر مرة خاصمتنى فيها مزدتش عن يوم وخليت صديقة عزيزة تصالحنى عليها
كل ده لو انا اللى غلطان
اما لو اانا صح ومقتنع انى صح .. فنا مش هعتذر واصالحها ... هى اكيد هتصالح نفسها

» كلنا بنحب مصر .. بس ياترى مصر بتحبنا !!تحقيق - محمد سمير هجام
» حكايات من كليتنا .. حلقات متجددة يقدمها محمد بربر ومحمد هجام
» محمد بربر هيورث البلد لابنه
» محمد بربر يكتب ... ( صرخات مكتومة )
» البقاء لله .. واجب تعزيه لمحمد سمير هجام