محمد سمير هجام و محمد بربر .. وجها لوجه

[="semsema"]

محمد
هسألك كام سؤال بس يا رب يكونوا خفاف عليك :
ما هو شعورك في اول يوم ليك في كلية اداب عملت ايه ؟

فرحان جدا .. لانى بحب قسم انجلش
وحسيت انى هبقى حاجة جامدة فى الكلية وهلاقى نفسى واخد وضعى ومكانى

ايه بردو هيكون شعورك بعد اخر يوم ليك في الكلية ؟

هزعل جدا وهفتكر كل ذكرى ليا فى الكلية والفراق هيبقى صعب جدا جدا عليا

اسعد لحظة ليك في الكلية ؟

يوم ما مسكت المايك فى حفلة الويلكم بارتى اللى عملتها اسرة جرين دريم... كرئيس للاسرة ... واتكلمت بقلب جامد واثبت للجميع انى مش فاشل والفشل ينسب للمنظومة وليس لشخصى ..
كنت فرحان بنجاح الاسرة اوى ونجاحها ده كان دليل عملى على ارض الواقع بيقول للكل
ان محمد لما بيصمم ... بينجح




لما هتخلص السنة اللي جاية هتفكر تيجي الكلية تاني ولا هتقول عمري ما هجي شارع الكلية دا تاني ؟

اكيييييييييد هجى ان شاء الله
بس يارب يدخلونى

محمد بربر بيمثلك ايه ؟

صديق عزيز اوى وقريب اوى منى
دماغنا متشابهة فى حاجات كتير .... وساعات بحس انى بكلم نفسى لما بكلمه
ربنا يحميه

حاجة غير الكلية :
ايه هيا الحاجة اللي بتفتكرها في طفولتك وبتبقي سعيد بيها ؟

جدتى وسنين الطفولة فى بورسعيد ... ذكريات متتنسيش
كانت قريبة اوى منى ... ومن كتر قربها كنت بقولها يا ماما
لسه صوتها فى ودنى لحد دلوقتى ولسه فاكر كل حاجة ليها مع انها ماتت من حداشر سنة

مين اكتر شخص مبتقدرش تكسر ليه كلمة ؟

مفيش
محمد لو خيروك تطلع القمر مع شخص وااااحد بس واحد هتطلع مع مين ؟

دلوقتى هطلع لوحدى
... ولو حبيت فى يوم... اكيد هطلع القمر مع حبيبتى

[/]

اولا ازيك يا هجام ايه اخبارك واخبار الاجازة
ثانيا مش عارفة اسال بس في اسئلة كده يارب تبقا خفيفة

1- انتا بتشوف ايه داخل محمد سمير هجام يعني ايه مميزاته وايه عيوبه اللي انتا شايفها؟
2- لو عايز تلخص حياتك في سطرين تقول ايه؟
3- ايه الاسلوب او الطريقة اللي تحب تمشي بيها في حياتك عامة؟
4- لو معاك وردة حمراء تهديها لمين ولو معاك وردة بيضاء تهديها لمين؟
5- ايه اكتر المواقف اللي تضايق محمد هجام وتخليه متنرفذ اوي ويتعصب؟
6-وايه اكتر حاجة تحلي محمد مبسوط وسعيد؟
7-انتا راضي عن نفسك ولا لاء؟
8-مين هو بلسم جروحك وتوئم روحك؟
9_ايه اكتر حاجة او اكتر شخص اثر في حياتك؟

[="نرمين"]شكرا ليك محمد بربر ع الفكره دى
محمد انا هسألك شويه اسئله ويا ريت تكون بسيطه وخفيفه
_ صحابك اللى ف الكليه بيعنولك ايه ؟ ومين هو اقرب صديق ليك؟

]صحابى فى الكلية .. صحاب من الدرجة التانية .. يعنى مش اصحاب قريبين اوى ..
واصحابى من الدرجة الاولى ( القريبين اوى ) كلهم من بره الكلية
بس فيه جوه الكلية صحاب بعتبرهم صحاب من الدرجة الاولى ... عمر ومحمد بربر وطبعا عمرو سلامة
واكيد بيعنوا ليا الكتير

_ هل ممكن بعد ما تخلص الكليه وتستقل بحياتك ممكن تفكر ترفع سماعه التليفون وتتطمن عليهم ولا هتقول مشغوليات الحياه؟

انا مش بنسى حد
ولما هما بينسوا يسألوا,, بسأل انا

_لو انت رايح الكليه وفى موضوع مضايقك جدا فى حياتك العاديه هتكون متضايق برضه ف الكليه ولا هتحاول تدارى ؟

مش بعرف ادارى

_ لو فى حد من صحابك اعجب بواحده هتنصحه يروح يكلمها ولا يتقل عليها ؟

لازم يروح يكلمها .. لان لو فى حد اعجب بيها وراح قبله ... هيندم كتير اوى

_ لخص مفهومك للحياه فى جمله واحده

سر مش هنعرفه ابدا الا لما نموت



يا رب مكنش تقلت عليك ف الاسئله ومضيقتكش
ابدا
تقبل تحياتى]

محمدسميرهجام كتب:

stop كتب:

محمد لو معاك مصبح علاء الدين وليك 5 أمنيات هيبقوا ايه؟؟؟؟؟؟؟؟

لو ليك حريه انك تروح دلوقتى فى اى مكان انت عايزه هتروح فين أو هتسافر فين ؟؟؟

اى حتة بره مصر
اى ارض تانية بتحترم الناس اللى بتمشى عليها

مقولتش الخمس امنيات

ازيك يا محمد
مش هتقل عليك ربنا يكون فى عونك
بس عاوزة اعرف انت ما شاء الله بقى لك فى الكلية 3 سنين
محمد الانسان استفاد حاجة من وجوده فى الكلية؟؟
عاوزة اسالك انت بتحضر محاضرات ؟

جاوبت كل الاسئلة الا اسئلتي
مسش عارفة ليه؟؟؟

هل منصب اتحاد الطلبة اضاف ليك ولا لا
هل بتزعل بسرعة من ابداء راي يخالف رايك ولا لا

[="أمة الله"]اولا ازيك يا هجام ايه اخبارك واخبار الاجازة
ثانيا مش عارفة اسال بس في اسئلة كده يارب تبقا خفيفة

1- انتا بتشوف ايه داخل محمد سمير هجام يعني ايه مميزاته وايه عيوبه اللي انتا شايفها؟
اكبر مميزاتى انى حساس ونقى وطيب
اكبر عيوبى انى متشائم وعصبى ومعنديش صبر

2- لو عايز تلخص حياتك في سطرين تقول ايه؟
الفرح فى سطرين والباقى كله عذاب

3- ايه الاسلوب او الطريقة اللي تحب تمشي بيها في حياتك عامة؟
الاسلوب اللى بيحرص على طاعة الله

4- لو معاك وردة حمراء تهديها لمين ولو معاك وردة بيضاء تهديها لمين؟
مش ههديهم لحد

5- ايه اكتر المواقف اللي تضايق محمد هجام وتخليه متنرفذ اوي ويتعصب؟
لما البنت تمثل وتعيش دور مش دورها .. او تعمل نفسها مؤدبة وهى مش كده خالص
(فى بنات فى الكلية عاملين تنكين ومش بيكلموا حد وبره الكلية اشهر من النار على العلم )

كمان لما الجاهل يقاوح ويجادل وهو جاهل ومش عارف حاجة

ولما الانسان يقعد يتكلم وانت تنصت ليه ولما تيجى انت تتكلم ميسمعكش ويقفل الموضوع لانه فى موقف ضعف (بتغيظنى بجد المواقف دى )

6-وايه اكتر حاجة تحلي محمد مبسوط وسعيد؟
لما الناس تفهمنى صح

7-انتا راضي عن نفسك ولا لاء؟
لأ.. مش راضى عن نفسى مية فى المية

8-مين هو بلسم جروحك وتوئم روحك؟
مفيش

9_ايه اكتر حاجة او اكتر شخص اثر في حياتك؟
ممكن جدتى اللى توفت

[="Mohamed Berber"]اكيد منة مش واخد باله

محمد

توجه الكلمات دى لمين ؟

اسف ... كل بنت فهمتنى غلط

شكرا ...كل حد بيتمنالى الخير

حقير.... المتربصين بيا وما اكثرهم


بتاع مصلحتك .... احمد حبيب

شايف نفسك على ايه ... العيال اللى بيقعدوا جنب السلم

كفاية كدة اوى .... التزوير فى كل الانتخابات اللى بتجرى فى مصر


بحبك ..... ونا كمان [/quote]

رايك فى الحريف كشخص بصراحة

سؤال سريع كده ...
ليه كل ما تتسأل تحب تسافر فين تقول أى حتة بره مصر ؟
عارفة ان مصر بتدوس علينا و بتقتل فينا كمان بس للدرجة دى شايف ان مفيش فايدة ؟
شايف الحل اننا نخلع و نسيبها تولع أكتر ما هى ؟

هو سؤال غريب شويه .......ممكن تقرر انك تغير من صفاتك وطريقتك مع الناس بعد متتجرح جامد من ناس متتوقعش منهم الجرح ده؟ وتقول محدش يستاهل اكون معاه طيب واعامله كويس؟
ايه احلى فتره ف حياتك وف الكليه؟

ايه نظرتك للبنت اللي مش مصاحبه ولاد او مبتكلمش ولاد؟هل هي معقده؟
بسسسسسسسس ويارب اسئلتي متكونش رخمه
ودمت بخير

رايك فى فكرة التطبيع مع اسرائيل

أولا :عود حميد ؟؟ أمال أحمد راح فين ؟؟
شكرا يا محمد

ثانيا :طب لو سبناها و خلعنا و البلد الجديدة خربت هنروح فين ؟
مش هجوما على رأيك لإنى أنا كمان شايفة إنها بتولع " رغم انى شايفة لسه أمل " بس بحثا عن حل
يعنى لو دا الحل يبقى مين اللى هيغير العالم ؟ " اعذر سذاجتى بس أنا شايفه اننا نقدر نغير العالم "

ثالثا : سؤال صغنتوت تانى .. جربت السجاير قبل كده ؟

ايه ده

الناس بتسأل أسئلة خفيفة جدا ... ليييييييييييييه ؟؟

عايزين نحرج محمد .. ونطلع من جواه .. كل الذكريات .. الحكايات

زى كدة

كام مرة أعجبت ببنت ؟
فاكرة اول بنت عجبتك ؟؟

انا شايف انك مودى ( مزاجى ) وسهل تغير رأيك فى شخص بسرعة ... ده صح ؟

هل حاول أحد ( أى أحد ) استغلالك بشكل أو بآخر فى أمور رخيصة أثناء وجودك أمينا للاتحاد ؟

لماذا ترى أمين الاتحاد دائما منصبا مهما رغم كونك على علم ببواطن الأمور ؟

تقدر تصنف نفسك ............ اخوانى / ليبرالى / وطنى / قومى / ناصرى /جهادى ؟

لماذا لا نراك فى صفوف الليبراليين ؟

هل لو عرض عليك أمانة الاتحاد ستقبلها ؟

سنعووووووود

ا

Mohamed Berber كتب:

ايه ده

الناس بتسأل أسئلة خفيفة جدا ... ليييييييييييييه ؟؟

عايزين نحرج محمد .. ونطلع من جواه .. كل الذكريات .. الحكايات

زى كدة

كام مرة أعجبت ببنت ؟
فاكرة اول بنت عجبتك ؟؟

انا شايف انك مودى ( مزاجى ) وسهل تغير رأيك فى شخص بسرعة ... ده صح ؟

هل حاول أحد ( أى أحد ) استغلالك بشكل أو بآخر فى أمور رخيصة أثناء وجودك أمينا للاتحاد ؟

لماذا ترى أمين الاتحاد دائما منصبا مهما رغم كونك على علم ببواطن الأمور ؟

تقدر تصنف نفسك ............ اخوانى / ليبرالى / وطنى / قومى / ناصرى /جهادى ؟

لماذا لا نراك فى صفوف الليبراليين ؟

هل لو عرض عليك أمانة الاتحاد ستقبلها ؟

سنعووووووود

نحرجه ازاي؟محنا لو حرجناه مش هيرد .......وبعدين كل عضو لو طريقة اسئله وليها درجات ف الاحراج على ما اعتقد
انا مش بنقدك ولا حاجه ولا حتى بتشاكل بس انا شافيه ان فيا اسئله محرجه كفايه .....انا نفسي مقدرش ارد عليها