سؤال للبنات فقط

موضوعك حلو يا سمسمه
انا بصراحه مجربتش انى اعتمد على شاب او اكلمه
بس اعتقد ان وظيفته من وجهة نظر البنات اللى فى سنى
انه بيملآ لهم جزء الحب او المشاعر الفاضيه
ممكن تكون ديه وظيفته بس اعتقد ان ليه وظائف تانيه فى حياة المراة
انت وجهة نظرك ايه يا سمسمه؟؟

من راييى الشخصى ان عموما الاعتماد على الرجل بيكون اساسى فى حياه اى بنت
وانا بقول عموما يعنى مقصدش مرحله سنيه معينه
ومقصدش برده اعتماد على المشاعر والحب وبس
برده بقصد عموما
يا جماعه لو فعلا مكناش فى حاجه لبعض مكنش ربنا خلقنا ذكور واناث

اعتقد ان مفيش حد هيختلف فى اجابة السؤال دة لان فعلا الرجل والمرأة بيكملوا بعض

ومفيش حد فيهم يقدر يستغنى عن التانى

ولكل قاعدة شواذ بس لو فيه شواذ للقاعدة دى

بيكونوا لاما معقدين لاما بيحاولوا يثبتوا لنفسهم شىء بينتهى بالفشل

موضوع جميل يا سمسمة

شكرا ليكى يا حبيبة قلبى

ازيك يا سمسمة وحشانى بجد والله ويا رب تكونى بخير
موضوعك جميل وسؤالك منطقى
وفعلا زى ما كل البنات زمايلنا قالوا وارائهم كلها سليمة وتحترم
بالنسبة لى الرجل(الذكر بمعنى اصح)فى حياتى هو ابويا واخويا وزوجى وابنى
وكل منهم له دور طبعا الاب كلنا عارفين (اب)الكلمة شارحة نفسها حزم وحماية وعطف والاخ سند وشهامة وامان ,والزوج نصى التانى فتخيلى انسان عايش نص لغاية اما يلاقى نصه التانى هو الحب والحماية والرحمة والصديق والحضن ففعلا هو كل حاجة فى حياة البنت بعد الاب والابن طبعا مش هنتكلم عنه تقريبا كلنا لينا امهات وممكن اخوات شوفى اخوكى عند مامتك ايه
انا اسفة ان كنت طولت عليكى بس السؤال فعلا مهم وانا حاولت اجاوب بكل امانة والله
تسلم ايدك يا جميل

موضوعك جميل يا سمسمه دة مبدئيا

من وجهه نظرى ان الرجل والمرأة كيان واحد ولوكنا نقدر نعيش لوحدنا من غير
منعتمد على الرجل كان ربنا عز وجل خلقنا نساء فقط لكن ربنا سبحانه وتعالى
له حكمه فى كده لان المرأة بطبعها ضعيفه وسندها الوحيد الرجل

اما بالنسبه ليه شخصيا فخطيبى بالنسبه ليه كل حياتى مقدرش استغنا
عنه لحظه واحدة وبتفرق كتير لو المراة لحدها او لو فى رجل بجانبها
طول الوقت