فى العشة المقابلة لعشتنا ... قصة قصيرة

فى العشة المقابلة لعشتنا تجلس على كرسى الانتريه الوثير الذى لاتبدل ابدا جلستها عليه
بعيون لا ترى كانت تنظر فى اتجاه البحر وتقول شىء ما غير مهم لمديرة منزلها ( بلاش نقول الشغالة ) على سبيل تزجية وقت الفراغ .. فى الواقع هى تعيش 24 ساعة من الفراغ فهى المرأة المسنة العجوز التى كسرت السبعين ربيعا تاركة اربعة ابناء وبنتان تزوجوا جميعا وانجبوا البنين والبنات وقد اشتروا لها هذه العشة فى رأس البر كى تنعم بالهواء الطلق ووفروا لها مديرة المنزل (ايوة بلاش الشغالة ) كى تقضى لها احتياجاتها وهم بالطبع يشعرون بتأنيب ضمير خفى لانهم اختارورا الاختيار الاكثر وقاحة ودناءة و أراحوا نفسهم من توبيخ زوجاتهم فبدلا من استضافة العجوز فى بيت احدهم قاموا بشراء العشة لها للاستراحة من هذا العناء ( وجع الدماغ ) المتعلق بأمهم
بالتأكيد كانت تجلس امامى فى الناحية الاخرى وانا اضع فى قائمة التشغيل للام بى ثرى اغنية محمد العزبى الخالدة ( عيون بهية ).. بالتأكيد نظرت لى بعينيها الذابلتين وعلى ثغرها ابتسامة شجن دافئة من طراز ( ايوة كده )
اغنية (عيون بهية) ... كانت شهرتها بالطبع مثل شهرة ( الليلادى ) هذه الايام
ابتسمت وهى تتعايش بانسجام مع صوت العزبى القوى متذكرة بعض مشاهد الشباب الباسم مع الحاج ( الله يرحمه ) ربما كان الحاج يحب سماع هذه الاغنية وهو ينظر اليها فى حنان واعجاب فهى بالطبع كانت جميلة يوما ما
كانت تتمنى ان تكون ( ساعتها قبل ساعته ) كى تموت قبله و لا ترى انشغال الابناء عنها وجحودهم الفج حيث انهم لا يذهبوا اليها الا فى المناسبات... طالما حلمت بالمكوث وسط احفادها لكن وأسفاه قام ابناؤها بحرمانها من هذا الترف وهى ابدا لم تكن ثقيلة على زوجاتهم بل كانت تعاملهم كبناتها ...
اغرورقت عيناها بالدموع عندما تذكرت حفيدها الاول من ابنها الاكبر وشعرت بحنين جااارف اليه واشتاقت الى ضمه لصدرها ...
نظرت بعين لا ترى الا مالا نهاية وهى تقول بعد ان تنهدت ...( وحشنى اوى )
سقطت الدموع على كف يدها الذى ملأته التجاعيد وحفرت العروق البارزة الطرقات والأخاديد على ظهر اليد الاخرى فنظرت العجوز الى يدها وكأنها ترى الماضى وتتذكر كم رفعت بهاتان اليدان اطفالها الست وضمتهم بهما الى صدرها ... لكن من يتذكر منهم ... من ؟؟
تذكرت سماجة ابنتها الصغيرة التى تنام طوال النهار وتصحو طوال الليل تصرخ باصرار واستماتة
استرجعت براءة ابنها الاوسط الذى كان لا يقوى على النوم بدون ان تمسك يده اليمنى التى كانت ضعيفة فى هذا الحين لكنها قوت واشتدت بمرور الزمن لدرجة جعلت هذه اليد - يد ابنها - تمسك بالقلم وتوقع على شراء هذا السجن الابدى المنفى فى راس البر والذى يسموه بالعشة كى ( تستريح فيها الحاجة وتشم الهوا )

عبثا يحاولون التملص من تأنيب ضمائرهم

تتداعى الذكريات الى عقلها المنهك العجوز فترى ابنتها الصغيرة وهى تلد حفيدتها الاجمل وتتذكر كيف سهرت بهذه الحفيدة ايام وليالى لان صحة ابنتها لم تكن على مايرام بعد الوضع ... هذه البنت كانت هى صاحبة فكرة عزلها فى هذه العشة .....
ويستمر تداعى الذكريات فترى ابنها الذى تخرج من كلية الطب واصبح - دكتور قد الدنيا - وتذكر انها باعت - الصيغة - كى يشترى كتبه ويعيش مستورا بين اصحابه
تذكر ايضا ان هذا الولد بعد ان تزوج وكانت تقيم عنده ... قام بطردها لان زوجته سأمت شخيرها ليلا - بالرغم من ان زوجته تنام فى طابق اعلى من الطابق التى تنام هى فيه
اثنان من الاطباء واخرى معلمة والباقى خريج تجارة وحقوق - كلهم خريجو مؤهلات عالية - لكن هذا لم يشفع لها وابدا لم يتعلموا شيئا بين جنبات المدارس والجامعات حيث انهم فى النهاية رموها رميا فى عشة برأس البر كى ( تستريح فيها الحاجة وتشم الهوا )

مخطئون لو تصوروا للحظة انها راضية عنهم

كم اشتاقت لرؤية الاحفاد .....

تجلس مستغرقة فى خضم الذكريات فتغير من وضعها وتنظر الى الشاب السمج الذى تمقته والذى يسكن بجوارها ( اللى هو أنا ) دائما ما يرفع من صوت الجهاز الاسود العملاق هذا ( ال SUB ) ولكن عزاؤها الوحيد ان هذا الشاب يسمع اغانى جميلة فعلا تعيدها بخطى سريعة الى الزمن الجميل والايام الخوالى ..
مديرة المنزل التى ترافقها تعرض عليها ان تذهب لتوبخه كى يخفض صوت هذا الكاسيت فتمنعها وتستغرق مع صوت ميادة وهى تقول - زمان كان لينا بيت - تذكر ان اول مرة سمعت فيها هذه الاغنية كان وهى تجلس مع زوجها والاربعة اولاد والبنتان على العشب الاخضر فى الحديقة المجاورة لمنزلهم والتى كانوا يجلسوا بها عصر كل جمعة

كانوا فقراء جدا لكنهم كانوا جدا سعداء

اولادها الان صاروا اغنياء لكنه الغنى الذى أتى على رأسها لانهم لو كانوا فقراء ما استطاعوا تحمل نفقات شراء عشة وكانوا رضخوا للامر الواقع ومكثت عند اى منهم تستمتع بمجالسة الاحفاد وقص الحكايات والقصص على اذانهم الصغيرة ....

هى الان تجلس فى نفس الوضع ولا تغير من حركتها لمدة ست ساعات

تجلس ساعات وساعات تنظرمن ( البرندة ) الى الناس القادمة والاتية وهى لا تراهم ... هى لاترى سوى جحود الابناء ولا تتأمل الا فى سخريات الحياة ...
تتمنى لو مااتت قبل ان تعش هذه الظروف التعسة ... كانت تفضل الجلوس فى منزلها الذى شهد قصة الكفاح الخالدة لكنها تذكرت مقولة ابنها الجشع بعد ان مات ابيه ( الحتة دى بقت نضيفة اوى والشوارع طلعت عليها والمتر هنا بفلوس.. احنا لازم نبيع البيت ) هى تحفظ هذا الولد كظهر يدها وتدرك جيدا انه جشع طماع منذ ان ولد ...
كان يخطف من اخوته البنات الطعام عندما كانوا صغارا ...
تستغرق فى تأملاتها وقد انهكها التفكير واشعلت الذكريات الجروح المفتوحة فى قلبها الواهن ....
مريضة هى واهنة ضعيفة عاجزة أكل عليها مرض السكرى ( السكر ) وشرب ...
.....................

مديرة المنزل تعد شيئا غير مهما للحاجة كى تفاجئها به فى ( البرندة ) وتخفف عليها وتخرجها من حالة الكأبة التى زادت فى الاونة الاخيرة ...
وبينما هى- مديرة المنزل - مستغرقة فى عمل الشىء الغير مهم تسمع صوت ارتطام شىء ما بالارض فتهرع الى ( البرندة ) لتجد الحاجة وقد سقطت من على الكرسى فجأة وارتطمت بالارضية الباردة وقد فر الدم من رأسها يمنة ويسارا كى يجرى فى التجاويف الضيقة بين مربعات السيراميك الذى يغطى كل ركن من اركان العشة التى اشتروها لها كى ( ترتاح فيها الحاجة وتشم الهوا ) ...
نظرت مديرة المنزل الى الجثة غير مصدقة للمشهد المترائى لها ويبدو ان وظائف الصراخ فى حلقها قد توقفت عن العمل ...
ومن بعيد يأتى من العشة المقابلة التى يقطن بها الشاب السمج صوت محمد العزبى القوى يردد باصرار ...

ظلموا البنية
ظلموا البنية

ياجامد انت يا جامد لا بجد حلوه وفكرتنى بجو راس البر والبحر والايام الحلوه لما كنت صغيره
شكرا ليك يا محمد
تسلم ايدك فى العشة المقابلة لعشتنا ... قصة قصيرة 928775

فى العشة المقابلة لعشتنا ... قصة قصيرة 928775

تسلم ايدك انتى يا نيرمو
وشكر خاص ليكى لأنك اول واحدة تردى على القصة

قصة مؤثرة جدا يا محمد

واسلوبك فى الكتابة جميل جدا

زائر

فى العشة المقابلة لعشتنا ... قصة قصيرة 11933900506849

بجد تسلم ايدك وانت موهوب بجد و ربنا يوفقك وفعلا مشكلة جحود الابناء موجودة فى واقعنا الان ويمكن قصتك دى نموذج بجد واقعى وملموس هذا الايام تقبل مرورى فى العشة المقابلة لعشتنا ... قصة قصيرة 219975

فى العشة المقابلة لعشتنا ... قصة قصيرة 219975

فى العشة المقابلة لعشتنا ... قصة قصيرة 166815

bonbonita كتب:: قصة مؤثرة جدا يا محمد

واسلوبك فى الكتابة جميل جدا

انتى اللى جميلة با بونبونيتا
شكرا ليكى

nmnm كتب:: بجد تسلم ايدك وانت موهوب بجد و ربنا يوفقك وفعلا مشكلة جحود الابناء موجودة فى واقعنا الان ويمكن قصتك دى نموذج بجد واقعى وملموس هذا الايام تقبل مرورى

شكرا لمجاملتك الرقيقة يانمنم يا ( كبيرة )

جامده يا هجام بس فيها كأبه شويه

زائر

جميله جدا ومؤثره
شكرا يا هجام
ربنا يوفقك فى العشة المقابلة لعشتنا ... قصة قصيرة 928775

ستوب هحاول اعمل كوميدى المرة الجاية بس هى الحكاية كلها حكاية موود
وشكرا الاء على ردك الجميل دايما على اى حاجة بعملها

والله والله مش لاقيه تعليق يليق
اده .....اده|!!!!!!ايه الابداع الفوق الخيالي ده!!
انت والله العظيم هتبقى كاتب رائع ف المستقبل ان شاء الله
تقبل مروري

تسلم ايدك علي القصة من لا يرحم لا يرحم بجد لازم الناس المسنة دي اولادهم هما اللي يعتنوا بيهم

ربنا يمهل ولا يهمل

احم احم ... انا جيت وهرد اخيرا بس يارب الجهاز ميهنجش تاني ههههههههههه

جميله جداااااااااااا يامحمد والفكره نفسها مؤلمه اوي .... انا حسيت اني شيفاها بكل تفاصيلها وملامحها اللي انت حكيتها وحسيت اوي اد ايه هي كانت موجوعه من ولادها وبرغم ده مشتاقالهم ولاحفادها
ربنا يوفقك يارب وتكتبلنا كمان وكمان ومنتظرين كتابات قادمه ان شاء الله فى العشة المقابلة لعشتنا ... قصة قصيرة 977193

فى العشة المقابلة لعشتنا ... قصة قصيرة 977193

نو نو نو نو نو نو نو ..نوت نايس أت آلل فى العشة المقابلة لعشتنا ... قصة قصيرة 205251

فى العشة المقابلة لعشتنا ... قصة قصيرة 845558

مش عارفه ايه القصه دي؟؟؟ لالالالالالالا مش حلوه والاسلوب مش يشد القراء كده وبصراحه قصه ممله اوي
يااااااااااااااااااااي..يا ريت جهازك كان هنج قبل ما تكتب القصه دي وتوجع دماغنا وتدوشنا بيها ..حاجه بجد دووون المستوى فى العشة المقابلة لعشتنا ... قصة قصيرة 424309

فى العشة المقابلة لعشتنا ... قصة قصيرة 424309

فى العشة المقابلة لعشتنا ... قصة قصيرة 164139

..مكنتش اعرف ان اسلوبك انحدر كده ف الكتابه فى العشة المقابلة لعشتنا ... قصة قصيرة 282238

ههههههههههههههههههههههههههههههههههه طبعا كل ااكلام ده مش ليك يا اخ محمد ....ده كلام الناس الجهله اللي ميفهموش ف الفن..بس حبيبت استظرف شويه فى العشة المقابلة لعشتنا ... قصة قصيرة 977193

او اعمل مقلب هههههههههههههههههه
بجد شكرا ليك ع الرائعه دي يا محمد والى الامام دائما يا رب..ف انتظار جديدك ان شاء الله فى العشة المقابلة لعشتنا ... قصة قصيرة 928775

الوصف

, الاحساس

, الواقع

فى العشة المقابلة لعشتنا ... قصة قصيرة 484978

, الفكرة

فى العشة المقابلة لعشتنا ... قصة قصيرة 692881

المجموع = بجد تسلم ايديك
جزاك الله كل خيروربنا يوفقك فى كل حاجة بتعملها

*English fan* كتب:: والله والله مش لاقيه تعليق يليق
اده .....اده|!!!!!!ايه الابداع الفوق الخيالي ده!!
انت والله العظيم هتبقى كاتب رائع ف المستقبل ان شاء الله
تقبل مروري

والله يابنتى بترفعى من روحى المعنوية
انا كنت حاسس من الردود اللى قبلك انها مش ع المستوى
ربنا يكرمك

NIRMEEN كتب:: تسلم ايدك علي القصة من لا يرحم لا يرحم بجد لازم الناس المسنة دي اولادهم هما اللي يعتنوا بيهم

ربنا يمهل ولا يهمل

اكيد يا نيرمو
شكرا لردك

shemo كتب:: احم احم ... انا جيت وهرد اخيرا بس يارب الجهاز ميهنجش تاني ههههههههههه

جميله جداااااااااااا يامحمد والفكره نفسها مؤلمه اوي .... انا حسيت اني شيفاها بكل تفاصيلها وملامحها اللي انت حكيتها وحسيت اوي اد ايه هي كانت موجوعه من ولادها وبرغم ده مشتاقالهم ولاحفادها
ربنا يوفقك يارب وتكتبلنا كمان وكمان ومنتظرين كتابات قادمه ان شاء الله

انك تشوفى الفكرة قدامك بكل تفاصيلها وبتجسيد تام ده فى حد ذاته بيعكس نجاح ليا
شكرا شيمو والحمد لله الجهاز مهنجش

Hollo كتب:: نو نو نو نو نو نو نو ..نوت نايس أت آلل
مش عارفه ايه القصه دي؟؟؟ لالالالالالالا مش حلوه والاسلوب مش يشد القراء كده وبصراحه قصه ممله اوي
يااااااااااااااااااااي..يا ريت جهازك كان هنج قبل ما تكتب القصه دي وتوجع دماغنا وتدوشنا بيها ..حاجه بجد دووون المستوى ..مكنتش اعرف ان اسلوبك انحدر كده ف الكتابه

ههههههههههههههههههههههههههههههههههه طبعا كل ااكلام ده مش ليك يا اخ محمد ....ده كلام الناس الجهله اللي ميفهموش ف الفن..بس حبيبت استظرف شويه او اعمل مقلب هههههههههههههههههه
بجد شكرا ليك ع الرائعه دي يا محمد والى الامام دائما يا رب..ف انتظار جديدك ان شاء الله

انا عارف ان دمك خفيف
شكل صحباتك ولعوا منك
ربنا يكون فى عونهم
بس والله قريت الجزء الاول من ردك وكنت هكتبلك شكرا على ردك مكنتش هرد بغير كده
عامة ياستى يارب نكون عند حسن ظنك بينا
شكرا

جيرسى كتب:: الوصف , الاحساس , الواقع , الفكرة
المجموع = بجد تسلم ايديك
جزاك الله كل خيروربنا يوفقك فى كل حاجة بتعملها

ربنا يخليكى جيرسى ويوفقك ويخليككى دايما عشان تردى الردود الحلوة دى على مواضيعى

وحفرت العروق البارزة الطرقات والأخاديد على ظهر اليد الاخرى فنظرت العجوز الى يدها وكأنها ترى الماضى وتتذكر كم رفعت بهاتان اليدان اطفالها الست

وقد فر الدم من رأسها يمنة ويسارا كى يجرى فى التجاويف الضيقة بين مربعات السيراميك الذى يغطى كل ركن من اركان العشة التى اشتروها لها.

اقول ايه بس يا محمد
انت بجد بتصف الحاجات بطريقة جديدة وجميلة انت حاسس بللي بتكتبو لدرجة بتخليني كأني شايفة اللي بيحصل
دا قدامي بتفاصيل القصة, دول اكتر جمل اثرت وعاجبني وصفك اللي من وجهة نظري ملهوش حل
القصة مؤثرة اوووي خلتني افكر في يوم هيحصلي كدا وابقي لوحدي اكتر ما انا
معلش جة الرد متأخر حبتين بس والله غصب عني
جااااااااااااااااااااااااااااااامد لمالانهاية.

semsema كتب:: وحفرت العروق البارزة الطرقات والأخاديد على ظهر اليد الاخرى فنظرت العجوز الى يدها وكأنها ترى الماضى وتتذكر كم رفعت بهاتان اليدان اطفالها الست

وقد فر الدم من رأسها يمنة ويسارا كى يجرى فى التجاويف الضيقة بين مربعات السيراميك الذى يغطى كل ركن من اركان العشة التى اشتروها لها.

اقول ايه بس يا محمد
انت بجد بتصف الحاجات بطريقة جديدة وجميلة انت حاسس بللي بتكتبو لدرجة بتخليني كأني شايفة اللي بيحصل
دا قدامي بتفاصيل القصة, دول اكتر جمل اثرت وعاجبني وصفك اللي من وجهة نظري ملهوش حل
القصة مؤثرة اوووي خلتني افكر في يوم هيحصلي كدا وابقي لوحدي اكتر ما انا
معلش جة الرد متأخر حبتين بس والله غصب عني
جااااااااااااااااااااااااااااااامد لمالانهاية.

كل اللى اقدر اقوله ان ردك ده احسن رد شفته ع الموضوع لحد دلوقتى
وطبعا رد الانجلش فان
شكرا ليكى يا سمسم

هو أنت ليه كل قصصك يا محمد عن الناس الكبار مأسوية كدا والأبناء بيظلموهم , أنت شكلك مش هتخلف يا راجل فى العشة المقابلة لعشتنا ... قصة قصيرة 62177

بس طبعاً موهبة أدبية جميلة وشخص جميل

شكرا يا مايكل
انت فين يا جميل من زمان

احلى حاجة فى قصصك يا محمد انك بتجسد واقع بنعيش فيه دة غير طبعا ان طريقة سردك جميلة وبتعجبنى جداااااااااا ,,,,,,,,,, سلمت يمناك يا محمد