يللا نحلم يلا نغير شكل كليتنا

السلام عليكم ورحمة الله وبركاته

انا بياتريس باذن الله في طريقي للفرقة الرابعة قسم اللغة الانجليزية كلية الاداب بدمياط طالبة عادية زي زيكم دخلت الكلية وانا بحلم بشكل الحياة الجامعية اللي ياما اتفرجت عليها في الأفلام العربي والاجنبي وطبعا اتدمرت كل الأحلام ديه علي عتبة الكلية
بقالي تلات سنين كل سنة ادور حواليا علي اي مظهر من مظاهر الحياة الجامعية ديه مش لاقية طبعا في اسر كتير اتكونت علي مدار التلات سنين دول وكنت بفرح اوي واقول يللا اهيه حاجة من ريحة الحلم اللي غايب بس عن نفسي مفهوم الاسرة في كليتنا كان بيتلخص في "حفلة رحلة مجلة او مطوية او ندوة" والحاجات ديه بتبقي بطلوع الروح وبيعانوا جدا اصحابها عما يعملوها
اغلبيتنا بتهاجم اتحاد الطلاب لأنه مش بيعمل شيء ملموس واغلب النشاطات اللي بيعملها بتبقي خارجية واثارها مش ملموسة في حرم الكلية "ان كان لكليتنا حرم"
كام مرة ادخل علي موقع الجامعة والاقي منح ودورات ومعسكرات وبعثات للطلبة انهم يكملوا تعليمهم برة لكن للأسف ميعاد التسجيل فات وضاع عليك الفرصة انك حتي تشاور نفسك تحلم بأي حاجة من ديه وارجع واقول احنا فين مين كل ده
العيب فينا ولا في النظام ولا في مين بالظبط ده سؤال حتي مجرد التفكير في اجابته هيثير مناقشات جدلية عقيمة احنا في غني عنها
انا قولت اكتب عن حاجة من اللي جوايا بدل مااتخرج وانا بضرب كف علي كف واقول ياخسارة جايز لسه ليا سنة واحدة لو ربنا شاء لكن غيري ليهم سنين تانية كتير
ادخل
اكتب
احلم معانا
قول نفسك في ايه للكلية
وازاي تعمله
جايز من هنا يطلع صوتنا نتجمع سوا ونحقق حاجة بجد نفتخر بيها
بلاش السلبية واحلم معانا الحلم لسه ببلاش ونتشارك سوا ونتناقش جايز الحلم يبقي حقيقة
جايز حتي نبني طوبة واحدة واللي ورانا يجي يكملها
مجلة
اسرة وهدفك تعمل من خلال الأسرة ديه ايه
نشاط تطوعي ..اجتماعي..ثقافي..اي نشاط نفيد بيه نفسنا واللي حوالينا

شمس السنة اللي فاتت بدأت بعمل زيارات وبرغم اني مشاركتش الا اني منكرش اني كنت سعيدة جدا جدا بحلمها وبنشاطها واللي ربنا اكيد هيجازيها عنه هيه وكل اللي شاركوا

كاتب معين بتحبه ليه منحاولش نتصل بيه ونستضيفه ونعمل ندوة
رحلة لمكان مهم لدراستك
دورة اخدتها ليه متفيدش بيها غيرك وتشارك بيها زمايلك بالكلية او حتي نستضيف اللي ادي الدورة ديه ويديها في الكلية
افكارك ايه ادخل شاركنا بحلمك لو كلية اداب دمياط مكان مش كويس ولسه في نظر اصحابك"فصول اداب" ليه منحاولش احنا بجهودنا بأحلامنا نحطها ع الخريطة وتبقي مكان كويس

حد هيشاركني بالحلم ولا انا بحلم لوحدي ؟
لو حد بيحلم زي الموضوع موضوعه ادخل وقول بتحلم بايه هنسأل ونساعد سوا نحقق احلامنا
ولو مفيش اديني حلمت لوحدي
وشكرا ليكم يا احلي شباب

مشكور علي ردك يا حريف انا متفقة معاك يمكن انتا خلاص علي وشك انك تتخرج وباذن الله سنة ودفعتي برده تتخرج لكن ليه خلال السنة ديه منصنعش بايدينا ذكريات حلوة نفتكرها بعدين ونقول احنا اللي عملنا كده حاجة نستغل فيه شوية الابداع اللي بيموت جوانا بسبب عدم توافر مناخ يساعد علي كده الكلية مش مجرد اصحاب وشهادة الكلية فترة تدريب فترة انتقالية ما بين عالم الأطفال وعالم الواقع ليه منحاولش نكتشف نفسنا خلال الفترة ديه بحيث اننا لما نيجي نتخرج يكون كل واحد فينا اكتشف اللي جواه وبقي شخصية قادرة انها تتعامل مع الواقع اللي حوالينا تفيد نفسها وتفيد غيرها

انا غرضي من الموضوع ده مش مجرد زيادة في عدد المشاركات ولا حتي ردود تدخل تقول مشكورة ع الموضوع انا غرضي كل حد فينا يدور جوا نفسه يشوف هوه بيحب ايه ونفسه يعمل ايه نساعد بعض كلنا ننمي مواهبنا اللي بتضيع في انتظار النتيجة وياتري التظلم هيتقبل ولا لاء ياتري ياتري ياتري

النهارده كنت بتفرج علي مسلسل وكانت فيه جملة علقت معايا جامد واظن انها بتوصف اللي نفسي اقوله
اسمحلي اشاركك بيها
"YOUR TALENT IS GOD'S GIFT FOR YOU ,WHAT YOU DO WITH IT IS YOUR GIFT BACK TO GOD"
ترجمة الجملة "موهبتك هي عطية الله لك وما تفعله بتلك الموهبة هي عطيتك الي الله"
ياتري حد فينا سال نفسه قبل كده ايه الموهبة اللي ربنا رزقني بيها وازاي اقدر استغل الموهبة ديه علشان اشكره ربنا اكيد ما رزقناش بالموهبة ديه علشان منستعملهاش وندفنها اكيد في غاية من وراء انه اداني الموهبة ديه بالذات لو استخدمتها ونمتها واستعملتها في اني اساعد غيري اكيد هحقق الغاية ديه ولو بقيت سلبي ومااحسنتش استعمالها يبقي انا بخسر
وصدقني الموضوع ده عن تجربة عن نفسي في اعدادي وثانوي كنت الاولي علي المديرية في مجال كتابة القصة القصيرة لكن مع دخولي الكلية اكتأبت وشوية شوية نسيت حاجة اسمها كتابة النهارده مبقدرش اكتب سطرين علي بعض وحقيقي ندمانة جدا
اسفة بجد علي الاطالة واسفة لو كان كلامي مش مترابط بس اهيه فكرة بتاخدني لفكرة تانية وخلاصة اللي عايزة اقوله ليه كل حد فينا خلال فترة دراسته ميدورش جواه ايه هيه الحاجة اللي بيحب يعمله وبيلاقي نفسه فينا ايه هوه الحلم اللي كان نفسه يحققه نشارك بعض باحلامنا ونساعد بعض جايزبجد نقدر نعمل حاجة نفيد بعض بيها وربنا يجازينا خير عليها وبكده مع التخرج اكون كسبت شهادة وعلم لكن قبل كده وكده اكون بجد كسبت نفسي

شكرا ليك مرة تانية وياريت اكون قدرت اوضح وجهة نظري .

حقيقي يا ستوب انتي متتخيليش مدي سعادتي برايك وتفاعلك وبروحك الحلوة
تصدقيني لو قولتلك اني وانا بكتب الموضوع كنت بفكر فيكي وفي دفعتك
ماشاء الله بروحكم الحلوة ونشاطكم تقدروا تخلقوا عالم تاني مختلف تماما عن الروتين الكئيب اللي عايشينه بقالنا تلات سنين
فكرة الاستضافة ديه فكرة جميلة جدا وان كنت معرفش امكانية تنفيذها في كليتنا لكن ليه منحاولش
كل كاتب ليه جروب علي الفيسبوك ان مكانش ليه موقع رسمي علي الانترنت ونقدر نتواصل معاه بسهولة
شوفي نفسك تستضيفي مين ومن بداية السنة الدراسية باذن الله نشوف ايه الموافقات اللازمة علشان نستضيف حد ونسعي ونحاول وبكده نقدر نكون انجزنا شيء
شكرا ليكي بجد يا ستوب
that's the spirit
.

Beatrice كتب:

stop كتب:

ايه الموضوعات الجامده دى بجد روووووووووووووووعه

فكره ان احنا نستضيف ناس عندنا فى الكليه مشهورين من السنه الى فاتت فى دماغى وياريت تتنفذ بجد هتبق جامده

حقيقي يا ستوب انتي متتخيليش مدي سعادتي برايك وتفاعلك وبروحك الحلوة
تصدقيني لو قولتلك اني وانا بكتب الموضوع كنت بفكر فيكي وفي دفعتك
ماشاء الله بروحكم الحلوة ونشاطكم تقدروا تخلقوا عالم تاني مختلف تماما عن الروتين الكئيب اللي عايشينه بقالنا تلات سنين
فكرة الاستضافة ديه فكرة جميلة جدا وان كنت معرفش امكانية تنفيذها في كليتنا لكن ليه منحاولش
كل كاتب ليه جروب علي الفيسبوك ان مكانش ليه موقع رسمي علي الانترنت ونقدر نتواصل معاه بسهولة
شوفي نفسك تستضيفي مين ومن بداية السنة الدراسية باذن الله نشوف ايه الموافقات اللازمة علشان نستضيف حد ونسعي ونحاول وبكده نقدر نكون انجزنا شيء
شكرا ليكي بجد يا ستوب
that's the spirit
.

ربنا يخليك يا رب

بصى احنا لو هنستضيف حد
يبق حد مشهور جدا عند الشباب بيحبوه مش نستضيف ومنلاقيش حد يطلع الندوة الى ها تتعمل زى ما فى جامعه القاهره وعين شمس واسكندريه بيستضيفوا ممثلين وكتاب ورجال دين مشهورين بتلاقى المسرح مليان عايزين بجد بس يا ترى ممكن حد يرضى يجى الحمام قصدى الكليه دى