ليه أنا حزب وطني؟

انا هتكلم فى نقطة واحدة
وهى نقطة الرابعة
وهى الاستقرار والتنمية
انت شايف ان البلد مستقرة وعندها تنمية ؟

الحزب الوطنى حزب المصالح يعنى اللى بيفكر فى مصلحته ينضم للحزب
لو انا هانضم لحزب هيكون الوطنى لان المصلحه فوق كل شىء
لكن لو هفكر مصلحه بلدى هعمل حزب جديد اسمه الحزب الملكى

هانى السعدى جاى يشتغلنا والله ما يعرف الحزب الوطنى مين موسسه ولايعرف اى حاجه فى اى حاجه
هوكل الحكاية دماغه فاضية وبيشغلها بانه يشتغل علينا
انا احب وطنى احب رئيسى لا احب البيشتغلونا امثالك

استاذ هانى

السبب الاول /زى ما انت قلت بالظبط لان مفيش غير الحزب الوطنى على الساحة مهو لو سايب مكن لغيره كان بقى فيه السبب ونفيه فى نفس الوقت الحمد لله

السبب التانى /زى ما انت قلت بردة بالظبط (اسمه ) وحط تحتيها دشليار خط اسمه فقط لا غير السبب ونفيه فى نفس الوقت بردة

السبب التالت /زى ما انت قلت بردة الى بقاله 25 سنة كان فى يوم من الايام من اول امبارح بس قول يا فرصة ولا هو من يوم ما مسك بقاله 25 سنة ما اظنش وزى ما انت قلت بردة ينتخب (منكوا انتوا ) تحتيها مليون خط بردة

السبب الرابع /الى انت مسميه استقرار اسمه ( ميا راكدة ) عشان الى يصطاد فيها يبقى على الهادى ومن تحت لتحت مش استقرار هى دى تنمية دى اسمها التطور الطبيعى للحاجة الباردة

وتعليقا على اخر جملة انت الى عملت الموضوع من نفسك والمفروض انك تستحمل اراء الناس ايا كانت محدش طلب منك تقول انت حزب وطنى ليه
وعلى فكرة الوطنية مش محتاجة احزاب


اختار اسباب مقنعة بعد كدة يمكن تقدر تقنعنا

هههههههههههههههههههه
نس كتيييير جدا اعرفهم عاملين كارنيه الحزب الوطني
منهم ناس قريبه ليا بس عاملينه مجرد قناع
المهم هي مواضيعك كلها كده ولا ايه
يعني مواضيعك تقصد بيها تخلي الاعضاء تثور عليك علشان يمكن يكون فيه امل انهم ياخدوا موقف حقيقي في يوم من الايام و تكون منهم
ولا تقصد بنوع من الهيافه و الهزار
متوقعش دي يعني كنت شوفت ردود ليك متدلش انك ممكن تعمل مواضيع استفزازيه

انا لا بدافع عن الحزب الوطني ولا اي عضو ينتمي لهذا الحزب

والدنيا كلها بقت فساد ف فساد

الحاجه اللي كنت بدافع عنها هي الحوار السليم

لكن عمالين نشتم ف بعض لحد ما بقي الموضوع لا يطاق ومقرررررف

معاك حق يا احمد الحوار اتقلب لكلام ملهوش لازمة
يا جماعة نرجو من الاعضاء التوقف عن التعليق على هذا الموضوع
وكل واحد قال رايه
نتمنى نغلق الموضوع تماما

Nanosa كتب:

اقتباس :

1- لأن مفيش غير الحزب الوطني على الساحة , الوفد متشقق وخلافات وحرب على الرئاسة , حزب الغد واحد مسافة ما خرج من السجن انفصل عن زوجته على رأي عادل إمام مش عارف يحافظ على بيته هيحافظ على البلد أزاي , وكمان حزب كله حروب داخلية , دا غير باقي الأحزاب اللي ملهاش لازمة , وجماعة محظورة أفكارها ضالة وتشقق المجتمع , يبقى أيه الحل بمنتهى الهدوء والعقل وبعيداً عن الكلام المتشنج , الحل هو الحزب الوطني أو أني أقف أتفرج بعيد عن السياسة , ودا شيء يعمله الناس اللي ملهاش لازمة في الحياة .

بعيداً عن حزب الغد وحزب الوفد , مين اللي له مصلحة في إضعاف الحياة السياسية الحزب الوطني , ليه علشان يفضل محتكر البلد ومحتكر السلطة ويوفر مناخ استقرار لزواج السلطة برأس المال . وإجابتي على كلامك بعد إذنك هتكون بسؤال , ليه لجنة شئون الأحزاب اللي بيرأسها صفوت الشريف أحد أبطارة الحزب الوطني (حاميها حراميها) موافقتش على حزب زي الوسط (أبو العلا ماضي) , أو الكرامة (حمدين الصباحي) أوفر عليك وأقولك ليه . لأن أنتوا أكتافيتوا بأحزاب ديكورات يترأسها أراجوزات . يمثلوا الدور اللي صوابع أسيادكم بتحركوا .

اقتباس :

2- لأن الحزب الوطني الديموقراطي من أسمه ديموقراطي تقدر تقول رأيك بكل حرية , وتقدر تتسلسل في مناصبه القيادية بكل شفافية وبرغبة الأعضاء , كمان ناس بيشتغلوا صح مش شغل شعارات من عينة الأسلام هو الحل .

أه صح من أسمه , أنا أقدر أفتح مكتب وأسميه شركة الأمل والنور لتوظيف الأموال وهي في الحقيقة النصب والأحتيال لتوظيف الأموال , هي دي بالفعل طريقة تفكيركوا "الأسم" والتسلسل في المراكز دا أكيد واضح , أحمد عز اللي لما ينزل أي بلد بتوع الحزب يتحركوا ويعملوا يفط مبايعة ومباركة ليه علشان يوصولوا برضى اللي فوقهم .

اقتباس :

3-لأن قائد الحزب راجل حكيم , راجل أيده في السياسة بقاله 25 سنة , مش ناس عيال بتوع أول إمبارح طالعين عاملين فيها زعماء , وبالتالي الخبرة دي خلته ينتخب مراراً ومراراً مننا إحنا أعضاء الحزب .

راجل حكيم بقاله 25 سنة يروح يعتزل بقى ويفيدنا بحكمته ويسيب دماء جديدة النشاط دابب في عروقها , والحكمة بتاعتوا يا سيدي يتكرم ويسيبهالنا في كتاب , ويروح هو بقى يتأمل (كرجل حكيم) فوق جبال الشالوين في الصين !

اقتباس :

4- لأن الأستقرار اللي بننعم بيه مكانش هيكون لولا الحزب الوطني , كان فاتنا زي العراق أو لبنان أو حتى فلسطين , مكانش فات التنمية اللي إحنا فيها دلوقت مستمرة

الركود مش الأستقرار , هو اللي بالفعل هيخلي الدور علينا زي الأمثلة اللي أنت ذكرتها دي (أكلت يوم أكل الثور الأبيض) .