ما هو احساسك بعد انتهاء المهمة

الموضوع يا جماعة ان انا كنت جالس النهاردة افكر فى اصدقائى بالكلية وقول نفسى اشفهم
نفسى افضفض لحد فى الكلية
نفسى اجلس فى الكلية مع اصدقائى
وفكرت طيب لما الكلية تنتهى هعمل ايه
هشعر بايه لما اترك صديقى ومن الممكن ان
تاخذنا لهو الحياة ونشوف بعض بالصدفه
ياريت نعيش الاحساس ده دقيقة ونقول هنحس بايه
خصوصا ان افضل مراحل العمر هيه الجامعة
بعدها وخصوصا للشباب تاتى مرحلة التفكير فى المستقبل
وتكوين الحال فمرحلة الكلية اخر مرحلة حلوة فى حياتنا الشقية والروشة
فما هو شعورك عندما تتركها
منتظر الردود الكريمة

ram كتب:

انا عشتها وعيشها يا فتى


كل واحد فينا خدته الحياه بس التلفونات بقه بتخلينا نسئال على بعض حتى لو هنكلم بعض او هنرن على بعض او

رسايل لكن نشوف بعض ممكن تكون صدفه او مناسبه ونادر لما حد فين بيشوف التانى بس اكيد بنكون فكرين بعض

شكرا رام على الرد

بصراحة انا بفكر فى الحكاية دى كتير .....و بجد الموضوع دة مؤلم لان الواحد بيحس انه اتخد منه حاجة غصب عنه بس هنعمل ايه دة حال الدنيا ......... وربنا يقدرنا ويديم الود ما بينا
جزاك الله كل خير يا فتى
بتقول مواضيع فعلا حلوة

ThePrince كتب:

يا ساتر يا فتي بجد مش عارف ساعتها هيحصل إيه بجد..... يمكن أموت أو أكتئب لإني بجد بحب أتكلم مع الناس و بحب الفرفشه و بالذات في الكليه وربي عالم قد إيه نفسي الأجازه تخلص عشان أتكلم مع صحابي من تاني ونروح هنا و هنا مع بعض.... بس أكيد هنشوف بعض ونتصل ببعض بس مش هيبقي الإحساس زي الأول طبعاً وبجد إنتا حزنتني و خليتني أشوف حلول إزاي أواجه المشكله دي؟؟......


شكراً يا فتي ع الموضوع الهايل دا....

احنا تلاميذك يا برنس يا جامد

جيرسى كتب:

بصراحة انا بفكر فى الحكاية دى كتير .....و بجد الموضوع دة مؤلم لان الواحد بيحس انه اتخد منه حاجة غصب عنه بس هنعمل ايه دة حال الدنيا ......... وربنا يقدرنا ويديم الود ما بينا
جزاك الله كل خير يا فتى
بتقول مواضيع فعلا حلوة

شكرا جيرسى على الرد

عادي يمكن علشان كنت في اولى و بقيت في تانيه مش حاسه ان انا هكون مدايقه اوى
في طرق كتير نشوف اصحابنا بيها بس مشاغل الحياه بقى
لما اروح تالته ان شاء الله هدور على الموضوع و ارد تاني و اقول

فترة الكلية من افضل الفترات فى الحياة

عندك حق يا فتى ان فتره الكلية من احسن فترات فى الحياة وكل ما اتخيل اليوم ده مش عارفه ساعتها هعمل ايه .الله اعلم

شكرا كوين على الرد