مصر فى 2055

الزمان : صيف 2055
المكان : أحد أحياء العاصمة المصرية مارينا

فتاة عمرها (16 سنة) تجلس مع جدتها الحاجة مروة (75 سنة) . . ودار بينهما هذا الحوار
-------------------------------------------------------------------------------------------------------------------------

الحفيدة : تيته ميرو . . إزيك ياتيته . . بقى لى كتير ما قعدتش معاكى

الجدة : ماأنت على طول بره البيت . . ومش عارفة أتلم عليكى خالص

الحفيدة : وعامله إيه دلوقت يا تيته

الجدة : زهقانة قوى ومش لاقيه حاجة تسلينى

الحفيدة : وما بتفتحيش الشوكة ليه ؟

الجدة : شوكة إيه وتليفزيون إيه . . ده بقى ممل ويزهق . . ومافيهوش غير 10000 قناة بس . . وبعدين
مابعرفش أشغله

الحفيده : ليه يا تيته ده سهل خالص . . مش زى الدش بتاع زمان كان معقد ولازم يشتغل بالريموت كنترول

الجده : وبعدين ما عدتش بألاقى فيه الفن الجميل بتاع زمان . . فين الأفلام الراقية والطرب الأصيل . . فين أيام فيلم اللمبى وصعيدى وحاحا وتفاحة . . فين أيام حكيم ومصطفى قمر وأنوشكا

الحفيدة : أنا مش عارفه يا تيته كنتو بتستحملوا الحاجات دى إزاى . . والأغانى كلها بطيئة كده . . فى حد يقعد يغنى دقيقتين بحالهم ؟ . . وكله كوم وهيفاء دى كوم تانى . . أنا مش عارفه هى ما كانتش بتتخنق من كل الهدوم إلى عليها

الجدة : الجيل بتاعنا يا بنتى كان كله حشمة وأدب . . يعنى الواحدة مننا ما كنتش تلبس أقل من بادى كت

الحفيده : ياااااا . . معقوله

الجدة : أمال إيه . . وكمان مكناش نخرج من البيت إلا بالجيبه فوق الركبه أو البنطلون البورمودا

الحفيده : معقولة يا تيته . . وكنتوا بتطيقوا اللبس ده ؟

الجدة : يا حبيبتى كانت الدنيا لسه بخير . . وكان فيه أخلاق ومبادئ . . هى كانت الواحدة فينا تستجرى تشرب سيجارة البانجو ولا تسحبلها سطر بودره قدام أبوها

الحفيدة : لا يا تيته . . أنتو كنتو متزمتين خالص

الحفيدة : لحظة واحدة يا تيته ، أروح أصحى سمسم صاحبى فى المدرسة . . أصله بايت من إمبارح معايا

الجدة : روحى يا حبيبتى . . أنا مش عارفه أمك أزاى تسمح بكده . . أنا مكنتش بسمحلها تتأخر مع البوى فرند بتاعها بعد الساعة أربعة الصبح . . ولا يمكن يبات معاها إلا لما يتجوزوا عرفى

الحفيدة ( بعد نصف ساعة ) : أيوه يا تيته أنا خارجة مع سمسم . . أصلنا معزومين فى النادى الصهيونى إللى فى آخر الشارع

الجدة : طب ونازلين بدرى كده ليه ؟

الحفيده : إنت عارفة بقى يا تيته الزحمة والمواصلات

الجدة : الله يرحم أيام زمان . . كانت الإشارة تاخدلها نص ساعة

الحفيده : بس !

الجدة : أمال إيه . . دى مصر كلها كانت 80 مليون

الحفيدة : ده إنتو كنتو عايشين فى روقان يا تيته

الجدة : طب يا حبيبتى . . يا ريت تعدى على الجزار . . أنا كنت موصياه على 2 كيلو لحمة خنازير . . سيباله 1000 دولار عربون . . خلى يبعتهملى مع "روبو" الصبى الآلى بتاعه

الحفيدة : حاضر يا تيته . . تحبى أفتحلك النشرة

الجدة : زى بعضه . . بس يا ريت كل يوم إبعتيلى
FFN
علشان أطمن عليكى

الحفيدة : أوكيه تيته . . أشوفك بعد أسبوع

***************************************************

تجلس الجده تشاهد نشرة الأخبار :

المذيعة : هاى شله . . إليكم عناوين الأخبار

أولاً: الأخبار العالمية :
----------------------

- أمريكا ترصد 25 مليار دولار لمن يرشد عن تامر بن أسامة بن لادن المتهم الأول فى تفجير قصر الرئيس الأمريكى فى طهران

- واشنطن تتهم ليبيا بتفجير سفينة الفضاء الأمريكية قرب كوكب المريخ والرئيس الليبى معمر السعدى القذافى ينفى بشدة .

- زهوة ياسر عرفات تطالب بإنسحاب إسرائيل حتى حدود عام 2030 ، وتؤكد إعلان الدولة الفلسطينية فى مايو المقبل .

- إسرائيل ترفض الإنسحاب من البصرة إلا بعد ضمان أمن مستوطناتها فى بغداد .

- إستمرار الإشتباكات على الحدود الإسرائيلية السودانية .

- سيريلانكا والفلبين تطردان خمسة آلاف خادمة كويتية .

- مبارك يؤكد أن مصر ستقدم خمسة آلاف صفحة من الوثائق للمحكمة الدولية التى تكذب ادعاءات إسرائيل وتثبت حقها فى مدينة منوف

ثانياً: الأخبار المحلية :
-----------------------

- مجلس الشعب برئاسة د. عمرو أحمد فتحى سرور يوافق أخيراً على خصخصة معبد الكرنك .

- وزير الإقتصاد د. هانى يوسف بطرس غالى يصرح : إعدام الفقراء هو الحل لخروجنا من عنق الزجاجة

- دكتورة نيفين صفوت الشريف وزيرة الإعلام تبحث الأزمة المالية لمشروع قمر النيل سات 503 بعد إنسحاب الشيخ ماجد صالح كامل صاحب مجموعة قنوات
AIRT
من تمويل المشروع .

- وزيرة الأوقاف دكتوره إفيلين زقزوق تفتتح مسجد المرسى أبو العباس بعد تحويله إلى متحف للفن الإسلامى القديم .

وأخيراً أخبار الفن والرياضة :
-----------------------------

- الفنان القدير محمد هنيدى يهاجم نجوم الكوميديا الجدد ويؤكد أنه سوف يكتسح الموسم قريباً بفيلم من إخراج إبنته فاطمة .

- الفنانة القديرة منى زكى ترفض تكريمها فى مهرجان القاهرة التاسع والخمسين ، وتؤكد أن هذا التكريم مبكر جداً وأنها ما زالت قادرة على أداء الأدوار الرومانسية .

- كابتن أسامة حسنى رئيس النادى الأهلى يكرم لاعبى الفريق الأول لكرة القدم بعد فوزهم ببطولة الدولى للعام الخمسين على التوالى .

- مركز شباب كفر البطيخ يطلق إسم المرحوم/عصام الحضرى نجم الفريق فى العصر الذهبى على الملعب الجديد

- وأخيراً : زفاف الفنانة صباح على حفيد الفنان الراحل راغب علامة .

المذيعة : وإلى اللقاء فى النشرة القادمة . . سي يو.

*************************************************

الجدة : عليه العوض ومنه العوض .

هههههههههههههههههه

شكرا بربر على المستقبل الجااااااااامد

ههههههههههههههههههههههههههه
- مبارك يؤكد أن مصر ستقدم خمسة آلاف صفحة من الوثائق للمحكمة الدولية التى تكذب ادعاءات إسرائيل وتثبت حقها فى مدينة منوف

الرئيس مبارك فى سنة 2055
ههههههههههههههههههههه
ضحكتنى والله مصر فى 2055 711250

شكرا ليك

موضوعك حلو اوى بصراحه
بس بجد الناس هتبقى كده ربنا يستر و يرحمنا برحمنه

سلطة

هههههههههههههههههههههههههههههههههه
ياساتر ايه الحياه المشرقه دي , ربنا يستر بجد
شكرااااااااا محمد علي الموضوع ومبسوطه جداااا لتشريفك قسم ضحك للصبح مصر فى 2055 977193

هههههههههههههههه حلوة يا بربر مستقبل جميل وده المتوقع

زائر

هههههههههههههههههههههه
جميله اوي
ميرسي يا محمد
فعلا المستقبل هيبقي مشرف اوي مصر فى 2055 62177