الفتره المفتوحه..."5 قلوب على الهوا"

فين الاسئله يا جماعه

هو من اللى المفروض يسال دلوقتى؟

هوجها لرهينة الاحزان

ايه اكتر حاجه ممكن تفرحك؟
اكتر حاجه ممكن تفرحنى لما احس انى خلصت من المشاكل
الا انا موجودة فيها حاليا لما احس انى استقريت ومفيش حاجه هتتعبنى
لما احس انى فرحانه بكل معنى كلمه فرحانه مش فرحانه وجوايه حزين
ومكسور دى فرحتى الحقيقه
_____________________________________
ايه الحب من وجهة نظرك؟
الحب من وجهه نظرى اطهر معنى واجمل شئ فى الدنيا
الحب يعنى الحياة والامان والاطمئنان والبال المرتاح
الحب هو الحب جايز دة اوضح معنى ليه الحب هو الحب
______________________________________
ايه احب صفه ليك فيك وايه اوحش صفه؟
احب صفه انى خجوله وطيبه زيادة عن اللزوم
اوحش صفه انى عصبيه اوووىوحساسه اووووووووى
______________________________________
ايه اصعب احساس ممكن تمر بيه؟
1-اصعب احساس انك تحس ان اقرب الناس ليك الا عمرك
مش حبين الا انت بتحبه مع انك مش متخيل انهم ممكن
يكونوا كدة وهما شايفين سعدتك فكدة يارب تفهمونى فى النقطه
دى بس مش هقدر اوضح اكتر
2- ان يكون قدامك حد مريض ومش قادر تعمله حاجه
وتحس بالعجز انه يبقا كويس لكن مفيش يأس من رحمه ربنا
ربنا يشفيكى يارب ويشفلا المسلمين
______________________________________
لو معاك مليون جنيه وانت مسافر ومينفعش تاخدهم معاك ولا تحطهم ف بنك ومفيش غير اصحابك هتختار مين وليه اديته الثقه دي؟
اصحابى هختار نونه صحبتى لانها ائمن شخصيه استئمنها على اى حاجه فالدنيا
لكن لو فعلا معايه مليون جنيه كنت عملت بيهم حاجه احسن
مش هحتفظ بيهم كنت هعمل اى عمليه عشان بنت عمى تبقا كويسه يارب يشفيها يارب
__________________________________________
ايه الحاجات اللي نفسك تغيرها ف نفسك وشايف ازاي هتغيرها؟
حاجات كتير اوى نفسى اغيرها فنفسى
عصبيتى
انى حساسه اوى اى كلمه ممكن تخلينى اعييط
عدم ثقتى بنفسى
نفسى اغيرهم بجد بس للاسف يا احمد مش عرفه اذاى
منا لو كنت عرفه كنت غيرتهم من زمكان لكنى فشلت
____________________________________
اسئلتك حلوة اوى يا احمد وبجد جميله جدا وججاوبت بكل وضوح وربنا شاهد على كلامى

انا ممكن انزل مكان الزمالكاوي يا هوللو

هسال نرمين
1-امتى حسيتى أنك اتجرحتى اوى ؟

يوم ما صاحبت واحدة في الكلية وحفظت سرها وهي فضحته بنفسها ويعدت عنها رجعت قالت نرمين بتتكلم عليا

وقسما بالله انا الامتحانات كنت بدخل اكتب كتابة ومش عارفه انا بكتب ايه كانت مشاكل ومواضيع جامدة في شهر

5 و4 لكن ربنا عداها علي خير اللي مزعلني اني حبيتها من قلبي واعتبرتها اختي واكتر واخر شئ حصل السنة

دي تتكلم عليا من ورايا وتشوفني تبصلي من فوق لتحت كأني حشرة وانا احسن منها ومن 10زيها فعلا خير

تعمل شرا تلقي انا بحاول انساها بجد هي مش تستاهل العياط اللي عيطته عليها وحبي ليها وخوفي عليها

متستحقوش انا بشكرك يا رهينة بجد السؤال ده جاي علي الجرح اوي

2-امتى اكتشفتى ان نفسك هربت منك ومش قادرة ترجعيها تانى ؟وليه مش قادرة؟

مش قادرة افهم السؤال سامحيني

3-لو حد ظلمك وحسسك انك انسانه متحبيش غير نفسمك هتعملى ايه ؟

هبعد عنه وادعي عليه

4-حللى شخصيتك فى سطر واحد بس ؟

طيبة مبحبش الظلم بكره الكدب مبحبش حد يخوني طموحاتي عالية وان شاء الله هحققها


يارب مكونش طولت عليكى وتكون اسئلتى يارب متسببلكيش قلق

ولا يهمك يا حبي انا اتشرف قسما بالله انا ارتحت لما جاوبت علي الاسئلة دي بجد جت في وقتها تسلمي يا غالية

هسأل سمايل

1_بتعملي ايه في وقت الفراغ؟
2_ايه اصعب موقف قابلتيه في حياتك؟
3_مين الشخص اللي بتحكيله اسرارك؟
4_مين الشخصية اللي نفسك تختفي من حياتك؟؟وليه؟؟
5_امتي بتحسي انك ضعيفة ومش قادرة تكملي ؟؟

انا جيييييييييييييييييت

بتعملي ايه في وقت الفراغ؟


ولا حاجة عادى بدخل المنتدى مثلا او الفيس...بتفرج ع التليفزيون.....قليل دلوقتى اما اقرا حاجة


ايه اصعب موقف قابلتيه في حياتك؟


مواقف كتير ممكن موقف احرجنى او حد جرحنى او انى اكون لوحدى او انى احاول اقف مع نفسى او افكر كتير بتهيالى ده ممكن يكون اصعب موقف

مين الشخص اللي بتحكيله اسرارك؟

اختى واصحابى من ثانوى دول اكتر ناس يعرفوا عنى اى حاجة وممكن اكلمهم عن اى حاجة فى حياتى

مين الشخصية اللي نفسك تختفي من حياتك؟؟وليه؟؟

اى حد بيضايقنى .عشان للاسف مش بعرف ارد الاساءة لحد......و مش عارفة اذا كان ده ميزة ولا عيب

امتي بتحسي انك ضعيفة ومش قادرة تكملي ؟؟

اما احس ان كل حاجة ضدى و ما فيش حد جنبى وانى مهما اتكلمت ما حدش بيسمع .هو الصراحة بتخنق و بكون مش عارفة اعمل ايه عشان اخرج من الموقف ده بس بسكت وبيعدى .....باجى على نفسى و الحمد لله .هعمل ايه؟


شكراااااااااااااااااااااااااااااااااااااااااااااااااااااا ليكى نرمين على اسئلتك الجميلة دى

و هسال احمد ..........

لو حد عاوز يعرف مين احمد تقوله ايه؟؟؟

ايه طموحاتك فى الحياة؟؟

شايف نفسك ايه بعد الكلية؟؟

ايه اكتر حاجة بتفرحك فى حياتك وايه اكتر حاجة بتضايقك؟؟

ايه اكتر حاجة ندمان عليها فى حياتك؟

هل ات شخص متسرع فى احكامك على الناس ولااااا؟؟

يا ريت اسئلتى تكون بسيطة شكرااااااااا ليكم

Hollo كتب:

اتينشن بلييييييييييييييييييييز

نوجه عنايه سيادتكم بأنه من بعد غد ان شاء الله ستتم اعاده فتح الفتره المفتوحه مع 5 قلوب ع الهوا ... ابقو معنا

ياعينى ياعينى هو دا الكلام يا هوللتى ونسمع احلى ضرب ناااااااااار طااااااااااخ طووووووووووخ طييييييييييييييخ

يلا يا باشا ولعها واحنا معااااااااااااااااااااااااااااااااك قلبا و ...........بلاش قالبا عشان الكذب

اها

ومين اللى هيسال

بسم الله الرحمن الرحيم

الاجابه هي ..........


هشام عباس واغنية (نار ناري ناري من جماله)

نداء الي ميستري ...........

اجيبي علي البارون والا ................

هنسال ميدو مونى

ونقول اهلا يارفيق

1/ انطباعك عن 3 اعضاء فى المنتدى تختارهم بعنايه كاقرب الاعضاء ليك

2\ قصه اتعلمت منها كتير

3\ نفسك تعمل ايه