من قلبي لقلبك .. يحلو الكلام

بسم الله الرحمن الرحيم

موضوعنا النهارده مش سؤال ولا برنامج ولا راي
ده كلام مننا كلنا لبعض
يعني اي حد فينا عنده نصيحه للكل يدخل وما يبخلش علينا بيها

نصيحتي ليكم النهارده يا شباب تتلخص ف عنوان......

الدنيا لها طعم جديد

لو كل واحد فينا فكر ان الدنيا دي فيها الفرح اكتر م الحزن وان ربنا تعالى اكيد اكيد شايل لينا فرح وامل وسعاده كبيره اكيد حياتنا هتتبدل من تشاؤم لتفاؤل..من ضيق لفرج..من هم لسعاده
عشان كده
بقوللكم كلمه وخدوها نصيحه بسيطه من اخت ليكم ومن غير ما اتفلسف بيها عليكم
حطو ف بالكم ديما كلمه الامل
"تفاءلو الخير تجدوه"
خلو جواكم يقين ان النهارده بحلوه وبمره كويس الحمد لله وبكره هيبقى احلى باذن الله

اي حاجه تحصل لكم بعد الشر وفيها ضرر عليكم ..نصبر ونقول لعله خير ...احنا اكيد واثقين ان ربنا سبحانه وتعالى مش خالقنا عشان يعذبنا ف الارض..لالالا ربنا رحمته وسعت كل شيء
عشان كده
الليل بيجي بعده نهار.... والضلمه هتبقى نور ان شاء الله.
.طول ما فيك قوه ..اضحك وعيشها ببساطه وتفاءل..سيبها على الله

من قلبي لقوبكم..يحلو بيننا الكلام

ربنا يفرحكم يا رب وتعيشو اسعد الناس ان شاء الله

شكرا ليكم من قلبي لقلبك .. يحلو الكلام 632484

يا رب تكون فكره الموضوع عجبتكم
وكلنا مستنين نصايحكم من خلال خبراتكم ف الدنيا لينا ان شاء الله

موضوع رائع يا هولو . نصيحتى ليكم واكيد فى ناس كتير بتعملها ( اعمل الخير وارميه البحر)

زائر

لا يدوم جمال ((الشكل)) ولكن جمال ((الشخصية)) هو الذي يدوم ........دى نصيحة بحب اوجها لاى حد بيحكم على حد من شكله وبياخد بالشكل اولا لان بجد الاشكال ياما بتخدع ناس كتير وبصراحة ناس كتير الوقت بتاخد بالشكل ومشكورة يا هالو على موضوعك الجميل ماشاء الله عليكى والله وعلى افكارك من قلبي لقلبك .. يحلو الكلام 859395

الجااااااااااااامدة من قلبي لقلبك .. يحلو الكلام 376922

الله عليك يا حبيب والديك تسلم ايدك يا هوللو عندك حق

والله التفاؤل احسن شئ كل شئ بايد ربنا ويارب اللي جاي

يكون خير نصيحتي لاعضاء المنتدي حب لاخيك ما تحب لنفسك

واضحك للدنيا تضحكلك

شكرا يا هوللو علي المواضيع الجامدة

شكرا ليكم يا اجمل اخوات ف الدنيا.....كوكووووو من قلبي لقلبك .. يحلو الكلام 376922

........ نمنومتي من قلبي لقلبك .. يحلو الكلام 376922

........ نرمووووو من قلبي لقلبك .. يحلو الكلام 376922

النهارده بقى هكلمكم عن .. هدوء النفس والبراءه اللي احنا كتير مننا بيفتقدها ف نفسه الايام دي

ساعات كتير كلنا بنتمنى اننا نرجع اطفال تاني ونعيش ايامنا ببراءتها وهدوء نفسنا من غير بقى ما نفهم اصعب معاني الحياه
بس خلاص احنا كبرنا الوقتي وعايشين على ارض الواقع .... البراءه دي يا شباب مش مرتبطه بسن معين او بطفوله .. لالالالا.. البراءه دي موجوده جوانا كلنا بس فينا اللي بيموتها جواه وفينا اللي بتطلع على وشه وملامحه.... عشان كده.. لو فعلا عايزين نعيش ايامنا ف هدوء لنفوسنا وبراءه لايامنا واحلامنا... لازم نعبر عن كل اللي جوانا .. منكتمش0.. منحاولش نتلوث م الدنيا الفاسده اللي احنا كلنا معرضين نكون فيها
نرمي حمولنا على الله.... نناجي ربنا .. نحكيله ونشكيله ونفضفضله ونغسل همومنا ومشاكلنا بوقوفنا بين يدي الله تعالى...

نكون صادقين مع نفسنا ونحاسبها كويس اوي0.00 جربو كده تعيشو الدنيا ببساطه وتلقائيه وارمو همومكم ورا ضهركم وف الاخر ...

" العبد في التفكير والرب في التدبير "

"خليها على الله "....سلاااااااااااااااامي ليكم من قلبي لقلبك .. يحلو الكلام 632484

تسلمى يا هولتى ع الموضوع الجامد ده ونصيحتى لكم النهارده هى: نفوض امرنا لربنا سبحانه وتعالى لان الخير فيما اختاره الله احيانا بنتمنى حاجات بس ما بناخدها وربنا بيختار لنا حاجات تانية بس بعد كده بنكتشف ان اختيار ربنا هو الخير والصواب لانه بيحبنا اكتر من اى حد تانى وبجد بتكون احسن من اختيارنا لان ده عن تجربة شخصية ما عرفت كده الا لما تخليت عن اللى بتمناه واختارت اختيار ربنا ليا عرفت انه الطريق الصح

الله الله الله الله

صح من قلبى لقلبك.......بس مش يحلو الكلام
انا حسيت ان فيها .......راحت بال
بجد كلامكم جميل
وبجد كنت عايز اشارك باى نصيحه
بس حاسس لو قلت حاجه دلوقتى مش هتكون من القلب
فعمرها ما هتوصل للقلب
بتوفيق لكل الاعضاء
من قلبي لقلبك .. يحلو الكلام 957388

حب من يحبك واجتنب ولا تكره اليكرهك وسيبه منه لربنا
شكرا يا وردة المنتدى من قلبي لقلبك .. يحلو الكلام 302692

تسلمي يا هوللو

نصيحتي للناس تنسي اللي يزعلها واللي مضايقها سواء قصة حصلت او انسان مثلا سبب مشاكل لان كله عند ربنا وربنا بينتقم من الظالم ومحدش في الدنيا يعرف الخير فين ممكن انا اسيب مثلا انسانة واعرف بعد كده انها كانت هتاذيني سبحان الله محدش يعرف الغيب فيه ايه وربنا يلهمنا الصبر من عنده

نصيحتى اليوم هى مش نصيحة بمعنى الكلمة بس هى مثل : اتقى شر الحليم اذا غضب بجد بيكون اصعب غضب لانه بينفجر زى البركان بدون انذار وما ادراكم من ثورة البركان فاجتنبوا غضب الناس الطيبة الحليمة الصبورة

بجد يا هاله كلامك زى الفل, وكمان احساس جميل اوى,واحسن حاجه شايفها فيكى يا هولو انك دائما متفائله وبحس انك عندك طموح,وامل فى بكره.

نأمل استمرار هذا التدفق الجميل.

ونيجى للنصيحه اللى مؤمن بيها جدا:

( الإنسان دون أمل كنبات دون ماء,وبدون ابتسامة كوردة بدون رائحة,إنه بدون حب كغابة احترق شجرها,الإنسان بدون إيمان وحش قطيع لا يرحم... )

الاستاذ

ياسلام عليكي يااحلي لولو في الدنيا وعلي افكارك الجاااااااااااااااااامدة
رمضان عالابواب كل سنة واحلي اعضاء طيبين وبخير نصيحتي بجد ان اي حد متخاصم مع حد او مكلموش من زمان ان هو يتصل بيه ويسال عليه ويبدأ هو وياخد الثواب ان شاء الله ويخلي نفسه صاااااااااااااااافية عشان يستقبل الشهر الكريم بخير وحب
واحلي سلام لاحلي اعضاء في الدنيا
من قلبي لقلبك .. يحلو الكلام 632484

واحلي كلام وسلام وتحيه ليكم كلكم يا احلى ناس ف الدنيا من قلبي لقلبك .. يحلو الكلام 632484

ويا رب قدرنا كده عشان نقف جنب بعض ونفيد ونشارك ونساند بعض ونهون على بعض ياااااااااااااااااااااا رب

من قلبي لقلوبكم هقولكم النهارده

"" من صبر وتأنى..نال ما تمني" والكلام ده عن تجارب شخصيه والله ....ما تيأسوش يا شباب..لان كل لحظه ضلمه بيجي بعدها نور وكل صمت بعده كلام وكل قلق بعده راحه وكل حزن بعده فرحه كبيره ان شاء الله ""

ربنا مع الجميع يا رب من قلبي لقلبك .. يحلو الكلام 302692

شكرا ليك هولو على الموضوع الرائع
احب انصح الشباب والبنات
من يتق الله يجعل له مخرجا ويرزقه من حيث لا يحتسب

ايه الجمال ده يا HOLLO
وهقول .... من اعجب برأيه ضل ..... ومن استغنى بعقله ذل من قلبي لقلبك .. يحلو الكلام 851373

ازيكم يا احلى شباب....

النهارده ان شاء الله

قلبي بيقول لقلوبكم ... " ما ضاقت الا اما فرجت "

بصو بقى ....كلنا بنمر بازمات كتير اوي ..تحسسنا اد ايه الدنيا سوده ف عنينا والحياه مره اوي ...والحظ ديما بيعاكسنا ..انا عارفه كل الاحاسيس دي والله...الواحد بس ف ساعتها بيحس اد ايه هو قريب من ربنا سبحانه وتعالى وبيدعي ربنا من قلبه ان الحزن يتبدل لفرح والهم يتبدل لفرج ...وربنا عمره ما يخيب ظن عبده بيه ابدااااااااااا
ربنا على اد ما بيبتلينا بحزن او هو او ضيق على اد ما كرمه بيكون اكبر من اي ابتللاء..مع العلم اصلا ان الابتلاء ده ف حد ذاته نعمه كبيره اوي ...تخلينا نقدر نصبر ونتحمل ونفكر ونتقرب من ربنا

عشان كده " ما ضاقت الا اما فرجت " " لا تياسوا من رحمه الله "

وف الاخر ...." ضاقت فلما استحكمت حلقاتها فرجت ...وكنت اظنها لا تفرج "

وكل سنه وانتم طيبين من قلبي لقلبك .. يحلو الكلام 632484

تسلمي ياهوللتي علي الموضوع معلش انا متاخره شويه بس بجد الكلام حلو اوي
ربنا يوفقك ياحبي من قلبي لقلبك .. يحلو الكلام 376922

الموووووووووووووووووووووووووووووضووووووووووع

راااااااااااااااااااااااااااااااااااائع

السلام عليكم يا شباب ....عدنا بعد فاصل لنواصل

النهارده هقول لكم كلام ..من قلبي لقلب كل حد فيكم

تعالو نتكلم عن الدنيا ...هبدأ الكلام ب جمله من اغنيه

"الدنيا ريشه ف هوا .. طايره من غير جناحين ...
واحنا النهارده سوا ... وبكره هنكون فين ؟؟ ف الدنيا ف الدنيا "

يا تري كل واحد فينا بيفكر ف الدنيا ازاي؟؟ ولا مش بيجي ف بالنا اصلا اننا نفكر ف الدنيا ؟؟
حياتنا جوه الدنيا عامله بالظبط زي السحاب اللي ف السما ...متستغربوش من التشبيه ده
بصو كده للسحاب .... ف الصيف ولما بيكون الجو رايق مبنحسش بوجوده اصلا ..ولما بنشوفه بيكون ف ابهي واجمل لون وشكل وصوره

"لونه الابيض " واشكاله التلقائيه الحره" وصورته النقيه البريئه اللي بتحسسنا بالصفاء...
واحنا لو بصينا لنفسنا لما بالنا بيكون مرتاح ....

هنكون قلوبنا زي لون السحاب ..بيضا

وهيكون خيالنا وتصرفتنا زي السحاب ... حره وتلقائيه

وهتكون احاسيسنا ومشاعرنا زي السحاب ... نقيه وبريئه وده يحسسنا بالصفاء

لكن لو جينا بقى نشوف السحاب ف الشتا...
"لونه الباهت المعتم الداكن " واشكاله الغامضه المغيمه" وصورته اللي بتوحي بالاكتئاب وبتحسسنا بالاضطراب

فلو بصينا لنفسنا ...لما بنيجي على نفسنا ونحسس نفسنا ببروده الدنيا جوانا

هتكون قلوبنا زي لون السحاب ... باهته وعتمه وضلمه

وهيكون خيالنا وتصرفاتنا زي السحاب ... فيها الغموض والغيوم اللي حتي تخلينا منعرفش احنا عايزين ايه

وهتكون احاسيسنا ومشاعرنا زي السحاب ....اكتئاب واضطراب عدم الاحساس بالامان

عشان كده ..حكمتنا م السحاب اللي ف السما ...ان الدنيا عمرها ما بتفضل على حالها ابدا ..وبتتغير ..واحنا كمان بنتغير ..بس الاهم من ده ..اننا نتغير للاحسن ونشوف الدنيا احلى ونفكر فيها شويه بعقلنا واحساسنا و..كل ده طبعا هيكون لازم ليه وجود اهم كيان ف الدنيا جوانا وهو ..." الايمان بربنا ورسوله الكريم صلي الله عليه وسلم والقدر خيره وشره"

تعالو نبقى احسن ونواجه الدنيا مش بحقيقتها ..لكن بحقيقتنا احنا جواها ..يلا نساعد بعض

وكل سنه وانتم طيبين من قلبي لقلبك .. يحلو الكلام 632484

السلام عليكم يا جماعه ....

النهارده ان شاء الله هكلمكم عن ... الكبرياء والكرامه مع اقرب الناس ليكم

سؤال ليكم كده ف الاول ..هل مع اقرب ناس ليكم بتقدرو تلغو كرامتكم وكبريائكم لما يواجهكم موقف شديد معاهم ولا برده بتاخدكم الكرامه والكبرياء معاهم ؟؟؟؟؟

انا مؤمنه ان كل انسان ف الدنيا دي ليه كرامه وكبرياء ...بس مش معني كده انهم هما اللي يتحكمو فيه ومش هو اللي يتحكم فيهم ..في ناس معينه حياتها كلها بتتدمر ربنا يكفينا الشر بسبب انهم بيخلو كرامتهم فوق كل شيء وقبل اي شيئ وده للاسف عمره ماكان عداله او تصرف وتفكير سليم

مش معني ان الواحد يكون عنده كبرياء وكرامه انه يدوس على مشاعر غيره في سيبل انه يحافظ على كرامته دي

لاني مقتنعه بشيء واحد متعلق بالموضوع ده هو .........

الكرامه ...صفاء النفس وجمال الروح والاحتفاظ بروح الحياه الحقيقيه لكل انسان من غير التسبب ف جرح لاي حد

عشان كده ..لو نبص كده على تصرفات رسولنا الكريم عليه الصلاه والسلام هنفتكر لما كان بيواجه المكروه بالمعروف وكان بيتعامل بالحسني مع كل البشر والكرامه بتكون جواه عليه الصلاه والسلام وغيرته بتكون على دينه وعزته عمرها ماتواجدتك ف اي بشر غيره عليه افضل الصلاه والسلام

عشان كده ..تعالو نتعلم مع بعض ..اننا نخلي كرامتنا دي بس على نفسنا ومناذيش غيرنا مهما كان السبب علشان نحافظ على كرامتنا

المعني الحقيقي للكرامه ..طيبه وجمال بشكل مختلف خالص عن معناهم الاصلي ..ومحدش هيعرف كده غير لما .... يجاهد نفسه على الاهتمام بمشاعر غيره قبل حتي ما يحترم مشاعره ..عارفين ليه ؟؟؟
لان الانسان هو اكتر واحد ادري بنفسه واكتر واحد ممكن يستحمل نفسه ...لكن غيره بقى لما يتعامل معاه ..الانسان ده مش هيكون ضامن اد ايه غيره ممكن يكون اتاذي منه ف اي حاجه

تعالو كلنا سوا ....نحاول كده ..اننا لما نكون ف اي موقف صعب زي مثلا لما نزعل من اقرب ناس لينا او اقرب ناس لينا يجرحونا مثلا .....نحاول نبعد كرامتنا او مش نبعدها بس نعظمها بالتسامح

الخلااااااااااااصه .. ".قوه الكرامه في التسااااااااااااااااااااااامح " من قلبي لقلبك .. يحلو الكلام 632484

موضوع جميل جداً بس الكرامه دي أغلي شئ في الدنيا لو الواحد محافظش عليها يبقي كل سنه وهو طيب ... بس طبعاً مش كل حاجه الواحد ياخدها ع كرامته بقي ويكون زي القفل لازم يعدي الحاجات اللي ينفع تعدي مش كل حاجه كل حاجه أكيد ...شكراً يا هوللو ع الموضوع الجميل دا.....

موضوع رائع يا لولتى والله

وميحلاش الكلام غير مع هاللو والله

شكرا لمروركم الجميل يا ام بوسي والبرنس من قلبي لقلبك .. يحلو الكلام 977193

النهارده بقي ..هكلمكم عن ... احساس لما تمسح بايدك دموع غيرك ...

يااااااااااااااااااااااااااااه ... اجمل احساس ف الدنيا لما تحس انك قدرت تهون علي غيرك حاجه تعباه ..تكون انت الحب والسند والونس والضهر والامان والحنان ودنية راحه بالنسبه ليه..

تعالو كده نجرب النهارده اننا نساعد حد لينا قريب عنده ازمه ونحاول نخفف عنه ونموت نفسنا م التفكير عشان خاطر نلاقي الحل اللي يساعده ف انه يرتاح.. زي ما نت بتعمل كده اكيد تتمني برده ان حد يعمل معاك كده ...عشان كده بقي حكمتنا م الكلام ده ان ..كل طيب فيه اللي زيه و الاطيب منه وكل حلو في برده اللي زيه و الاحلي منه وكل حنون فيه برده اللي زيه والاحن منه وكلنا ف الاول او ف الاخر بشر ونستاهل اننا نحس ببعض اوي اوي اوي

من قلبي لقلبك .. يحلو الكلام 632484

» ساعة لقلبك؟
» ساعة لقلبك 2
» خمسه لقلبك
» فعلاً الكلام ده صحيح..!!
» اعتزلت الكلام