شالتك وهبدتك

ازيكم يا اقوي اعضاء

الدنيا تجارب ومفيش حد مش بيمر بتجارب كانت صعبه او سهله حلوه او وحشه

بس ف الاخر

لازم بتخرج بفايده من التجربه دي

هنا احكيلنا اي تجربه ليك اثرت فيك وفادتك بجد

وان شاء الله هتفيدنا

انا يسعدني اني اول واحدة اشارك في موضوعك

انا مريت بتجارب مش تجربة واحدة وكلها عن الاصحاب للاسف

انا اللي غلطانة علشان لما بصاحب حد بديله عنيا وبكون

طيبة لاقصي درجة وربنا عالم اي واحدة بتحكيلي سر عن نفسها

ربنا يعلم اني بحفظه وبنصحها بس للاسف بعد كل ده بيتقلبوا

عليا اللي تحاول تفرق بيني وبين واحدة تانية اللي تتكلم

عليا وتقول دي طيبة وساذجة انا بسمع تريقتي بوداني وللاسف

بسكت علشان مزعلش حد ولما واجهتهم طلعوني غلطانة واللي

تروح تخلي الناس تاخد بالها منها من افعالها وانا انصحها

في الاخر تشتمني من ورا ضهري وتقول دي كدابة انا مش كدة

اللي بصاحبهم بيفكروا نفسهم اذكيا جدا وهما اغبي خلق الله

بجد حسبي الله ونعم الوكيل فيهم انا مش مسمحاهم لا هما ولا

غيرهم بجد النسيان شئ صعب انا نستهم بس منستش اللي عملوه

فيا ومن هنا بنصح كل شاب وكل فتاه لا تنخدعوا بالناس من

الخارج الجوهر هو الاساس الطيبة متنغعش الا مع اللي يستحقها

لان الكويس في الزمان ده بياخد علي راسه جامد وانا جربت

ده ومش عايزة حد يقع في الموضوع ده زيي الاصدقاء بينفعوا

في اوقات كتيرة وبيبقوا احسن من الاهل بس نادر لما الواحد

بيلاقي صديق بجد غياب الصديق كظلام الطريق ورب اخ لم تلده

امك وربنا يدي لكل واحد علي اد نيته واعملوا خير وارموه

البحر وطولت عليكم سلام

اولا ازيك يا احمد ودايما متألق بموضوعاتك ودايما بتخرج الا جوانا
ربنا يوفقك الموضوع روعه فى الجمال

ثانيا بالنسبه للتجربه
انا مريت بتجربه صعبه اوى انا ليه ولحدة صحبتى بعتبرها اختى مرايتى
وخطيبى ليه واحد صحبه نفس الموضوع اخوة فلما اتخطبت اتمنيت انها تتخطب
لانها انسانه طيبه وحنينه فتكلمت انا وخطيبى وقلنا يا بخت من وفق راسين
فى الحلال وفعلا اتخطبوا لكن للاسف محصلش نصيب اتصدمت ايامها
كنت مش عارفه اوجهها اذاى ولا اقولها ايه حسيت انى اقرب واحدة ليها
هيا الا صدمتها بس بجد مش بايدى حاجه دا نصيب مفيش نصيب
تخيلوا هيا الا وقفت جمبى وقعدت تقولى انتى ملكيش ذنب وفضلنا مع بعض ولحد
الان مع بعض

اتعلمت مدخلش نفسى فى خطوبه تانى ابداااااااااااااااااااا واخدته وعد
وياريت محدش فيكم يدخل نفسه فى خطوبه او جواز لان فعلا لما بيحصل مشكله
بتحس انك السبب وبتفضل طول الوقت تلوم نفسك يارب اكون فدتكم
شكرا يا احمد على موضوعك

شكر لمرورك يا نرمين وهولو ورهينه

وكلامكم مظبوط جدا

وانا اول واحد هستفيد من 3 تجارب

بس ياريت الحجه هولو

تكمل بقيت التجربه

البركه كده حلت يا حجه

شكراً ليك يا أحمد يا عسل ع الموضوع الجميل دا ............

أما بالنسبه للموضوع اللي هكتبه كتجربه هي عن موقف كنت حكيتلك عنه بتاع الحراميه اللي طلعو عليا عند بيتنا و اللي أنا عملته معاهم.......... بجد كان موقف مرعب ويضحك في نفس الوقت ................

في يوم م الأيام و أنا مروح بعد ما سبت أحمد باشا الخضر فرجعت متأخر قيمه الساعه 3.00 كدا المهم ماشي في الشارع بتاع بيتنا وفجأه لقيت 3 ماشيين بعيد عند تقاطع شارعين ....فضلت ماشي ماشي لحد ما وصلت للتقاطع دا قاموا مزنقين عليا إتنين وقفولي ع التقاطع وواحد في وشي ........ اللي في وشي كان شكله إجرام جامد يعني... المهم :::::: قب ياض بالفلوس اللي معاك.......... مين إنتا بتكلمني أناهههههههه :::::::::::: لا خيالك قلتلو طيب يا عم رد ع الراجل ههههههههههه كنت سايق البرود ع الآخر هههههههههههه......... المهم قاللي إنتا بتستظرف قلتلو آه .....وقمت ماشي خطوتين قام ماسكني من إيدي وقاللي ع فين قلتلو مروح قام قايلي ما تستني نتكلم شويه وطلعلي سكينه ..... المهم قلتلو نتكلم ؟؟؟؟ بجد ؟؟؟؟ ههههههههههههههههههه ماشي إذا كان كدا أنا موافق....... وقمت قاعد ع رصيف في الشارع وحطيت رجل ع رجل وقمت قايلهم ها هنتكلم ف إيه بقي؟؟؟؟ ههههههههههههههههههه قام قيلي إنتا ساكن فين قمت قايله مش فاكر .......ههههههههههههههه أكمل بعدين بقي عشان الحكايه بجد طويله ههههههههههه

قلتلو مش فاكر أنا ساكن فين قام قايلي متخفش مش هنئذيك قلتلو طيب أنا هدلك ع مكان البيت والفلوس ونقسم في الآخر قام قايلي إنتا بتتريق ولا بتتكلم جد قلتله ::: إنتا شايف إيه..؟؟ قام جايب السكينه وقربها مني قال إيه بيهددني ...الحرامي لما ييجي يهدد حد المفروض بيهدده في مكان كويس زي صدره أو بطنه أو رقبته كدا يعني المهم الباشا ده قرب السكينه من كتفي المهم أنا برقت مش م الخوف لا م الإستغراب وكنت عايز أضحك ونسيت أقلك ع حاجه السكينه دي كانت سكينه مطبخ كمان يعني الواد ده شكله كدا أول مره يسرق حد المهم فضلنا قاعدين في صمت طوييييييل و الإتنين اللي معاه شكلهم شاربين ع الآخر مش حاسين بنفسهم و مبرقين ليا ... المهم قلت لما أقطع الصمت ده قمت قايللهم :::: ها وبعدين هنقعد كدا كتير كنت تعبت بجد وزهقت ... وفي وسط ما أنا بكلمهم عربيه بوكس كانت معديه م الشارع المهم هوبا إجري يا سمسم ولاه يا لبه إجري ههههههههه أسماء غريبه.... العربيه البوكس دي بتاعه ضابط في العماره اللي جنبنا و عمرها ما عدت من الشارع دا قبل كدا ودي أول مره تحصل سبحان الله بجد ربنا نجاني يمكن لو كان الموقف طول عن كدا كانو زهقو مني وقتلوني بس الحمد لله بس إتعلمت من يومها إني ممشيش من غير سلااااح يعني دلوقتي أنا الحمد لله معايا مطوه صغيره كدا طبعاً غير القصافه اللي معاكي هههههههههههه ... وبس كدا أنا بيحصللي مواقف طريفه جداً في حياتي بجد أنا لو قعدت أحكي المواقف اللي بتحصللي في شغلي و في حياتي اليوميه عامة بدي أكتب كتاب من سلاسل....

فعلا يا برنس الواحد لازم يبقي معاه حاجة تدافع عن نفسيته
بس حمد لله على سلامتك يا برنس
خليك بالك من نفسك
وربنا يستر علينا
وربنا يحمينا من كل مكروه