مـــــــــــــش بـــــــــاقــــــــى مــــــــنـــــــــى

ايه الجمال ده يا واد
جميلة اوي
تسلم ايدك يا جميل

انا قريتها وحسيتها اوي اوي
وفعلا حاسه اننا بقينا مجرد ذكريات عيشين عليها منها الحلو منها الوحش وللاسف الوحش مش قادرين ننساه حتى لو عملنا العجب
لدرجه اننا وصلنا لدرجه التشاؤم ومعدناش بنتمتى حاجه ولو اتمنينا نعتبرها مجدرد وهم وخلاص
اسفه على كلامي الكتير
بس بجد اجمل ما كتبت يا محمد لاني اتاثرت بيها بجد ان شاء الله هتبقى شاعر ومؤلف كبير مستقبليا
دمت بخير
راااااااائع للابد

مش باقى منا
الا فرحتنا العجوزة
وشوشنا شابة
بس قلوبنا شابت
وعقولنا بتسأل
على احلامنا الحايرة
وياترى لسه عايشة
ولا ماتت

دايما الا بيخرج من القلب بيدخل الا القلب مباشرة
بجد روعه يامحمد وفعلا فرحتى عجوزة تعبير روعه
ربنا يوفقك يارب

جامده جامده جامده
تسلم ايدك تحفه ما شاء الله

انا قرأتها اول ما حطتتها والله وفعلا قعدت مدة مش عارفة اكتب اقول ايه وقلت انا لازم افكر فيها شوية قبل ما ارد....
واديك شايف ما ردتش اهو غير انهردة.......
وفعلا احسن حاجة انى محولش ازوق كلام او ارتبه
لان كل سطر فى الخاطرة قايل جواه كتير ..... وبجد ربنا يجازيك خير على الحالة الى صورتها دى ووالله كل كلمة فيها اكنها خارجة من جوا الواحد ......
ربنا يكرمك يا محمد ويجعل اعمالك كلها من خير وللخير
شكرا ليك

كلامها مؤثر جدا يامحمد ولمست قلبى جامد و عايزة اقولك ان ده حالنا جميعا مش انت لوحدك

stop كتب:

اقتباس :

احنا ناس عجوزة
لسه فى العشرين
كنا بنجرى
بس وقفنا دايخين
قدام صورة ماتت
من سنين
صورة فيها
بنت على حجرى
وحوالينا ناس معزومة
لسه عايش منهم
احمد و صبرى
ونوسا
ده احنا كنا بنجرى
فرحانين
ولا كان حد يسأل
الحزن طريقه منين
أه منك يا سنين
أنا نظرى راح بدرى
لان الصورة طلعت
معكوسة

جامد الجزء دا يا هجام

ايوة يا عم
الاعضاء بيهنوك على الخاطرة الجميلة
افرح يا عم

مش باقى منى
الا أمانى متحيرة
متأثرة بالاغانى
القصيرة
وتانى تانى تانى
لعبد الحليم
مش باقى غير ماضينا
الاليم
وصرختنا المكتومة
لما ماتت ريم
ودنيتنا المكلومة
اللى جابتنا لوره

مش باقى الا
خطاوينا الحزينة
على طريقنا الحزين
وعيونا الغريقة
فى ليالى الحنين
حتى الضحكة الصافية
تاهت وسط الانين
مش عارف ليه
بنبتسم ثانية
ونبكى سنين

بجد حلوين اوي المقطعين دول يامحمد اكتر حاجة حستها بجد صورت الحالة اللي جوانا بجد فعلا فنااااااااان
معلش رديت متأخر اصل النت كان بيهبل اليومين اللي فاتوا دول

يااااااااااااااااااااااااااااااه ده انا جيت متاخر اوووووووووي
بجد والله حلوه جداااااا يا محمد وكنت متاكده انها هتبقي عن الحاله الغريبه اللي احنا عايشينها دلوقتي

تشبيهاتك جميله اوي وزي ماعودتنا دايما كلام طالع من القلب علشان كده واصل لينا

الناس قالت ايه اكتر مقطع عجبها لكن انا بجد كلها عجباني ومعرفتش اختار جزء

ربنا يوفقك يااااااااااااارب وتبقي احسن واحسن ان شاء الله

الكلام الجامد دا لازم نرفعله الشابو وانشاءالله يامحمد ليك مستقبل باهر
بجد احساسك عالى اوى
اتمنى لك كل النجاح والتوفيق
والى الامام

أكيد بعد كل اللي اتقال معتش لكلامي لزمه
بس بجد كلامك في قلب كل واحد وانت اللي خرجته
والله كل كلمه قايلها عندك حق فيها
ربنا يوفقك يا محمد