توتى وفر فى فلوس المخدرات بتاعتة وجاب عربية هامر جديدة
تحسبها صح .... تعيشها صح
نوسة وفرت من فلوس الديسكو وسافرت 3 شهور فرنسا الصيف اللى فات وفى الغالب مش رجعة
تحسبها صح .... تعيشها صح
أحمد بيشرب علبة سجاير واحدة بس بدل اتنين وبفلوسها حجز شهر فى الفورسيزووووون فى الرويال سويت
تحسبها صح .... تعيشها صح
حنكش خنصر بقيت فلوس العيش اللى مامتة كانت بتيدهلوا وبيهم دفع مصاريف الجامعة الامريكية
تحسبها صح .... تعيشها صح
عم حسين بواب العمارة وفر التبيس اللى بياخدوا من السكان واشترى رينالدو بتاع البرازيل
تحسبها صح .... تعيشها صح
عادل صاحب شركة استيراد خصم من كل الموظفين 10 ايام وبيهم جاب خاتم سوليتر للفيونكة الدلوعة بتاعتة
تحسبها صح .... تعيشها صح
صبحى وفر فى اكل الجبنة الروووومى وجاب فيلا فى التجمع الخامس بالبسين وجاب عوامة وزة كمان
تحسبها صح .... تعيشها صح
طأطأ بطل يجيب الكارت ابو 25 جنية وبيجيب الكارت ابو 10 جنية وبالفرق دفع المهر والشبكة وعمل فرحة فى لندن وبيقضى شهر العسل فى الكاريبى
تحسبها صح .... تعيشها صح
الإثنين 26 يناير 2009 - 19:35
