هوللو كتبت لاول مره في حياتها...." يا دنيتي ..يا غربتي "..محتاجه بجد رأيكم

بسم الله الرحمن الرحيم..... اول مره هشارك هنا بخاطره بس يارب تعجبكم ولو معجبتكوش بقى ..معلش سامحوني ..اصلي بجد اول مره اكتب .....


يادنيتي...يا غربتي ...

يوم جميل ..ليل طويل ...خطاوي تمشي ولا تعرف مستحيل

امبارح كنت ايه؟؟ كنت ضعف وخوف كبير


يا دنيتي.... يا غربتي...

الالم جوانا عايش ..مهما نغير ف الاماكن


سر الحياه والغربه فينا..جوه قلب القلب ساكن


يا دنيتي .... يا غربتي....


اقرب ناس عاشو فيا ... هما روحي.. كل ما ليا...

فجأه كده في يوم لقيتهم ..اول حد يجرح فيا ..ولا عمره حتى حس بيا

صبرت ..صبري كان هو الدوا .... وربي بيهون عليا

لو هتكلم عن انسان... في دنيتي وف اي زمان

هقول ده صبر وروح ونور .... يكون هديه من الرحمن


يا دنيتي ..يا غربتي....

ولو نعيش حياتنا مره...يوم تضحك.. نفرح ..تبقى حلوه

ويوم تبكي.. نزعل ...نيأس.... تبقي مره

نعيش .. نشوف ..نحس .. ونتألم

نفرح ..نبكي ..نصبر ... نتعلم

اااااااااااااااااااااااااه يادنيا


يا دنيتي .. يا غربتي....

لو قلبي عايش..هخلي جوايا الامل

لو قلبي مات ..حد يقول لي ايه العمل؟؟.... ايه العمل ؟؟



" بجد اول مره اكتب كلام زي ده .." وعمري ابدا ما كنت اتخيل اني اكتب او حتى احط موضوع في القسم الادبي..بتمني من ربنا انها تكون عجبتكم وحستوها ..

مستنيه رأيكم ونقدكم....شكرا ليكم

هو انتي ايه نظامك بالظبط

ممثله ولا شاعره ولا طالبه ف كلية الاداب تجد وتجتهد

هو لسانك اللي عمل فيكي كده



بجد جاااااااااااااااااااااااااااامده

ده احنا هنريحوكى يا شابة ههههههههه وعاملة فيها اللمضة وكل ده مستخبى جوا
بجد كلامها حلو قوى

خليكي واثقة في نفسك يا هوللو
واكيد اي حاجة بتعمليها تقريبا بتبقى حلوة
ههههههههههههههههههههههههههه لا ياهوللو بجد حلوة اوى
للامام دائما

اقرب ناس عاشو فيا ... هما روحي.. غاليين عليا ...

فجأه كده في يوم لقيتهم ..اول حد يدبح فيا ..يجرحني ولا يحس بيا

صبرت ..صبري كان هو الدوا .... وربي بيهون عليا

لو هتكلم عن انسان... في دنيتي وف اي زمان

هقول ده صبر وروح ونور .... يكون هديه من الرحمن


جميله جميله بجد كلماتك جميله يا هولو حلوة مستنين الجديد

والله جميلة جدا يا هالو وتسلمى يا جميل على الخاطرة الجميلة دى

انتي بتكتبي من ورايا يابت؟؟ مااااااااااااشي هههههههههههههههههههه
بجد ياهوللو حلوه اوووووووووي وكلماتها حسيتها اووووووووي
عارفه هي الدنيا زي ماوائل جسار بيقول كده " غريبه الناس غريبه الدنيا ديه "
بجد تسلم ايدك ياحبي وطالما بتعرفي تكتبي احساسك علي ورق وبيطلع حلو اووووووووووي كده يبقي لازم تكتبي كتييييييييير وتورينا هنا
ربنا يوفقك ياحبي يااااااااااااااااااااااااااااااااااااارب

بكل امانة جميلة يا هوللو والله
حسيت فيها صدق واحساس
ولو حسيتى انك محتاجة تكتبى اكتبى على طول
لان دة الحاجة الى ممكن تنميها

حلوة اوى يا هوللو و بعدين كلامك خارج من القلب فطبيعى ان اى حد يحس بيه
كلامها حلو اوى

هولو ايه الجمال والحلاوة والعسل الابيض والقشطة والعسلية دى
هولو اتعلمتى الكلام ده فين فى مدرسة الحياة
بجد جمدة ياهولو
انتى بدك شيرين تغنى وعمر مصطفى يلحن ياسلام
بخرى نفسك ياهولو
العين لو شافت حجراية تقسمها اثنين

الله الله
ايه الجمال ده
هوللو شاعرة وانا معرفش
طيب تبقي تقولي انك شاعرة
جميلة جدااااااااااااااااااااااااااااااااااااااااااااااااااااااااا
مش جميلة اوي
ههههههههههههههههه
ربنا يكرمك ويوفقك

وتبقي شاعرة كبيرة من الشعراء الكبار
هوللو بقت حريفة من ضمن الحريفين
دمتى متالقة
كل التحية
الحريف

SMSM BASHA كتب:

يا دنيتي .. يا غربتي....

لو قلبي عايش..هخلي جوايا الامل

لو قلبي مات ..حد يقول لي ايه العمل؟؟.... ايه العمل ؟؟







لا مادام دى اول مرة



تبقى كويسه





وكلامك جميل



تسلمى



ودائما فى تألق



لمرة الجيه هيبقى احلى من دا ان شاء الله





smsm

شكرا ليك يا سمسم باشا على رايك وتشجيعك كل التحيه ليك

أحمد الخضر كتب: