الجزء الثانى من مذكراتى الشخصية

كعادتى التى لا تنتهى .. اغفل عن ميعاد استيقاظى
اهب فجأة واترك الوسادة لاذهب الى الحمام كى احصل على - شاور سريع جدا -
احساس مزمن بالعطش برغم لتر المياة الذى - أربعته - قبل الفجر بخمس دقائق

الأفكار تتصارع داخل عقلى

أقطع الشارع كى اصل الى موقف 51 والذى يرابض على بعد امتار من عشتنا .. كى استقل الميكروباص الذى يقلنى الى دمياط حيث مقر عملى فى معرض الاثاث الذى نمتلكه

اتجنب النظر الى أذرع المسيحية العارية - اللهم انى صائم - أركب الميكروباص لأرقد بجوار النافذة وأنظر الى خارجها نظرة خاوية

الأفكار تتصارع داخل عقلى

ولا استطيع التركيز على فكرة واحدة ابدا
كلما اركز على فكرة واحدة تقطعها الثانية فتدخل عليها الثالثة لتشوش الرابعة على الجميع وهكذا دواليك

من بعيد يدوى فى عقلى صوت خالد الهادىء _ متزعلش من ابو سعدة ده قلبه طيب والله ومش يقصد _

ثم تقطع هذه الفكرة فكرة اخرى ...اعلان احمد مكى - هادى هادى هادى - وقبل ان استرسل فى فكرة الاعلان الجميلة يقاطعنى صوت وائل الممتع
بيحن للأرض المطر .. بيحن ... وانا مش قاااااااادر
كدت أن اخطأ وأردد الاغنية على لسانى فى نهار رمضان فأجفلت ورددت - انى صائم -

السيارة تطوى الطريق وتأكله بنهم شديد وتمر من الكمين الرئيسى
وأنظر الى اللافتة المعلقة .. - مركز شرطة الحربى - وقعت النقطة لتصير الحربى وليس الجربى - وبينما افكر فى اهمالهم الجسيم تتقاطع فكرة اخرى
- الى متى الخلافات بين والدى وعمى -

وقبل ان تستولى الفكرة على عقلى يأتى صوت تامر فى الكوبليه المحبب جدا الى قلبى

- وهقولك ايه أنا ولا ايه اكيد فاهم انا قصدى ايه يا حبيبى مش هقدر اعيش مع غيرك نفس اللى انا عشت فيه - من المقاطع التى تثير بداخلى الشجن بالرغم من بساطة اللحن والكلمات . لكن الذى يثير الشجن هو صوت تامر والذى احس بأنه قادم من بعيد جدا ... جدا

وقبل ان اردد الاغنية على شفتاى ينقذنى صوت النقشبندى الساحر

ماشى ف نور الله بدعى وأقول يارب - والمنبثق من موبايل الشخص المجاور لى فى الميكروباص
كم تمنيت ان احفظ هذه الاغنية لكنى لم احفظها ولا اعرف السبب

يا أستاذ ... الأجرة
قالها الجالس فى الكرسى الخلفى مصحوبة بدفعة فى كتفى ..
من الواضح انه سأم مناداتى وعدم ردى عليه
فقرر استخدام يده ..

يا أستاذ ... فور سماعى لها اتذكر على الفور اعلان شيفروليه أفيو وهو يفيق من حلم اليقظة واحدهم يناديه ... يا أستاذ

أسئلة تتصارع الى عقلى ولا اجد لها اجوبة
وأجوبة تتكاثر ايضا بدون اى اسئلة

حالة غريبة فعلا
أمر بهذه الحالة فى شتاء يناير حيث الجو الرمادى المحبب الى قلبى
نحن الان فى صهد اغسطس
فلماذا امر بهذه الحالة فى هذا الوقت ؟؟

نقترب من الكوبرى ... صوت - التكة - المميزة لفتح باب الميكروباص فالنزول اسفل الكوبرى فالصعود لاعلى كى اعبر الى الضفة الاخرى من النيل ...
أمشى بوهن شديد ... الصيام صعب فى هذه الاجواء لكن المأساة انه بعد الافطار يكون وهنى اشد لان جسدى يكون متخما جدا بالعصائر ...

أتفحص وجوه القادمين على الكوبرى ..
البعض يهرب بنظره الى الارض والبعض الاخر يشيح بوجهه بعيدا
هذا يعكس بلا جدال ضعف ثقة بالنفس او عذاب ضمير او خجل ..

شو بينفع لعيونك تدمع وتقولى ندمانة ...
صوت وائل من جديد

ثم هاجس اخر يراودنى
... - بتحبنى ومكسوفة تقول ولا مجرد احترام -
الافكار من جديد تتصارع وتقاتل وتحارب ولا منتصر ابدا وكأنها العراق فى حرب الثمانى سنوات مع ايران

وقبل الاسترسال فى تفاصيل الحرب ورعونة صدام ونفس الايرانيين الطويل فى الحروب

تموت الفكرة برأسى لتحل محلها
الأسرة .. أسرة جرين دريم
وماذا بعد ؟
وكيف اديرها ؟ وباى طريقة ؟
و .. و ......

صراخ أم مسعد فى وجهى انا وبقية الاطفال وعمرنا لم يتجاوز الثمانى سنوات لاننا نلعب بصوت عالى فى شوارع بورسعيد العريضة
جميلة هى طفولتى ...

لماذا تهرب بعيناها عندما انظر اليها ؟
- لا تنادينى مش راح ارجع وانسيلى عنوانى .. وانسينى لو بدى ارجع ... من زمان رجعتلك .. بيحن

اغمض عينى فى محاولة للسيطرة على سيل الافكار المتدافع والمنجرف الى غياهب عقلى ..

كم انا غبى ... عندما افتح عينى ارى اشياء تشتت افكارى ولو قليل .. وعندما اغمضهم تصول الافكار وتجول داخل راسى وتزداد شراستها لعدم وجود اى مرئيات تشغل جزء من تفكيرى

اغمضت عينى ... محاولة بائسة تعسة لن اكررها ابدا
فتحتهما مرة اخرى

واسير بمواذاة النيل على الكوبرى العلوى

أتجنب النظر الى عباية احداهن - البادى -
اتذكر مقولة سمير صديقى على مقهى الجابرى
- المفروض ان العبايات دى تبقى واسعة .. هى ضيقة ليه كده دول بيفصلوها مخصوص عشان رمضان -
فيرد مؤمن ... بيفصلوها مخصوص عشان يبوظوا اعصابنا

وقبل الاسترسال فى ذكريات الجلسة الاكثر من رائعة يتداخل صوت قائد الحرس فى الكلية ومقولته الخالدة
- متحبش مصر اوى -

متزعلش من ابو سعدة - خالد بصوته الهادىء

اوعى تكون فاكرها محترمة دى بتتفرج على افلام قبيحة فى موبايل صحبتها فى المدرج فوق _ زميل فى الكلية

الدين بيقول ايييييييييييه - مقولة عادل امام التى قالها فى حسن ومرقص والتى استيقظت عليها وانا فى طريق العودة من اخر رحلات جرين دريم

كل يوم تنسى التليفزيون فى البرندة مش هتستريح الا لما يتسرق - مقولة امى الخالدة التى ترددها كل يوم قبل الافطار بثلاث دقائق

نفسى تدخل هندسة بورسعيد وتبقى هنا جنبى واشوفك فى الكلية قبل ما موت - لم يمهل القدر جدتى كى ترانى حتى وانا فى اداب دمياط و ماتت وكانت- ولا تزال - اكثر انسان احببته فى حياتى

بيحن ... للعين ... النظر ... بيحن .... للأرض .... المطر - صوت وائل كفورى

أتحبنى وتنتظر مبادرتى ؟؟؟
- حتى لو تحبنى لن اصارحها بشىء لانى بالاساس لا احبها -

كل هذه الافكار تنجرف كسيل على رأسى فى اقل من دقيقة

حتى يوشك عقلى على الانفجار من شدة - الصداع -

ها هو المعرض ... وصلت

وفور وصولى الى المعرض افتح المصحف لأقرأ ايات الله بتدبر
وعندها يهدأ كل شىء داخل رأسى وينتهى تلاطم الافكار واستعيد سلامى الداخلى
واشعر بأمان وطمأنينة .....

ويبدأ يوم اخر ....

جميييييييييييييييله جدااااا
احلي مافيها انك وانت بتقراها تحس انك بتتفرج علي مسلسل او فيلم وشايف الاحداث وسامع الاصوات اللي حواليك وشايف الاماكن دي
وفي نفس الوقت الافكار اللي بتيجي في دماغك بتيجي في دماغ ناس كتير وممكن بيحصلهم نفس اللي بيحصلك
احداث واقعيه ومتصدقه,كتابه منظمه ومترتبه بطريقه جميله جدا
مستنيين الجديد منك دايماااااااا,بيس

مستنين باقى القصه ؟

سردك لذكرياتك جميلة جدااااااااااااا يا محمد,,,رغم النبرة الحزينة اللى فيها الا انها اعطت طابع خاص

..............تسلم ايدك

مفيش كلام يتقال ....لكن في ايد تصقف للابداع ده الجزء الثانى من مذكراتى الشخصية 166815

من نجاج لنجاح ومن ابداع لابداع يا فنان الفنانين ان شاء الله

ماشاء الله فى منتهى الجمال يا محمد وزى ما شيمو قالت بالضبط

shemo كتب:: جميييييييييييييييله جدااااا
احلي مافيها انك وانت بتقراها تحس انك بتتفرج علي مسلسل او فيلم وشايف الاحداث وسامع الاصوات اللي حواليك وشايف الاماكن دي
وفي نفس الوقت الافكار اللي بتيجي في دماغك بتيجي في دماغ ناس كتير وممكن بيحصلهم نفس اللي بيحصلك
احداث واقعيه ومتصدقه,كتابه منظمه ومترتبه بطريقه جميله جدا
مستنيين الجديد منك دايماااااااا,بيس

شيمو يا رافعة معنوياتى يا كبييييييييييييرة
شكرا

stop كتب:: مستنين باقى القصه ؟

قصة ايه ؟؟
دى ولا القصة اللى فى قسم كليتنا

شمس كتب:: سردك لذكرياتك جميلة جدااااااااااااا يا محمد,,,رغم النبرة الحزينة اللى فيها الا انها اعطت طابع خاص

..............تسلم ايدك

هى مش ذكريات هى مذكرات او يوميات
وبخصوص نبرتها الحزينة ... فدى حاجة متوقعة جدا منى
ههههههههه
شكرا يا شمس على كلامك الرائع ده

Hollo كتب:: مفيش كلام يتقال ....لكن في ايد تصقف للابداع ده

من نجاج لنجاح ومن ابداع لابداع يا فنان الفنانين ان شاء الله

هههههههه ابداع ايه يا هوللو
مش اوى كده انا بحكى مش اكتر
شكرا يا كبيييييييييرة على كلامك الطعم ده
بييييس

ملاك الحب كتب:: ماشاء الله فى منتهى الجمال يا محمد وزى ما شيمو قالت بالضبط

شكرا ملاك الحب ....

جميله جدا
انا عشت جواها والله
دمت متالقا
منتظرين اعمالك

محمدسميرهجام كتب:

stop كتب:: مستنين باقى القصه ؟

قصة ايه ؟؟
دى ولا القصة اللى فى قسم كليتنا

لا دى

جميله جدا بجد و خصوصا الوصف للاماكن و للاشخاص
علشان نعيش القصه بجد
هزمت الكاتبه ج.ك.رولينج الي كتبت هاري بوتر الجزء الثانى من مذكراتى الشخصية 166815

انسان وفنان
يا رب دايما من نجاح لنجاح
شكر كبير على الموضوع دة تحديدا

خلاص هقول ايه انت قلت كل حاجه
بجد يا محمد كلامك بيعبر عن كل واحد فينا
ربنا يوفقك وتفضل تمتعنا علي طول

الجزء الثانى من مذكراتى الشخصية 219975

shereen كتب:: جميله جدا بجد و خصوصا الوصف للاماكن و للاشخاص
علشان نعيش القصه بجد
هزمت الكاتبه ج.ك.رولينج الي كتبت هاري بوتر

على فكرة لا قريت هارى بوتر ولا حتى شفت اى جزء من اجزاؤه
بس اكيد طبعا الكاتبة دى احسن منى بمراحل
ومفيش اساسا وجه للمقارنة
انا بحاول بس يا جماعة

bosi_cat كتب:: خلاص هقول ايه انت قلت كل حاجه
بجد يا محمد كلامك بيعبر عن كل واحد فينا
ربنا يوفقك وتفضل تمتعنا علي طول

شكرا يا كبيرة
اكيد برضه انتو بتعرفوا تعبروا
بس جربوا
وقبل ما تجربوا
لازم تقروا
كتير اوى
بيس

جيرسى كتب:: انسان وفنان
يا رب دايما من نجاح لنجاح
شكر كبير على الموضوع دة تحديدا

شكر كبير ليكى انتى على كلامك الجميل فى حقى
بيس

انا دائما فى حياتى اضع امام عيني هو ان اشجع واقف جنب اى حد يعمل حاجة كويسة او ان يكتب حاجة كويسة وده معروف عني
فى الموضوع ده موضوع زى الفل ومنتهى الجمال وطريقة الكتابة حلوة جدا
ودائما لابد ان اشيد بموضوعغك الجميل جدا
دمت متالق يا هوجو
بادلعك اهوه
علشان مكنش حرمك من حاجة
الجزء الثانى من مذكراتى الشخصية 302692

stop كتب:

محمدسميرهجام كتب:

stop كتب:: مستنين باقى القصه ؟

قصة ايه ؟؟
دى ولا القصة اللى فى قسم كليتنا

لا دى

دى مش قصص يا ستوب
دى مذكرات
الفرق شاسع بين الاتنين

Hareef كتب:: انا دائما فى حياتى اضع امام عيني هو ان اشجع واقف جنب اى حد يعمل حاجة كويسة او ان يكتب حاجة كويسة وده معروف عني
فى الموضوع ده موضوع زى الفل ومنتهى الجمال وطريقة الكتابة حلوة جدا
ودائما لابد ان اشيد بموضوعغك الجميل جدا
دمت متالق يا هوجو
بادلعك اهوه
علشان مكنش حرمك من حاجة

شكرا يا لولو ربنا يكرمك

لاتعليق ........... جبار

هو انت لسه مش بتحرم انت فاكر نفسك بنى ادم
مذكرات شخصية ههههههههههههههههههههههههههههههههههههههههههههههههههههههههههههههههههه

!!!!!!!!!

» من مذكراتى الشخصية ....
» كلمـــــــــــــــات تعشقها النساء لشاعر المرأة نـــــــــــــزار قبـــــــــــــــــــــانى
» قصص الانبياء... قصه سيدنا ادم عليه السلام..الجزء الثانى
» الجزء الثانى من يوميات بنت فى اداب دمياط ( بنت تنكة اوى )
» الـــكــريــزمــــا او الشخصية الجذابة