و الله اتخنقت موضوع مش هيعجب شويه اعضاء

سوري على الموضوع ده بس الموضوع زاد عن حده هنا
بمعنى ان كل ما بقيت ارد على موضوع فيه نقاش اتلاقيه قلب بخناق فجاءه
طييييييييب ليييييييه الخناق ما تقولوا رايكوا بالذوق لازم يعني تستخدموا صيغه التريقه في الكلام
لا و ايه يبقى اي حد موافق على الموضوع يبقى متخلف عقليا
ما كل واحد يخليه في حاله و يقول رايه و لو اتريق على اي رد او مقبلش راي حد فخلاص بقى يستحمل التريقه الي هتبقى عليه او الردود الموجهه ليه
لا و يا سلام لما تتلاقي واحد بيرد برد ملهوش علاقه بالموضوع و يصمم انه صح و يقووول انا صح انا لا اخطا ابداااااا انا سليييم ايه ده كله احنا بشر و بنخطا مهما كان خطانا تافه الا اننا بنخطا
و لا ايه بقى الناس المتخلفه الي يبقى بالنسبالها اي حد صغير يبقى مش فاهم حاجه و انه هو عبقرينو عصره و هو الي فاهم و محدش اده مع انه مش بيفهم حاجه
و يا سلام بقى على ردود السب الي كل واحد بيقولها للتاني
يااااااااه على هيافتنا و الله و كل واحد فينا يدخل يتشاكل و يقول على موضوع هايف طيب بما انه هايف كده بترد ليييه ما تمشي و خلاص طيب رديت و قولت هايف ما تتشطر و تكتب موضوع مش هايف

يا جماعه عندي سؤال كام واحد فيكوا يقدر يتكلم عن الحكومه وحش في المنتدى و ميخفش و دايما يتكلم وحش
سؤال تاني علشان كلكوا هتقولو انا اقدر
كااااااام واحد يقدر يتكلم بحريه عن الرئيس محمد مبارك ؟
كام واحد يقدر يقول انه من اول ما اخد المنصب و مصر بتموت او شايف انها بتتحضر
و مش يقوله كلمتين و يمشي لا انا اقصد يكون نقاش جامد جدا زي النقاشات الجامده جدا الي في المنتدى دي
و ميكنش موضوع منقول !
ما تتشطروا تعملو موضوع مش تافه و احنا هنتناقش زي ما انتو اخدين كل المواضيع تافهه
المواضيع مش تافهه ولا عمر ما هيكون فيه موضوع تافه احنا الي بنخليه تافهه بعقولنا الي عايزه غسيل دي
و محدش ياخد الموضوع على نفسه و النفسنه دي بقى
و الموضوع ده مش للنقاااش لان بسبب عضو انا اتخنقت من المنتدى كله بسببه لان الغريبه انه يشتم و يقل ذوقه اوي و بعدين يعتذر في رساله يكتشف انه فشل و بعدين يتريق تاني و لما ادخل علبه الدردشه يقول عايز اصلحك و بعدين يتريق تاني
ما عندي فكره تانيه ايه رايك يا عاقل يا كبير ما تسيبك مني و تخليك في حالك ارد زي ما انا عايزه و اقول رايي زي ما انا عايزه زي ما سبتك تقول رايك زي ما انت عايز و والله كل يوم اقول امسح عضويتي و بعدين استخسر هيعدي ايام كتير من غير ما اكلم الناس الي في المنتدى الي و الله ما شفت اجدع ناس زيهم و بجد متقدرش تقف من الضحك
الناس دي بحطها جنب البني ادم ده اقول لا طبعا مقدرش اسيب المنتدى و مكلمهمش كتير كده
الناس دي هي :
ستوب طبعا عشره سنين بالرغم ان دي و السنه الي فاتت اول مره نتكلم يها الا انها عشره سنين و احنا صغيرين
و شييمو العاقله الطيبه الي بجد اتلاقيتها حبوبه اوي و تحب اي حدو مش بتكره حد مهما عمل و بحب افهاتها
و هووووووووووللو طبعا الي لما بس بشوف اسمها بعد اضحك علشان هي عندها قدره تضحكك حتى لو شايل هم الدنيا على كتفه
و بردو تحس بقدرتها على استخدام عقلها في الردود عاليه جدا ما شاء الله طبعا مش بقر
و غيرهم طبعا بس دول اكتر ناس كلمتها في المنتدى و عرفتهم اكتر من المنتدى
فمبتراجع عن فكرتي كل مره لما بتكلم معاهم و الي مكلمهمش كتير مسح عضويته
اقولكم على حاجه واحده صاحبتي مسحت عضويتها لانها اكتشفت ان المنتدى تافهه بسبب طبعا المشاكل التافه مش المواضيع
و بردو بسبب تاني مش هينفع اقوله

و الله انا بفتح الرد و قولت اكيد هتهزق ولا تريقه كالعاده
شكرا يا مايكل على ردك و معرفش هيردو ولا لا بس قولت الموضوع مش للنقاش
بس مش هينفع ابعت اساميهم لان مش محتاجه اقول هما مين ردودهم تبينهم و طبعا مش هقولك طبعا قاطع مواضيعهم الموضوع الي يعجبك ترد فيه و مهما كانت مشكلتي مع عضو مقدرش اقول للي للاعضاء التانيه متردوش على مواضيعه
شكرا و الله على ذوقك يا مايكل و على ردك و خلى بالك لحسن ممكن يتريقوا على ردك لانك مؤيد للكلام و هما بيديقوا من الي بيايدو الكلام هما بيرفضو للرفض مش ان ده رايهم
شكرا مره تانيه على ردك يا مايكل

والله عندك حق يا شيرين من الردود اللى بقيت اشوفها فالمواضيع بقيت استهيف ناس كتير كنت بحترمهم للاسف ومش فاهمه كل واحد بيعتبر نفسه هو الصح بس مفيش انسان معفى من الخطا وكمان انا معتش بدخل المنتدى كتير للسبب نفسه بجد بقت حاجه تضايق حتى بعض مواضيعى معتش مهتمه بيها واللى بيدخلنى المنتدى الناس المحترمه اللى فيه واللى بتقول رايها وفى ناس كتير مفكره نفسها انها الشمعه التى تضىء المنتدى من اجل الاخرين طيب متبص لنفسك وشوف الاخطاء اللى انت بتعملها وفى ناس بتعمل مواضيع تغلط فالجنس الاخر سواء كان من الشباب او البنات مفيش حد فينا كامل كلنا سواسيه امام الله وانا مبقلش انى انا العاقله الراكزه اللى فالمنتدى بس بصراحه التفاهه ابتدت تكتر اووى فالمنتدى وساعات كتير بلاقى مواضيع تستحق الرد عليها ومواضيع ذات نقاش حاد للاسف محدش بيدخلها ويدخلوه المواضيع التافهه وتلاقى مكتوب فيها ردود بالصفحات طيب ماشى مقلنلكوش متدخلوش عالمواضيع العاديه بس كمان فى حاجات كبيره تستحق النقاش بصراحه اهنيكى واشكرك لانك ادتينى مجال للكلام فالحوار ده لانى بكل بساطه مكنتش هدخل المنتدى تانى الناس المحترمه اللى فيه واللى تستحق الرد على مواضيعها اشكرك تانى مره بجد وربنا يخليكى للمنتدى ولينا يارب

شكرا لردودكم يعني مطلعتش لوحدي اهو

انتو عارفين ايه الاغرب
هي رساله بالمنظر ده

دكتور لؤي كتب:

بص يا شاطرة انا محترمك لحد دلوقتى رغم انك بتغلطى
وانا سايبك ومبردتش عليكى وباكون مؤدب
فمتفكريش اننا مش قادر ارد عليك
لا اقدر عليكى وعلى اى حد
لاننا مش اسمحلك لا انتى ولا غير انك تردى عليا برد غير كويس
فاحسنلك ابعدى عنى لانك انتى مش قدى ولا حتى حد هيحميكى
فلو عاوز نرجع نحترم بعض على عينى وراسي
لو مش عاوزة يبعد ابعدى عن طريقي بدل ما تزعلي مني
انا طيب
اه
لكن اقبل ان اى حد يطاول عليا بافرمه على طول

هههههههههههههههههههههههه
لعب عيال و الله و تفاااهه
يعني المحترم بيفضل محترم مش محترم مع ناس و ناس لا
شيء غريب جدا
و حاجات غريبه و دي هي المواضيع التافهه

انتي عندك حق والله يا شيرين في كل كلمة قولتيها في المنتدى للاسف فيه ناس ما عندهاش ثقافة ادب الحوار و لو حتى بيبقى عندها حق فهي بتضيعه باسلوب الكلام االلي بيكتبوه.وبرافو عليكي انك ما سبتيش المنتدى لان كانت اكيد هتبقى خسارة لينا .انا صحيح لسه عضوة جديدة بس من كلامي معاكي حسيت انك زي اختي الصغيرة بالظبط .بس الحل للمشاكل دي ان كل واحد يحترم راي التاني واللي كاتب موضوع يحترم النقد الموجه ليه والا ما
كانش يكتبه وفي نفس الوقت اللي عايز يرد يكون رده ع الموضوع مش مجرد نقد لصاحب الموضوع وخلاص كنوع من تصفية الحسابات وخلاص.

شكرا لطرحك الموضوع يا شيري

اه و الله يا نور فعلا شيء غريب جدا
و زي ما قولت فعلا مش اعضاء متقدرش تعترف بخطاها
مش بقول كده ان انا مش بغلط بالعكس الانسان خطاء و انا بخطا العيب هو الاستمرار في نفس الخطا و عدم الاعتراف بيه لنفسك و مواجهه الناس بالخطا ده
شكرا على مرورك يا نور

شيررررررررررى حبيبت قلبى
من الاعضاء اللى اول ما اتعرفت عليها احترمتها جدااااا
شيرى متتخنقيش ولا حاجه يا قمرى خدى الامور ببساطه ونزلى المواضيع اللى تعجبك
واللى عاوز ينتقد اهلا وسهلا بالراى الاخر
الصراحه اول مره اشوف الصراعات دى كلها فى المنتدى
ما كان كويس وان شاءالله هيرجع كويس تانى بعد قرار الادمن بحذف اى رد او موضوع غير لائق
تحيااااااااااااااتى لك شيرى

انا كده عملت اللى عليا وده تعليقي فى موضوع فى القسم العام على الاستفتاء
شكرا