مسلسل (ام صلاح وعيالها حلاوتهم وصلاح وابوهم الفلاح)متجدد وحلقات ارجو التثبيت

[b]المسلسل ده انا الفته من واقع الحياه الاجتماعية اللى عيشينها وهو عبارة عن حلقات بتكلم عن واقع الحياه المصرية فى ايطار كوميدى اجتماعى وبعبر عن الى جوايا وجوه ناس كتير ويارب يعجبكم بداية اعرفكم بالشخصيات
المسلسل بطولة ام صلاح ودى ست بركة معاها الابتدائيةوعايشو عيشة بركاوى
بنتها حلاوتهم ينطبق عليها المثل اقلب القدرة على فمها تطلع البت لامها برده علامها عالاد ومكملتش الابتدائي
صلاح ابنها البكرى وبشتغل مع ابوه فى الارض بس واد ايه دماااااااغ
ابو العيال عم زكريا الفلاح راجل عسل ده بقي دبلوم زراعة وفلاح شاطر اوى[/b]
الحلقة الاولى
الساعة 7الصبح النهاردة ليلة الافتتاح
ام صلاح:بت ياحلاوتهم انتى يابت اصحى عندنا شغل كتير النهاردة انتى يابت
حلاوتهم:نعم ياما فى ايه سيبينى انام
ام صلاح:تنامى ايه يابت الست نورا طالبانا وهنروح البندر ياوش الفقر انتى عارفاها بنت اصول طول عمرها بتقول كدة عندها مناسبة بس مفهمتش معناته ايه الكلام الى قالته
حلاوتهم:خيرياما الست نورا هتجوز خلاص وبعتالنا عشان نساعدهم
ام صلاح:لايابت بقولك قالتلى كلمة الافرنكا مفهمتش منها حاجة كدة ومنيش عارفة بس لزمن نروح نشرفها بردك
حلاوتهم:هى قالتلك ايه ياما كلمة ايه دى ؟
ام صلاح:كلمة كدة زى مايكون بتقول فيستوك بيسبوك والله ماناعارفة معناتهاايه يابت جتك نيلة الكلام خدنا الساعة باقت 7ونص قومى عشان نلحق نتحضر ونروح
حلاوتهم :يوووووه ياما انتى تملى كدة انى ايمة اهوه
ام صلاح :قومى مشش فى ركبك
وطبعا حلاوتهم راحت عالحمام غسلت وشها ودلوقتى بقي راحوا يستعدو
حلاوتهم:اما بقولك الجلبية الزرقة حلوة ولاالبس الصفرة
ام صلاح:صفرة ايه ورزقة ايه بقولك عايزين نشرفها تقوليلي زرقة وصفرة روحى يابت البسي الفستان الالفرانكا الى عندك
حلاوتهم :طيب ياما
ام صلاح :امااقوم اتحضر انا رخرة يختى فين المكحلة فين الاحمر الى هحطه اهم والنبي ماحطتهم من يوم فرحى بي يلا لزمن نشرفهم دى الغالية بنت الغاليين
حلاوتهم:انى جهزت ياما اهوه
ام صلاح:بت ايه الى انتى حطتيه فى شعرك ده
حلاوتهم:ده زيت ياما على حبة جاز عشان يبقي منظرى حلو
ام صلاح :ايوة يختى اسم الله عليكى يمكن ربنا يجعلك نصيب فى اى حد وترجعى بعريس
حلاوتهم ال ايه مكسوفة:يوه ياما انتى تملى كدة
ام صلاح :يادى النيلة هنتاخر باقت الساعة 8ونص الساعة داخلة على تسعة يالهوتى هتجرسينا يابت

حلاوتهم:الا ياما بالحق صلاح وابويا جايين؟
ام صلاح:ايوة ياختى احنا هنسبق وهما هيحصلونا اصل عندهم شغل فى الارض
انى خلاص جهزت
حلاوتهم:ايه ده ياما ايه الحلاوة دى والنبي ماعمرى شفتك كدة
ام صلاح:اسكتى يبت دة حبة احمر وكحل عشان نبقي شبه بتوع البندر
حلاوتهم:هههههههههه ياحلاوة ياما ماتجيبى اما احطلى حبة
ام صلاح:اخرسي يابت تحطى ايه
حلاوتهم :يوه ياما تملى كسفانى
ام صلاح:لماتتخطبى يانضري اعملى الى انتى عايزاه

يلا يلا يلا هنتاخر
وطلعت البت وامها وفاتو على ابوها فى الارض
ام صلاح :ابو صلاح ابو صلاح
ابوصلاح:نعم ياولية عايزة ايه
ام صلاح:جاية اقولك اننا رايحين بقي للست نورا
ابوصلاح:ايييييييييييه دلوقتى
ام صلاح :ايوة دلوقتى
ابو صلاح:طيب خدى دول ياولية خليهم معاكى اختلهم زيارة ولاهتكسفينا
ام صلاح:خدت ياخويا خدت
ابو صلاح :طيب ياولية بالسلامة
وركبت ام صلاح وبنتها القطر ووصلوا عندى الساعة4
ودخلتهم الصالون
حلاوتهم:ازيك ياايلة ايه الحلاوة دى
ام صلاح :اخرسي يابت خمسة وخميسة بتشهقى فى وش الابلة كدة ليه
وانا بقي قمت ضاحكة وقلت اتفضلوا اتفضلوا
ام صلاح:خير ياابلة اول مرة تشيعلنا نجيلك بدرى
قلت معلش ياام صلاح تعبتك بس كان لازم النهاردة ليا زميلي فى الكلية هيفتتح جروب عالفيس بوك ولازم تكونى موجودة عشان تحصلنا البركة
ام صلاح:يامرارى وده كويس ولاوحش
مت من الضحك طبعا وقلتلها لاحلو ده عبارة عن حاجة كدة عملنها عشان نتجمع ونشغل مع بعض
حلاوتهم:يعنى ياابلة هنعمل فتة ونطلع صوانى ولاهنعمل ايه
ضحكت قلتلها لايابت الاحتفال هنا وشاورت عالكمبيوتر
ام صلاح:ايه ده فى التلافزيون ياابلة
قلتلها لا عالكمبيوتر
ام صلاح :كامبيوتر
قلتلها اه بس دى حاجة جميلة هتعجبكم وهفرجكم على فيلم كمان
بس المطلوب بقي زغاريط وتشجيع الساعة8باللظبط
حلاوتهم :ومالو ياابلة تحبي اوربكى
قلتلها لالالالالالالالالالا اناعارفة مواهبك مش دلوقتى
وبعدها قومتهم يتغدو طبعا
الساعة جت 7بالليل والنت معلق واناقلت ايه ده النت مش موجود
ام صلاح:رقعت بالصوت يالهوى طفش ياابلة هوفين وانااحفاهولك
قلتلها لالا اعدى مرتاحة دى حاجة خاصة بالاحتفال
وبعدين جه ببطء قلت الحمدلله
ام صلاح جه ياابلة:قلت اه الحمدلله
وبعدين الساعة 7ونص
ام صلاح :ابلة هماالناسهييجم هنا ازاى قلتلها لما يجوا هقولك قالتلى طيب
واول بقي ماالساعة جت 8
فجاه ام صلاح..................................
البقية الحلقة القادمة سلام

شكرااااااااااااااااااااااااااااااااااااااااااااااااا
على الموضوع

ليه ياما عايزاه قصير ليه ده عاجب الناس جدا ده بالعند فيكى نازل فى كل حتة يعنى مكان ماتروحى هتلاقيه

شكرا كتييييير يا نورا على المسلسل
شكرا على الموضوع

شكراااااااااااااا
على الموضوع

شكرا ليكى على الموضوع

الله عليك
مسلسل رائع
مؤلفة مبدعة

هههههههههههه حلو أوي , المسلسل مش هيكمل ولا أيه يا نورا يا جميلة

شكرا يا نورا WE ARE WAITING

والله متميزه يا نورا شكرا يا قمر على الموضوع اللذيذ دا

شكرا ليكى يا نورا على الموضوع

جميلة يا حجة نورا
يارب تكونى كاتبة متالقة

مسلسل جميل والاحمل انو ميكونش الوان يا ريت ابيض و اسود

شكرا لك دمتى متالقة

ميرسي لكل حبايبى احلى اعضاء اللى ردوا انا اسفة اعتزر عن انقطاعى لكن اوعدم انى هنزل الحلقة الجديدة حالا

الحلقة 4
(وداعا للخرافات)

ام صلاح:بقولك ياابلة ايه رايك لماالفجر يشقشق نقوم رايحين كلاتنا البلد
قلتلها ارجوكى حرام عليكى ارحمينى من اقتراحاتك الذهبية دى دلوقتى
ام صلاح:ذهبية ايه ياابلة هونى بشبكك هههههههههههههههخخخ
قلت فى بالى خفة اوى وده وقت تهرجى فيه وابتسمت ابتسامة صفراء
حلاوتهم:ياابلة خدى كلامى للاخر زى مابتقولى ده كلام امى هيعجبك اوى
قلت طيب اشجونى وانادماغى هطق ونفسي انام
ام صلاح:شوفى ياابلة انارايي
قلتلها انا وكمان رايي ماشاءالله ياام صلاح التليفزيون اثرعليكى
ام صلاح:ههههههههههههخخخخخ يووووه ياابلة ده انى مثافة وعارفة كل حاجة
قلت مثافة وبعدين قلت اه تقصدمثقفة
قلت طيب الفجر اصاده ساعةويدن ارحمونى والنبي نفسي انام وانتوا منطقتوش بحرف قولوا بقي
ام صلاح وحلاوتهم فى نفس واحد:احنا عايزينك تيجى البلد معانا قلتى ايه
وساعتها امت طبة فى السرير منطقتش ولابحرف
ام صلاح:ياجرستى بت ياحلاوتهم هى حصلها ايه
حلاوتهم:معرفش ياما اجبلها حبة سكر ولاحبة نشادر
ساعتها قمت وقلت متتخضوش ده تاثيرالمفاجئة عليا
ام صلاح: انتى كويسة ياما مالك
حلاوتهم:لاياما لادى مش الست نورا بين ركب عليها اللهم مااحفظنا يجعل كلامنا خفيف عليهم من البطنية ام نمر
قلت بزعيق انتى يابنت قلتلك مفيش حاجة اسمها عفاريت اه الجن اتزكر فى القران لكن لاعمره مايطلع ويلبس بنى ادم انتى فعلا مجنونة ومدارس ايه اللى انتى دخلتيها دى
صوت الزعيق صحى صلاح وعم زكريا
صلاح:خيرياابلة مالك بتشتكى من حاجة
قلت امك واختك هيهبلونى عشان سرحت فى كلامهم ورحت فى النوم واتفاجئت لماقالولى عايزنى اروح معاكم البلد فكرونى قلبت عفريت ده كلام ياصلاح
صلاح:لاياما الكلام ده كدة زاد عن حده قوى قوى ايه ياما اللى انتى بتقوليه ده انتى ست موحدة ومامنة بالله
حلاوتهم:لاياخويه ابدا ده عفريت من البطنية الى اتغاطاتوا به
صلاح:بت انتى ياخرفانة الفرش زى الفل والبطنية100فل و10وانتى تتكتمى بدل مابالله العظيم.........
قلت لاياصلاح متحلفش على حاجة اسكت خلاص بس هى لازم تبطل اللى فى دماغها دى
عم زكريا كان واقف وسط هذه الخناقشات وكلاكيت خناقشات تانى مرة
عم زكريا وبكل هدوء:صلى عالنبي يابنتى واستغفرى ربناعشان تهدى
قلت:اللهم اما صلي وسلم وبارك على سيدنا محمد وعلى اله وصحبه وسلم استغفرالله العظيم من كل زنب عظيم
عم زكريا:ايوة كدة يابنتى اهدى كدة
قلت ماهو مش معقول اللى فى دماغ مراتك وبنتك ده اناهتشل
حلاوتهم اشتغلت فى العياط:كدة ياابلة كلكم علياوبتزعقولى هو انى يعنى عملت ايه امى قالتلى كدة
عم زكريا:بتقولى مين؟امك
ام صلاح مكسوفة وملبوخة:انى....انى قلت اوعيها واعرفها كل حاجة.اه
عم زكريا:تعرفيها ايه وتعلميها ايه حسبى الله ونعم الوكيل حسبي الله ونعم الوكيل
المرة دى كلنا بصينا لام صلاح وقلنا لعم زكريا اهدى
صلاح:كدة ياما ده اللى ابويا حزرك منه يرضيكى حالته دى وتعصبيه
ام صلاح:يقطعنى ماكنت اقصد والله مااقصد
وفجاه الفجر يدن
قمت قلتلهم...........

جميلة جدا يا نورا
تسلم ايديكي يا كبيرة المؤلفين

هاااااااااااااااااااا و بعدين

تسلم ايديكى يا نورا شكرا ليكى

جميلة جدا يا نورا
تسلم ايديكي يا كبيرة المؤلفين

تسلم افكارك يا نونتى ربنا يوفقك يا رب وجميله جدااااااااااااا منتظرين الباقى

هههههههههههههههه ماشي ياقمرات وانا اهو جيت بالحلقة الجديدة

الحلقة (5)
(ليلة اقتراح ام صلاح وحلاوتهم)
قلتلهم الفجر ادن صلوا عالنبي ياجماعة خلاص ياعم زكريا استهدى بالله ام صلاح عرفت غلطها وان مفيش حاجة اسمهاعفاريت وان كل ده تخاريف بصيت لام صلاح وحلاوتهم بصه صعبة وقلتلهم مش كدة ولاايه؟
ام صلاح وحلاوتهم فى نفس واحد:ايوة صح ايوة
ورحنا كلنا نتوضى ونصلي الفجر عم زكريا وصلاح راحوا المسجد وانااخدت ام صلاح وحلاوتهم ورحنا نصلي وقصدت انى ادخلهم يصلوا فى الاوضة اللى فيها بطنية عليها نمر عشان اشوف فعلا صدقوا كلامنا ولالا
ام صلاح:هنصلي هنا ياابلة
قلت:ايوة
حلاوتهم:قالت حاضر هنصلي هنا
بعدالصلاه قلتلهم انتوا اللى هتناموا هنا
ام صلاح:احنا لسة هنام ياابلة احنا........
وقبل ماتكمل قلتلها اناعايزة انام وارتاح واحنا لسة بدرى مش معقول هقوم اروح فى اى حتة دلوقتى
حلاوتهم:ابلة احناهنام هنا طيب ابويا وصلاح هيناموا فين
قلت :مكانكم عندك مانع ياحلاوتهم هانم؟
حلاوتهم:لالالاخالص
قلت:عن ازنكم
حلاوتهم:ابلة
قلت:نعم
حلاوتهم:والنبي ماتزعلى منى اناصدقت وامنت ان مفيش حاجة اسمهاعفاريت
قلت:خلاص مش زعلانه منك اناهعد استنى برة ابوكى واخوكى يرجعوا عشان افتحلهم
حلاوتهم:طيب ياست نورا ربنايخليكى
طبطبت عليها وابتسمت قلتلها ويخليكى ليا
فجاه الباب خبط ورجع عم زكريا وصلاح فتحتلهم
قلت:عامل ايه يا عم زكريا؟
عم زكريا:الحمدلله يابنتى والنبي ماتكونى زعلانه ابدا اناعارف انها زودتها اعمل ايه قالة قيمتى فى اى حتة
قلتله لالالامتقولوش كدة دى الخير والبركة
صلاح:ربنا يخليكى يارب وميحرمناش منك
قلت:ولامنكم يارب
اناهروح انام معدتش قادرة وتعبانةوانتوا ريحوا شويه وبعد مامشيت مسافة
قلت:اه من الحق انتوا هتناموا هنا وشاورت عالاوضه اللى كان فيها حلاوتهم وامها
صلاح:ايه ده؟اماال امى واختى راحوا فين
قلت:راحوا مكانكم
عم زكريا وصلاح:ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
قلتلهم والله بجد راحوا مكانكم
صلاح:طبعا غيرت البطنية حلاوتهم
قلت: لاطبعا حلاوتهم امنت ان مفيش عفاريت وراحت نامت فى نفس مكانكم
عم زكريا:احمدك واشكر فضلك يارب
صلاح:والنبي ياابلة انتى قدم الخير علينا ادى مشكلة خلصنا منها بس كان يعنى لزمن شويه الزعيق وتعكيرالمزاج ده
قلت:وانابتاوب يلامعلش اناهروح انام بقي معدتش قادرة
صلاح:ايوة واحنا كمان احنا لسة ورانا سفر الاانتى ياابلة جاية معانا؟
قلتله سيبنى انام ومااصحى اقولك وكلنا رحنا ننام

اية دا يا حجة تسلم ايدك

دمتى متالقة