مقالتى مبسوطة يا مصر .. جريدة منبر الحرية

من نفسى

مبسوطة يا مصر

بقلم / محمد بربر

صديقى المواطن المصرى .. صباحك فل .. صباح يودع كنافة رمضان وصلاة التراويح وآذان الشيخ رفعت الذى يفتح شهيتك .. صباح يفتقد إلى لمة العيلة وصواريخ الأطفال المزعجة وفوانيس الصين المستوردة صباح يترحم على ليالى الشهر الكريم الذى ما إن تفرح بقدومه وتستعد لاستقباله حتى تكتشف أنه رحل ... هى اذن الأوقات الطيبة وكل عام وأنت بخير وسعيد بفوز النادى الأهلى على كل فرق مصر حتى كاد أن يهزم نفسه كل عام وعيد الفطر يجمعنا وفى مثل هذه المناسبة الكريمة لا يفوتنى أن أتقدم بخالص التهانى القلبية والدعوات والأمنيات وكل ما لذ وطاب إلى الحكومة النظيفة ونخص بالذكر كل مرتادى المقاهى الشعبية والكافيهات الافرنجية كل عام والحشيش أصبح المشروب الرسمى لشباب بلادنا أطفال الماضى ، معاقين اليوم

، كل سنة ومصر بخير وربنا يبعد عننا قضايا الفساد وطول لسان العباد ، ويكفينا شر قضية فساد كل دقيقتين و10 مليون عانس كل سنة ومصر بتكرم الشرفاء واللى بيتصدى للفساد يلقى فورا الجزاء المبين .. شحنة القمح الفاسد دخلت برضه يا دكتور نظيف ولما المسئول الشريف المحترم رفض دخولها ورفض الرشاوى بالملايين نقلوه من الحجر الصحى إلى التموين ودخل القمح المشع الفاسد من ميناء الاسكندرية كل سنة وقمحنا فاسد كل سنة والواسطة هى الحل حتى لو تولت الراقصة اللولبية فيفى عبده مشيخة الأزهر أو تولى المطرب العنبى بعرور رئاسة جامعة القاهرة .. كل سنة والفراخ عندها انفلونزا وكيلو اللحمة أصبح حلم الغلابة كل سنة وشعبان عبد الرحيم نجم البرامج التليفزيونية ، بينما الدكتور زويل نجم المنتديات العلمية الأمريكية كل سنة والشعب بيتخانق على رغيف العيش واسرائيل بتتخانق على الرؤؤس النووية ، كل سنة والأحزاب أليفة والصحافة لطيفة ، والوزرا بيصيفوا فى مارينا والمواطن غرقان فى الطينة ، كل سنة ومصر تحتل المركز الأول فى الفشل الكلوى والكبد والأمراض السرطانية ووكيل وزارة الصحة هو نفسه عضو مجلس الشورى هو نفسه من يرفض مقابلة الصحفيين هو نفسه الذى تحولت على يديه المستشفيات إلى أوكار والسرقة فيها عينى عينك

، كل سنة والأثاث الدمياطى يتحول إلى قش للتصدير والتاجر بينهب من البلد فى كل مرة 40 مليون جنيه ، أتذكر والدى الكريم وهو ينصحنى منذ سنين (أطب مطعمك وكن ممن يتحرى الحلال فى حياته)، كل سنة والشباب مسقط البنطلون والبنات مسقطة نفسها ودكتور نظيف وحكومته مسطقين شبكة وأعضاء مجلس الشعب مسقطين الشعب ، كل سنة والضرايب مع بطرس فى أمان ، كل سنة وتامر حسنى بيغنى لحبيبته ويقول لها ( خليها تاكلك ) ، كل سنة وتامر أمين بيشكر المسئولين على اهتمامهم بالمواطنين فى برنامجه ( البيض بيضك ) ، كل سنة والاعلام بيمنتج فى الحقيقة لغاية لما تاهت الحقيقة ، كل سنة والاتاوة ظاهرة صحية فى الشوارع المصرية ورخصة المرور بألف جنيه فقط مع الأوكازيون ، كل سنة وانتخابات الوحدات القاعدية تتم بنزاهة وشفافية وده بفضل حكمة وذكاء وحنكة وفهلوة القيادات الحزبية

، كل سنة والناس بتسأل نفسها .. مين معانا ومين ضدنا ؟ ، كل سنة واحنا طيبين و ساكتين وسالمين وبندفع فواتير على مية مقطوعة والغاز بيتصدر لاسرائيل ، عزيزى المواطن المصرى من قاهرة المعز مرورا بالمنيا وسوهاج وبورسعيد واسكندرية وانتهاء بدمياط ، اصبر وصابر واحتسب وهندخل كاس العالم رغم أنف شوبير، توكل على الله هو وحده القوى والمنتقم والجبار ومخلصنا من الذنوب والمعاصى والآثام وخطايا المغضوب عليهم ومحتكرى الشعب ولا عزاء للضمير ، فقط

أغمض عينيك ... خذ نفس عميق واضحك من أعماق قلبك .وقل الحمد لله.. مبسوطة يا مصر .

جريدة منبر الحرية .. عدد سبتمبر

جميلة اوى المقالة دى لفتت نظرى فى الجورنال وقريتها ع الورق وعجبتنى جدا والله

دمت متالق دائما ف كتاباتك مقالتى مبسوطة يا مصر .. جريدة منبر الحرية 166815

والله لوقولت كل الشكر ع الموضوع دة ما يكفى

بجد المقاله اكتر من رائعة لانك بالفعل جمعت فيها كل مصر ودة تميز منك

بالتوفيق وللامام

مقالتى مبسوطة يا مصر .. جريدة منبر الحرية 928775

مقالتى مبسوطة يا مصر .. جريدة منبر الحرية 928775

جميلة جدا
والمواطن المصري الغلبان لا حول له ولا قوة
ولا نملك الا الدعاء يا بربر على كل من حول البلد الى قطعة من ارض ليس فيها نبات
شكرا ليك يا عسل مقالتى مبسوطة يا مصر .. جريدة منبر الحرية 166815

ارفع قبعتي احتراما على موضوع الرائع

محمدسميرهجام كتب:: جميلة اوى المقالة دى لفتت نظرى فى الجورنال وقريتها ع الورق وعجبتنى جدا والله

ربنا يخليك يا محمد

مقالة جميلة اوي

بس مصر اكيد هتبقى مبسوطة لان فيها انسان زيك يا محمد مقالتى مبسوطة يا مصر .. جريدة منبر الحرية 632484

point of view كتب:: دمت متالق دائما ف كتاباتك

والله لوقولت كل الشكر ع الموضوع دة ما يكفى

بجد المقاله اكتر من رائعة لانك بالفعل جمعت فيها كل مصر ودة تميز منك

بالتوفيق وللامام

انا سعيد جدا بكلامك الجميل

وبشكرك جدا جدا

الله عليك بجد يا بربر
والله كلامك جميل جدااااااااااا..ولامس حاجات كتير اوي في حياتنا
وكل سنة واحنا بنضرب اكفاف ومش عارفين ناخد حقنا من البلد دي..يا عيني علينا قلبت المواجع
دمت متالق بجد

المقالة جميلة بصراحة ربنا يوفقك مقالتى مبسوطة يا مصر .. جريدة منبر الحرية 977193

اكيد هنضحك بسخرية على اللى بيحصل فى بلدنا وانت موضح كل شىء فى المقال الاكثر من رائع دة يا محمد ,,,,, تسلم ايدك ,,, وبالتوفيق دايما ان شاء الله

هههههههههههههههههههههه
تسدق اما اخدت نفس قعدت ادحك فعلا مقالتى مبسوطة يا مصر .. جريدة منبر الحرية 62621

بجدبجد ميرسييي كتير يا محمد من هنا لبكره ومش هيكفي
ع المقاله الجميييله دي بجد ما شاء الله خطيره..
وربنا ياارب يوفقك ويرفع من شأنك مقالتى مبسوطة يا مصر .. جريدة منبر الحرية 219975

مقالتى مبسوطة يا مصر .. جريدة منبر الحرية 219975

HAREEF كتب:: جميلة جدا
والمواطن المصري الغلبان لا حول له ولا قوة
ولا نملك الا الدعاء يا بربر على كل من حول البلد الى قطعة من ارض ليس فيها نبات
شكرا ليك يا عسل
ارفع قبعتي احتراما على موضوع الرائع

ميرسى ليك يا لؤى

يكفينى كلامك مقالتى مبسوطة يا مصر .. جريدة منبر الحرية 977193

جميلة لكن انا حسة ومش عارفة لية انو هيجى اليوم الى مصر هتبقى فية حلوة صدقنى مقالتى مبسوطة يا مصر .. جريدة منبر الحرية 977193

وكل سنة وموهبتك تكبر وتقوى وكل سنة وقلمك سلاحك
وكل سنة وانت موفق باذن الله رب العالمين

مشكور يا محمد
ويا رب نشوفك دايما فى تميز

noor كتب:: مقالة جميلة اوي

بس مصر اكيد هتبقى مبسوطة لان فيها انسان زيك يا محمد

ربنا يخليكى بجد .. أحرجتينى .. ألف شكرا ليكى

semsema كتب:: الله عليك بجد يا بربر
والله كلامك جميل جدااااااااااا..ولامس حاجات كتير اوي في حياتنا
وكل سنة واحنا بنضرب اكفاف ومش عارفين ناخد حقنا من البلد دي..يا عيني علينا قلبت المواجع
دمت متالق بجد

ميرسى كتيييييييييييييييييييير سمسمة

العجوزة الشريرة كتب:: المقالة جميلة بصراحة ربنا يوفقك

أشكرك

ايه يا بني الجمال ده

انت لسانا المقطوع

مقالتى مبسوطة يا مصر .. جريدة منبر الحرية 166815

الله عليك يا بربر مقاله جميله اوى ,

تسلم يا برنس .

مقالتى مبسوطة يا مصر .. جريدة منبر الحرية 632484

جيرسى

لك خالص تقديرى على ردك الذى شرفنى

للجميع محبتى

اول كلمة قلتها بعد ماخلصت قرائتها فى الجرنال تسلم ايديك
وبقولهالك تانى بجد تسلم ايديك

تسلم كل كلمة قلتوها يا أحلى زملاء

محمد انا مش عارف اقولك ايه علي مقالاتك
بجد جميله

» حفلة عيد ميلاد جريدة منبر الحرية هى تتالق فى الحفل الكبير
» ء الوضوع ولك الحرية في الرد
» قصة مكتوبة في ورقة جريدة قديمة‎
» تعالو نشوف جريدة عام ...( 2070 )
» هذا .. مواطن دمياطى .. جريدة الدستور