انت تسأل واللى بعدك يجاوب ..لو سمحتم ادخلوا

الحقيقه انا دورت كتير على طريقه نتعرف بيها على بعضننا
-طريقه للحوار -

- طريقه للفضفضه -

- طريقه يدخل بيها كل واحد جوه التانى -

- يعرف مشاكله -

-همومه -

- يعرف ايه اكتر حاجه بتفرحه-

- اكتر حاجه بتضايقه -

- مين اقرب واحد له في الدنيا --

حاولت اعمل موضوع فيه الاسئله دى كلها -

- موضوع يدخل فيه كل عضو ويجاوب على الاسئله اللى موجوده -- ولكنى وجدت انها طريقه تخلو من عنصر المشاركه -
كل عضو يدخل يسأل سؤال -- واللى بعده يجاوب عليه --
وهكذااااا
وبكده يبقى الكل عليه الدور وكل مره تدخل فيها تلاقى سؤال جديد تجاوب عليه --
ونكون ف النهايه وصلنا للهدف المطلوب وهو
1- التعارف
2- الفضفضه
وانتظر المزيد من المشاركات
سؤالى لكم
ما أمنيتك في الحياة ؟؟؟
نرجو المشاركه إخواني وأخواتي
بارك الله فيكم

انت تسأل واللى بعدك يجاوب ..لو سمحتم ادخلوا

أمنيتي في الحياة هي دعاء كل يوم بدعيه لربنا
"رب أوزعني ان اشكر نعمتك التي أنعمت عليا وعلي والداي وأن أعمل صالحا ترضاه وألحقني برحمتك في عبادك الصالحين"
سؤالي للي بعدي هو

موضوع جميل يا حريف كالعادة يعنى
وأرد على سؤال عمر ان لو حصل دة لقدر الله انا هتعب جامد لان فجأة الشخص اللى كنت بتحكيله كل حاجة وبترتاح معاه ضاع منك صعبة جدااااااااااااااااااااا


سؤالى للى بعدى هو:
هل انت راضى عن نفسك؟؟؟

الحمد لله راضيه عن نفسي بنسبه كبيرة
سؤالي للبعدي

في حاجه حصلت لك أثرت في حياتك؟

ياااااااااااااااه دي حاجات مش حاجة واحدة أحداث سعيدة وحوادث محزنة بس الحمدلله دايما بحاول اركز علي الجانب الايجابي من اي تجربة بمر بيها لاني مؤمنة بمبدا ان وراء كل تجربة حكمة ووراء كل حكمة توجد رسالة الهية تهدف لوصول الانسان لمستوي اعلي من النمو والادراك "اتعلمتها كده في التنمية البشرية"
سؤالي للي بعدي:
ايه هوه اكتر كاتب بتحس انك بتتمزج "بتستمتع " بكلامه واسلوبه وياتري اثر فيك؟ وازاي؟

بواجهه المشكله وبحاول احلها ولو مقدرتش عليها بحاول اخلى صديقتى المقربه تشاركنى فيها
السؤال للى بعدى
ايه اكتر صدمه خدتها فحياتك؟

صدمات عديدة جدا واجهتنى بس دايما باقول الشاطر اللى يكمل طريقه ولا يياس من رحمة الله ولا يياس من نفسه
ويثق فى الله ثم فى نفسه ولا يجعل حياته سوداء
السؤال هل تعرضت لاى خيانة

الحمد لله مااتعرضتش لخيانة
على فكرة الموضوع جامد ياكبير
سؤالى للى بعدى
اكتر انسان بتحبه فى حياتك دلوقتى؟

والدي ووالدتي الاتنين مكانتهم واحدة واقرب مني ليا

ياتري عملت ايه في النتيجة؟

موضوع جامد يا حريف ودايما فى المقدمة ان شاء الله وردى على بياترس نجحت عدت الحمد لله وخيرها فى غيرها زى ما بيقولوا

---

وسؤالى للبعدى ايه اكتر وقت حسيت انك فيه فرحت بجد من قلبك سواء لحظة يوم شهر سنة على طول المهم الصدق وما تخافوش من غير حسد؟

ايه اكتر وقت حسيت انك فيه فرحت بجد من قلبك سواء لحظة يوم شهر سنة على طول المهم الصدق وما تخافوش من غير حسد؟
يااااااااااااااة حاجات كتير مثلا يوم لما بنجح وكمان لما بلاقي حد من اصحابي بيحبني من غير غرض وكمان لما بكون بحب حد وأعرف ان هو بيبدلني نفس الشعور.
سؤالي للبعدي عمرك دعيت لربنة دعوة كنت مفكر بينك وبين نفسك ان هي مستحيل تتحققلك واتحققت بالفعل؟
وبجد يا حريف موضوع جميل أوووووووووووووووي

بص يا بوسى الثقة فى الله شىء مهم
انا بابقى واثق فى ربنا ان ربنا مش هيضعينى ويوقف بجانبى
والدعاء سلاح المؤمن
وقل ادعونى استجب لكم
فالدعاء قد يتغير من الحال الى الحال
قالثقة فى الله ثم الثقة فى النفس
السؤال
هل انت مرتاح نفسيا ؟

السؤال
هل انت مرتاح نفسيا ؟

---

اشعر بالاسف وانا بجاوب بس بالامانة فى الفترة الاخيرة مش مرتاحة نفسيا على الاطلاق ويا رب الى جاى يكون احسن ان شاء الله

---

وسؤالى هل كلمة انا اسف/اسفة صعبة عندك ولالا ولاى مدى؟

انا اساسا متعودة انى لما اغلطت لازم اتساف للى غلطت فى حقه

بس مستحيل اتاسف لحد غلطت فى حقى الاول زى مغلط فى حقى الاول لازم يتاسف الاول

ميرسى على الموضوع

ام عن سؤالى فهو

الوقت الى حسيت فيه انك ضعيف وعاجز وغيرقادرعلى عمل اى شئ ؟؟؟؟؟؟؟؟

صعب اشوف الوقت ده بصراحه

لانى لو عاجز وضعيف بكون قادر على عمل شئ واحد وهو بموت من الضحك



كم عدد الولايات المتحده الامريكيه؟

خمسين ولايةولاية. الولايات المتحدة هي ثالث دول العالم من حيث عدد السكان، وأحد القوى العظمى في العالم، يعتمد الاقتصاد العالمي بشكل كبير جداً عليه



ايه الاكل المفضلة ليك

الشوكلاتة بس اكتر حاجة بحبها .


لوكسبت 3 مليون دولار واخد بالك دولار شوف بقا الدولار بكام النهاردة في برنامج مثلا هتعمل بيهم اييييييييييه؟

اول حاجة هعملها طبعا
هتبرع بجزء كبير للمحتاجين
تاني حاجة هروح احج
تالت حاجة هروح اعمل shoping
وطبعا هروح اتفسح
و اعمل مشروع كبير اوي بس مش في دماغي دلوقتي
ممكن جريدة
سؤالي للبعدي
ماهو اتعس يوم في حياتك ؟

هما اكتر ايامى اتنين
عند موت عمى و موت جدتى
سؤالى للبعدى
ماهى اكتر مرحلة فى عمرك عشتها بسعادة ؟

يعنى وعندى 3 سنين كده

ههههههههههههههههههه

هم كلهم على بعض 13 اختارى انتى بقى يا هنا اى سنة او مرحلة


سؤالى :: مجموعك كااااااااام الترم ده

هجوبك عليه ان شاء الله فى نص شهر 4 تقريبا

على فكره يا حريف عدد الولايات المتحده51


اذكر شبكه الموبيل التى تنتمى اليها " حد ادنى للاجابه كلمتين" ؟

مجموعى عادى يعنى مش شرط اقولة
هو مش و حش وطلعة من الاوائل بس مش مشكلة
سؤالى للبعدى
مين اكتر شخص او اى شخيه ابلتها فى حياتك تاثرت بيه اوى ؟